رواية نيران نجع الهوى(18_ الأخير)بقلم هدير دودو
– شوفتي يا عهد بجيت أني ست النچع وإنتيّ إهنيه شغالة عنديّ لحد ما يوافج حسن باللي رايدة اعمله فيكي، شوفتي حقي هيرچع منيكي كيف وانتي جلبك مجهور على فراق چوزك.
اتسعت ابتسامتها الشامتة وتحدثت بغرور:
– من دلوك تنزلي المطبخ تخدمي مع الخدم، والله لو ما لجيتك واقفة تعملي اللي رايداه لاتشوفي اللي عمرك ما شوفتيه مني جبل سابج.
تحدثت عهد بجدية وهي تقف قبالتها بقوة لا تدري من أين حصلت عليها:
– بس أني مهفضلش إهنيه، أني هبجى چار چوزي.
طالعتها ببرود واقتربت هامسة بسخرية:
– لو عرفتي تخرچي من إهنيه بعد اللي حسن عامله عليكيّ ابجي تعالي جابليني يا بت هنية، دلوك هتبجي كيف أمك وتخدمي علينا وحتى بواجي الوحل مهتطوليهوش.
دفعتها بقوة وولجت هي إلى حسن بابتسامة واسعة:
– مبروك يا كَبير صبرت ونولت حجك وزيادة يا ولد أخوي.
رأت الجرح المتواجد في رأسه فصرخت بدهشة:
– يا مريّ بت هنية هي اللي عملت إكده.
أومأ برأسه أمامًا وتابع بتأكيد غاضب:
– هي يا عمة بس والله ما ارتاح ولا يهدالي بال غير لما اكسرها واخد حجي منيها.
أجابته معترضة بتفكير ماكر:
– وعلى إيه وچع الدماغ ده كله أنت وراك شغلك ومفاضيش لبت هنية هي ديتها كيف ما جولتلك، نرميها في الچبل وسط الديابة ونخلصُ منيها، اسمع كلامي يا ولدي تكسب.
فكر في حديثها وحرك رأسه بتأكيد بعدما اقتنع لكنه استرسل حديثه بجدية:
– هيحصُل يا عمة بس بعد ما اخد منيها اللي رايده وكمان لچل ما نفتح العيون علينا دلوك.
ابتسمت بسعادة بعدما حققت كل ما تريده وسارت نحو الخارج وهي تشعر يتراقص قلبها، سارت متجهة نحو المطبخ وجدت عهد تجلس بداخله تبكي بانهيار بعدما ارتدت عباءة صفية، وقلبها يؤلمها خوفًا من فقدان زوجها، طالعتها بجدية وصاحت بها بعنف:
– جومي فزي، أنتي قاعدة ليه إكده، يلا چهزي الوكل لچل ما نرحب بالكَبير.
تطلعت نحو صفية و العاملة الأخرى التي تساعدها وأردفت بحدة:
– إياكي يا بت أنتي وهي اعرف إنها داجت لقمة واحدة من الوكل والله لأكون حرماكم منيه.
جعلتها تنهض لتقف مع الخدم وتساعدهم، هي الأن ليست في حالة جيدة حتى تتحدث، كل ذلك لا يعنيها هي فقط تفكر في زوجها وحالته، هل هو الآن أصبح بخير كما تتمنى أم أن حديثهم صحيح ورحل وتركها دون أن يودعها، تعالى نجيبها من جديد وهي تقف تساعد في إعداد الطعام بذهن شارد الذي تم وضعه فوق المائدة، وعادت مرة أخرى نحو المطبخ تستكمل بكاءها، اقتربت صفية تحتضنها بحنان وهي تشعر بالحزن لأجلها، أردفت هامسة بهدوء:
