رواية عدوي بين ثنايا قلبي(الفصل الخمسون إلى الأخير)بقلم نهال سليم | Complete Romance Novel
هتفت عفاف بتوسل شديد قائلة :
– يا ناجي عشان خاطري سيبه ماتأذيهوش
أمسك به ثلاثة رجال ليجعلوه ينهض بينما هو تلوى بين يديهم بعنف وهو يهتف بحده :
– ماتبقاش وسخ يا ناجي وتتحامى في واحده ، انا جيتلك زي ما طلبت عاوز منها إيه تاني ؟
ثبته الرجال بعمود ضخم ليحيطوا جسده بالحبال الغليظه وهم يكبلوه بينما هو يحرك جسده بعنف وهو يلهث بشده رامقا ناجي بنظراته الغاضبه ، تحدث ناجي بسخريه وهو يتجه نحوه :
– لسه الحفله ما إبتدتش يا إبن زين
لحظات ليقاطعهم صوت أحد رجاله وهو يدلف لهم قائلا :
– الضيف وصل يا باشا
إبتسم ناجي وهو يرفع يديه عاليا قائلا :
– كده نبتدي الحفله بقى
نظر كلا من مراد وعفاف بترقب شديد لينتبه كلاهما إلى وقع الخطوات التي تدلف بالغرفه لتتجه نحوهما
جحظت عينيه بشده وهو ينظر نحو زوجته التي تتحرك ببطئ نحو ناجي بينما هتفت عفاف بغير تصديق :
– إيلين إيه اللي جابك هنا وإيه اللي عمل فيكي كده ؟
تلوى مراد بعنف شديد وهو يهتف بحده عاليه :
– إيه اللي جابك هنا يا وسخه ؟ جايه عند الزباله اللي مشغلينك يا حقيره …
أحاطت بطنها بإحدى يديها لتنظر له بأعين مليئه بالعبرات وهي تبتلع ريقها بصعوبه متذكرة ما حدث منذ قليل
Flash Back
جافى النوم عينيها لحظات ليصدع رنين هاتفها النقال لتلتقطه لتقوم بفتحه ، لم يجيبهاأحد فقط كل ما وصل لمسامعها هو صوت حبيبها وهو يهتف عاليا بناجي مهددا له بينما الآخر يجيبه بسخريه
فقط تنصت لما يدور وعبراتها تهطل على وجنتيها بصمت ليأتي صوته الحاد بعد دقائق هاتفا :
– ربع ساعه وتكوني عندي هاتنزلي دلوقتي هتلاقي العربيه مستنياكي قدام المستشفى وإلا تقرأي الفاتحه على روحهم
Back
نظرت لناجي لتتحدث ببرود شديد :
– أنا قدامك أهو إعمل اللي إنت عاوزه بس قبل ما تعمل أي حاجه لازم تسمع الكلمتين دول وبعدها الكره في إيدك
قالت جملتها الأخيره وهي تنظر لفرج بتوعد لتتحرك نحوه ببطئ لتقف أمامه رمقها هو بنظره حاده محذره إلا أنها ضحكت بتهكم لتتحدث هاتفة :
– البيه الوسخ بتاعك من أول ما مراد حط رجله جوه الفيلا دي وهو عارف شخصيته الحقيقيه ، عارف إنه متعاون مع البوليس عشان يوقعك ، مش هكدب وأقول أنا بريئه أنا فعلا كنت بسرب كل المعلومات للبوليس ….
والباشا بتاعك ده كان عنده علم بكل حاجه حتى هو بنفسه اللي كان بيقولي أعمل إيه ، أصله كان عاوز يق*تلك من زمان عشان ياخد كل حاجه وشاف إن دي فرصته ….
مراد وأنا نق*تلك يخلص علينا وياخد كل حاجه من غير ما يدين نفسه ، ويسلام بقى لما عرف إنك كاتبلي الثروه بتاعتك بعد ما إكتشفت إنك عندك Cancer
كل الثروه اللي كتبتها بإسمي خلاني أتنازله عنها ، شوفت بقى اللي بيحصل من وراك يا ريس وإنت نايم في العسل !!
