رواية عدوي بين ثنايا قلبي(الفصل الخمسون إلى الأخير)بقلم نهال سليم | Complete Romance Novel
تملك الغضب منه ليلتفت بحده لفرج ليهتف عاليا بغضب :
– الكلام ده حقيقي يا زباله ؟
تنهد فرج بعمق ليقلب عينيه لأعلى ثم نظر له ليتحدث بإبتسامه جانبيه :
-للأسف حقيقي يا ريس
هم ناجي برفع أنامله بالمس*دس نحوه لتخترق رأسه رصاصة مصدرها س*لاح فرج لتقع ج*ثة ناجي هامده أرضا لا حياة بها أمام أعين عفاف المرتعبه باكية وأعين مراد التي كانت جاحظه غضبا بينما كانت إيلين تعقد يديها أمام صدرها وهي تحدق بج*ثة ناجي مبتسمة بتهكم
نظرت لفرج لتبتسم بسخريه قائلة :
– كنت فاكره نهايته هتبقى ملحميه ماتوقعتش إنها تكون تافه كده !!
ضحك فرج بسخريه وهو يلوح بس*لاحه أمام وجهها قائلا :
– النهايه الملحميه إنعملت عشان العشاق يا إيلي يعني …. اللي زيكم إنتوا الجوز مثلا
قال جملته الأخيره وهو يشير بس*لاحه نحوها هي ومراد ، حانت منها إلتفاته لمراد لتبتلع غصه بحلقها لتعاود النظر لفرج الذي ضحك متهكما :
– بس في حاجه عاوز أعرفها ، شكله كده مش طايقك بس ليه ؟
هتف مراد بحده وهو يرمق كلاهما بإستحقار قائلا :
– أصل اللي وسخ زيك مخلوقين عشان تأذوا وبس إنت والزباله اللي واقفه جنبك
أغمضت عينيها بألم بينما ضحك فرج مقهقها وهو يردف :
– معقول أكون نجحت للدرجه دي ، طب حيث كده بقى يا إيلين ده واحد ما يستاهلش واللي فهمته من كلامه إنه بايعك ولو طال يق*تلك هيق*تلك
ضحكت بسخريه بعبراتها المتجمده بعينيها قائلة وهي تنظر لمراد :
– من الناحيه دي إطمن يقدر يق*تلني حتى شوف جسمي ووشي عامل إزاي وإنت تتأكد إنه يقدر يعملها
ضحك فرج ليتحدث قائلا :
– ينهار إسود هو اللي عمل كده ؟
نظر مراد لهما بغضب مستعر بينما هزت إيلين رأسها يأسا وهي تطأطأ برأسها أرضا ، نقل فرج نظره بين كلا منهما لتقاطعه عفاف ببكائها قائلة :
– والنبي يابني سيبهم وخد كل الفلوس اللي إنت عاوزها إنت ق*تلت ناجي وكمان خدت كل الفلوس وهانديك كمان لو عاوز بس ….
هتف مراد بحده بوالدته قائلا :
-كفايه يا أمي هتترجي شوية كلاب زي دول
تنهد فرج وهو ينظر اه ليتحرك نحو إيلين ليقف مقابلا لها ، مد قبضته بمس*دس ما ليرفعه لها قائلا :
– خدي يا إيلين ، لازم تعرفي إنه هايق*تلك في كلتا الأحوال فإق*تليه احسن ماهو يق*تلك
نقلت إيلين نظراتها المصدومه بين فرج والمس*دس ليقاطعها صوته الغليظ وهو يتحدث بفحيح متوعدا :
– لو إنت بتفهمي نفذي اللي قالهولك عشان فعلا لو جاتلي الفرصه إني أق*تلك هاعملها ، إنتي واحده **** وخاينه و اللي يعمل عملتك مع الزباله ده ما ينضفوش غير الدم
