رواية عدوي بين ثنايا قلبي(الفصل الخمسون إلى الأخير)بقلم نهال سليم | Complete Romance Novel

إنسابت العبرات من عينيها في صمت دون أن تجرؤ على فتح مقلتيها ، همست بحزن لنفسها :
– من أول عقبه في طريقك ليا وإتخليت عني

………………………………………….. …………………….

كانت تدلف من باب الفيلا بمعاونة كلا من يارا وريهام بتلك المعالم الجامده التي لم تتركها مطلقا ، هتفت ريهام بمرح قائلة :
– يلا يا عم على الجناح ….

قاطعتها إيلين بصرامه قائلة :
– لأ ، أنا هاقعد في الأوضه بتاعتي ، كفايه إني وافقت أرجع عشان ماما بس

تحدث عدي بهدوء قائلا بإبتسامه صغيره :
– إللي يريحك يا إيلين ، ريهام زي ماهي عاوزه

أقبلت عفاف ببشاشه وهي تعانقها بتمهل قائلة :
– ألف حمدلله على السلامه يا حبيبتي ، يلا بقى عشان عملالك حتة سفره تاكلي صوابعك وراها

إبتسمت إيلين بوهن بينما تحدث ياسين بمرح قائلا :
– لأ ده أنا أجيب الحاج بقى ونيجي ناكل

ضحك الجميع لتردف عفاف قائلة بود :
– البيت ينور يا حبيبي وبعدين أنا كنت ناويه أعزم الكل بمناسبة خروج إيلين بالسلامه

صفقت يارا بيديها كالأطفال قائلة :
– الله وأخيرا وحشني أكلك أوي يا طنط عفاف

تحدث ياسين بتهكم قائلا :
– ياساتر إستر ، هو إنتي أي حته تسمعي فيها سيرة أكل تتشعلقي فيها هو إنتي بترحمي طنط ولا غيرها …!!

نظرت له يارا وهي تزم شفتيها كالأطفال لتعاتبه عفاف قائلة وهي تربت بيدها على ظهرها :
– وماله يا حبيبي مطرح ما يسري يمري

ضحك عبدالرحمن وهو يردف :
– خلاص يا حماتي العيله كلها جايه النهارده بالليل

إبتسمت عفاف قائلة ببشاشه :
– تنوروا يا حبيبي

تحدثت سلمى بقلق قليلا :
– يا جماعه طب يلا دخلوا البت الأوضه ترتاح شويه بدل الوقفه دي ، ماما جهزتلك الأوضه اللي تحت يا إيلين عشان هيبقى صعب عليكي تطلعي السلم

أومأت إيلين برأسها لتتحرك ببطئ نحو تلك الغرفه بمعاونة الفتيات بينما ظل الباقي بالردهه ، تحدثت عفاف لعدي قائلة بحزن :
– أخوك لسه قافل معايا دلوقتي

تحدث عدي بضيق وهو يجلس على الأريكه بجوار عبدالرحمن :
– يستاهل اللي هو فيه ، هو اللي وصل حالهم لكده

تحدث ياسين بهدوء قائلا :
– عدي إعذر أخوك وبعدين الصح فعلا كان إنه يبعد عشان إيلين تهدى

تحدث عبدالرحمن موافقا :
– ده اللي كان مفروض يحصل كان الحبل مشدود بينهم وهايتقطع وكان لازم هو اللي يرخي من ناحيته