رواية عدوي بين ثنايا قلبي(الفصل الخمسون إلى الأخير)بقلم نهال سليم | Complete Romance Novel
لم يتحرك الفتيان وظل كلاهما محدقا به بحده لتضحك إيلين وهي تجذبهما لأحضانها وهي تقبل كلا منهما بشغف قائلة :
– يا خراشي يا ولاد ، حبايبي رجاله وارثين عرق الغيره من أبوهم هما هايجيبو من بره ..
هتف مراد بغيظ قائلا :
– دول ولاد كلب …
شهقت إيلين بقوه وكذلك صغيرتها لتردف إيلين بتحذير قائلة :
– مراد …
همست لارا واضعة يدها على فمها قائلة :
– بابي عيب …
رمقهم مراد بطرف عينه ثم تحدث وهو يشيح وجهه بعيدا عنهم :
– الحق عليا كنت هاقولكم مفاجأه
هتف الجميع بشغف قائلا :
– مفاجأة إيه …؟
تحدث مراد بمكر قائلا :
– لأ خلاص بقى مانتوا مش بتحبوني
إندفع الأطفال نحو والدهم ليعانقوه وهم يقبلوه بقوه قائلين بأصوات متفرقه :
– ده إحنا بنموت فيك يا بابي
رفع مراد أحد حاجبيه وهو يتحدث :
– ممم دلوقتي بقيتوا بموتوا فيا ، بتاخدوني على أد عقلي عموما ماشي هاقولكم ، هانروح نصيف أسبوع في شرم
هلل الجميع فرحا لتهتف إيلين مهدئة وهي تقول :
– يلا عشان الفطار زمانه جهز وتيته مستنيه تحت يلا …
تحرك الأطفال نحو باب الجناح راكضين نحو الأسفل وسط هتاف إيلين قائلة :
– عمر ، زين خدوا بالكم من أختكم
بمجرد ما إن أغلق الباب وقد إلتفت مراد لإيلين ليهمس بمكر :
– روحي وحشتيني
قالها وهو يقبلها لتبعده قائلة :
– مراد إفرض حد من العيال دخل …. وبعدين خد بالك عشان بطنى
نظر إلى بطنها المتكوره بشكل كبير ليهتف بحنق قائلا :
– الواد ده هو كمان جاي عليا بخساره هو فيه إيه ؟
تحدثت قائلة بتشفي :
– مش سيادتك إللي عاوز تجيب خمسه ؟ فاكر…..
لوى شفتيه بإمتعاض وهو يردف :
– كان إتقطع لساني ، ده أنا خلاص قربت أتجنن من جوز الشياطين دول ، هو مفيش إلا لولو حبيبة بابي …
ربتت على كتفه وهي تهتف قائلة :
– كلهم ولادك ياخويا ويلا عشان ننزل نفطر أنا جعانه
– إبعد عن البت ياله أنا بقولك أهو …
هتف بها عدي لعمر بحنق وهو يضم إبنته نحو صدره وسط ضحك كلا من عفاف وريهام ، كان كلا من مراد وإيلين يهبطان الدرج لينظر عدي لهما هاتفا بغيظ :
– ماتلم عيالك يا مراد بدل ما أبيتهوملك في التخشيبه
تحدث مراد بتهكم قائلا وهو يتوجه نحو مقعده :
– طب إعملها كده وأنا أحطك فيها قبلهم …
ضحكت عفاف قائلة :
– هاتموتوا بعض عشان العيال …؟
