رواية عدوي بين ثنايا قلبي(الفصل الخمسون إلى الأخير)بقلم نهال سليم | Complete Romance Novel

قطبت ريهام بين حاجبيها متسائلة :
– طب ليه ؟

تنهدت إيلين بعمق وهي تردف :
– ورايا مشوار مهم ومقدرش ألغيه

ضيقت ريهام عينيها وهي تحاول سبر أغوارها لتتحدث متسائلة بحده :
– بخصوص الكلب ده ؟
لم تجب الأخرى وإكتفت بطأطأة عينيها أرضا ليصل الجواب لشقيقتها ، اومأت ريهام برأسها قائلة بقلق :
– إيلين أنا عاوزه أجي معاكي مش هقدر أسيبك لوحدك

نظرت لها إيلين بحده وهي تهتف :
– مستحيل يا ريهام محدش هيعرف حاجه عن الموضوع ده ومحدش هيجي معايا

نظرت لها ريهام بإستسلام وهي تردف بخوف :
– طب بالله عليكي خلي بالك من نفسك

إبتسمت إيلين بحنو وهي تعانق شقيقتها بقوه ممسدة بيديها على خصلاتها

………………………………………….. ……..

فتح الباب فجأة لتنتفض في جلستها وهي تنظر له بفزع تحول إلى الحده والغضب ، إقترب منها ليقف أمامها قائلا من بين أسنانه وإبهامه يشير لصدره :
– بقى أنا حتة عيل زي إبنك ده والبت دي يعملوا فيا كده ؟ ماشي كله هيتحاسب والحساب مش هيرحم حد

تحولت نظراتها للتوسل وهي ترفع يديها لصدرها قائلة برجاء من بين عبراتها :
– عشان خاطري يا ناجي إبعد عنهم إنت البوليس ميعرفش عنك حاجه ولا حد عارف يوصلك سيبهم في حالهم وماتأذيهومش

مال بسرعه شديده عليها ليمسك بحجابها والذي تدلت منه بعض خصلاتها الحمراء ليقبض به بقوه لتطلق هي صرخه عاليه متألمه :
– أاه…

تحدث من بين أسنانه بتحذير :
– ولما إبنك بيحب يمشي من دماغه كده ويعمل فيها دكر مقولتلهوش ليه إنه اللي بيلعب بالنار بتحرقه ؟؟

لم تتفوه عفاف بكلمه بل إكتفت بالبكاء وهي تحاول أن تبعد قبضته عنها ليتحدث هو بغضب هادر :
– عموما الحساب يجمع و الحبايب هيتجمعوا عشان كل واحد ياخد جزاءه
قالها ليدفعها بعيدا عنه ليلقي لها بنظره أخيره حاده ثم يخرج من الغرفه مغلقا الباب خلفه بعنف لتستمر هي في النحيب بصمت

………………………………………….. ………………

رن هاتفها النقال وهي تصعد للسياره ، طالعت إسمه لتجيب ببرود قائلة :
– أيوه ؟

تحدث هو بجموده قائلا :
– تعالي على العنوان ده *******

قطبت بين حاجبيها قائلة بحده :
– إنت إزاي عاوزني أجيلك شقه ؟ مانتقابل في أي مطعم أو مكان تاني وأمضي الورق ونخلص !