رواية عدوي بين ثنايا قلبي(الفصل الخمسون إلى الأخير)بقلم نهال سليم | Complete Romance Novel

الحلقه الخمسون ” الجزء الأول ”

أفاق من نومه ليجدها تجلس بجواره على السرير مولية إياه ظهرها ، إعتدل قليلا بجلسته ليقبلها من وجنتها من الخلف
أجفلت قليلا لتلتفت له وهي تبتسم بإرتباك قائلة :
– صباح الخير يا حبيبي

إبتسم بهدوء قائلا :
– يا حبيبتي

نهضت من جواره لتتحدث قائلة :
– الساعه بقت 7 بسرعه إجهز عشان تفطر وتروح الشغل كده هتتأخر
إبتسمت له ليبتسم هو الآخر لينهض من على السرير مقبلا وجنتها ليتحرك بعدها نحو الحمام لتتجه نحو خزانتها مخرجة ثيابا لها

بعد عدة دقائق كان كلاهما يتحرك نحو الدرج ليهبط كلاهما للأسفل ، توجه الإثنان لغرفة الطعام ليجدا ريهام وعدي بدون عفاف ، قطب مراد بين حاجبيه بتساؤل قائلا :
– إيه ده أمي فين ؟

إنقبض قلب إيلين بشده لتتحدث بإبتسامه متوتره :
– تلاقيها يا حبيبي نايمه

قطب مراد بين حاجبيه بإستغراب قائلا :
– غريبه يعني أول مره تفضل نايمه لحد دلوقتي !!

قاطعته إيلين قائلة بتوتر وهي تحاول أن تنهي الموضوع :
– يااه الساعه بقت 8 إنت إتأخرت أوي يا حبيبي على الشغل

أنقذها حديث عدي هو الآخر وهو ينهض مسرعا :
-ينهار أبيض أنا كمان إتأخرت أوي

تحدثت ريهام قائلة بسعاده وهي تنهض بجواره :
– حبيبي ماتنساش هاخرج النهارده أنا وإيلين عشان نشوف هدوم للبيبي

إبتسم مراد بسعاده وهو يحتضن زوجته من خصرها قائلا :
– النهارده هابعتلكم واحد عشان تتفقوا معاه على أوضة البيبي

إبتسمت إيلين بسعاده هي الأخرى مبادلة العناق له لتتنهد ريهام بحالميه وهي تطالعهم قائلة :
– How Sweet !!
تحدث عدي بتذمر قائلا :
– خلاص يا عم روميو مش وقته متأخرين

وكزته ريهام بصدره قائلة بنزق :
– وإنت مالك بيهم إتعلم من أخوك يا حضرة الظابط

نظر كلا من إيلين ومراد بإستمتاع لهما ليتحدث عدي قائلا :
– أااه ، طب إتجدعني إنتي وهاتيلي عيل صغير وأنا ادلعك كده

رفعت ريهام يديهاعاليا وهي تدعو قائلة :
– ياارب عاوزه دسته يطلعوا عينه

تحدثت إيلين بمرح وهي تدفع بمراد بإتجاه شقيقه :
– يلا لأحسن الدعوه تستجاب ويشد في شعره بعدين

ضحك مراد وتحرك هو وشقيقه الذي هتف عاليا بمزاح :
– يااارب إفرجها من عندك

بعد أن خرج كلاهما إلتفتت إيلين لريهام قائلة :
– ريهام بقولك إيه اجلي خروجة البيبي دي النهارده