رواية عدوي بين ثنايا قلبي(الفصل الخمسون إلى الأخير)بقلم نهال سليم | Complete Romance Novel
تنهدياسين بعمق وهو يجيب بهدوء :
– خلاص يا مراد براحتك بس ما قولتليش هاتروح فين ؟
نظر له مراد للحظات ليردف قائلا :
– في مجمعة شركات في أستراليا كنت حابب أدخل معاهم شراكه وهما وافقوا وكانوا مستنين توقيع العقد أنا كنت هاخليهم يجوا هنا بس دلوقتي الأحسن إني أروح
أومأ ياسين برأسه فقاطعه مراد وهو يردف بجديه قائلا :
– ياسين ما تقولش لحد أنا رايح فين ، أنا هابلغهم إني هسافر وخلاص بس مش هعرف حد المكان
إبتسم ياسين بهدوء قائلا :
– زي ما تحب يا مراد ، أهم حاجه تحاول ترجع مراتك ليك وتصلح غلطك معاها
ها هو الآن يجلس بسيارته المنطلقه به نحو المنزل ليحزم أغراضه ، دلف للفيلا ليجد والدته تقبع كعادتها على الكرسي أمام المدفئه ، إبتسم بحنان وهو يتوجه نحوها ليجثو على ركبتيه أمامها
قبل يديها بعمق لتبتسم له بأعين لامعه وهي تمسح على رأسه بحنو ، تحدثت بهدوء قائلة :
– مراتك عامله إيه يا حبيبي ؟
أومأ مراد برأسه ليطأطأ برأسه وهو يتحدث بصوت أجش :
– فاقت الحمدلله وبقت كويسه
إبتسمت عفاف لتتحدث بلهفه قائلة ؛
– بجد ، ألف حمد وشكر ليك يارب هانروح إمته نزورها ؟
تحدث مراد بنبره متحشرجه قائلا :
– روحوا إنتوا زوروها ، إيلين مبقتش طايقه تشوفني و عاوزه تطلق …..
ضربت عفاف على صدرها قائلة بخوف :
– طلاق !!… حرام عليكم نفسكم يابني طلقتها مره ورجعتها ودلوقتي عاوز تطلقها تاني وتموت نفسك بالفراق
رفع مقلتيه الدامعتين لها ليهمس بنبره مختنقه :
– مقدرش يا أمي … مقدرش أدبح نفسي بطلاقها ، لو فضلت قدامها هاتفضل مصره على الطلاق ، حاسس إنها مش هتسامحني أبدا …. عشان كده أنا هسافر
أجفلت عفاف لتتسائل بلهفه شديده فزعة :
– تسافر وتسيبنا …..
حاول مراد تهدئتها ليتحدث بإبتسامه صغيره صاحبتها عبره إنسابت ببطئ على وجنته :
– مش هسيبكم يا أمي هاكلمكم كل يوم وهاطمن عليكم ومتخافيش مش هطول ، أنا مقدرش أبعد عنكم بس لازم أبعد عنها يمكن وقتها إيلين تحس بيا وتعرف إنه مفيش واحد فينا يعرف يعيش من غير التاني
أطلقت عفاف زفيرا حارا وهي تتسائل بخفوت :
– يعني هاتسيبنا يامراد ؟
مال على يدها ليقبلها بعمق وهو يردف :
– غصب عني يا أمي فتره وهارجعلكم إن شاءلله ، مش هطول عشان مش هقدر وإيلين ماتخليهاش تسيب الفيلا تفضل عايشه هنا هي مراتي وماينفعش تسيب بيتها ، إنتوا ممكن تزوروها بكره في المستشفى هي فاقت خلاص وبقت كويسه ………..
