رواية عدوي بين ثنايا قلبي(الفصل الخمسون إلى الأخير)بقلم نهال سليم | Complete Romance Novel
وكأن كلماته كانت هي الموقظ لها من حالة اللاوعي التي كانت بها لتلتقط شهيقا عاليا وهي تهمس بقسوه :
– إنت لعنه دمرتني
تجمد فجأة وهو يبتعد عن شفتيها مسافه لا تذكر ليطالعها بأعين غير قادره على إستيعاب ما لفظته الآن شفتيها …. قست نظراتها بشده وهي تهمس بفحيح حاد :
– إنت اللعنه اللي صابتني …دمرتني … خدت كل حاجه حلوه في حياتي … قلبي ، عقلي ، روحي ، جسمي ، كل حاجه …. خدت كل حاجه ، ورمتني بعد ما شبعت مني
إنتفض مبتعدا عنها وهو يردد بهمس ملأه الألم غير مصدقا :
– أنا يا إيلين …!!؟؟
لم تقتصر على ذلك بل أكملت بكلماتها السامه من بين أسنانها قائلة :
– خدت حبي وعشقي و إستقويت على ضعفي ، طلعتني خاينه ومجرمه وفوق ده كله ….. خدت مني إبني ….. إبني راح بسببك …. را…..
لم تستطع أن تكمل ما تقول حينما صرخ بها بغضب جامح ليوقفها :
– كفايه … !!
أخذ الإثنان يلهثان بشده وكلا منهما محدق بالآخر بغضب ولكن ما تكنه القلوب وتظهره الأعين بالخفاء كان الألم والعتاب واللوم
تحولت معالمه للجفاء الشديد وهو يتحدث ببرود دون أن يرف له جفن :
– أنا إتألمت …..
قاطعته وهي تصرخ به بحده من بين معالمها المتشنجه ألما :
– أنا اللي إتدمرت وهونت ، ثم أردفت بصوت خرج مهتزا من بين عبراتها :
– إخرج من حياتي يا مراد و زي ما طلقتني بكل سهوله وإتخليت عني ببساطه قبل كده يبقى مش هيصعب عليك إنك تعمل كده تاني ….
أجابها مسرعا وبجمود :
– زي ما إنتي عاوزه ، ورقتك هاتجيلك يا … يا مدام مراد
قالها ليتحرك كالعاصفه نحو الباب ليخرج من الغرفه مغلقا الباب خلفه بقوه جعلتها تنتفض مكانها لتسقط عبره متعلقه بأهدابها وسط جمودها الشديد لتغمض عينيها وكأنها ستهرب عن الواقع بذلك
خرج هو من المشفى ليتوجه نحو مكتب صديقه ليدلف بقوه وهو يهتف بحده :
– ياسين تاخد بالك منها إوعى تغيب عن عينك
تحدث ياسين بتعجب بعد أن نهض من خلف مكتبه قائلا بتساؤل :
– إيه اللي حصل وبعدين إنت رايح فين ؟
تحدث مراد بجديه قائلا :
– هسافر وهابعد
رفع ياسين حاجبيه بدهشه مرددا :
– مسافر ؟ إمته وفين ؟
تحدث مراد بنبره يشوبها الحزن :
– لازم أبعد عنها دلوقتي يا ياسين ، مصره على الطلاق وأنا مستحيل أسيبها تبقى بتحلم ، أنا هابعد لحد ما تهدى شويه وبعدين أرجع يمكن أعرف أرجعها ليا زي الأول
