رواية لهيب الروح(الفصل الثاني والعشرون إلى الأخير)هدير دودو | Complete Social Drama

:- ا… ايه الجنان اللي بتقوله ده أنت الحادثة أثرت على مخك أروى بنت حسن أخوك وبنت العيلة دي وعصام ابنك وأنت عارف ده كويس ولا أنت عـ…

قطع حديثها الذي أصبح متأكد من كذبه بعد تأكده من جواد أن شقيقه غير قادر على الإنجاب وأن المعلومات التي وصل إليها صحيحة حقًا، صاح بها بحدة غاضبة مشددًا فوق حديثه

:- اللي بقوله عين العقل مش جنان وهديكي فرصة أخيرة يا مديحة أروى بنت مين عشان أنا واثق انها مش من العيلة دي وعصام ابني ولا ابن غيري أنا كنت مش عارف الغلطة دي حصلت ازاي مش فاكر أن عملت كدة.

دفعته إلى الخلف ليتركها وشهقت بطريقة مقززة ضاحكة بسخرية وتمتمت بمكر وهي لازالت تتمسك برفضها وتخفي الحقيقة

:- مش فاكر ايه دة انت صاحي وأنا في حضنك وعارف ومتأكد أن عصام ابنك وجبتلك اللي يثبت ده وأروى بنت اخوك أنت عاوز تاكل حقها.

علم أنه لن يصل معها إلى شئ فطالعها بغضب وغمغم بوعيد صارم

:- أنا مش هسكت ولا هسيبك غير لما تقولي الحقيقة خونتي اخويا مع مين؟!!

ضحكت بسخرية وطالعته باستهزاء ولازالت تحاول أن تظهر عدم اهتمامها بحديثه او بالأمر بأكمله وغمغمت بتهكم ساخرة منه

:- أخوك اه لا انا مخونتوش لوحدي أنت كمان خونته معايا وضحكت عليه وكاتب ابنك باسمه بلاش تعمل أنك بتحبه والدور ده كله عامله عشان تاكل حق أروى..

باغتها بصفعة قوية غاضبة هوت فوق وجنتها وتمتم بغضب حاد

:- مش فاروق الهواري اللي هيعمل ده كله عشان ياكل حق واحدة، أروى حقها بتاخده من قبل ما تطلبه فوقي لنفسك يا مديحة واعرفي أنتي واقفة قدام مين.

وضعت يدها فوق وجنتها بصدمة وطالعته بنظرات نارية وصاحت أمامه بغضب

:- كل حاجة عملناها اتعملت واحنا متفقين مع بعض مش هتيجي فالآخر ترميني أنا وتطلعني غلطانة وتعمل نفسك برئ انت مشاركني في كل حاجة أنا مش هسكت كفاية لحد كدة أوي لو فاكر أني هسكت تبقى متعرفنيش طول الوقت ده.

لم يهتم بتهديدها بل طالعها بنظرات حادة وتمتم بحدة وغضب بعدما اهتاج عقله لإنكارها للحقيقة وتمسكها بحديثها الكاذب

:- أنا هعرف الحقيقة يا مديحة ووقتها صدقيني مش هرحمك وأنتي عارفة فاروق الهواري لما بيعوز يوصل لحاجة بيوصلها..

تركها وسار بخطوات واسعة غاضبة وهو يفكر في طريقة ليصل إلى الحقيقة ويعلمها حينها لن يصمت وسيجعلها تندم على اليوم التي فكرت باللعب معه!!.