رواية لهيب الروح(الفصل الثاني والعشرون إلى الأخير)هدير دودو | Complete Social Drama
:- انتي متأكدة أن بابا هو السبب في الجوازة دي.
شعرت بحزنه المتواجد في نبرته فربتت فوق يده بحنان ابتسم ابتسامة مريرة أمامها وجذبها داخل حضنه يضمها بشدة ثم أشار لها أن تواصل حديثها بعدما سألها سؤال هام يود أيضًا معرفته
:- وانتي اتفقتي مع محسن دة بجد، دة معاه تسجيلات بصوتك بجد.
اومأت برأسها أمامًا بضعف مقررة أن تخبره بالحقيقة كاملة بعدما آتت إليها تلك الفرصة الذهبية وتخلصت من خوفها كما كانت تتمنى، فأجابته بصوت متحشرج باكٍ
:- ا… ايوه اتفقت معاه بس دة بعد ما قتل ابني قتله من غير رحمة فضل يموتني ضرب لحد ما قتله كنت بتذل ليه عشان يرحمني بوست ايده وبرضو موته قدامي.
التقطت أنفاسها بصوت مرتفع من بين شفتيها بضعف مرتعشة وهي تتذكر هيئتها الذليلة أسفل قدمه متوددة إليه حتى يعفو عنها ويترك طفلها يأتي إلى الحياة لكنه لم يبالي ولم يهتم بها تمتمت بضعف خافت
:- هـ… هو قالي أن ا… اللي زيي مينفعش تبقى أم، انا كنت هبقى أم كويسة والله وهتشوف أنت بنفسك بس هو قال كدة، أنا اتفقت مع محسن بعد ما موت ابني مقدرتش اشوفه عايش براحته وقتل ابني هو قتلني أنا من زمان بس ابني لأ، بعدها أنا قولت لمحسن لأ، أنا مش زيه قولتله يلغي كل حاجة بس هو صمم يعملها عشان الفلوس معرفش ليه جابها فيا أنا بس أنا قولتله لأ والله.
شدد من احتضانه اليها بعدما شعر بمدي حزنها وضعفها مربتًا فوق ظهرها بحنان طابعًا قبلة رقيقة حانية فوق جبهتها وكفها ليجعلها تشعر بوجوده الآمن، وأخبرها بحنان عاشق متيم بها
:- أنا معاكي وهفضل معاكي من ساعة ما عيني دي شافت عنيكي وهي خلت قلبي ميختارش غيرهم، هتبقي احلى أم في الدنيا كلها وابننا الجاي هتربيه أحسن تربية واللي عمل كدة أنا مش هسيبه بس وغلاوتك في قلبي وحياة عنيكي دول مانا اللي عملتها ولا عمري فكرت فيها أنا بس قولت كدة في الأول من صدمتي باللي محسن قاله.
ابتسمت بحنان لحنانه عليها الذي يظهره دومًا قبل حبه لها، لكنه قرر أن يخبرها بالحقيقة التي علمها بجدية وهدوء تام وهو لازال يحتضنها
:- مش محسن اللي قتله الواد دة كان محجوز في المستشفى بسبب خناقة مع حد هو بس بيقولك كدة عشان تخافي وتدفعيله، اللي قتل عصام ورحمه مني بعد اللي عرفته دة كله عيلة بنت وهو كان بيعذبها زي ما بيعمل موتها فهما خدوا حقها بموته أنا عرفت كل دة وهما حاليًا بيتحقق معاهم عشان كدة كنت برة.
