رواية لهيب الروح(الفصل الثاني والعشرون إلى الأخير)هدير دودو | Complete Social Drama
مسك يدها بقوة معترض ذهابها حتى لا تسير من أمامه بعدما أعطته الدواء وغمغم بنبرة مجهدة ضعيفة لم تعتاد على استماعها منه من قبل
:- جـ… جليلة أنا بحبك والله حتى يمكن مش بقولها كتير بس عشان انتي عارفة أنا بحبك قد ايه، عاوزك تسامحيني يا جليلة أنا غلطت في حقك بس والله ما أعرف أنا عملت كدة ازاي.
حاولت أن تبتعد عنه متحاشية النظر أمام عينيه المتعلقة بها وأجابته بتوتر
:- بلاش نتكلم دلوقتي يا فاروق أنت تعبان نتكلم بعدين.
غمغم بأصرار شديد بعدما أشار لها بالجلوس بجانبه ليستطيع التحدث معها بهدوء وصدق
:- أنا كويس عاوز نتكلم…. عاوزك تسامحيني يا جليلة أنتي عارفة انتي ايه عندي اللي حصل دة كله غلطة صدقيني وندمت عليها وعمري ما هكررها.
لا تعلم لما قابلت حديثه بضحكة ساخرة مصطحبة بوجت قلب مقهور انهكه الهوى والخداع شاعرة أن حياتها معه بأكمله ليس سوى كدبة يخدعها به، تمتمت بتهكم ساخرًا ولم تستطع أن تظل صامتة بعدما اصرّ هو على التحدث
:- ويا ترى عاوزني أسامحك على انهي مرة فيهم؟ المرة بتاعت عصام ولا بتاعت أروى ما كلهم عيالك.!
تابعت حديثها بجنون ولم تستطع التحكم في ذاتها شاعرة أن هناك أمر مبهم لا تعلم ما هو وكيف ستعلمه؟!
:- بس ازاي…. ازاي كنت عاوز تجوزها لابنك أنت ايه بجد ازاي كدة أنا عايشة مع مين؟
استمع إلى حديثها بصدمة وعدم فهم معقدًا حاجبيه بدهشة وغمغم بعدم تصديق وجدية تامة
:- أروى مين اللي بنتي انتي بتقولي ايه، انا قولتلك مغلطتش غير مرة واحدة وغلاوتك عندي وأنا حتى مش فاكر حصلت ازاي بس أروى بنت أخويا عادي انتي حتى بتقولي كنت هجوزها لجواد فلو بنتي هعمل كدة ليه، انتي جايبة الكلام دة منين؟!
حاول أن يقنعها بصحة حديثه ليجعلها تصدقه وتثق به لكنها حركت رأسها نافية بصدمة وغمغمت بحدة مشددة متخلية عن هدوءها أمامه
:- أنت لسة بتضحك عليا، عاوز توصل لأيه بكلامك دة انا عرفت الحقيقة خلاص.
طالعها بعدم فهم متسائلًا بملامح يرتسم عليها الجدية وعينيه مثبتة عليها
:- وإيه هي الحقيقة دي قوليها؟
اجابته بقوة زائفة شاعرة بقلبها سيتوقف بداخلها وهي تخبره عما علمته من ابنها ذهنها مشتت بضراوة ولا تعلم كيف سينتهي بها الأمر
:- الحقيقة هقولهالك يا فاروق… عرفت أن حسن أخوك مبيخلفش معنى كدة أن الأتنين عيالك.
