رواية عش العراب(الفصل السادس والثلاثون إلى الأخير)بقلم سعاد محمد سلامة | Complete Novel – Reading App
تبسم قماح وضمها بيده السليمه قائلاً: سلسبيل أنا بعد اللى مرينا بيه الفتره الأخيره دى بفكر أخدك أنتى وناصر ونسافر أجازه فى أى مكان نغير جو.
ضمت سلسبيل قماح قائله: موافقه، بابا قال إن الدكتور هيكتب لـ ماما بكره على خروج وكمان جدتى قالت إنها بتكره المستشفيات وخلت عمى طلب من الدكتور يكتب لها خروج هى كمان وهيرجعوا لهنا بكره، بس قولى هتاخدنا فين؟
قبل قماح خد سلسبيل قائلاً: بصراحه أنا كان نفسى أخدك لوحدك ونسيب ناصر، بس الوضع ميسمحش بكده، بس قدامك الأختيار عاوزه نروح فين؟
فكرت سلسبيل بضحك: طبعاً مينفعش نسيب ناصر بيه مع اللى هنا وهما فى الحاله دى،و لو عليا عاوزه اروح بيت الجزيره، بس بصراحه نفسى أروح مكان بعيد عن هنا شويه، ممكن نروح الغردقه أو شرم الشيخ، أو أى مكان فيه بحر.
تبسم قماح قائلاً: تمام، بكره نطمن على جدتى ومرات عمى أنهم رجعوا لدار العراب بخير والمسا نسافر، وأمرى لله ناخد ناصر معانا، لازم نستحمل رذالته.
ضحكت سلسبيل، بينما قماح ضمها قويًا ينظر لعينيها السوداء قائلاً: بحبك يا سلسبيل.
أنهى قوله بقُبله سُرعان ما تجاوبت معه سلسبيل مرحبه.
……… ــــــــــــــــــــــــــــــــــــــــــــــــــــــــــــ
أشرقت شمس جديده تكشف حقائق
هنالك خائنه إنتهت حياتها بطريقه بشعه.
بأحد المشافى الحكوميه
بغرفه خاصه
وقف الطبيب يقول: بلغت الشرطه عن الجثه دى.
رد الآخر: أيوا يا دكتور المستشفى بلغت الشرطه إن جالنا جثه متاخد منها أعضاء جسمها الداخليه،وجدوها الاهالى من ساعتين مرميه فى وسط كوم للزباله.
.. .. ـــــــــــــــــــــــــــــــــــــــــــــــــــــــــــ……..
بـ دار العراب
ذهبت سلسبيل خلف قماح تحمل صغيرها الى مكان وقوف سيارته بحديقة المنزل.
لكن رن هاتفه نظر للشاشه ثم لـ سلسبيل
رد على الشرطى وأستمع له ثم قال: تمام ساعه وأكون عندك فى القسم.
أغلق قماح الهاتف ونظر لوجه سلسبيل وقبل أن تسأله قال:
ده الظابط اللى قبض على هند، طالب منى أروحله القسم لآمر هام.
تعجبت سلسبيل قائله: وأيه هو الأمر الهام ده مش أخد أقوالنا إمبارح.
رد قماح: معرفش بصراحه هو قالى كده وخلاص، هروح القسم وبعدها هروح المقر، الشغل واقف، كان نفسى أخدك معايا، بس مين هيراعى ناصر بيه فى غيابك.
