رواية عش العراب(الفصل السادس والثلاثون إلى الأخير)بقلم سعاد محمد سلامة | Complete Novel – Reading App
ذُهل عقل زهرت قائله:بس الكوليه والمصوغات اللى فى العلبه كمان ، اللى أشتراها ليا كان بيشتريها من محلكم حتى معايا العلب اللى كان بيجبها فيها..
أخرجت زهرت إحدى العلب القطيفه ووضعتها أمام الصائغ،
فـ قال بود:
يا مدام عادى إحنا اوقات كتير بينطلب مننا علب دهب كنوع من الهدايا مع الشبكات او حتى كنوع من الدعايه لينا…
وبعدين مين اللى كان بيشترى ليك الأطقم دى، زوج حضرتك .
ردت زهرت: لأ.
تنبه الصائغ قائلاً: أمال مين ده أكيد واحد نصاب بلغى عنه…
قال الصائغ هذا ونظر لـ زهرت بدونيه وأتهمها:
ولا تكون دى لعبه وجايه تنصبى علينا هنا فى المحل،وتسوئ سمعة المحل،أنا ممكن أطلبلك البوليس فورًا.
نظرت زهرت للصائغ برعب ثم لمت تلك المضوعات المُزيفه ووضعتها بالعلبه قائله لنفسها:
إزاى الحقير ده قدر يضحك عليا، كان يستحق الق,تل والتقطيع من جتتهُ.
بينما تعجب الصائغ من جمعها لتلك المصوغات بعد ان علمت أنها مزيفه ولم ترد عليه وأخذت العلبه وغادرت سريعًا، أيقن أنها ربما كاذبه وكانت تود النصب عليه..
بينما
غادرت زهرت المحل برجفه أن يطلب لها الصائغ البوليس كما قال لم تنتبه لذالك المُشرد الذى يتعقبها بعد أن زاغ بصره على ذالك الصندوق التى خرجت به ظنًا منه أنه كنز بالنسبه له.
بينما أجزمت زهرت لو أن أمامها نائل الآن لن يكفيها طعنهُ آلاف الطعنات، سارت بالشوارع دون شعور منها الى أن شعرت بالجوع،دخلت الى أحد محلات الطعام الصغيره،طلبت بعض الطعام، وضعت علبة المصوغات على طاوله وجلست تنظر لها بحسره كبيره، لكن لمع فى عقلها فكرة أن تذهب الى والداتها كى تُزكيها لدى هدايه وتطلب منها العوده لـ دار العراب، لكن سريعًا تذكرت خنقها لعمتها، وقول عمتها عن انها السبب بإدمان رباح
رباح!
أين هو، هو الوحيد القادر على إنتشالها الآن من ذالك المأزق،
تحدثت زهرت لنفسها:لو بس أعرف هو فين متأكده أنه هيصدقنى، ويرجعنى تانى دار العراب، حتى لو غصب عنهم زى قبل كده والمره دى هيبقى سهل أدخل وسطهم بالجنين اللى فى بطنى لازم أحافظ عليه هو دلوقتي فرصتى إن أرجع غصب عنهم… بس أنا دلوقتي محتاجه مصاريف الغبيه هند خدت كل الفلوس اللى كانت فاضله معايا، كانت غلطتى إنى بدل ما كنت الفلوس أحطها بإسمى فى أى بنك كنت بقول الدهب أفضل، ضحك عليا الحقير نائل وكان بيجيلى دهب مغشوش، مفيش قدامى طريق غير ماما أهو أطلب منها مبلغ أمشى بيه نفسى لحد ما رباح يظهر….
قامت زهرت بالاتصال على هاتف والداتها لكن يعطى خارج التغطيه.
