رواية أحببت بصيرته(ج6) بقلم مريم نصار

رامي : لسه هيتكلم .بجديه ..

خالد : انقذ الموقف . ايه ياعم انت وهو . صلوا ع النبى . وانت يارامي اسكت دلوقتي هنتكلم بعدين .

سليم : سابهم ودخل المكتب متنرفز جدا..

رامي : انا مش فاهم حاجه ؟

خالد : افهمك انا . اصل فتون تبقى خطيبة سليم يامتخلف فهمت ..

رامى : فتح عينيه ع الاخر . انت بتقول ايه؟ يعنى الموزه . قصدى البنت الل كنت بعاكس فيها دى . ينهاااار ابيض . ده انا عكتها خالص.

خالد : انت نايلتها ع الآخر ..

رامي : خبط خالد . طيب مش تقولى ياغبى انها خطيبته . الله يخربيت كدا ياشيخ ..

خالد : ماعلينا حصل خير المهم متقولش لسليم انى قولتلك انها خطيبته ..

رامي ؛ انا مش فاهم حاجه . ليه مقولش.

خالد : كلام ف سرك . مش عارف بس متقولوش وخلاص اشطا ..

رامى : اممم اشطا .. المهم بقى شوفت رهف الجندى عملت ايه بعد ما هي وسليم فركش..

خالد : ايوه عارف . اتخطبت من شهر واكتر لواحد ثرى قد ابوها .

رامي : سليم عرف ؟

خالد : سليم الل سايب رهف . وميفرقش معاه ع فكره . انشاله تتجوز ٤ ولا يهمنا ..

رامي : هز راسه . وبص تانى ع فتون . وقال جواه بقى القمر دي خطيبة سليم الل اتعمى ..

خالد : بنظره واحده فهمه . وربت ع كتفه . شليها من دماغك . عشان انت عارف سليم . تمام يصحبى ..

رامي : ههههههههه عيب عليك يسطا . انا كلها شهر ومسافر تانى . بقولك ايه . تعالى اسلم ع فريده هانم . وبعدها احكيلى ع الل حصل وانا مسافر .

خالد : ومالو تعالى ..

سليم : ف المكتب واقف بينهج بغيظ . انت اضايقت ليييه؟ واخرتها اييييه؟ هتفضل كدا ؟ دا انت من كلمه واحده النار ولعت ف قلبك.

———————-بقلمى مريم نصار

بعد شويه ..

فتون : اتخنقت من نظرات رامي ليها . وراحت عند فاطمه . وقالت ايه ياماما تحبى نروح ؟

فاطمه : ومالو ياضنايا . اصل ضهرى وجعنى اوى ..

فريده : بزعل . لأ ودى تيجى لسه بدرى ياست فاطمه . انتى منورانى ..

فاطمه : معلش ياست فريده ضهرى قايم عليا . وجسمى وجعنى من القعده معلش انتى عارفه انا بقعد شويه . وأفرد ضهرى شويه .. تتعوض مره تانيه إن شاء الله .

فريده : حبيبتى البيت فاضي ويساع من الحبايب الف . تعالى اطلعى واستريحى شويه لحد مرتاحي ..

فتون : بتساعد فاطمه تقوم . معلش يامدام فريده . اصل ميعاد علاجها قرب . وماينفعش تتأخر اكتر من كدا . وزى ما بطه قالتلك تتعوض مره تانيه إن شاء الله..