رواية أحببت بصيرته(ج4) بقلم مريم نصار

بارت ١٤ عند فتون .. فاطمه : قاعده ف الاوضه ع السرير وتعبانه من وقت ما حسن قالها ع سحر . فتون : ف المطبخ بتعملها عصير ليمون . ومن جواها مخنوقه من كل حاجه .. وبتفكر ليه الدنيا مش مديالها فرصه تفرح .؟ وليه كل يوم تسمع حاجه تدايقها . ؟ وبتسال نفسها !! هو انا مخنوقه اوي كدا ليه ؟ معقول علشان حسن قال إنه هيخطب سحر !؟؟ لأ لأ . انا مخنوقه من قبلها . ايوه من الل اسمه سليم ده !! إنسان عنيد لابعد الحدود . . بجد انا مشوفتش حد ف غباءه .. واحد غيرو يقدر حب أمه ليه . لأ وكمان بيتنطط عليا . وقال ايه !؟ اطلعى براا . والله العظيم لو مكنتش وعدت مدام فريده انى اساعدها انا كنت خرجت ومرجعتش ع المكان ده تانى . لأ لأ يافتون انتى لما توعدى لازم توفي بوعدك . وبعدين ما انتى شوفتى الل اسمه سليم ده شكله انسان كويس وبيستجيب معاكى . هو بس متعب حبتين . ايوه ايوه . لأن مدام فريده قالت إنه من بعد الحادثه اتغير للاسؤ . امم يلا الله يكون ف عونه بردو . ما هو مره واحده اتحرم من اجمل نعمه . واتنهدت . الحمدلله يارب ع نعمك علينا . بنسمع وبنشوف وبنمشى ع رجلينا وعندنا صحه . هنحمدك ع ايه ولا ايه ؟. الحمدلله ع كل حاجه حلوه ف حياتنا والحمد لله ع نعم ربنا علينا وربنا يديمها ع كل الناس . وفاقت من أفكارها .. واتنهدت . واخدت كوباية العصير ورايحه ل فاطمه الاوضه .ودخلت .. وقدمتها ليها . اتفضلى ياست الكل . احلا كوباية عصير ليمون لاجمل فاطوم ف الدنيا .! فاطمه : بتعب ماليش نفس يافتون .. فتون : اهمم . ازاى الكلام ده ؟ مينفعش طبعا . كدا خساره كبيره جدا ليا . تعرفى انا حاطه كام لمونه ولا كام معلقة سكر . ولا بقى ... فاطمه . قاطعتها . بس بس خلاص . انتى هتعدى . هاتى .. واخدت الكوبايه . تسلمي يابنتى . وقالت بسم الله .. وبتشرب . فتون : ههههه طبعا هاعد علشان تعرفي انك لو مشربتيش العصير هتعرض لخساره كبيره هههههه . فاطمه : بزعل حقيقي . وهتخسرى ايه اكتر من الل خسرتيه . ااااه لطفك يارب بينا .. فتون : اتنهدت بزعل . وقعدت جنبها . جرا ايه يابطه . انتى هتزعلينى منك ولا ايه ؟ خسارة ايه الل انا خسرتها . والله العظيم انا مبسوطه جدا .. ومسكت أيدها وباست عليها .. اسمعينى ياماما . حسن ماينفعنيش . الل يسيب من غير سبب ده مايتأمنش ع حاجه !! الل يبعت دبلة خطوبته مع غريب ؟ ده ف نظرى موقف مفيهوش رجوله !! الل يرجع وعايز يخطب واحده جارتى وكمان تعتبر اختى الصغيره . يبقى الموقف ده لازم يفوقنى . وانتى كمان لازم تفوقى .. لان ده مش السند الصح . مش الضهر الل اتسند عليه . مش الامان لينا . حسن مش حاجه كبيره ياماما تخلينا نزعل أو نندم عليه . بالعكس أنا بحمد ربنا انى متجوزتوش . تخيلى كدا لو كنت اتجوزت حسن ده وسافر تانى وفجأه بدال الدبله بعت ورقة طلاقى . ده الل انا مكنتش هستحمله بجد . انه طلقنى وهو ف بلد تانيه . يعنى فيها اتهامات وكلام كتير هيتقال ف حقى وليه وازاى وايه الل حصل وياترى مين وفين . وانتى عارفه الناس مبترحمش ومبتصدق تلاقى حد يتكلم عليه . ف انا وانتى لازم نحمد ربنا انى لسه ع البر . ومخسرتش حاجه . وكمان ياماما لسه نصيبى مجاش . وحبت تفكها . مش يمكن يتقدملى ظابط ولا دكتور ههههه . وساعتها تزغرطى إنى متجوزتش حسن ههههه . فاطمه : اتنهدت . واقتنعت بكلام فتون . وقالت عندك حق ياقلب أمك . مش ده الامان ليكى . . الحمدلله ع كل حال . وابتسمت بتعب . يارب . يارب يافتون يابنت بطنى يجبر بخاطرك ويراضيكى ويرزقك براجل يتقى ربنا فيكى . وينبت حبك ف قلبه ويصونك ويجعلك بنته وأمه قبل مراته . ويخاف الله فيكى يابنتى يااارب . فتون : ابتسمت بحب . وحطت راسها في حضنها . الله ياماما . الدعوه دى جميله اوي . ربنا يبارك فيكي يارب . ويديمك ف حياتى ياست الكل .. فاطمه : زادت من حضنها . ومسدت ع ضهرها . وقالت بدموع . ويديمك نعمه ف حياتى . ويرزقك السعاده ويفرح قلبك ويريح بالك . يافتون يابنت فاطمه قادر ياكريم .. تكرم بنتى بكرمك يااارب . فتون : غمضت عينيها بدموع . إن شاء الله هيستجيب . لانه الكريم وهيكرمنى .. وخرجت من حضنها . ومسحت دموعها بسرعه وابتسمت . امسكى بقى يابطه كملى باقى العصير علشان تنامى وتريحى شويه علشان انتى بتصحى ف قرآن الفجر .. وبكره الصبح إن شاء الله . هحكيلك كل الل حصل ف الدرس بتاع انهردا .. فاطمه : هزت راسها . واخدت كوباية العصير وشربتها . تسلم ايدك ياتونه .. فتون : ابتسمت . بألف هنا ياعُمر تونه . ومسحت بوقها بمنديل .. انتى اخدتى كل العلاج مش كدا !؟ فاطمه : ايوه ياقلب أمك . فتون : بالشفا يارب إن شاء الله . وغطتها يلا بقى تصبحى ع خير.. فاطمه : نامت . وانتى من أهل الخير . هتنامى ؟ فتون : لا شويه كدا . البت حنين مستنيانى اتصل عليها . علشان تعرف ايه الل حصل ف الدرس ههههه هتتجنن وتعرف . فاطمه : وماله ياحبيبتى . ربنا مايحرمكوش من بعض . روحي انتى وانا هنام .. فتون : ولا يحرمنى منك ابدا ياحبيبتى . ماشي تصبحى ع خير. فاطمه : وانتى من أهل الخير ياقلب أمك . فتون : شالت الكوبايه وقفلت النور وخرجت . وراحت المطبخ . وظبطت كل حاجه فيه . وراحت ع اوضتها . وقعدت على السرير . وقالت أنا هتصل ع البت حنين ...وجابت الفون وهتتصل عليها .. ----------------------بقلمى مريم نصار فيلا بدر الدين.. سليم : قاعد ف اوضته .ع الكرسي الهزاز . ومغمض عينيه . وسرحان كتير اوى . ف كل حاجه حصلت ف حياته . . وجه ف تفكيرو رهف . وطريقتها وطلبها للفيلا . وطمعها ف كل حاجه . رغم انها مش محتاجه واستغنت عنه لمجرد حادثه . وفجاءه . جه ف ودنه صوت فتون . لما قالت ياريت كانت الفلوس كل حاجه يا استاذ سليم . كنا حلينا بيها كل ازمه تقابلنا .. . وافتكر كمان لما قالت . انت محتاج تقعد مع نفسك وتفكر بصوت عالى . انت مين !؟ انت عايز ايه !!! وخلى بالك السؤال ده اهم من إنك تكون سليم بدر الدين نفسه .. الإنسان لو اتولد مجهول الهويه . لما بيكبر بيخلق لنفسه هويه معينه . دى مقدور عليها . سهله . لكن صاحب الهويه ده ايه !؟ وعايز ايه ؟ وبقى ايه ؟ ده الل صعب جدا ان حد يجاوب عليه غير صاحب الهويه نفسه !! وافتكر .. الفلوس مش مقياس انك تقيس بيه كل خطوه . الفلوس مش كل حاجه . ف ناس راضيه بااقل حاجه وبتشكر ربنا ع الل هي فيه . انا عارفه انك بتمر بظروف صعبه . لكن انت قادر تتحدى اى ظروف . قادر تكون اقوى من الاول . صدقنى قوة البصيره عندك اقوى من البصر نفسه . وافتكر كمان لما قالت .احنا لما بنحب نعيش اجمل لحظات حياتنا بنغمض عينينا .. انا لما بضحك من قلبى بغمض عينيه . ولما بحضن والدتى بغمض عينيه . ولما بتخيل حاجه تفرحنى بغمض عينيه . ولما بحلم حلم جميل بكون مغمضه عينيه . حتى ف السجود ولما بدعى بغمض عينيه . انت بتفتح عينيك بس علشان تشوف الطريق . وف مليون طريقه انك تشوف الطريق وانت مغمض . لكن استحاله تحلم وانت مفتح . واستحاله تحضن والدتك الل انت بتحبها وانت مفتح .اى حاجه انت هتعملها بحب وسعاده لازم تبقى مغمض عينيك علشان تلمسها بقلبك . بصيرتك أهم بكتير من بصرك وافتكر كمان لما قالت .ع فكره ١٨٠٠ج . وفاق من أفكاره . وغصب عنه سرح ف كلامها تانى . وكلام فتون بيتردد ف ودنه بتكرار متواصل . ومحسش بالوقت . وقال لنفسه . طيب هي قالت إنها فتون مهران . ومُدرسه لغه عربيه وعندها حلم انها توصل وكمان تطلع اجيال المستقبل . وسالتنى انت مين وعايز ايه !؟ . واتنهد بوجع . انا مين ؟ انا عايز ايه ؟ وفكر شويه ومش عارف يجاوب . واقتنع تماماً بكلام فتون . إن اختيار الهويه سهل جدا . لكن صاحب الهويه عايز ايه ف ده صعب . وغمض عينيه بتعب تانى . وعمال يفكر . وحاسس أنه هيتجنن من كتر التفكير . . وقال .. من اول جلسه وانا بفكر ف كلامها السخيف انا لازم اخليها تمشي من هنا ومتجيش تانى لازم اطردها. .وبعد حوالى ٥ دقايق عينيه غفلت لثوانى ع الكرسي . . وصوت فتون جه ف ودنه تانى وهي بتقول . حتى ف السجود لما بدعى بغمض عينيه .. وفتح عينيه بسرعه . واستغرب كأنه سمع صوتها بجد حواليه !! وقال .. طيب اشمعنى صوتها .. وليه الجمله دى بالذات جت واتكررت تانى ؟ . واتعدل ع الكرسي . ومسح وشه بايديه . واخد نفس عميق . وحس انه مشتاق للصلاه الل سابها من فتره . ومن غير تفكير . قام ودخل الحمام . واتوضي . وخرج وفرش السجاده وبدء يصلى . وسجد وتلقائيآ دعى ربه انه يوجهه للطريق الصحيح . وانه عايز يعرف هو عايز ايه ؟ واكتشف فعلا أنه ف السجود مغمض عينيه . وعايش حالة الخشوع بقلبه مش بعينيه .. فريده : قبل ما تنام . قفلت المصحف . و قالت هبص ع سليم واشوفه عايز حاجه منى قبل ما انام .؟ وخرجت من الاوضه . وراحت ع اوضته . وفتحت الباب بشويش لايكون نايم . واتفاجئت . ب سليم وهو ساجد . وقلبها دق بسعاده كبيره جدا . وضحكت بدموع الفرح . وقفلت الباب بشويش . وراحت ع اوضتها بفرحه كبيره . وهي كمان كانت متوضيه قبل النوم . راحت لبست الاسدال . ونوت انها تصلى ركعتين شكر لله . وتدعي أن سليم ربنا يهديه وينور بصيرته .. ----------------------بقلمى مريم نصار فتون : بتكلم حنين . وحكتلها كل الل حصل . وبعدها قالت . بس ياستى ورجعت ع البيت وصليت المغرب وجهزت الاكل.. حنين : بانبهار . بجد يابت ياتونه !! يعنى الفيلا كبيره جدا كدا زى الل بنشوفهم ف الافلام والمسلسلات كدا !!؟ فتون : بسم الله ماشاء الله يانونا . الفيلا بجد ربنا يبارك فيها لأصحابها . كبيره جدا جدا كمان . حنين : واو طيب احكيلى اول مادخلتى شوفتى ايه ؟ فتون : ههههه هتتجننى انا عارفه .. بصي انا لما دخلت كدا من البوايه الضخمه دى . مشيت كتير اوى عشان اوصل لباب الفيلا الل جوه . بصي ف شجر كتير اوى . وزرع اخضر يرد الروح . وكمان ورد جميل اوى اشكال والوان منظر طبيعي بجد يخليكى عايزه تقعدى ف الجنينه لوقت طويل . ولما وصلت الفيلا ودخلت كنت مرعوبه بجد قولت انا دخلت مش هطلع منها اكيد هيقت/لونى ههههه قولت انا دخلت عند عصابه .. . الفيلا من جوه كبيره جدا الصاله بس اللهم بارك قد الحاره كلها ههههه . ولا السلم يابت يانونه حاجه كدا من التراث العريق الفخم . ماشاء الله بجد . وانا خارجه بقى من الفيلا . توهت ومش عارفه ارجع ازاى للبوابه الرئيسيه . وفضلت ماشيه قدامى بس لقيت بيسين كبير جدا . والميا بتاعته جميله اوى . بس خوفت ولفيت حوالين نفسي . ولمحت الراجل الل شغال هناك وقالى انه اسمه محروس .. وجريت عليه وسالته وهو مشكور . وصلنى لحد البوابه . وركبت مع حسين ورجعت .. حنين : بانبهار كبير ماشاء الله بجد حاجه جميله . طيب احكيلى ايه شكل الفيلا من جوا التصميم الداخلي ايه ؟ فتون : بت يانونا انا مختش بالى من اى حاجه غير الل قولتلك عليه وأحمدى ربنا اصلا انى ركزت ف حاجه . حنين : اممم طيب بقولك ايه . انتى رايحه بكره مش كدا؟ فتون : ههههه ايوه اكيد انتى . عايزانى اصورلك الفيلا مش كدا ؟. مجنونه انتى والله .. حنين : تؤ لأ يابت . انا عايزه اجى معاكى بكره ايه رايك؟ فتون : بتفكير . اممم عايزه تيجى علشان ايه يازفته انتى ؟. والناس هتقول عليا ايه !؟ ماينفعش تانى يوم كدا . خليها مره تانيه .. حنين : باقتناع . صح عندك حق . مش هتبقى حلوه . المهم طيب هتعملى ايه بكره مع الل اسمه سليم دا ؟ فتون : اتنهدت . والله معارفه يانونا . بس انا هعمل الل عليا وهحاول . علشان خاطر انا وعدت والدته . وكمان هو محتاج مساعده .. حنين : طيب يابت اتفقتى ع كام ف الشهر؟ فتون : ١٨٠٠ ج . حنين : بزهول . اييييه بس ؟ انتى عبيطه يافتون !! فتون : ليه بس يانكد .؟ حنين : المبلغ ده قُليل جدا . وكمان المسافه بعيده اوى . وكمان من الل انتى قولتيه واضح انهم اغنيا اوى اوى انتى ليه طلبتى حاجه بسيطه زي دي ؟ فتون : انا طلبت حقى مش اكتر لأن البرايل صعب زى ما انتي عارفه . وبعدين . الجلسه ساعه او ساعتين ب ١٥٠ ج يعنى حلو اوى . وكمان انا ماجتش ع نفسي ولا حاجه . وانا قولتله ع المبلغ ده لو هياخد ١٢ جلسه ف الشهر . اما بقى هو لو هيزود جلسات اكتر اكيد هاخد ع الجلسه الزياده و ١٥٠ بردو . يعنى مبلغ حلو اوى بالنسبالى . وغير كدا انا ماليش دعوه اغنيا ولا لأ انا باخد حقى وبس . .ايوه ف مدرسين غيرى بيفترو وبيجو ع الناس الغلابه أهالى الطلاب . هما بقو واخدين المهنه دى استغلال يعنى الاب يبقى شقيان وتعبان وطالع عينه ويجي المستر والمُدرس يقول أنا باخد ع الماده الواحده ٥٠٠ج طيب لما ماده واحده بس وياخد عليها نص مرتب راجل شقيان وتعبان ؟ . الاب ده هيعمل ايه ف باقى المواد التانيه ؟ . واكيد عندو بدال العيل اتنين وتلاته . ده غير مصاريف اكل وشرب ولبس وعلاج وغاز وكهربا وا وا وا . هيعمل ايه يسرق يعنى ؟ علشان شوية مُدرسين معدومين الضمير . قاعد ف البيت أو السنتر وبيشرح ساعه مش اكتر ولو عنده ٢٠ طالب في ٥٠٠ ج ف ماده واحده أدى يستى ١٠٠٠٠ ج وهو قاعد مستريح ولو طلاب اكتر من كده بقى يعنى ماشاء الله سوق سودا وتجاره ف تعب الغلابه عينى عينك كدا .. حنين : كشرت عينيها وبتفكير ف كلام فتون . واتنهدت بزعل . اه والله ياتونه عندك حق انا عمى لسه متخانق مع مراته علشان دروس الثانويه العامه ومصاريفها وبيقولها هجيب منين وكانت خناقه ايه عنب .. فتون : اتنهدت بزعل . الدنيا مليانه ياحنين وبالذات الغلابه الل مفرومين ف طاحونة الحياه . بس هيعملو ايه ايام وبنعيشها بالطول أو بالعرض هتعدى . وإن شاء الله بكره احلى. حنين : إن شاء الله ياحبيبتى . فتون : بقولك ايه يابت احنا رغينا كتير والوقت عدا وبنام ع نفسي . انا هاقوم اصلى ركعتين لله قبل ما انام ماشي ياحبيبتى.. حنين : بتتاوب . اوكشن ياقمر وانا كمان هاقوم اصلى وانام تصبحى ع خير ياقلبى. فتون : وانتى بخير وسعاده ياحبيبتى. ----------------------بقلمى مريم نصار تانى يوم الصبح .. الساعه ٩ سهير : بزعل وقمصه . قالت لجوزها الشيخ محمد بزهق .. الفطار جاهز قوم عشان تفطر .. محمد : قام من ع السرير . بيستغفر . وخرج من الاوضه وسميره طالعه وراه . محمد : بص حواليه وقال بجمود . خشي صحى سحر علشان تفطر معانا .. سميره : بديق سحر نايمه بعد الفجر ومبتصحاش دلوقتي . وكفايه الل انت عملته فيها امبارح . ولا عايز تسمم بدنها تانى انهردا ..؟ محمد : بصلها وقال بتحذير . انا قولت صحى سحر بنتك . وبعد كدا مافيش نوم للعصر . هتنام وقت ما الكل ينام . وهتصحى وقت ما الكل يصحى . هتخشي تصحيها ولا اخش انا اصحيها بمعرفتى ؟ سميره : بزعيق اله . ف ايه ياسي محمد مالك شادد حيلك علينا كدا ليه ؟ وبلاش تبين كرهك اوى كدا لبنتك حسسها انك ابوها وهامك مصلحتها .. محمد : جاب اخرو . وصك ع اسنانه بغيظ . وقرب من سميره ومسكها من دراعها بقوه كبيره . سميره : بتزق ايدو وبتتالم ومش عارفه تبعد ايده . اااه ايدى . محمد : قسما بالله ياسميره لو مابطتلى السم الل انتى بتطلعيه من بوقك ده ؟ لا هتشوفى منى تصرف مش هيعجبك ابدا . وانا بعمل كدا علشان عايز مصلحة بنتى وانتى الل ماليه دماغها انى بكرهها .بنتك بتقلدك ف كل كلمه . بنتك اتجرات وعلت صوتها عليا امبارح علت صوتها ع ابوها . .علشان بتشوف امها بتعمل ايه معايا . وإن كنتى فاكره إن سكوتى عليكى ده ضعف منى تبقى غلطانه . انا قادر اعاملك بالمعامله الل انتى تستاهليها . وقادر أمد ايدى عليكى ومحدش هايلوم عليا . .وقادر اتصل ع اخوكى الكبير واقوله تعالى خد اختك لانها ماتلزمنيش ومن زمان كمان . بس انا ساكت وصابر عليكى علشان خاطر بنتك وكمان ابنك الل من يومين فرحان ومبسوط انه بقى أب .وبقول لنفسي اصبر يامحمد عليها يمكن يكون صبرك ده سبب ف دخولك الجنه في انى استحملك وأذي نفسي بيكى .. لكن لحد كدا وكفايه انا صبرت عليكى كتير اوى . ولسانك زى الافعى بيلدغ طول عمرو وانا خلاص اكتفيت منك ومن بنتك . لو مش عايزه تطلقى ع آخر الزمن ؟ يبقى تشترى نفسك وتسمعى الكلام من اول مره . ولا قسما بالله أرمى عليكى اليمين وبالتلاته ومافيها راجعه يابنت الشيخ امين . وزعق اكتر .. فاهمه ولا لأ ..!؟ سميره : بتتالم من الوجع وايدها وجعتها جدا . و شهقت بصوت عالى وخافت من كلام وتهديد الشيخ محمد .. محمد : ساب دراعها بقوه . وبصوت عالي . انجرى صحى سحر ومن انهردا مافيش سهر للصبح !. ونبهى عليها تقوم تفطر وتروق الشقه كلها . وانتى تفطرى وتروحى ل مرات ابنك الل والده وتعبانه دى تشوفيها محتاجه ايه وتاخديه معاكى فاهمه ولا لأ ؟ سميره : بلعت ريقها بتوتر وخوف . حا...حاضر ياخويا وجريت من قدامه وراحت علشان تصحى سحر .. محمد : قعد ع الكرسي بغضب ونفخ بديق عيشه تقصر العمر .اعوذ بالله من الشيطان الرجيم .. اللهم لا حول ولاقوة إلا بيك يارب . استغفرك ربي و اتوب اليك .. سميره : دخلت وماسكه دراعها وقعدت جمب سحر . وبتصحيها . سحر . انتى يابت قومى . سحر : ....... سميره : بتهزها بديق يابت قووومي ابوكي عايزك بره . سحر : شدت الغطا بغضب . اطلعى برا ومش مكلمه حد . قوليله نايمه .. سميره : نفخت بغيظ . يابت قومى ابوكى من امبارح وهو متحول علينا .وهو عايزك ومستنيكى بره . قومى وعدى اليوم ده ع خير .. سحر : اتعدلت بنرفزه وصوت عالى . عايزه ايه منى ؟ وهو كمان عايزنى ليه ؟ واليوم يعدى ولا إن شاله ما عدى اعملك ايه يعنى .؟ وانتى بتصحينى دلوقتي ليه مش كفاكو الل عملتوه فيا امبارح ؟ محمد : سمعها وهو بره ف الصاله . وبيهز رجله من النرفزه . لكن امتص غضبه ومستنى يشوف سميره هتعمل ايه؟ سميره : حطت ايدها على بوق سحر . اكتمى يابت نهارك مش فايت ابوكي لو سمعك مش هيعدى اليوم ده . اسمعينى ياحبيت امك . انا هتصرف واجوزك حسن بس انتى شايفه ابوكي شايط ازاى من امبارح . ولازم نسايسه الله يهديكى ياسحر قومى معايه واستسمحى ابوكي وبوسي ع راسه . ابوكي ناوى ع الشر . ده حلف أنه ممكن يطلقنى وبالتلاته كمان . ساعتها انا هتمرمط وانتى هتتعذبى قومي ياضنايا . قومى اسمعى كلام امك وهتكسبى .. سحر : شالت الغطا بغيظ . وقامت استسمحه ليه إن شاء الله وانا عملت ايه ؟ كل ده عشان قولت موافقه ع حسن .وكمان ضربنى ؟ بقولك ايه اطلعى بره علشان اغير هدومي واطلع اشوفه عايز ايه . واسمعى انتى بقى ياحسن ياموتلكو نفسي وانتى حره بقى . سميره : شهقت بصوت مهموس . يابت وطي صوتك ده . ولما تموتى نفسك ساعتها هتاخدى حسن يعنى . اسمعى بس كلامى واطلعى لابوكي دلوقتي وهنفكر ازاى نقنع ابوكي . بس علشان خاطر امك حبيبتك اعقلى واطلعى لابوكي دلوقتي . يلا ياحبيبتى .. سحر : اتنفست غيظ وسكتت بتفكير . ماشي وأما اشوف اخرتها ... سميره : سابت سحر . وطلعت واول مره تخاف كدا من محمد . وقالت بتوتر . احم سحر طالعه ورايا ياحج .. محمد : بصلها بشرز .. وقال بصوت عالى . تطلع وتصلى الصبح وقدامى . وتفطر وتشيل الاكل وتروق البيت كله من أوله لاخره . ومش عايز اسمع نفس حد فيكم سواء انتى أو هي فاهمه يا سميره . !!! ؟ سحر : سمعت من جوه . واتغاظت ونفسها تولع ف فتون وحالا ... سميره : بخوف . هزت راسها .حاضر حاضر ياحج الل انت عايزو هيحصل .. سحر : طلعت من اوضتها . وبغضب مكبت صباح الخير .. محمد : صباح النور بسحر بنت الشيخ محمد . الل الجيران امبارح بليل يقولو احنا سمعنا صوت سحر بنتك عالى ياترى ايه الل حصل ؟ سميره : غمضت عينيها استر يارب .. سحر : والله كل واحد يخليه ف حاله محدش قالهم يرمو ودانهم . وكملت بتريقه ومسمعوش صوت ضربك فيا بردو ؟.. محمد : بصدمه كبيره وفتح عينيه على الاخر .. سميره : صكت ع أسنانها بغيظ الله يخربيتك ياسحر هبله وهضيعينا .. وجريت ع محمد الل الشرار طالع من عينيه وشكله هيضربها تانى . وحد الله ياحج . عيله وغلطت انا هعلمها الادب . سايق عليك النبى تهدى شويه .. محمد : بغضب زق سميره بعيد عنه . وراح عند سحر .. سحر : من جواها خافت لا يضربها تانى . ووقفت مهزوزه .. محمد : بتحذير شديد . انا مش مستغرب تربية سميره ليكى وانا بعترف بغلطى انى سبتها تربيكى .. لكن انا هعرف ازاى اصلح غلطتى واربيكي ياسحر . وهاخدلك اجازه مخصوص من الورشه وقاعدلك هنا . وهخليكى تمشي ع الصراط المستقيم . ودلوقتي انجرى ع الحمام تتوضي وتصلى الصبح قدام عينى هنا . وبعدها تفطرى وتعمليلى شاى . وتروقى كل البيت ده . وتشوفى امك هتعمل غدا ايه انهردا وتعمليه انتى . والل هقول عليه يتنفذ وبالحرف الواحد ومش هكرر كلامى . يا اما قسما عظما . ما اخليكى تكملى تعليمك واجوزك لابن عمك فاهمه ولا لأ ...؟ سحر : بصت ل ابوها بدهشه وبدموع وغيظ ومردتش .. محمد : بصوت عالى جدا فاهمه ولا لأ !؟ سحر : بلعت ريقها بخوف . فاهمه . فاهمه . وراحت بسرعه ع الحمام تتوضي .. سميره : بتخبط ع خدها . استر يارب . الراجل اتحول . ونزلت أيدها بسرعه لما شافت محمد راح قعد قصادها ... محمد : قعد . خشى جهزى نفسك علشان عصام هيجى كمان ساعه ياخدك ع بيته اتحركى .. سميره : حاضر . وجريت من قدامه . محمد : مسح وشه بايديه . وقال سامحيني ياسحر يابنتى . لازم اعيد تربيتك من اول وجديد .. ----------------------بقلمى مريم نصار بعد فتره . سليم : قاعد ف أوضته ع الكرسي . والقطه بتلف حوالين رجليه . وقال بس ياتونه بقى انتى مزهقتيش . تعالى .. القطه : نطت ع رجليه وبتمسح وشها ف ايديه . وعملت صوت كأنها بترد عليه. سليم : ابتسم .وبيمسد ع راسها وضهرها بقيتى شقيه اوي انتى ياتونه . الباب خبط . عزيزه من بره سليم بيه؟ سليم : أدخل . والقطه نزلت ع الارض .. عزيزه : فتحت الباب ودخلت . احم سليم بيه . فريده هانم بتبلغك إن الانسه فتون موجوده ومنتظراك . ف مكتب حضرتك .! سليم : نفخ بديق . ومسح وشه بايديه . ومحتار يعمل ايه ؟ وقال ماشي يا عزيزه روحي انتى .. عزيزه : هزت راسها تحت امرك . ولفت ضهرها. سليم : ااء . اسمعى ياعزيزه . عزيزه : لفت نعم ياسليم بيه ؟ سليم : اعمليلى قهوه ساده وسيبيها ف المكتب .. عزيزه : تحت امرك . واتحركت وخرجت .. سليم : رجع راسه لورا بحيره . ومش عارف يتصرف مع فتون ازاى ! وازاى ينجح في انه يخليها تمشي ومترجعش تانى . واتنهد بحيره علشان فريده هتتدايق . وقام يلبس وجواه افكار كتير متلخبطه . ----------------------بقلمى مريم نصار فريده : قاعده ف المكتب . بسعاده . جمب فتون اهلا ياحبيبتى شرفتينى بجد . فتون : بحرج . اهلا بحضرتك . الشرف ليا انا . فريده : انسه فتون تحبى تشربى ايه؟ فتون : ابتسمت بحرج . لا ابدا مش هقدر اشرب حاجه متشكره لحضرتك . احم . وياريت بلاش تقولى انسه . قولى فتون من غير تكليف .. فريده : ابتسمت بحب .كلك زوق حقيقي .. وخلاص من دلوقتى فتون . فتون وبس . فتون : هزت راسها كدا احسن .. فريده : تعرفى إن اسمك جميل اوى. فتون : ابتسمت . ربنا يكرمك يارب. وبصراحه اسم حضرتك اجمل . فريده : ابتسمت بحب .تسلمى ياحبيبتي.. انا بشكرك لانك تحملتى اسلوب سليم مع إن انتى مش مجبره ع كدا . وكمان بشكرك جدا لانك عند وعدك وجيتى تانى وقُليل جدا الل بينفذ وعده .. فتون : ابتسمت . متشكرنيش لأن ده واجبى . واتمنى من حضرتك انك متكونيش زعلتى من طريقة كلامى امبارح مع الاستاذ سليم . صدقينى ده كان جزء من الجلسه . فريده : بصتلها وابتسمت . ابدا انا مزعلتش ولا حاجه .. بس تعرفى امبارح وانتى بتكلمى سليم كدا . قولت بس الاتنين دلوقتى هيتهورو و هيشدو ف شعر بعض هههههه . بس انا بصراحه مبهوره بيكى اسلوبك خاص وكنت مستغربه رد فعل سليم قدامك . واتنهدت صدقينى يافتون . انا حاسه اني اعرفك من زمان اوى . انتى جميله اوى وأخلاقك عاليا . واتمنى انك تعتبرينى زى والدتك ونكون قُريبين من بعض . ولو احتاجتى اى حاجه انا موجوده ياريت متتردديش .. فتون : ابتسمت بحب .دى حاجه تشرفنى طبعا . ربنا يكرمك . ومتشكره جدا ع ثقتك فيا . وحضرتك كمان مألوفه بالنسبالى ومقدارك عندى زى والدتى بالظبط . فريده : حبيبتي تسلمي . والايام جايه بينا كتير وهنتعرف ع بعض اكتر . فتون : هزت راسها إن شاء الله . سليم : لبس وكمان لبس النضاره الل مبقتش تفارقه . ونزل ومخنوق ورايح ع المكتب . لكن وقف جمب الباب . وبيسمع حوار فريده مع فتون .. فريده : طلعت ظرف . اتفضلى ياحبيبتي . فتون : بعدم فهم . ايه الظرف ده؟ فريده : سليم قالى امبارح ع الفيزيتا بتاعة الجلسات . وانا بصراحه مكنتش متوقعه انك هتطلبى مبلغ صغير كدا . وكمان انا لسه معرفش سليم هيحدد كام جلسه . ف انا قولت ادفع مقدم دول ٣٠٠٠ ج وتابعى مع سليم الجلسات وشوفى حسابك .. فتون : ابتسمت وقالت المبلغ الل طلبته ده مش صغير ولا حاجه . ده حقى مش اكتر . والجلسه واقفه ع ١٥٠ ج وكمان حاسه انه كتير . وانا اسفه مش هقدر اخد من حضرتك الظرف ده . انا هاخد بعد الشهر مايخلص وكمان هاخد حق الجلسات مش اكتر . وكمان الاهم من كل ده اننا نشوف نتيجه ايجابيه للأستاذ سليم . سليم : واقف وسامع الحوار بين فريده وفتون . وعجبه . موقف ورد فتون . وشبح ابتسامه ظهرت ع وشه . وبعدها كشر تانى ورفض الفكره .. فريده : بصت ل فتون بإعجاب كبير . وشافت وفهمت عزة النفس الل عندها . وابتسمت بحب كبير . وربتت ع كتفها وقالت . يسلم الل رباكى بجد انتى مفيش منك دلوقتي . ربنا يسعدك و يريح قلبك يابنتى .. فتون : ضحكت بدموع فرح . لما سمعت فريده وهي بتقول يسلم الل رباكى . حست بفخر واعتزاز كبير . كلمه ردت فيها الروح . كلمه دخلت ع قلبها قبل عقلها . ودمعه نزلت منها . لانها كانت بتتمنى إن ابوها يكون موجود معاها ويسمع نتيجة تعبه ف تربيته ليها . ومسحت دموعها بسرعه . فريده : شافت دموعها . وقالت حبيبتى ايه دموعك دى انا قولت حاجه غلط .؟ سليم : انتبه . واستغرب انها بتعيط .وركز علشان يسمع رد فتون .. فتون : هزت راسها بنفى . لآلا ابدا مقولتيش اي حاجه غلط . احم انا اسفه دمعت غصب عني . بصراحه كلامك فرحنى . فريده : بزعل . هو والدك موجود معاكو ؟ فتون : بدموع . هزت راسها لأ . والدى متوفى اكتر من ٣ سنين .وماليش اخوات. سليم : اتنهد بزعل ومش عارف هو زعل ليه ؟ فريده : بأسف . انا آسفه يافتون مكنش قصدى انى اجدد أحزانك والبقاء لله. فتون : مسحت دموعها . وابتسمت وقالت ونعمه بالله . حضرتك متتأسفيش محصلش حاجه . فريده : ربتت على كتفها . والدك ف مكان اجمل من هنا بكتير وانا واثقه انه لو كان موجود كان هيبقى فخور بيكى جدا . وربنا يبارك ف والدتك .. فتون : اللهم امين يارب . معلش صدعتك . فريده : كلام ايه ده .؟ ربنا يعلم انا ارتحت ليكى قد ايه . فتون : وانا كمان صدقينى وإن شاء الله اكون عند حسن ظن حضرتك . سليم : نده ع عزيزه . علشان ينتبهوا . يا عزيزه .. واتحرك ودخل المكتب وحط ايدو ف جيبه . فريده : قامت . طيب يافتون اهو سليم جه اهو اسيبكو انا بقى .. فتون : هزت راسها اتفضلى . عزيزه : دخلت بالعصير والقهوه . اتفضل يا سليم بيه القهوه ع المكتب .. وحطت العصير قدام فتون .. وخرجت .. فريده : بصت ل سليم . وقالت سليم ياحبيبى انا خارجه دلوقتي رايحه مشوار مهم . وانت بالله عليك حاول تسيطر على غضبك ارجوك . سليم : هز راسه متقلقيش يافريده روحي مشوارك واطمنى .. فريده : ربتت على كتفه . ربنا يريح قلبك ياقلب فريده .. وخرجت . سليم : واقف ف نص الاوضه . وساكت .. فتون : رفعت راسها وبصت ع سليم . واخدت نفس عميق . اذيك يا استاذ سليم ؟ سليم : مط شفايفه امم كويس . فتون : طيب نبدء الجلسه . ولا حابب نتكلم شويه ف اى حاجه ؟ سليم : بتعجب نعم ؟ نتكلم ف ايه إن شاء الله؟ انتى جايه هنا نتكلم ولا تشوفى شغلك ؟ فتون : ابتسمت ببرود انا بشوف شغلى اهو يا استاذ سليم . وده من ضمن شغلى . اممم بس واضح انك فاقد الشغف ف الحياه ؟ سليم : بغيظ . شغف ؟ واى حياه بقى الل تستاهل انى يكون عندى شغف ليها . الحياه عمرها ما كانت عادله ابدا .. فتون : قامت وقفت قدامه . ازاى بقى الحياه مش عادله ؟ سليم : من جواه مخنوق جدا وحاسس بالوحده . وجواه كلام كتييييير . بس سكت ومردش عليها .............. فتون : شافت جمود ع وشه . وقالت الحياه ديما عادله وانا ع يقين بده .. سليم : بسخريه . ههه بالنسبالك انتى بقى . انما انا شايف انها حياه غداره ومش عادله بالمره .. فتون : ابتسمت بوجع . بالنسبالى ؟ واتنهدت بوجع . انا عايشه وراضيه بالمقسوم . وديما عندي ثقه ف الله إن بكره احلى من دلوقتي .. لكن للاسف مفيش حد عاجبه حاله . سليم : نسي كل حاجه واتعمق ف كلام فتون وقال بوجع كبير .لا مش عادله ! الدنيا ضلمه اوى وده الل مش قادر اتحمله . فتون : زعلت علشانه . طيب مش يمكن ربنا عمل كدا لسبب معين . اكيد ف سبب من ورا الحادثه الل حصلت . استحاله القدر يظلمك ! سليم : بدهشه . وقال حادثه ؟ ومين قالك .. فتون : اتنهدت بزعل انا اسفه مدام فريده حكتلى كل حاجه بخصوص الحادثه . وده طبعا من يأسها ف انك مش راضي تستجيب للعلاج أو التعليم . وياريت متزعلش منها أنها قالتلى . الانسان طاقه . واكيد وجعها عليك خلاها تفضفض . وبصتله احيانا الفضفصه بتريح كتير . اكتر من الكتمان . هنا سليم : نسي هو بيتكلم مع مين وقال . سليم : بإحباط . الكتمان ارحم بكتير من انك تحسي شفقه من غيرك ليكى .. فتون : كمان نسيت وجود سليم وكأنها بتكلم نفسها بصوت عالى .. فتون : بوجع كبير .. احساس الشفقه وحش جدا . احساس يهز ثقتك بنفسك . احساس يخليك ماشي مش عارف ترفع راسك فوق . لكن طول ما انت بتقوى نفسك بنفسك نظرة الشفقه هتتغير لنظره فخر واعجاب كبير . .وبصتله .. خليك زى ما انت واثق من نفسك . خليك متأكد من أنك تقدر تعدى اى محنه واى ازمه تواجهها . امشي بمبدء انا هعمل االل عليا والباقي ع ربنا . خليك دايما واثق بما أن ربنا قرر أنه يخليك ف الضلمه اكيد ليه حكمه ف كدا . انت فكر كويس يوم الحادثه ده كنت فين رايح لمين مش يمكن للهلاك. طيب مفكرتش انك ممكن ف الحادثه دى كنت تخسر حياتك للابد ؟ سليم : بيسمع فتون وعينيه لمعت بدموع. كأنها بتوصف وجعه وكمان اتخنق لانه شايف نفسه أضعف مما يكون . وقال ياريتنى كنت خسرت حياتى للابد ع الاقل كنت هستريح . فتون : بدموع لأ طبعا عمرك ما كنت هتكون مستريح . إلا إذا كنت مستعد انك تقابل ربنا وانت كل حاجه ف حياتك عملتها زى ما ربنا قال عليها . طيب لو كنت مُت ف الحادثه دى انت كنت مستعد انك تقابل ربنا ؟ سليم : غمض عينيه بتعب .وفكر شويه ومردش.. فتون : مسحت دموعها . وقالت مفيش حد مننا مستعد انه يقابل ربنا . لكن انت مفكرتش إن ربنا بيقدملك فرصه تانيه ع تقصيرك ف حياتك . يعنى المفروض واحد غيرك يحمد ربنا انه خلاك لسه عايش علشان تصلح حياتك وتغير من أسلوب حياتك وتشوف ايه الل كان ناقص ف حياتك وتكمله .. سليم : سرح ف كلامها . افتكر لما كان بيروح الديسكو افتكر تقصيرو ف الصلاه افتكر لبس رهف افتكر تريقته ع اى حد مع خالد . افتكر حجات كتير جدا لو كان فعلا مات ف الحادثه دى كان هيخسر كتير اوى .. فتون : لفت ضهرها ليه وقالت . اكيد بتفكر في شريط حياتك . ولازم تقتنع وترضي بقضاء ربنا . حتى لو عايش ف الضلمه اكيد الضلمه الل انت فيها دلوقتي ربنا شايف انها ف الوقت ده افضل بكتير لو كنت لسه بتشوف . مش يمكن ربناعمل كدا علشان ينور بصيرتك لحجات تانيه . او يكشف مثلا حقيقة كل الل حواليك . ؟ سليم : انتبه وفكر وقال جواه ..رهف ! رهف اتخلت عنى اول ما اتعميت .ايوه رهف وانا كنت كلها كام شهر ونتجوز َ! فتون : كملت كلامها او يخليك تقرب منه اكتر . اكيد ربنا عايزك وعلشان كدا قربك منه . اكيد الل حصل ده لطف من ربنا عليك . سليم : لف ضهرو ليها ودمعه نزلت منه . وقال انتى بتسمى المصيبه دى لطف طيب ازاى ؟ فتون : حست برعشة صوته واتاكدت أنه بيبكي . وقالت . الشيخ الشعراوي كان بيقول مينفعش تفكر في المصيبه قبل وقوعها لأنك بتفكر فيها من غير ما يكون اللطف نزل .. فصعب اوي نتحمل من غير لطف الله . اكيد جواك ربنا عالم بيه ولازم تصبر ع الوجع الل انت فيه . وسعات الوجع ده بيقويك ويقدمك خطوه لقدام .الوجع علاقه خاصه جداً بينك وبين ربنا .. وربنا قال . بسم الله الرحمن الرحيم (وَإِن تَجْهَرْ بِالْقَوْلِ فَإِنَّهُ يَعْلَمُ السِّرَّ وَأَخْفَى ) صدق الله العظيم . فتون : انت لازم تحكى وجعك أن شاله تحكيه لنفسك . كلم ربك بقلبك ارضي بقدرك . وربنا هيكافأك صدقنى . سليم : مغمض عينيه وبيسمع فتون . ولاول مره مش عايزها تبطل كلام . وعندو احساس براحه كبيره لما اتكلم وخصوصاً مع العنيده الل مش عايزها . وقال لا إراديا . كملى متسكتيش ... فتون : رفعت عينيها ل سليم . وجواها احساس مختلف . وشافت تعابير واحد تانى خالص غير الجمود الل كان مرسوم ع وشه . وقالت .. انا لما بحس بالغربه في وسط العالم ده بلجأ لحاجه واحده بس ! سليم : لسه مغمض عينيه وكأن صوت فتون نغمه وبيسجلها .. وقال بصوت هادى بتلجأى ل ايه ؟ فتون : لما سمعت نبرة صوته غمضت عينيها بحب . لكن قالت . بلجأ للقرآن . وحاولت تخرجه من الل هو فيه . وقالت طيب ينفع اقولك ع حاجه ؟ سليم : ناسي العالم .. وهز راسه امم قولى . فتون : من فتره مش كبيره اوى . حصل معايه مشكله . والمشكله دى كانت خنقانى جدا وحسيت إن كل الل حواليا بيتكلمو ع المشكله دي . وساعتها حسيت إن الدنيا كلها جايه عليا . وقعدت لوحدى وعيطت . وبصتله ايوه عيطت ومش عيب إن الواحد يعيط ويخرج الوجع الل جواه . وبعدها جبت المصحف ولانى متعوده انى افتح المصحف عشوائي وأقرأ أول ايه عينى تيجى عليها . وعينى جت ع ايه ولما قريتها حسيت براحه كبيره جدا . واكتشفت إن الكون كله ميستاهلش انى ازعل ع حاجه دنياويه . لا ربنا اكيد لما بيعمل حاجه للإنسان . اكيد اكيد فيها الخير ليه .. سليم : بضعف انتى فاكره الايه دي ؟ فتون : ابتسمت بحب . ايوه طبعا . تحب تسمعها .. سليم : هز راسه امم سامعك . فتون : غمضت عينيها . وقالت .. بسم الله الرحمن الرحيم ."وَلَقَدْ نَعْلَمُ أَنَّكَ يَضِيقُ صَدْرُكَ بِمَا يَقُولُونَ * فَسَبِّحْ بِحَمْدِ رَبِّكَ وَكُن مِّنَ السَّاجِدِينَ" صدق الله العظيم . وكمان قالت .. بسم الله الرحمن الرحيم .. فَنَادَىٰ فِي الظُّلُمَاتِ أَن لَّا إِلَٰهَ إِلَّا أَنتَ سُبْحَانَكَ إِنِّي كُنتُ مِنَ الظَّالِمِينَ * فَاسْتَجَبْنَا لَهُ وَنَجَّيْنَاهُ مِنَ الْغَمِّ ۚ وَكَذَٰلِكَ نُنجِي الْمُؤْمِنِينَ" صدق الله العظيم . سليم : سرح ف كلمات الايات . وكأنه اول مره يحس ويستشعر كلمات القرآن .. وطلع تنهيده بوجع كبير . كبير جداا . دخلت لقلب فتون بزعل عليه . وشافت قد ايه إن سليم تايه وضايع .. فتون : اتنهدت بزعل. استاذ سليم . هو ده كان المقصود منى لما قولت تحب نتكلم ف اى حاجه قبل الجلسه . صدقنى انا مش هجبرك ع حاجه أنت مش عايزها . انا متفهمه إنك عملت كدا علشان خاطر والدتك وده شئ عظيم منك إنك تشترى راحتها ف تعبك .وانا مش هتعبك ولا هجبرك ع التعليم . لكن ياريت تفكر شويه . سليم : اتنهد وقال . انا مستعد اعمل اى حاجه ل فريده . لكن تقدرى تقوليلى ايه فايده انى اتعلم هعمل بيه ايه وانا اعمى ؟ فتون : ابتسمت و قربت منه ومسكت فنجال القهوه . اتفضل قهوتك هتبرد .. سليم : كان هيزعق لكن محبش يبين ضعفه قدامها . واخد الفنجال و ساكت . فتون : اشرب قهوتك .. سليم : بتعجب منها . وعدم فهم . لكن رفع الفنجال وشرب .. فتون : اممم طيب ما انت بتعرف تشرب القهوه اهو .. سليم : بعفويه . ف الاول كانت صعبه بالنسبالى لكن لما اتعلمت اا.......وسكت لانه فهم قصدها .. فتون : ضحكت . ايوه لما اتعلمت !! كل حاجه صعبه ف اولها لكن لما هتتعلم كل حاجه هتحس بفرق كبير جدا . ولو وافقت انى أعلمك انا انهردا مش همشي من هنا غير لما اخليك تكتب اسمك وكامل كمان مريم نصار اممم بتهايئلى عرض مغرى . انا لو منك اوافق واتحايل عليا كمان انى اعلمنى ههههه. سليم : غصب عنه ابتسم .. ورفع الفنجال وشرب . فتون : اممم هاا فكرت ؟ سليم : سليم بدر الدين .. فتون : بعدم فهم هااا .؟. سليم : ههههه . اسمى الكامل الل هتخلينى اتعلم اكتبه انهردا . سليم بدر الدين . فتون : ضحكت . امم تمام اهم حاجه تكون مقتنع .. سليم : ابتسم وهز راسه تمام . وقال اشربى العصير .. فتون : بحرج . احم هشربه بعد ما تكتب اسمك إن شاء الله .. سليم : تمام . وخلص قهوته . فتون : راحت قعدت قدام الترابيزه . وبتجهز الورقه والمسطره ..وقالت اتفضل يا استاذ سليم علشان نبدأ ... سليم : اتحرك من غير ما يتكلم وقعد .. فتون : بتوتر ورعشة ايد .. احم ممكن ايدك ؟ سليم : مد ايدو من سكات . فتون : بلعت ريقها بتوتر . ومدت أيدها ومسكت ايدو .وايدها اترعشت . ووشها بقى احمر جدا . سليم : غمض عينيه . مع اول لمسه . وكأنه بيستمتع بخجلها الواضح من رجفة أيدها. فتون : اخدت نفس عميق . وحاولت تجمع قوتها . وقالت احم . انا انهردا هعملك اسمك بالكامل وبس . وبكره إن شاء الله نكمل ف الحروف والارقام . ركز معايه . سليم : هز راسه .. فتون : أيدها فيها رجفه . وقالت بصوت مبحوح . اسم .( سليم ) بطريقه برايل . سليم : سمع اسمه منها ومش عارف ايه الل بيجراله . صوتها مميز جدا .. فتون : هنكتب ف الخليه دي . حرف السين . ايوه هنا بالظبط . نقطه ٢ ــ نقطه ٣ ــ نقطه ٤ ــ تمام كدا . سليم : بتركيز . ايوه . فتون : نيجى للحرف الل بعده حرف . اللام ف الخليه التانيه ايوه هنا .. نقطه ١ ــ نقطه ٢ ــ نقطه ٣ ــ ... حرف الياء نقطه ٢ ــ نقطه ٤ ... حرف الميم نقطه ١ ـــ نقطه ٣ ـــ نقطه ٤ فتون : سابت ايدو بسرعه . ونفخت بأريحيه وقالت . كدا كتبنا اسمك . سليم . يلا هنكتبه مره واتنين . وتقراه وبعد كده نكتب باقى الاسم كامل . لحد ما تكتبه كامل بنفسك .. سليم : ابتسم من طريقتها وهي بتشد أيدها .. وهز راسه تمام .. فتون : ولو ف نقطه صعبه عليك أو لو حسيت انى مش قادره اوصلك المعلومه قولى وانا هحاول ع قد ما اقدر . سليم : ابتسم . تمام ابدئى .. فتون : غمضت عينيها واستغفرت . وفتحت عينيها . ومدت أيدها ومسكت ايدو تانى . واحساسها بيزيد اختلاف وتوتر .عن كل مره. سليم : ف كتابة اسمه مكنش مركز غير فى ايد فتون الل بتترعش . وبعد كده انتبه لكلام فتون . واتعلم اسمه . وكتبه لوحدو .. فتون : بدءت تعلمه اسمه بالكامل . وده اخد اكتر من ساعتين . واخيرا سليم كتب اسمه كاملا لوحده. فتون : بعد كل الوقت ده . سحبت أيدها ونفخت بأريحيه . احم دلوقتى هنسحب الورقه . وسحبتها وقلبتها . وقالت انت طبعا اتعلمت كل حروف اسمك . وقراتها لوحدك . اتفضل اقرا الكلمه دى وقولى عليها .. سليم : مسك الورقه ولمس الاسم الل اخدت ايدو عليه . وغمض عينيه وركز . وقال (بدر ) فتون : ابتسمت بنصر . برافو بجد بجد جميل جدا .. لتانى جلسه وكمان اتعلمت حروف اسمك لاول مره وكتبتها وقريتها بجد ده إنجاز كبير . انا كنت واثقه من إنك هتفوق كل توقعاتى وفعلا . ماشاء الله عليك .. سليم : هز راسه وسكت . بعد شويه سليم قرأ اسمه كاملا . فتون : بتشيل كل حاجه وتحطها ف الشنطه . وقالت . استاذ سليم . انا زى ما اتفقت الاسبوع ده هيجيلك فيه يوميا .. لكن بعد كده حضرتك الل هتحدد هاجي امتى . ف لو حضرتك قررت ياريت تقولى علشان اعرف . سليم : انا قررت فعلا .. فتون : قامت وقفت . وقالت تمام حضرتك قررت اجيلك امتى ؟ سليم : قام وقف . وقال أنا مش عايزك تيجى ........ بعد لحظات فتون ماشيه ف الجنينه وفجاءه صرخت بارت ١٥ رواية (أحببت بصيرتهُ) بسم الله نبدأ . رب عمل صغير تُكثِّره النية ورب عمل كبير تُصغِّره النية .. إذا قوي الإخلاص لله جلَّ جلاله في الأعمال وعظمت النية وأُخفي العمل الصالح ارتفع صاحبه إلى أعالي الدرجات، وقرب العبد من ربه وأظله تحت ظل عرشه، قال ﷺ: *(سبعة يظلهم الله في ظله...)* وذكر منهم *(ورجل تصدق بصدقة فأخفاها حتى لا تعلم شماله ما تنفق يمينه،)* البخاري. بالعمل القليل مع الإخلاص يتضاعف الثواب وأفضل الأعمال صدق النية فيما عند الله، *تعلموا النية فإنها أبلغ من العمل.* صباحكم رضا من الله وسعاده دائمه . ______________________________________ * : عند الشيخ محمد .. محمد : قاعد ف الانتريه بعد صلاة العصر. وعينيه ع سحر الل بتشتغل بغيظ كبير . وبيفكر وقال جواه . ياترى ايه السر يابنت الشيخ محمد ف إن حسن يتقدملك ؟ وف التوقيت ده بالذات ؟ واشمعنى انتى ياسحر ياصاحبة فتون دون عن بنات الحاره كلها الل حسن عينه عليكى . وبعدين يامحمد هتعمل ايه؟ الموضوع ده مش داخل دماغى ! البت وقفت قصادك وقالت عايزه حسن بالفُم المليان . ياترى ياسحر انتى السبب في فسخ الخطوبه بين حسن وفتون .؟ ايه يامحمد الل انت بتقوله ده . استحاله بنتك تعمل كدا . احنا مالناش ف الشر ابدا ! طيب ايه السبب ايه الل حصل . ااااه يالله استرها معايا يارب .... يارب ماليش غيرك يصلح الاحوال وتهدى بنتى للطريق الصحيح .. انا مش عارف ايه الل بيحصل ده .. اللهم لا اعتراض يارب .. وفضل يتكلم مع نفسه وسرحان وتايه فتره كبيره . وبعدها . فاق لما شاف سحر معديه من قدامه. سحر : خلصت ترويق البيت ومتغاظه جدا . ورايحه ع اوضتها من غير ما تتكلم ... محمد : رايحه فين ياسحر ؟ سحر : وقفت وغمضت عينيها بنفاذ صبر . انا خلصت ترويق الشقه كلها . وداخله الاوضه . محمد : امم منا واخد بالى انك خلصتى الشقه . بس رايحه ع اوضتك ليه ؟ سحر : انا تعبانه ونفسي انام شويه .. محمد : لا مفيش نوم . شوفى أمك قبل ما تنزل . قالتلك هتطبخيلنا ايه انهردا ولا انتى نسيتى ؟ سحر : بغيظ كبير . بابا انا تعبانه ومنمتش . والشغل هد حيلى . ومش هقدر اعمل حاجه .. محمد : بتحذير . انجرى ياسحر ع المطبخ . واعملى الغدا . وضحك بتريقه . عايز ادوق اكل العروسه الل كبرت . وكبرت ع ابوها ولسانها طول عليه وبقت بترد ماشاء الله ماشوفتش بجاحه وقلة حيا كدا في حياتى . يلا اتحركى ع المطبخ . ومسمعش كلمة عايزه انام بالنهار دى خالص . من انهردا ف ظبط وربط ف تربيتك .. سحر : واقفه بدموع وصكت على أسنانها بغيظ. ولسه هتتكلم .. محمد : شاور ليها . اوعى تسمعينى صوتك غير نعم وحاضر . وإلا قسما بالله هتشوفى منى تصرف مش هيعجبك ابدا ياسحر . يلا ع المطبخ .. سحر : قبضت على ايديها بغضب شديد . واتحركت بنرفزه وراحت ع المطبخ . وبتشتغل بغل كبير . محمد : اتنهد بزعل . وماسك السبحه وبيسبح وبيدعى ربنا انه يهديها هى وامها .. بعد شويه . سحر : بتعمل الاكل . وفونها رن وكان علاء . بصت بصدمه كبيره . وخافت ومسكت الفون بسرعه وكنسلت عليه وعملت فونها صامت .. محمد : من بره . مين ياسحر ؟ سحر : بتوتر . احم دى . دى واحده صحبتى ف الجامعه بتتصل تطمن عليا .. علاء : بيتصل تانى . وسحر خافت اكتر وكنسلت عليه وقفلت فونها خالص .. محمد : ومردتيش عليها ليه ؟ سحر : بخوف وتفكير . قالت انا مش فاضيه دلوقتي بعد ما خلص الاكل هتصل عليها .. محمد : هز راسه ماشي ياست سحر .. سحر : بلعت ريقها بتوتر . ونسيت كل حاجه . وافتكرت كلام علاء وتهديده ليها وقالت بهمس . اعمل ايه ياربى الله يخربيتك ياعلاء ربنا ياخدك ويريحنى منك . محمد : هااا خلصتى ولا لسه بدرى . سحر : انتبهت . ها ! اه لسه شويه صغيره .. محمد : طيب اخلصى علشان عصام جايب امك وجاى ع هنا . سحر : نفخت بديق . حاضر . حاضر . ----------------------بقلمى مريم نصار فيلا بدر الدين سليم : انا قررت فعلا .. فتون : قامت وقفت . وقالت تمام حضرتك قررت اجيلك امتى ؟ سليم : قام وقف . وقال أنا مش عايزك تيجى يوم ويوم . كفايه مرتين في الأسبوع .. فتون : بتفهم . خلاص ماشي وانا هكون هنا إن شاء الله زى انهردا الساعه ٣ بالدقيقه هكون عندك .. وكمان شوف الايام الل تناسبك وبلغنى .. سليم : اتنهد تمام . بكره هبلغك .. فتون : ماشي بعد اذنك ..واتحركت سليم : لحظه واحده .. فتون : لفت ليه افندم ؟ سليم : العصير .. فتون : ابتسمت غصب عنها . متشكره جدا مش هقدر . مره تانيه لانى متأخره . بعد اذنك . سليم : هز راسه اتفضلى فتون : فتحت باب المكتب وخرجت . سليم : قلع النضاره . ومسح وشه بايديه . وحط ايدو ف جيبه .ووقف قصاد الشباك وسرحان .. فتون : وصلت الليفنج . ومفيش حد موجود . وخرجت من باب الفيلا ومشيت ف الجنينه . وبتبص ع الشجر والورد والمنظر الطبيعى وعجبها شكل شجره مليانه ورد موجود في الجنينه وماشيه وعينيها ع الشجره بابتسامه اعجاب بشكلها . وفجاءه صرخت ووقعت ع الأرض . اااه . شريف : داخل من بوابة الفيلا بالعربيه . وسايق وبص ع الكرسي الل جمبه ورجع الملفات ع الكرسي الخلفي .. ومش واخد باله . وبص قدامه واتفاجئ ببنت ماشيه ومش باصه قدامها . واتلخبط وفرمل بسرعه وخبطها . وفتح باب العربيه ونزل بسرعه .. محروس : انتبه للصوت وجري عليهم . سليم : واقف في الشباك . وسمع صوت صرخه وعرف صوتها كويس . وقال بقلق ( فتون ) وخارج من المكتب وخبط ف التربيزه والعصير وقع ع الأرض والكاس اتكسر .. وسليم مهتمش وطلع بسرعه .. فتون : واقعه ع الأرض بتتالم من رجلها اااه . شريف : راح عندها بسرعه بتوتر . ونزل على ركبه . انتى مين ؟ قصدى انتى كويسه ؟ فتون : بتتالم . ااه . اه يارجلى ايوه انا كويسه . شريف : كويسه ازاى ؟ انا خبطك بالعربيه ووقعتى .! طيب رجلك اتجرحت شوفى كدا؟ فتون : بتحاول تقوم وبتتالم . لا انا كويسه . ومفيش جرح ولا حاجه . ودي غلطتى انا كنت ماشيه سرحانه ومش باصه قدامي .. شريف : مسكها من دراعها طيب خلينى اساعدك قومى معايه .. فتون : شدت أيدها بسرعه . لا شكرا انا هاقوم لوحدي .. سليم : خرج من الفيلا بسرعه بقلق واضح عليه . وبينادي بخوف . محروووس . انت يامحروووس . محروس : جري عليه . افندم ياسليم بيه ؟ سليم : بلهفه . ف ايه ؟ ايه صوت الصريخ ده وفرملة العربيه ايه الل حصل اتكلم ؟ محروس : بتوتر . ده شريف بيه داخل من بوابة الفيلا بالعربيه وكان سايق . وفجاءه خبط الاستاذه فتون . ووقعت ع الأرض .. سليم : فتح عينيه بصدمه وافتكر الحادثه. وهمس بخوف غير مُدرك بيه (فتون) ؟ وبص ل محروس هي فين ؟ جرالها حاجه؟ اتجرحت؟ مكانها فين ؟ انطق بسرعه .. محروس : احم . لا هي خبطه بسيطه الحمد لله شريف بيه فرمل العربيه ع طول . ومكانها عند شجرة حضرتك الل انت زارعها بأيديك ( شجرة الفتنه ) سليم : عارف الطريق كويس . وراح عند الشجره بسرعه .. شريف : يا انسه متبقيش عنيده انتى اتخبطى وواضح انك مش قادره تقومى خلينى اساعدك . فتون : مش قادره تقوم وجسمها كله بيترعش . ولمحت دم بسيط جمب ركبتها من فوق البنطلون . لكن قالت لا انا كويسه . انا بس مش قادره اقوم من الخضه . شريف : بديق حقيقي . طيب انتى مين ؟ وكنتى هنا بتعملى ايه ؟ وماشيه سرحانه ومش واخده بالك إن ف عربيه قدامك . ممكن اعرف انتى كنتى جايه لمين؟ فتون : بغضب . حضرتك انت بتتكلم بنرفزه كدا ليه؟ وبعدين انا قولتلك إن دى غلطتى ف متخافش انا مش هعمل فيك محضر ولا حاجه ! شريف : بتعجب ! محضر ؟ وفيا انا ؟ وكمان انتى الل ماشيه سرحانه . انا بتكلم بنرفزه لان كان ممكن يحصل الاسؤ . وبردو مقولتيش انتى مين وبتعملى ايه هنا ؟ سليم : جاي بسرعه . وقال بقلق وبصوت مسموع . فتون . فتون . ! فتون وشريف انتبهوا . وبصو ع سليم . شريف : همس بعدم فهم فتون ؟ وافتكر وقال امممم دى الل بتعلم سليم . فتون : بتوتر . احم انا هنا يا استاذ سليم . سليم : لف ع مصدر الصوت . وقرب منها انتى كويسه حصلك حاجه ؟ شريف انت خبطها ازاى ؟ حصل اى حاجه ردو عليا ؟ شريف : اتعدل بسرعه وراح ل سليم . اهدا ياسليم محصلش حاجه . الانسه كانت ماشيه سرحانه . وانا كنت داخل ومش واخد بالى لقيتها قدامى مره واحده . والحمد لله لحقت فرملت ع آخر لحظه .. سليم : من جواه افتكر الحادثه بتاعته والشاحنه وهي داخله عليه وجسمه اتشد . وجواه شعور بالخوف والرعب . وبلع ريقه بخوف شديد . ومن غير تفكير قال بصوت مبحوح . فتون انتى كويسه ؟ فتون : مغمضه عينيها وكاتمه الالم . وشافت ملامح سليم كلها خوف . وسمعت اسمها . لاول مره . لكن مركزتش . وردت عليه بتعب انا كويسه يا استاذ سليم الحمدلله . شريف : حس إن سليم خايف وده اكيد من أثر الحادثه . وقال واضح إن الانسه عنيده . لانى بحاول اساعدها انها تقوم ورافضه مع انها واضح انها مش قادره تقوم . سليم : لا اردايا . مد ايدو ليها عشوائي . وقال قومى معايه .. فتون : جسمها كله بيترعش من الخضه وحاولت تقوم . لكن مش قادره . وشافت ايد سليم قدامها . ومن غير تفكير وبرجفه . رفعت ايدها وحطت كف ايدها ف ايدو . سليم : قرب بحظر . وحاول يساعدها انها تقوم فتون : قامت بتعب ومش قادره تحمل ع رجلها . واتحركت ببطء .وسحبت أيدها من ايدو . ورفعت عينيها . ولسه هتشكر سليم انه ساعدها . شافت عيون سليم لاول مره ف ضوء الشمس وقد ايه كلها امان . والكلام كله اتبخر ونسيت هي كانت عايزه تقول ايه ! سليم : بشعور غريب وتوتر . انتى فيكى حاجه يعنى اقصد انتى اتجرحتى ؟ لو بتتالمى أو اتجرحتى انا هجيب دكتور حالا .! فتون : انتبهت لتوتره . و بدئت تهدى شويه . وقالت دكتور ؟ لا متتعبش نفسك انا كويسه جدا دي خبطه بسيطه . وبصت ل شريف الل واقف ومستغرب رد فعل سليم . وقالت وانا بجد بعتذر للاستاذ .. شريف : بصلها وابتسم . لا ابدا متعتذريش وانا الل بعتذر . والل فهمتو إن حضرتك الانسه فتون بتابعى مع سليم ويبقى اخويا الصغير . انا متاسف كنت اتمنى نتقابل في ظروف احسن من كده لكن انا تشرفت بحضرتك . فتون : حصل خير . والشرف ليا انا . متشكره. شريف : فونه رن . وقال ل سليم مكالمه مهمه ثوانى بعد اذنكم . واتحرك بعيد عنهم ورد .. سليم : بدء يهدى ويستوعب . وافتكر إنه قالها فتون من غير القاب . وده دايقه جدا .. فتون : طلعت منديل ومسحت الدم ع البنطلون فوق ركبتها وكان بسيط جدا .بس بتتالم . واتعدلت وبصت تانى ع سليم الل واقف قدامها من غير نضاره . وعيونه خطفتها وشافت فيها حجات كتير جدا بعد الامان من قلق وخوف ووحده ووجع وحنيه ولهفه . واتنهدت بوجع . وقالت . انا اسفه يا استاذ سليم عملت دوشه وقلقتك ع الفاضي .. سليم : بديق حقيقي . لا عادى محصلش حاجه . وياريت متتضايقيش انى قولت اسمك من غير القاب . احم . وسكت . فتون : افتكرت نطق اسمها منه . وقالت لا ابدا مضايقتش ولا حاجه . انا لازم امشي لانى اتاخرت .. سليم : لا استنى انا هوصل ........ وسكت مره واحده . وصك ع اسنانه بغيظ مكبت . لانه عاجز واعمى .. وكمل وقال شريف ممكن يوصلك .. فتون : فهمت قصده . وزعلت علشانه . وقالت لا متشكره ماينفعش انا هروح لوحدى . بعد اذنك .. سليم : انتى متاكده انك هتقدرى ترجعى لوحدك ؟ فتون : ايوه متاكده شكرا لحضرتك .. بعد اذنك . واتحركت ببطء من رجلها وفونها رن .وردت وهي ماشيه .. سليم : واقف متابع خطواتها ومركز اوى معاها وحس انها بتعرج . وانتبه للمكالمه وسمعها وهي بتقول ... فتون : ايوه ياحسين . معلش اتاخرت عليك لا انا خارجه دلوقتي من الفيلا مع السلامه .. سليم : قبض ع ايديه . وواقف مضايق وشعور جوله متضارب ومختلف . شريف : خلص المكالمه . ورجع ل سليم . وبص حواليه . وقال اله هي راحت فين ؟ سليم : بغيظ .راحت لحسين . واتحرك بديق حقيقي ودخل الفيلا . شريف : بعدم فهم . راحت لحسين ؟ اله حسين مين ؟ وده ماله مضايق ليه ؟ اممم اكيد مضايق من الجلسات . وهز راسه وراح ركب العربيه . ووصل للجراج . واخد الملفات ونزل من العربيه . ودخل الفيلا ... فتون : وصلت للتاكسي وركبت مع حسين . حسين : شافها وقال مالك يا فتون ؟ فتون : بألم مفيش حاجه ياحسين . بس يلا اتحرك وروحنى ع البيت . حسين : ماشي . بس مش هتحرك قبل ما اعرف انتى ماشيه بتعرجى كدا ليه ؟ حد من أهل الفيلا دى عمل معاكى حاجه ؟ قولى وانا اقسم بالله ساعة زمن الم كل صحابى ونعرفهم إن الله حق .. فتون : اتنهدت بنفاذ صبر . وقالت يسيدى مافيش حاجه قولتلك . كل الحكايه كنت ماشيه وبتفرج ع الزرع ومره واحده وقعت ع حجر كبير . والناس محترمين جدا وكانو عايزين يجيبو دكتور كمان وصممو انهم يوصلونى للبيت . ها استريحت ؟ حسين : هز راسه . اه استريحت . وامسكى علبة المناديل دي . اكتمى بيها الدم الل ع هدومك ده . شكل رجلك اتعورت جامد . بقولك ايه انا هخدك ع المركز الصحي الل ف الحى عندنا .. فتون : غمضت عينيها . حسين يابن عم جمعه . ولا مركز ولا غيرو . ويلا بقى المغرب قرب يدن . ولسه مسافة الطريق . وبطريقتك دي كدا هوصل بعد العشا يلا اطلع .. حسين : اتنهد . ماشي ع راحتك . وشغل العربيه واتحرك .... ----------------------بقلمى مريم نصار بعد شويه . فيلا بدر الدين فريده : رجعت البيت . والكل قاعد ع الغدا . سليم : قاعد وسرحان ف حجات كتير مختلطه . وبيحرك الشوكه ف الطبق ومش سامع اى حد . عايش ف عالم لوحده .. شريف : وهو بيتغدى حكى الل حصل ل فريده وخالد .. فريده : شهقت بصوت عالى . وخافت . وقالت لا حول ولاقوة إلا بالله . طيب يبنى فتون جرالها حاجه ؟ شريف : هز راسه لأ اطمنى دي يدوب فرمله وقامت بعدها واعتذرت . وانا اعتذرت . وجالى مكالمه مهمه . وخلصتها ورجعت كانت مشيت ... خالد : متابع سليم وعينه عليه. وقال يعنى انت ياشريف متأكد مثلا انها مزعلتش منك او اضايقت ؟ شريف : وهي هتضايق منى ليه ؟ منا قولتلك قبل كدا هي الل غلطانه مش انا ! خالد : باصص ع سليم. وقال لا انا بسالك عادى لانها ممكن بعد الل حصل ده متجيش هنا تانى ! سليم : وقف حركة الشوكه . ومعملش اى رد فعل وساكت .. خالد : متابع سليم ورفع حاجبه . وهز راسه اممم . فريده : بقلق شديد . انت بتقول ايه ياخالد ؟ هي فعلا ممكن متجيش هنا تانى؟ طيب . طيب انت ليه قولت كدا يبنى ؟ خالد : بياكل ومتابع سليم وقال . ابدا يافيرى ده مجرد تخمين مش اكتر . يعنى اول مره فتون جت هنا حصل مشكله من سليم والموضوع عدا وخلص . وانهردا شريف بالغلط خبطها بالعربيه .ورفع عينيه لسليم وكمل وقال . ولما تروح بيتها واهلها يشوفوها كدا ؟ ابوها واخواتها اكيد هيرفضو انها تيجى هنا تانى بس ده تخمين منى .. فريده : بديق حقيقي . فتون ملهاش حد ابوها متوفى وملهاش اخوات . هي عايشه مع والدتها بس . وكملت بقلق . ياترى هي عامله ايه دلوقتى. انا خايفه فعلا انها متجيش تانى . . سليم : قاعد بجمود وخنقه وغيظ ومتكلمش . خالد : اممم دى تبقى مشكله فعلا . وبص لسليم بتحدى وقال .. طيب انتى مش عارفه عنوانها مثلا اروحلها بنفسي واطمن عليها .. سليم : لا اردايا . ساب الشوكه بنرفزه وقام وقف . وقال بصوت جهورى . هو مفيش حاجه تتقال غير سيريتها انهردا ؟ وبعدين انتو مهتمين بيها اوى كدا لييييه؟ ترجع ولا مترجعش .. وانا مش عايزها تيجى هنا تانى . وبص ل خالد بعشوائيه . وانت ياخالد ياريت تركز ف شركتك الل بتخسر شويه وسيبك بقى من التفاهات دى . انت فاهم ولا لأ ؟ وسابهم وطلع .. فريده وشريف بصو لبعض بعدم فهم . واتفاجئو ب خالد الل قاعد بيضحك بصمت .. ----------------------بقلمى مريم نصار بعد فتره . عند الشيخ محمد .. سميره : قاعده وساكته ومتغاظه ع خايفه ومش قادره تتكلم وفكرت . وقالت احم حج محمد ! محمد : بيشرب الشاى وقال هاا قولى خير ياسميره ؟ سميره : احم كل خير ياخويا .هو انت مش هتنام ؟ محمد : بتعجب وبص ف الساعه . وقال هشرب كوباية الشاى وبعدها هندخل ننام كلنا .. سميره : ابتسمت ومالو ياحج انت تؤمر .. بس استسمحك اقوم انا اسبقك وادخل انام . محمد : بعدم فهم . وقال جواه وماله نوم الظالم عباده ... سميره : برقه . ها قولت ايه ياحج اقوم ؟ محمد : قومي نامى . سميره : قامت .وغمزت لسحر . وقالت تصبحى ع خير ياسحوره .. سحر : بتعب وغيظ . ونفسها تنام . وانتى من أهله . سميره : اتحركت ودخلت اوضتها وقفلت الباب.. محمد : بص ع سحر الل بتنام ع نفسها . وقال سحر ؟ سحر : ها .. ايوه يابابا .. محمد : زي ما اتفقنا شغل البيت طول الاجازه انتى الل هتعمليه من هنا ورايح . ولازم تتعلمي الطبخ كفايه انهردا محدش عرف يتغدى . الاكل المايع الل مالهوش طعم . سحر : بديق . انا طول اليوم مقعدتش . وانا عملت كل الل اقدر عليه .. محمد : بسخريه هه اومال عايزه تتجوزى ازاى وانتى مبتعرفيش حتى تعملى الرز . سحر : بابا حسن.....ومكملتش .. محمد : بنظرة تحذير .. يدوبك تقومي تنامى علشان هصحيكى إن شاء الله تصلى الفجر حاضر . سحر : بديق مكبت وقامت متنرفزه . وقالت بخنقه . اه ماشي . واتحركت . محمد : بصوت جهورى . سحررر !! سحر : وقفت ونفخت بديق ولفت نعم ؟ محمد : البنت المتربيه لما بتدخل تنام وأبوها قاعد بتعمل ايه؟ سحر : اه . تصبح ع خير . محمد : اتنهد بحيره . وانتى من أهله ... سحر : اتحركت ودخلت اوضتها وقفلت الباب . وقلعت الاسدال ورمت نفسها ع السرير بتعب من شغل طول اليوم . وبتفكر ف حسن . وانتهدت بارهاق . وطلعت الفون من تحت المخده . وفتحته .. واتفاجئت من كمية الرسايل الل من حسن وعلاء . واتعدلت وقعدت ع السرير وفتحت رسايل حسن . وكاتب فيها . .. سحر ؟ انتى قافله نت ليه من الصبح ؟ سحر انتى فين حصل حاجه ابوكى قال حاجه .. ورساله بعدها بساعه . . سحر انا مخنوق اوى انتى قافله كل ده ليه ؟ . وليه ابوكى منزلش الورشه انهراد . طمنينى عليكى . .سحر انا مش هتنازل عنك انا بحبك ياسحر بحبك وهفضل ورا الشيخ محمد لحد ما يوافق . اول ما تفتحى كلمينى عايز اسمع صوتك عايزك تكلمينى زى ما كنتى بتكلمينى وانا مسافر .... سحر : قرت الرسايل ومش عارفه تفرح ولا تخاف لأن ابوها مصمم بالرفض .. وفتحت رسايل علاء ولسه هتقراها ..وفونها رن وفتحت عينيها ع الاخر بصدمه وقالت علاء ...؟ ينهار اسو.... طيب اعمل ايه ؟ علاء مش هيسيبنى ف حالى . وبلعت ريقها بخوف وردت . احم ...اء...الوو . علاء : بيدخن سِجاره . ههههه اله اله اله . هي بقت كده ياسحوره . تنفضيلى انا ؟ تنفضي لعلاء ابو سمره ؟ انتى مش خايفه منى بقى ؟ سحر : بصوت مهموس وعيطت . انفض ايه ياعلاء انت مش عارف حاجه ؟ علاء : كشر عينيه . انتى بتعيطى يابت ولا بتمثلى عليا .. سحر : بدموع وشهقات . حسن ياعلاء ! علاء : أتأكد انها بتعيط . وقال ماله حسن؟ سحر : حسن جه امبارح واتقدملى وابويا رفضه. وقال استحاله أنه هيوافق عليه .. علاء : هز راسه بعدم إهتمام . امم ليه كدا ؟ سحر : بدموع واتكلمت بغيظ . كل ده بسبب فتون . ايوه بابا رفض حسن علشان خاطرها هي . وقالت بشهقات ابويا ضربنى امبارح . علشان قولتله انا عايزه حسن ! علاء : ببرود . انا كلها يومين وهتقدم ل فتون اشطا . وعايزك تدعي كدا إنها توافق وانتى ياحب شوفى نظامك ايه ؟ علشان مش هتنازل عن اتفاقنا ماشي ؟ ولو مفيش جواز من حسن مش مهم خالص انا مش هحرمك من حاجه . بس اهم حاجه تسمعى الكلام زى الشاطره كدا ماشي ياحب ؟ سحر : بتسمع علاء وعينيها مفتوحه على الاخر بصدمه كبيره . وقالت انت مجنون ياعلاء هو ده كل الل يهمك ؟ علاء : ههههه انتى شكلك بتتفرجى ع مسلسلات هندى اليومين دول ياسحوره . بقولك ايه علشان انا رايح فرح ومش فاضى . حاولى كدا مع ابوكى . وافق يبقى كتر خيره . موافقش يبقى انتى عملتى الل عليكى . بس انا وضعى معاكى زى ما هو . اه . تتجوزى حسن تكونى عندى . مش هتتجوزيه يبقى تتصرفى وتجيلى وبأي طريقه . غير كدا انتى عارفه خلقى ديق . اديق من الشليموه اه .. وبتكة زورار واحده ياحب كل حاجه هتكون عند الشيخ محمد وكمان حسونه اشطا ياحب . ومن غير سلام . وقفل . سحر : قامت بزهول . الو . الوووو استنى ياعلاء الووو . ورمت الفون ع السرير . وبتفرك ف ايديها الاتنين بحيره وخوف .وبتتخيل نهاية مصيرها. .هي اه بتكره فتون وبتغير منها . .هي اه ممكن تاخد حسن من فتون وتتكلم مع علاء لمصلحتها ... لكن مش لدرجة أنها تفرط ف اهم حاجه عندها وكمان عن طريق الحرام . لأ لأ انا لايمكن اعمل كدا . .واترعبت وقعدت ع طرف السرير وحطت وشها بين ايديها وعيطت . وقالت ينهار اسو... ينهار اسو... عليكى يا سحر وع الل هيجرالك . محمد : شرب كوباية الشاى . وقام دخل الحمام . واتوضي وهيصلى قبل ما ينام . وخرج من الحمام . وراح ع اوضته وفتح الباب ودخل وبيستغفر . وقفل الباب ودخل يصلى وينام . ----------------------بقلمى مريم نصار فيلا بدر الدين . فريده : ف أوضتها رايحه جايه بتوتر . وماسكه الفون ف أيدها . وبتتصل ع فتون . لكن فون فتون . مغلق ونفخت بنفاذ صبر استغفر الله العظيم يارب . طيب اعمل ايه ؟ انا عايزه اطمن عليها .. الباب خبط خبطه بسيطه .. فريده : باستغراب . وقالت ادخل .. الباب اتفتح . احم فريده .. فريده : بتعجب ! سليم. !! وراحت عندو بقلق. تعالى ادخل خير ياحبيبى . سليم : دخل بحيره وتوتر. احم .انااا ... هوا... فريده : بعدم فهم . وبصت ل سليم وشافت علامات الحيره ع وشه . وقالت ايه ياسليم ياحبيبى ف حاجه ؟ سليم : كح . احم لا ابدا . انا . انا كنت . احم قصدى يعنى انا نزلت سألت عليكى عزيزه . وقالت إنك طلعتى تنامى . ف انا استغربت قولت انك هتنامى بدرى كدا .. احم .. فريده : باستغراب ومش فاهمه حاجه . وحاسه إن سليم متلخبط . وقالت لا ياحبيبى انا بعد ما خالد مشي وشريف قال انه عندو عشاء عمل وخرج وهيرجع متأخر . وكمان انت سبتنا قبلها وطلعت ع اوضتك . قولت انا هقعد تحت اعمل ايه؟ ف طلعت قرأت الورد بتاعى . ومن ساعتها بتصل ع فتون وفونها مقفول . سليم : بقلق متداري . وقال جواه ف اييييه ياسليم مالك ؟ اوووف .. فريده : شافت إن سليم سرحان . وقالت بتوتر سليم ياحبيبى انا عارفه انك مضايق علشان اسم فتون اتكرر كتير انهردا . احم بس صدقنى ياحبيبى الموضوع اننا قلقانين عليها لأنها يتيمه وملهاش حد . وبعدين كمان شريف اخوك تحت كان قلقان وقال ربنا يستر لا يكون جرالها حاجه . وشريف يتحاسب عليها . بس بصراحه بقى انا قلقانه عليها اوى البنت دى لو حصلها حاجه انا مش هسامح نفسي .. سليم : بيسمعها . ومثل الجديه . احم . طيب يعنى نعملها ايه ؟ انتى قولتى إنك اتصلتى عليها وفونها مقفول . ف ايدك ايه تعمليه ؟ وعموما انتى ارتاحي هي يعنى هيجرالها ايه ؟ وافتكر مكالمتها وهي بتكلم حسين . وقال بطريقه غير مباشره . احم انتى قولتى انها ملهاش حد انتى متاكده من انها ملهاش اخوات ؟ فريده : ايوه يبنى متاكده . وانا بتكلم معاها . قالتلى انها عايشه مع والدتها . وقولتلها عندك اخوات ؟ قالت للأسف لأ ملهاش غير بنت صحبتها اسمها حنين. وانهردا عرفت بالصدفه إن والدها متوفى . وبعدين ياسليم ؟ سليم : مغمض عينيه . وبيفكر حسين ؟ مين حسين ده ؟ وفتح عينيه بسرعه . وقال جواه ممكن يكون خطيبها .. واتنهد بحيره . ومش عارف ايه الل جراله . فريده : سليم ...؟ سليييم يبنى روحت فين؟ سليم : انتبه ها ؟. معاكي يافريده بس كنت بفكر يعنى مثلا إن ممكن تكون فتون مخطوبه وخرجت مع خطيبها وقاعدين ف مكان مافيهوش شبكه .. فريده : بتأكيد لأ لأ . فتون مش مخطوبه . سليم : بدهشه ! اممم واتنفس غيظ . وقال فريده متوجعيش دماغك بناس زي دي . وكلها بكره وهتيجى متقلقيش نفسك ع الفاضي . انا رايح اوضتى . واتحرك قبل ما ترد عليه وماشي وحاسس بخنقه . وصراع وتفكير مختلط ف كل حاجه ومش عارف هو بيفكر ف ايه بالظبط .. ----------------------بقلمى مريم نصار تاني يوم بعد الضهر .. فتون : نايمه بعمق لانها طول الليل رجلها بتوجعها وكانت ورامه . وفاطمه طول الليل كانت جمبها . وعملتها كمادات بارده ع ركبتها . ونامت جنبها لحد الصبح . وفاطمه قامت ولبست ونزلت وسابت فتون نايمه . فتون : بدءت تصحى وسمعت صوت باب الشقه بيتفتح . وفتحت عينيها بتعب . وحاولت تتعدل . اااه . واتعدلت وحطت مخده وراه ضهرها . وقالت مين الل فتح الباب ؟ فاطمه : قفلت باب الشقه . وبتنهج . وقالت أنا يقلب امك . ودخلت عليها وشايله حجات ف ايديها وحطتها ع السرير . وقعدت صباح الخير يانور عيني .. فتون : بحيره .. بصت ع الأكياس بعدم فهم وقالت صباح الخير يابطه . ايه الحجات دي وانتى كنتى فين ؟ وبصتلها بدهشه انتى نزلتى الحاره لوحدك ياماما ؟. فاطمه : بتنظم أنفاسها . وقالت اصبرى يابت لما اخد نفسي . وقوليلى الأول رجلك عامله ايه دلوقتى ؟ فتون : بجديه . حلوه وزي الفل . قوليلى بقى نزلتى ليه لوحدك . ؟ فاطمه : ضحكت . ههههه بتغيرى عليا ياتونا . فتون : هههههه مسكت أيدها وباست عليها . تعرفى انى بغير عليكى فعلا . انتى بنتى يافاطمه قبل ما تكونى امى انتى مسؤوله منى . فاطمه : قلبها بيرقص سعاده وضحكت بدموع . وحطت راس فتون ف حضنها . حبيبتي يافتون يابنتى ربنا يطيب خاطرك ويسعدك ف حياتك . .بصي انا يانور عيني . لما صحيت ولقيتك نايمه . قومت نزلت وروحت الصيدليه للدكتور شكرى . وقولتله ع رجلك وكتبلى ع علاج ليكى . وجبته .. وبعدها قولت هروح للواد حموده الجزار اجيب من عندو لحمه .. وقبل ما اروح قابلت عمك الشيخ محمد قدام الصيدليه الهى ربنا يصلح حاله يارب . وسلم عليا . وسأل عليكى واستغرب انى لوحدي وسالنى رايحه فين ؟ . وقولتله . قالى يمين عظيم ما تتعبى نفسك ابدا . انا هجبلك اللحمه بس ارجعى انتى ع البيت . بس بصراحه يافتون انا كنت هشترى نص كيلو لحمه علشان تتقوتى يانور عيني. بس اتكسفت منه وقولتله هات كيلو . وراح هو مشكور . و أنا رجعت قعدت ع الكرسي قدام البيت . وجه عمك زينهم ههههه وعملى شاى وقالى الحاره نورت. وبعتلى ابنه محمود وقالى لو محتاجه حاجه قولى محمود هيجبلك ف ثوانى . قولتله عايزه فاكهه وعيش وشوية توابل من عند العطار . وف ثوانى محمود راح واشترالى الحاجه الهى يسترو . وجالى بسرعه . والشيخ محمد جابلى اللحمه وجه . بس بصراحه تعبونى الاتنين الحج زينهم والشيخ محمد مكانوش عايزين ياخدوا فلوس الطلبات . وحلفت ميت يمين لو مخدوش الفلوس مانا واخده الحجات دي ابدا . وفين وفين لما خدوها . هههه والشيخ محمد قال دا فتون ارحم دماغها ساهله شويه عنك ياحجه . وبعدها . محمود طلعلى الحاجه لحد باب الشقه ونزل . يكتر خيرهم يارب .. فتون : طلعت من حضنها وبتسمعها .وبعد ما خلصت كلامها ابتسمت بحب وقالت تعرفى يابطه ع قد ما انا زعلانه انك نزلتى وتعبتى نفسك . ع ما انا مبسوطه انك نزلتى وشوفتى النور وأهل الحاره . بس ليه روحتى الصيدليه انا كويسه والله انتى مدلعانى اوى من امبارح ههههه حسستينى انى فيا حاجه كبيره . مع انى عادى جدا وبقوم وبمشي عادى .. فاطمه : الف بعد الشر عنك يانور عيني . اسكتى يافتون يابنتى كل ما افتكر لما شوفتك داخله عليا وانتى بتعرجى كدا قلبى بيتخلع من مكانه . اسم الله عليكى ياقلب أمك . والف حمد وشكر لله انها جت ع قد كدا .. المهم انتى مش حاسه بحاجه . يعنى رجلك مش شاده عليكى انهردا ... فتون : بدلع تؤ تؤ انا زي القمر .. انا زى الفل . ههههه . فاطمه : بحب . يارب ديما اشوف ضحكتك منوره وشك كدا ياقلب أمك .. دي عندى بالدنيا كلها والله .. فتون : باست فاطمه من خدها. قلبى انتى يابطتى . يلا بقى قومي غيرى هدومك دي . وخدي دش حلو كدا . وانا هاقوم اعمل الاكل . قبل ما انزل ع الجلسه عشان متأخرش . هي الساعه كام دلوقتي فين تليفونى ؟ وبتبص ع الكمود .. فاطمه : بجديه . جلسة ايه وانتى رجلك متعوره كدا . مفيش جلسات غير لما رجلك تخف .. فتون : اتنهدت بحب . حبيبتى ياطماطم انا كويسه والله . وماينفعش اخلف بوعدي . وغير كدا الموضوع مش مستاهل .. فاطمه : قامت و زعقت لاول مره .. لا مستاهل يافتون . ومين السبب في رقدتك دي من امبارح . مش هما ؟ وحد سأل عليكى منهم . وكفايه إنك طول الليل تنازعي من الوجع . ومش طايقه الغطا يلمس رجلك . اسمعى هي كلمه واحده مفيش جلسات غير لما رجلك تخف فاهمه ولا هتزعلى امك منك ! فتون : شافت فاطمه لاول مره واحده تانيه وغضبانه . لكن غمضت عينيها بحيره . ومش عارفه تعمل ايه . تزعل امها . ولاااا؟ وشافت صورة سليم قدامها وفتحت عينيها بسرعه ومن جواها حاجه شاداها عايزه تروح .. وقامت من مكانها . وكانت لابسه فستان قصير عشان رجلها واتحركت وبتعرج بسيط . وراحت عند فاطمه بهزار. ايه بس ياطماطم انتى هتضربينى ولا ايه ؟ اهدى كدا .. انتى علشان جبتى كيلو لحمه بحاله هتزعقى ههههه. فاطمه : غصب عنها ضحكت . وقالت لا ما انا هقسمه ع طبختين ههههه . وماعاش ولا كان الل يمد ايدو ع بنت بطنى حبيبتى . اسمعى ياقلب أمك . انا ريحي قلبى وخدى اجازه انهردا وبكره وبعده . وحنين زمانها ع وصول .. فتون : من جواها اضايقت وقالت جواها اجازه ٣ ايام ؟ وانتبهت وقالت ل فاطمه . حنين ؟ هي اتصلت عليكى .؟ فاطمه : هزت راسها ايوه . مريم نصار . اتصلت عليكى الاول .. واتصلت عليا وانا تحت . وكانت قلقانه عليكى من امبارح . ولما قولتلها الل حصل .. قالت انا جايه حالا .. فتون : شهقت بصوت عالى يانهار ابيض تليفونى فين ؟ ايوووه تلاقيه فصل شحن وكمان من امبارح ونسيته خالص . وحنين تلاقيها جايه وهتجينى من شعرى . فاطمه : ههههه ايوه هي قالت كدا بردو . وقالت هي هتروح الشغل قولتلها لا . قالت خلاص انا هاجى وهقضى معاها اليوم كله .. فتون : اتنهدت باستسلام . وقالت خلاص ماشي . فاطمه : ابتسمت بحب. يعنى مافيش شغل الكام يوم دول .. فتون : ابتسمت . انتى تؤمرى وبس يابطتى . فاطمه : منحرمش منك ياقلب أمك . يلا ادخلى غسلى وشك . وانا هصلى الضهر . الباب خبط . بطريقه معينه . فتون : ههههه . اهي جت اهي ربنا يستر . فاطمه : ضحكت لما اروح افتحلها .. فتون : لأ خليكى انتى انا هفتح عشان اخد الصدمه . ههههه . فاطمه : يلا ومالو ههههه .. فتون : ماشيه براحه . وصورة سليم قدامها . وغمضت وفتحت . وقالت ايه ده ف ايه ؟ واتنهدت . وفتحت الباب .. حنين : دخلت بغيظ . تصدقى بالله . انتى واحده ماعندك ريحة الدم . وسابتها ودخلت جوه . اذيك يابطه وسلمت عليها .. فاطمه : كاتمه الضحكه ..لان حنين متنرفزه . فتون : واقفه ورا الباب . مكشره عينيها . ايه ده ؟ مش هتسلمى عليا يابت نونا .؟ حنين : حدفت الشنطه ع كرسي الانتريه . وربعت ايديها مبسلمش ع حد انا مش فارقه معاه . وبعدين انا مش جيالك . انا جايه لبطه . ولا عندك مانع .؟ فتون : قفلت الباب . وهي بتضحك مجنونه والله . وراحت عليها . بس انا هسلم عليكى غصب عنك . لانك وحشانى من اول امبارح .هاتى بوسه بقى هههههههه .. حنين : بقمصه ودلع . تؤ انا مخصماكى .. فاطمه وفتون : هههههههههههه .. حنين : ضحكت . وحضنت فتون بحب كبير . كدا ياتونا . كل دا يحصل معاكى امبارح وانا معرفش . انا بتصل عليكى من امبارح وفونك مقفول . طيب ماجتش ع بالك حتى اتصلى عليا من فون بطه . بجد زعلت منك اوى .. فتون : زادت من حضنها وبتسمعها وابتسمت بحب .وطلعت من حضنها . وقالت حبيبتي يانونا عندك حق تزعلى بس غصب عني والله . انا نسيت خالص حكاية الفون ده . تعالى نقعد جوه واحكيلك كل حاجه .. حنين : شاورت ليها هتحكى بالتفصيل ؟ فتون : ههههه حاضر يستى بالتفصيل .. فاطمه : ابتسمت بدموع . وكانت بتتمنى إن فتون يكون ليها اخت . وقالت بحب . يلا ياحبايب قلبى . ادخلوا الاوضه واقعدو مع بعض . ع ما اجهز الغدا .. فتون : لا يابطه انا الل هعم......... ومكملتش. فاطمه : قاطعت فتون . ابدا انتى مريحانى ومش مخليانى اعمل حاجه . سيبينى براحتى ومش عايزه كلام كتير . وانا انهردا بقى هعملك غدوه تحلفى بيها انتى ونونا . حنين : وده ينفع يابطه يعنى .. فاطمه : ايوه ينفع . يلا خشي غيرى كدا والبسي بيجامه من بتوع فتون . واقعدو وارتاحو . وفتحت شنطة العلاج . امسكى ياتونا . صوباع الكريم ده الدكتور شكرى بيقول أنه مضاد حيوي . حطى منه ع الجرح مرتين في اليوم . وده شريط مضاد حيوي تاخدى منه كبسوله كل ١٢ ساعه . ماشي ياضنايا وبالشفا يارب إن شاء الله .. فتون : ابتسمت بحب . واخدت العلاج . تسلم ايدك ياحبيبتى . فاطمه : يسلم عمرك . يلا اسيبكم انا بقى . اصىلى الاول وبعدها اعلق ع اللحمه .. واتحركت . حنين : ابتسمت وبصت ع فاطمه . ربنا يباركلك فيها ياتونا . فتون : ابتسمت بحب يارب . وبصتلها وكشرت يلا يابت تعالى غيرى الفستان ده .. حنين : يلا ياختى ... بعد فتره .. حنين : ولبست الخِمار و فتحت الباب . ورفعت وشها . وبعد ثوانى شهقت بدهشه . وعينيها مفتوحه ع الاخر بصدمه كبيره جدا .لما شافت !! بارت ١٦ رواية (أحببت بصيرتهُ) بسم الله نبدأ . حين تقرأ : ﴿ لاتأخذه سنة ولانوم ﴾ ‏ اطمئن فالله لايغفل عنك وأحلامك برعايته ‏حتى وإن تأخر تحقيقها ..اللهمّ لا تؤاخذنا بما نختار ونهوَى إننا أضعف وأنت تعلم إننا أكثر حاجة إليك. ______________________________________ عند فتون .. فتون : كشرت يلا يابت تعالى غيرى الفستان ده .. حنين : يلا ياختى .. ودخلو الأوضه .. فتون : قعدت ع السرير بتعب . وفتحت صوباع الكريم وبتحط ع الجرح . حنين : شافت الجرح . واضايقت وزعلت عليها . وقالت فتون الجرح بيألمك ؟ و ايه الل حصل معاكى . ؟ فتون : ابتسمت .. فضولك هيق/تلك ههههه . غيرى هدومك الاول .. حنين : حطت ايديها ف وسطها . وقالت والله ؟ انتى مش هتقومي تطلعيلى بيجامه ؟ فتون : من غير ما تبصلها . وانتى اتشليتى ولا حاجه ؟ الدولاب عندك اهو . افتحى والبسي الل يعجبك مع انى بقرف ههههههههه .. حنين : شهقت بغيظ ودهشه . انتى تقرفى منى انا يابت انتى ؟ صدقى انا غلطانه ! انا هقعد زى ما انا من غير ما اغير فستاني ايه رايك بقى .. فتون : ههههههههه . يابت انا قصدى بقرف من البيجامه الل انتى مش بتلبسيها ههههه يلا يلا افتحى والبسي بقى علشان احكيلك . وحطت العلاج ع الكمود .. حنين : رفعت حاجبها . اممم والله ماشي ماشي . بت رخمه بجد . ولفت فتحت الدولاب . وبصت بتعجب وانبهار . وقالت فتون فساتين مين دى ؟ فتون : بصت ع الفساتين الل متعلقه . واتنهدت بوجع . وقالت . بتاعتى .. حنين : فتحت عينيها بدهشه . وجابت فستان . لونه نبيتى وتصميمه راقى وجميل وقالت بعدم تصديق . انتى بتتكلمى جد ؟ دى فساتين جميله اوي . بجد رقيقه جدا . طيب لما كل الفساتين دى بتاعتك مابتلبيسيهاش ليه ؟ انا من يوم ما عرفتك وانتى بتلبسي بناطيل . ممكن افهم ليه؟. فتون : غمضت عينيها بكسره .. واخدت نفس عميق واتنهدت بوجع . ورجعت راسها لورا . وقالت أنا عمرى ما لبست بناطيل غير بعد وفاة بابا وشيلت المسؤوليه .. قبل ما بابا يتوفى كان كل لبسي جيب وبلوزات وفساتين زى ما انتى شايفه كده . وكانت كلها غاليه . كان ابويا مدلعنى اوي وكان يحب يشوف بنته لابسه احسن حاجه ف الحاره . وكنت لما اروح الجامعه بالفستان الجديد والطرحه وابويا يوصلنى لحد الجامعه ف تاكسي . وزمايلى لما كانو يشوفونى يعجبهم التصميم وزوقى جدا . لكن بعد ما اتوفى . واول مره ركبت فيها الاتوبيس بالفستان اتبهدلت اوى معرفتش اتعامل واتقطع وانا نازله . وكنت ماشيه بعيط ف الشارع و حاسه اني تايهه . ومن بعدها قررت البس بناطيل وع بلوزات طويله وكان غصب عني طبعا . واتنهدت تعرفي سعات الفستان بيوحشنى اوى .. حنين : عينيها لمعت بدموع . واتنهدت بزعل حقيقي . إن شاء الله هترجعى تلبسيهم تانى. وقالت بتفكير .. وكمان جتلى فكره .. فتون : فكرة ايه ؟ حنين : بما انك بتروحي الفيلا دى بتاكسي ممكن تلبسي فستان عادي جدا . فتون : بتفكير . وقالت والله فكره حلوه . خلاص ماشي .. حنين : رجعت الفستان . ولمحت فساتين بلون اسود . ودهبى وكشمير . وازرق . واحمر . وسليفر .. وقالت بجد يافتون الالوان تحفه اوووى وبجد نفسي اشوفك بالفستان الفضول هيقت/لنى .. فتون : لو عاجبك حاجه منهم متغلاش عليكى . حنين : قلبى يارب . حبيبتى ياتونه وباستها ع الهوا .. اكيد هنبدل مع بعض انا وانتى هههههه .. واخدت بيجامه . ثوانى بقى هروح اغير ف اوضة بطه .ورجعالك . علشان تحكيلى كل حاجه وبالتفصيل الممل . وعايزه اعرف مين ابن اللذين الل خبطك ده .؟ فتون : ماشي . روحي وانا هاقوم ادخل الحمام اغسل وشي وسنانى واتوضى . ونصلى انا وانتى ماشي . حنين : اوكي ياموزتى . ----------------------بقلمى مريم نصار بعد فتره .. ف فيلا بدر الدين سليم : ف المكتب رايح جاي بخنقه . باب المكتب خبط . سليم : وقف مره واحده . وقال بسخريه اكيد هي شرفت اهي . اصل فريده كانت قلقانه عليها اوى . ههه . ادخل ! عزيزه : فتحت الباب ودخلت . سليم بيه تحب اعملك اكل ايه انهردا ع الغدا ؟ سليم : بشعور داخلى مضايق . وقال بصوت جهورى انتى جايه علشان تسالينى السؤال الغبي ده ؟ امشي من وشي ياعزيزه .. عزيزه : بلعت ريقها بتوتر.ح...حاضر يافندم . احم . سليم : بغضب كبير . استنى الساعه كام دلوقتي .. عزيزه : بصت ع ساعة الحائط . وقالت بصوت متوتر .الساعه ٣ ونص .. سليم : صك ع اسنانه بغيظ . روحي انتى . ومش عايز حد يدخل عندى انتى فاهمه ؟ عزيزه : بخوف . هزت راسها . تحت امرك . وخرجت بسرعه وقفلت الباب وراها .. فريده : ايه يا عزيزه . مالك طالعه بتجرى ليه كدا من المكتب ؟ عزيزه : انا اسفه ياهانم بس سليم بيه شكله مضايق خالص . ومش طايق كلمه من حد . وسألته ع الاكل زعقلى وكمان قالى أنه مش عايز حد يدخل عنده خالص .. فريده : استغربت وقالت سليم ؟ هو نزل المكتب ؟ وسألتها نزل امتى ؟ عزيزه : من حوالى نص ساعه ياهانم . فريده : بصت ف الساعه وقالت يعنى ع الساعه ٣ وده ميعاد وصول فتون وهي مجتش .. وقالت طيب روحي انتى ياعزيزه .. عزيزه : حاضر يا هانم لكن معلش اعمل ايه انهردا ع الغدا ل سليم بيه ؟ فريده : بتفكير . اعملى اي اكله من الل سليم بيحبها .. عزيزه : حاضر يا هانم .. بعد اذنك . واتحركت ع المطبخ ... فريده : واقفه مكانها . وبتفكر . ياترى سليم من امبارح مش طايق نفسه ليه ؟ .طيب ادخل وشوف ماله ؟ انا هدخل وربنا يستر . واتحركت لكن وقفت مره واحده وقالت ! لأ لأ . انا هتصل ع الواد خالد النمس ده . قالى اتصلى عليا وبلغينى لو في حاجه حصلت مع سليم .. .وراحت جابت الفون من ع تربيزة الليفنج وقعدت ع الكنبه واتصلت ع خالد . ورد . خالد : الو فيرى قلبى . فريده : هزت راسها وابتسمت . انت ياواد انت ع طول بكاش كدا ..؟ خالد : ليه بس ياست الكل . دا انا حد طيوب جدا والله . ههههه . قوليلى ف جديد ؟ فريده : لا مفيش جديد . بس بصراحه انا قلقانه جدا ع فتون وميعادها تيجى الساعه ٣ بالظبط . ولحد دلوقتي مجتش . وفونها لسه مقفول . بجد قلبى مشغول عليها اوى .. خالد : بحيره . أمم غريبه فعلا . يعنى فونها مقفول من امبارح ومجتش انهردا.. طيب يافريده انتى متعرفيش عنوانها . انا ممكن اروح اسال عليها ونطمن . فريده : ايوه انا اعرف عنوانها هي قالتلى عليه لما اتصلت بيها وقالت إنها جايه ف الطريق . بس عنوان صعب كدا هي ساكنه في حي شعبي ف حاره بتهايئلى . بس الحمد لله كتبته ف أجندة التليفون .. خالد : طيب حلو اوى . شوفى كدا وانا معاكى . فريده : طيب استنى ثانيه واحده . وجابت الاجنده . وبتدور . اهو عنوان فتون . هي ساكنه في (--حي --حارة --عمارة رقم ---). خالد : بتفكير . ايوه ايوه اسمع عن الحى ده. طيب بقولك ايه . المكان هناك شعبى . ولو انا روحت كدا هناك أسأل ع فتون لوحدى ممكن الناس هناك تفهم غلط . انا شايف من الاحسن إنك تيجى معايه قولتى ايه؟ فريده : بتفكير . اممم والله فكره حلوه . اهو اطمن بنفسي عليها ويارب تكون موجوده وبخير لاحسن قلقانه اوى بجد .. خالد : إن شاء الله هي بخير . لو كان حصل معاها حاجه لا قدر الله . كانت والدتها اتصلت عليكى . ع الاقل . متقلقيش خير .. فريده : هديت شويه . عندك حق . وكملت بتوتر . اسمع ياخالد انا خايفه اقول ل سليم اننا هنروح ل فتون . هو من امبارح مش طايق نفسه . ولا سيرتها ومعرفش ليه ؟. وكمان دلوقتي زعق لعزيزه . ومنبه عليها محدش يدخل عندو .. خالد : ابتسم بمكر امممم لا ياقلب خالد انتى تحكيلى كدا بالتفصيل المُمل الاستاذ سليم عمل ايه من بعد ما انا مشيت لحد دلوقتي .. فريده : ماشي . اسمع يسيدى ......... وحكتله كل حاجه ... خالد : بيربط الأحداث ببعضها . وقال طيب يافيري . انتى قومي ادخلى دلوقتي ل سليم وانا معاكى ع الفون . وقوليله بالحرف الواحد الل هقولك عليه .. وقال جواه انا عايز اسمع رد فعل سليم بنفسي .. فريده : طيب انت عايزنى اقوله ايه وليه ؟ خالد : يستى حاجه ف نفس يعقوب . بس اعملى الل بقولك عليه ..وقوليله ......... فريده : بعدم فهم . لكن قامت ومعاها خالد ع الفون . وخبطت ع سليم ودخلت بتوتر . وشافت سليم واقف ف الشباك . وواضح عليه أنه مضايق . وقالت احم . سليم ياحبيبى . سليم : غمض عينيه واتنهد بضيق . وقال بغيظ مكبت. خير يافريده ؟ خالد : سامع ومركز ف صوت سليم .. فريده : احم مش عوايدك يعنى تنزل المكتب ؟ سليم : ............. فريده : بتوتر . فتون يبنى .. سليم : لف بسرعه بلهفه وقلق. مالها ؟ حصل معاها حاجه ؟ خالد : ابتسم بمكر . وهز راسه وقال ايوه بقى .. فريده : رفعت حاجبها . وكشرت عينيها لما شافت لهفة سليم . وقالت . انا معرفش عنها حاجه من امبارح وبتصل عليها من شويه وفونها مقفول. ودلوقتي الساعه داخله على ٤ ولا فتحت فونها . ولا جت . وكملت انا خايفه يكون جرالها حاجه .. سليم : بلع ريقه بصعوبه . وغمض عينيه . وصك ع اسنانه . وقال جواه انت قلقان كدا ليه ؟ ما تكبر دماغك منها. ايه الل حصلك من ساعة ما سمعت صوتها وهي بتصرخ .لالا انا بس قلقان عشان هي صعبت عليا .. طيب لما هي صعبانه عليك انت ليه منمتش كويس ؟ وليه نزلت المكتب .؟ فريده : سليم ! سليييم يابنى ؟ سليم : فاق من أفكاره . ومش فاهم نفسه . لكن قال بجمود . تيجي ولا متجيش ايه المشكله يعنى ؟ وبعدين انتى جايه تقوليلى الكلام ده ليه ؟ فريده : اتنهدت بزعل . ابدا ياحبيبى انا جيت اقولك علشان أبلغك إن خالد هيروح بنفسه يطمن ع فتون ف بيتها ... سليم : بدهشه . وقبض على أيديه بغيظ كبير . انتى بتقولى ايه ؟ وخالد يروح ليه ؟ خالد : بيسمع ومبسوط جدا ... فريده : بحيره . اله وفيها ايه يبنى بس ؟ البنت انا الل جبتها لحد هنا . ودلوقتي اخوك شريف خبطها بالعربيه . والبنت من ساعتها منعرفش عنها حاجه . والمفروض خالد كان راح من امبارح يطمن ع فتون ويطمنا ..لكن هو هيروح وانا كمان هروح معاه ايه رايك؟. سليم : بدء ينهج بسيط ومتغاظ جداااا . لكن حاول يسيطر ع غضبه . وقال اعملو الل انتو عايزينه ومحدش يتكلم معايه ف حاجه . وياريت لو سمحتى تسبينى لوحدي شويه .. فريده : بزعل حقيقي .ماشي يبنى . انا هطلع البس وهروحلها . واتحركت وخرجت من المكتب وقفلت الباب وراها وكملت كلامها مع خالد . وقالها تجهز . وهو نازل من الشركه وجاى ف الطريق .. وقفلو وفريده طلعت تلبس . وجواها حيره من رد فعل سليم .. سليم : واقف ف نص الاوضه وقابض على أيديه . وبيتنفس بصوت عالى . وحاول يهدى . . وقال جواه . مالك ياسليم ؟ .معقول انت مضايق لانها مجتش انهارده ؟ .لأ ايه الل هيضايقنى . عادى جدا انها متجيش .. لا ياسليم مش عادى ! واعترف لنفسك انك بتحب انك تسمعها ... اعترف ان كلامها بيريح قلبك . اعترف إنك اخدت قرار إنك تتعلم علشان تثبت لفتون وتجاوب ع سؤالها الل انت لحد دلوقتي مالقتش ليه اجابه .. ايه ياسليم هتعترف ولا هتكون جبان وتنكر ؟ .ايوه هعترف لنفسي وده مش جُبن منى لأ دى الحقيقه . فتون شرحت حالتى . فتون حاولت تنور بصيرتى فتون فعلا كلامها بيلمس قلبى . بحس براحه كبيره لما بتتكلم . وامبارح مكنتش عايزها تسكت . صوتها مميز . صوتها فيه سر كبير لانه بيخلينى احس اني شايف كويس . . طيب ياسيلم انت قلقان عليها . وده طبيعى إنك تقلق لانها تعتبر الل بتابعك ايه الل مخليك تدارى قلقك ده قدامهم ؟. . وكمان انت نزلت في ميعاد وصولها ايه الل جرالك؟ . انت عمرك ما استنيت حد . عمرك ما انشغلت كدا . طيب ايه الل دايقك لما اتكلمت ف الفون . وايه مدايقك إن خالد رايح يطمن عليها ؟ وقبض على أيديه بغيظ تانى . ورفع ايديه ومسك راسه بتعب . وقال بنرفزه مش عارف . مش عااارف ومش عايز اعرف . انا مش عايز افكر . دي مجرد مُدرسه هتعلمنى وتمشي من هنا . ونزل ايديه . وبص قدامه وقال . ايوه ياسليم بس انت متعرفش هي بخير ولا لأ ؟ وغمض عينيه واتنهد بتعب شديد وقعد ع الكرسي ورجع راسه لورا وغمض عينيه . وقال . ياترى هي كويسه ولا لأ ؟ ----------------------بقلمى مريم نصار ف نفس الوقت . عند فتون .. فاطمه : ف المطبخ بتجهز الغدا بحب كبير ومبسوطه لانها سامعه ضحك فتون وحنين مع بعض .. حنين : بتسمع فتون . ومطت شفايفها . اممم اما راجل ابن تيت عديم الزوق . وهو يعنى مش سايق وشايف. قدامه جابها فيكى انتى ؟ .بس عايزه الصراحه ياتونا . وقالت بإعجاب . انا حاسه إن سليم ده جينتل مان اوى . يعنى طلع من الفيلا جرى وبتقولى شكله كان قلقان وخايف اممم لا بجد موقفه عجبنى اوى . وبصت ل فتون شافت انها سرحانه ومش معاها وشويه تكشر وشويه تبتسم . حنين كشرت عينيها ومتابعه ريأكشنات فتون وبتتفرج عليها .. فتون : بتسمع حنين . وسرحت مع ابتسامه مرسومه ع وشها .. وافتكرت صوت سليم وهو بيتكلم معاها وقالها ع الل جواه . ونبرة صوته وهو بيبكى . ولما ضحك وقالها سليم بدر الدين .. ولما مسكت أيدو وايدها رجفت. والعصير . وافتكرت لما جري عليها بقلق ..و مد ايدو ليها . وقامت معاه وعينيها جت ف عينيه . وسرحت بعمق ف لون عينيه واتنهدت .. حنين : رفعت حاجبها . وقالت مالها دى . هي راحت فين . وشاورت بايدها قدام وش فتون . وقالت فتون ؟ فتوووون ؟ هالوووو انتى يماااااا روحتى فيييين ؟ فتون : فاقت وانتبهت . وقالت ها . وبلعت ريقها . احم ا.اانا معاكى . كنتى بتقولى ايه؟ حنين : كنت بقول ايه .!!؟ لاااه . دا انتى حالتك صعبه اوى . يابنتى انا بقالى ساعه بكلمك وانتى راسك نزلت ع كتفك وشويه تكشرى وشويه تبتسمى . مش خير يما . قولى قولى. كنتى بتفكرى ف مين ؟ فتون : بتوتر . ا.ايه . بفكر في مين دى يعنى . مفكرتش ف حد .. وبعدين انتى بتسالى كتير اوى ... حنين : أمممم اشطا متقوليش بس مسيرى هعرف . وغمضت عينيها وبتشم . الله بطه كدا شكلها خلصت الاكل . الريحه تحفه اوووى .. فتون : من جواها حاسه انها مش مبسوطه . وحاسه انها نفسها اليومين يعدو بسرعه . علشان تروح الجلسه . واتنهدت بحيره . حنين : لااا انا هاقوم اروح البيت احسن . انتى يابنتى بتروحي منى فين ؟ انتى مش ع طبيعتك مكنتيش بتسرحي كتير كدا ف ايه ؟ فتون : اخدت نفس عميق . وقالت ابدا ياحبيبتى انا معاكى ومتزعليش بقى . انا مبسوطه اوى انك موجوده معايا اليوم كله . حبيبتي يانونا .. فاطمه : حطت الاكل ف الاطباق . وحطته ف الصينيه . وشالت الاكل وطلعت من المطبخ . وحطت الاكل ع ترابيزة الانتريه . وقعدت . وقالت . يلا ياحبايب قلبى . الغدا جاهز . فتون : ابتسمت بحب . يلا يانونا لانى جعانه اوى .. حنين : ومين سمعك . بس انا بصراحه محرجه جدا من بطه انها طبخت وحلفت علينا اننا منعملش حاجه . انا هتغدى وهشطب المطبخ .. فتون : ماشي ياحبيبتى هنشطبه انا وانتى . اوووف استغفر الله العظيم يارب نسيت الفون بردو . هاتيه ياحنين من الشنطه الله يكرمك وحطيه ع الشاحن هنا يشحن شويه وبعد الغدا افتحه واشوف مين اتصل . وكمان انا عايزه اتصل استأذن مدام فريده واعرفها انى هاخد اجازه . حنين : قامت . ماشي يختى . وجابت الفون وحطته ع الشاحن . وخرجت هي وفتون . وقاعدين التلاته يتغدو . وحنين خلقت جو مرح وتهزر والكل ضحك من قلبه عليها . وكان غدا مميز جدا بالنسبه ل فاطمه قبل فتون .. ----------------------بقلمى مريم نصار زينهم : واقف بيبيع ف البقاله . وجت عربيه فخمه جدا . ووقفت قدام المحل .. خالد : ف العربيه .. بص ع رقم العماره . وقال ل فريده . شكلها هي دى العماره . بس نص الرقم مش موجود ع العماره .. استنى هنا يافيرى . فريده : بصت ع العماره .واتنهدت بزعل وافتكرت نفسها زمان . وقالت بس العماره دى قديمه اوى ياخالد . والحيطان فيها هلكانه . معقول فتون الجميله ساكنه هنا . لا حول ولاقوة إلا بالله .. خالد : هز راسه . الدنيا مليانه يافيرى . المهم بس نطمن ع فتون وتكون بخير . فريده : عندك حق الدنيا فعلا مليانه . ماشي ياحبيبى انزل ويارب تكون موجوده هنا وبخير . احنا تعبنا ع ما وصلنا المكان ده .. خالد : إن شاء الله . موجوده . لان ده العنوان بالظبط . ثوانى هسأل البقال ده عليها وراجع . وفتح باب العربيه ونزل . ولبس النضاره . وراح لمحل البقاله . سلام عليكم ياحج .. زينهم : بانبهار من هيئة الشاب . وقال وعليكم السلام يبنى. خالد : هرش ف خدو . وقال لو سمحت عايز علبة سجاير من النوع ده .. زينهم : حاضر من عينيه . وراح جاب علبة السجاير. خالد : احم قولى ياراجل ياطيب . معلش انا غريب ومش من المنطقه . زينهم : اتفضل علبة السجاير . خير يبنى. انت شكلك جاى وعايز تسأل ع حاجه . انت عايز تأجر شقه ولا تشترى محل . ولا انت من الضرايب ..؟ خالد : طلع فلوس السجاير . وقال لأ لأ ضرايب ايه بس ؟وكمان انا مش عايز حاجه من دى لا عايز اتآجر ولا اشترى . انا جاى أسأل ع مُدرسة هنا اسمها الاستاذه فتون مهران . وبتهايئلى ساكنه في العماره الل جمبك دي .. وكنت عايز أسألك لو تعرفها .. زينهم : بقلق وخوف . اييه ؟ فتون . ليه يابيه ؟ بتسال عليها ليه ؟ اسمع ياباشا فتون دى اغلب من الغُلب وحظها مش حليفها ابدا . وياما قاست وشافت من الوجع والهم الوان . انت عايز منها ايه ؟ وانت تعرفها منين؟ فريده : نزلت . وسمعت كل كلام زينهم ع فتون . وقالت ل زينهم قبل ما خالد يتكلم .. سلام عليكم ياحج . زينهم : بخوف وحيره . وعليكم السلام . وبص بحيره ل خالد وفريده . وخاف جدا ع فتون .. فريده : ابتسمت . انا اسمى فريده بدر الدين . وده اسمه خالد الشروقاى . ف مقام ابنى بالظبط . واسفين اننا جينا نسأل ع الانسه فتون بالطريقه دي . لكن فتون بتيجى عندى البيت بتدى جلسات لابنى . ومن امبارح بتصل عليها وفونها مقفول . ومعادها تيجى انهردا ومجتش الجلسه . وانا بصراحه قلقت عليها . وهي كانت قيلالى ع عنوانها . ف حبينا نطمن عليها بنفسنا . ياريت لو حضرتك تعرفها تقولنا ع مكانها فين ؟ زينهم : اتنهد بأريحيه . وقال الحمدلله . والله ياست هانم مكدبش عليكى انا لما شوفت حضرته وبيسال ع بنتى فتون . قلقت عليها اوى . اصلك متعرفيش البت دى جدعه جدا قد ايه . وكمان ف نفس الوقت اتعذبت قد ايه ؟ ياما شافت عذاب واستحملت . فريده : بفضول . يااه للدرجادى . ؟ زينهم : واكتر ياهانم . واكتر . بس نقول ايه كل مقدر ومكتوب .. فريده : من جواها كان نفسها تعرف اكتر عن فتون . لكن سكتت .. خالد : بمكر . ايوه ايوه الانسه فتون قالت لمدام فريده ان والدها متوفى وملهاش اخوات وهي الل بتصرف ع والدتها . بس هي مُدرسه وشغلها حلو . يعنى اكيد مش هتوصل للعذاب الل انت بتقول عليه ياحج ولا ايه ؟ زينهم : بعفويه . مُدرسة ايه يبنى دى شغاله مبقلهاش خمس شهور ف مدرسه للمكفوفين . واتنهد بزعل حقيقي . وغصب عنه حكى ل خالد وفريده حياة فتون باختصار . والظروف الل مرت بيها .. فريده : شهقت بصوت مهموس . وعينيها لمعت بدموع . وقالت بحيره ازاى ؟ ازاى بنت عانت وقاست زيها وعندها قوة تحمل وصبر غير عاديه ..ازاااى؟ خالد : بيسمع زينهم . واتنهد بزعل حقيقي عليها . واحترمها . واقتنع تماماً إن زي ما ف بنات مش كويسه رغم ظروفهم الماديه ميسوره . . ف بنات بميت راجل ومحترمه رغم قساوة الحياه والبشر .. واحترم فتون جداااا .. فريده : بزعل ياحبيبتى يافتون ربنا يعينك ع الل انتى فيه . ياريت ياحج لو تقولنا بيتها فين ؟ علشان اطمن عليها .. زينهم : بص قدامه ولمح بليه . ونده عليه . بليييه . ياواد يا بليه . بليه : جه جري . ايوه ياعم زينهم .. زينهم : خد الهانم و الاستاذ وطلعهم عند الابله فتون بسرعه .. بليه : ماشي ياعم زينهم . وشاور ل خالد .. تعالى يابيه .. خالد : وفريده . اتحركو . ورا بليه . وطلعو ع السلم .. بليه : شاورلهم اهي يابيه . دى شقة ابله فتون . خالد : هز راسه . شكرا يابليه ههههه مش اسمك بليه بردو ؟ بليه : انا اسمى وليد . بس معروف ف الحاره انى بليه . تؤمرنى بحاجه يابيه .. خالد : ابتسم تسلم ياعم وليد . بليه : نزل . وفريده بتستكشف المكان وانه قد ايه هلكان . وفكرها بالماضي .. واتنهدت بزعل حقيقي ع فتون .. فاطمه : بعد ما اتغدو . قعدت بتعب ف اوضتها ع السرير .تقول الاذكار . وقافله ع نفسها تريح شويه ... حنين : بعد الغدا . صممت انها تغسل المواعين . وبتشطب المطبخ .. فتون : واقفه معاها . وحلفت انها الل تعمل الشاى . وواقفين يهزرو ويضحكو مع بعض .. باب شقة فتون خبط . فتون : بتعمل الشاي . وسمعت الباب وقالت .. ده تلاقيه الشيخ محمد . طالع يطمن علينا .. هروح افتح .. حنين : لأ خليكى انتى لسه تعبانه . واطلعى اقعدى انتى ارتاحى .سيبى انتى الشاى انا هكمله . فتون : قالت . فعلا انا رجلى شاده عليا شويه . طيب تعالى البسي الخِمار وافتحى . وانا هدخل البس الاسدال .. حنين : طلعت من المطبخ .ماشي خشي انتى . ولبست الخِمار و فتحت الباب . ورفعت وشها . وبعد ثوانى شهقت بدهشه . وعينيها مفتوحه ع الاخر بصدمه كبيره جدا .لما شافت خالد .. فريده : ابتسمت . السلام عليكم . اذيك يا انسه .... اااا... حنين مش كدا ؟ خالد : واقف ورا فريده . وشاف حنين . وكانت جميله جدا وخطفته . وحاسس أنه شافها قبل كده . وقلع النضاره . ولا اردايا مش عارف ينزل عينيه من عليها . وبيحاول يفتكر . وكمان احساس جديد اتولد جواه حنين : بدهشه وشافت نظرت خالد ليها . ونزلت عينيها بسرعه بتوتر . وقالت بصوت مبحوح . وع...احم وعليكم السلام . ا.ايوه انا حنين . اذي حضرتك يامدام فريده .. فريده : الحمد لله ياحبيبتى .مبسوطه انى شوفتك اوى . احم . انا بعتذر طبعا عن الزياره المفجأه دى . لكن مضطره والله لانى قلقانه ع فتون . هي فتون موجوده ؟ خالد : فتح عينيه بدهشه . وافتكر إنها البنت الل شافها ف المدرسه وبهدلت قميصه بالكاتشب . ومن جواه فرح جدا أنه شافها تانى. وهمس بصوت مهموس جدا . اسمها حنين !؟ وبعدها أستغرب . وجودها عند فتون . ومش فاهم حاجه .. حنين : قلبها دق لاول مره . ومتوتره . ومش عارفه تتكلم .. فتون : لبست الاسدال . وطالعه من الاوضه وقالت مين يانونا .. وشافت فريده قدام الباب . واتفاجئت بصدمه . واستغربت جدا وجودها . وراحت عند الباب بسرعه وبتعرج . وقالت مدام فريده ؟ اتفضلى اهلا وسهلا بحضرتك . اتفضلى . فريده : ابتسمت . واتنهدت بأريحيه . لما شافت فتون . ودخلت وسلمت عليها . اذيك يافتون يابنتى . الحمد لله إنك بخير .. وبصت ع البيت وزعلت ع حال فتون . فتون : من جواها حست بالاحراج لان البيت والعفش . قديم . لكن ابتسمت بتمثيل . اتفضلى استريحي . خالد : واقف قدام الباب . وعينيه ع حنين . وحنين . واقفه تايهه ومش قادره تتحرك من الاحراج . لانها لابسه بيجامه ع خِمار . ومكسوفه جدا .. فتون : بصت ع خالد . احم اتفضل ادخل يا استاذ خالد . خالد : بحرج . احم ماينفعش يا انسه فتون . انا هنزل استنى فريده ف العربيه تحت ف العربيه . فتون : شافت حنين متنحه . وقالت ل خالد . مينفعش حضرتك انت اول مره تيجى عندنا اتفضل .. خالد : دخل وساب الباب مفتوح . وخطى خطوه من جمب حنين . وهز راسه ليها وابتسم. اذيك يا انسه حنين ؟ حنين : ببلاها هاااا ؟ خالد : ابتسم وغمز ليها. وقال ها ايه بس.؟ حنين : ضربات قلبها بتزيد . ودخلت ع المطبخ بسرعه .. خالد : عجبه توترها ورفع حاجبه . وبعدها دخل وقال اذيك يا انسه فتون . وحمدلله ع السلامه . وقعد جمب فريده . وبص ع البيت ومط شفايفه باستغراب . لأن الشقه يعتبر هالكه تماما .وحط الفون والمفاتيح ع تربيزة الانتريه .. فتون : قعدت بحرج واضح عليها ووشها احمر جدا من الموقف . وقالت الله يسلمك . فريده : انتبهت .. وقالت . فتون ياحبيبتي . ياريت متكونيش اتضايقتى من وجودنا من غير ميعاد سابق . لكن صدقينى انا من امبارح من وقت ما عرفت الل حصل معاكى ف الفيلا . وانا قلقانه عليكى جدا واتصلت عليكى كتير اوى وفونك مقفول ولحد دلوقتي. وقلقى زاد اكتر لما انتى مجتيش انهردا .. لكن الأهم من كل ده الحمدلله انك بخير .. فتون : احم .. اولا حضرتك تشرفينى ف اى وقت وانا مبسوطه جدا إن حضرتك والاستاذ خالد شرفتونى. .وطبعا البيت مش قد كده زى ما حضرتك شايفه وده مش مقامك ابدا . .و انا اسفه جدا لأن تليفونى فصل شحن من امبارح . وبصراحه نسيت خالص حكاية الفون لانى كنت تعبانه شويه . وسبت الفون ع الشاحن من شويه علشان كنت عايزه اتصل ع حضرتك علشان اطمنك وكمان اعتذر واقول لحضرتك انى يعنى مش هينفع اجي انهردا . وكمان كنت عايزه استاذن حضرتك انى هاخد اجازه يومين كمان . انا عارفه انى لسه يدوبك بدءت اشتغل مع الاستاذ سليم . لكن إن شاء الله هعوض الوقت ده . انا بوعدك .. فريده : ابتسمت بحب . الشرف ليا انا يافتون . وكمان ليه بتقولى إن البيت مش من مقامى . تعرفى إن بيتك ده دخل قلبى وحسيت بالراحه اول ما دخلت . ف اماكن كدا تدخليها تحسي بخنقه . واماكن تانيه تحسي بالدفا .. بالدفا بتاع زمان . وانا حسيت بالدفا ده هنا .. والبيت عمرو ما كان بحجمه لا ولا شكله . البيت بيكمل بالناس الل فيه .. وبعدين ياحبيبتى ولا يهمك المهم انى اطمنت عليكى . ولو عايزه اجازه اسبوع كمان مفيش اى مشكله ... فتون : بتسمعها . وابتسمت بحب كبير واريحيه . وشافت قد ايه إن فريده ست متواضعه جدا .. ولكن فتون قالت بلهفه ملحوظه عليها . لا اسبوع ايه !؟ هما يومين بس ..وا .. احم وسكتت ومش عارفه ليه اتسرعت كدا ..وقلبها نفسه يسأل عن سليم . لكن غمضت عينيها . وقالت اهدى يافتون . اسكتى .. وطبعا . خالد متابع .و ابتسم وهز راسه بمكر امممم ... فريده : ماشي ياحبيبتى زى ما تحبى المهم طمنينى عليكى .انا شيفاكى بتعرجي . رجلك فيها حاجه . اجبلك الدكتور ؟ فتون : بتوتر . لا لأ دكتور ايه . مالوش لازمه انا تمام والله . شكرا لاهتمامك بجد . فريده : فتون احنا السبب ف تعبك ده . وشوفى بجد لو مجروحه أو تعبانه ف ثوانى ناخدك عند الدكتور أو اجيبه لحد هنا . المهم نطمن عليكى .. فتون : ابتسمت . متقلقيش عليا انا كويسه الحمد لله . وغير كدا انا السبب مش الاستاذ شريف . لكن ف سؤال بس حيرنى شويه . وطبعا اسفه لتطفلى .. فريده : بعدم فهم . سؤال ايه الل محيرك ؟ فتون : حضرتك قبل كده قولتى إن الاستاذ سليم . ابنك الوحيد . ولكن امبارح الأستاذ شريف قال ان الاستاذ سليم اخوه الصغير . ساعتها اتلخبط لكن مسالتش .. فريده : اتنهدت بتعب . سليم فعلا ابنى الوحيد . لكن شريف حقيقى يبقى اخوه الكبير . لكن من أم تانيه . بصي هو موضوع يطول شرحه . لكن مش وقته .. فتون : هزت راسها بتفهم زى ما حضرتك تحبى . وانتبهت. وقالت ياخبر تشربو ايه ؟ خالد : طبعا ف الحوار ده متابع فتون . وكمان متابع حنين . الل واقفه ف جمب. ف المطبخ ووشها احمر جدا ..ومحرجه من الموقف جدا . وقال لفتون . ياريت لو كوباية شاى .. فتون : ابتسمت . من عينيه .. فريده : بحرج مالوش داعى . مره تانيه يافتون يابنتى . وقوليلى والدتك عامله ايه؟ فتون : الحمد لله تمام . وبعدين ماينفعش لازم تشربو حاجه . وقامت وقفت .. وكمان هعملك كوباية شاى بالنعناع انا واثقه انها هتعجبكم اوى .. وماما ثوانى اندلها . واتحركت براحه . وراحت ع اوضة فاطمه وعرفتها . وفاطمه قامت علشان تسلم وترحب بيهم .. فتون : قامت وراحت قفلت باب الشقه عشان الجيران . و داخله المطبخ . حنين : واقفه مش مركزه ومكسوفه لأن خالد قاعد قصاد المطبخ . وكل شويه يبصلها . وحنين ترفع عينيها تلاقيه باصص عليها . تنزل عينيها بسرعه . واتوترت جدا .. فتون : دخلت المطبخ وبتعلق ع الشاى وجواها مكسوفه جدا. وبصت ع حنين واستغربت . ايه ياحنين . وشك احمر اوى كدا ليه .؟. حنين : قربت من فتون بسرعه ومسكت أيدها .فتون الحقينى انا مكسوفه موت حاسه انى هتشل يافتون .. فتون : بعدم فهم . مالك ياحنين ومكسوفه من ايه ؟ اوعي يكون من بيتنا . انا عارفه إن بيتنا .... ومكملتش من حنين . حنين : قاطعت كلامها . وقالت . بيت ايه بس يافتون لأ طبعا . انا مكسوفه من الشاب الل بره ده . فتون : بدهشه . الاستاذ خالد . ومكسوفه منه ليه ؟. ده واضح عليه أنه إنسان محترم يعنى .. حنين : بغيظ افصلى شويه واسمعي . فاكره من حوالى شهرين واكتر . ف المدرسه لما قولتلك ف. واحد قميصه اتبهدل كاتشب بسببى ؟ فتون : بتفكير . ايوه فاكره . بس انتى ايه الل فكرك بالموقف ده . حنين : لان صاحب القميص الل اتبهدل ده يبقى الل اسمه خالد ده فهمتى ؟ فتون : شهقت بدهشه . معقول !؟ خالد ؟ حنين : ايوه هو انا فكراه كويس . وكمان قاعد وبيبصلى كل شويه ويضحك . انا مكسوفه اوى اوى . قوليلى اعمل ايه ؟ فتون : حنين انتى متاكده انه هو خالد . يعنى مش يمكن يكون حد شبهه ؟ حنين : لا طبعااا بقولك هو انا متاكده . لان ريحة برفانه .......احم وسكتت .. فتون : كشرت عينيها . اممم ريحة برفانه . ماشي يست حنين عموما اتعاملى عادي جدا . اكيد هو مش فاكرك . ويلا هاتى الصينيه الجديده الل هناك دى . واغسلى شوية نعناع بسرعه .. حنين : بتوتر . حاضر . ورفعت عينيها بالصدفه . شافت خالد متابعها ونزلت راسها بسرعه واتوترت اكتر . فاطمه : طلعت وسلمت ع فريده وخالد . وقعدت . وقالت يااهلا وسهلا . شرفتونا ونورتونا . فريده وخالد .اهلا بيكى. الشرف ليا . . فتون : عملت الشاى . ومتوتره ومكسوفه . وقالت بتفكير . خدي يانونا . طلعى الشاى ده ليهم . وانا هغسل شوية فاكهه . حنين : قلبها دق . ايييه ؟ انا . لالا انا مش هطلع من المطبخ ولا هتحرك خطوه واحده.. فتون : بصت ل حنين بغيظ . انتى يابت انا لو خرجت بالصنيه وانا بعرج كدا . الشاى كله هيكون وقع في الصينيه . خدى وبطلى غلبه . وبعدين انتى محسسانى انك مطلعه عصير لخطيبك ههههه .وحطت الصينيه بين ايديها يلا امسكى . واطلعى بسرعه بقى .. حنين : بلعت ريقها بتوتر . وطلعت برجفه . واتحركت وقدمت الشاى لفريده . وقالت بتوتر اتفضلى .. فريده : ابتسمت بحب .واخدت الشاى تسلم ايدك ياحبيبتى . حنين : ابتسمت بتوتر شكرا . وقدمت الشاى ل خالد .وشمت برفانه . وقالت بصوت مبحوح ا..اتفضل حضرتك .. خالد : شاف وشها الأحمر جدا . ومش عارف ليه هو مستمتع ب انه يوترها . وغمز . وقال تسلم ايدك يا انسه حنين . حنين : حطت الصينيه ع التربيزه . ومردتش عليه ودخلت المطبخ بسرعه وبتنهج .. فريده : . بتشرب الشاى امممم ماشاء الله . بجد كوباية شاى بالنعناع تحفه . انا مفتقداها من زمان جدا . تسلم ايدك بجد يافتون .. خالد : امم فعلا بجد جميله جدا . فاطمه : بفخر . تونا بنتى بتعمل كل حاجه حلوه . وحياتك يامدام فريده . تونا عليها شوية قهوه تظبط الدماغ . وكمان الشاى ولا الاكل بقى ماشاء الله عليها . فريده وخالد : بصو لبعض . وهمسو وقالو (تونا)؟ فريده : ابتسمت . اكيد طبعا . الل تعمل كوباية شاى بالجمال ده ؟ لازم تكون شيف ممتازه كمان . ربنا يخليهالك .. خالد : بهزار . لأ إن كان كدا بقى يبقى لازم مره تانيه ادوق اكل الانسه فتون ههههه اصل انا بحب الاكل شويه .. فاطمه : ضحكت . تشرف وتنور يبنى . وكمان هخليها تعملك اكل بتاع اليومين دول . خالد : بعدم فهم ؟ اكل اليومين دول؟ هو ف اكل جديد نزل .. يعنى ايه يا امى مش فاهم ؟ فاطمه : ههههه . قصدى الاكل بتاع النت ده . يخترعو وصفه وينزلوها ع الل اسمه النت ده . فتون جابت وصفه من عليه من زمان وبتعملها . ولو عليها ممكن تاكلها ليل ونهار . خالد : بإعجاب . امم طيب ده جميل اوى . وياترى بقى ايه الوصفه دي ههههه اصل بصراحه فضولى مبيستناش ههههه .. فتون : سامعه الحوار .و طالعه بالفاكهه .وابتسمت وقالت . مكرونه بالصلصه البيضا . وحطت الفاكهه ع التربيزه اتفضلو .. فريده وخالد . بصو لبعض تانى بدهشه اكبر . وهمسو . (تونا ؟ ومكرونه بالصلصه البيضا!!؟) وبعدها . فريده اتكلمت مع فتون وكمان فريده استريحت ل فاطمه جدا . وشافت قد ايه انها ست جميله اوى ووقوره . وكمان حبت حنين . وندهت عليها . وحنين طلعت بتوتر . وقعدت معاهم بكسوف . وخالد استريح جدا ل فاطمه واتكلم معاها وهزر معاها كتير والكل كان قاعد مبسوط . وفتون من جواها اتخيلت إن سليم قاعد مكان خالد . وبيضحك ويهزر . واتنهدت بابتسامه . ومش عارفه هي رايحه ع فين ؟ والكل قاعد مبسوط . وكان وقت ظريف للكل ----------------------بقلمى مريم نصار فيلا بدر الدين . سليم : قاعد ف اوضته . وبيهز الكرسي الهزاز بنرفزه .. وقاعد وجواه الف سؤال من غير اجوبه . ومضايق جدا من نفسه . لانه مش عارف هو ليه عايز يطمن ع فتون ؟ .وكمان عايز يعرف فريده وصلت عندها ولا لأ ؟ طيب هي كويسه ؟ طيب انا ممعييش فون ؟ طيب اعمل ايه ؟ اقول ل شريف يتصل ؟ لأ لأ . أووووف . اول مره احس انى محتاج الفون . مريم نصار لأ انا مش محتاجه .. طيب خالد عند فتون ؟ وقبض على أيديه بغيظ . وخبط الكرسي بايده . ومخنوق . ع متنرفز . ع مشغول وقلقان . ومستنى رجوع فريده بفارغ الصبر.. عند فتون الكل قاعد .. فريده : مبسوطه . وقالت بجد ياجماعه انا مبسوطه جدا انى اتعرفت ع ناس جميله زيكم . متعرفوش انا قد ايه مفتفده اللمه دى. فاطمه : ابتسمت . شاله يخليكي يامدام فريده . والله وانتى متعرفيش انا الل فرحانه قد ايه . وده بيتك ومطرحك واعتبرينى اختك ياحبيبتى .وكمان الاستاذ خالد والله حسيته ابنى الل مخلفتوش ربنا يحميك يبنى يارب. خالد : ابتسم بحب . وهز راسه ربنا يخليكي. فريده : ابتسمت بحب . ربنا يخليكى ياست فاطمه . والله كلك ذوق . انا دلوقتي عرفت فتون طالعه لمين . ربنا يحفظهالك من كل شر يارب . وقامت . نستأذن احنا بقى .. خالد : عينيه وقلبه ع حنين واول مره يزعل انه ماشي . وقام وقف علشان يمشي .. فاطمه : يووه لسه بدرى يامدام فريده . خليكى قاعده شويه . وهنعمل لقمه ونتعشي مع بعض . اقعدى ياحبيبتي . اقعد يبنى .. فريده : معلش ياست فاطمه والله ماقدر . وبعدين انا من بدرى بره البيت . وسليم دلوقتي قاعد لوحده وكان مخنوق قوي وع آخره . فتون : رفعت راسها بسرعه . وقالت ليه حصل حاجه مع الاستاذ سليم ضايقته؟ فريده : ابتسمت بتعب . ما انتى عارفه يافتون يابنتى حالة سليم . ادعيله وانتى بتصلى . فتون : لا اردايا عيونها لمعت بدموع . ومبتعرفش ايه سببها .وقالت هدعيله إن شاء الله. فريده : تسلمى ياحبيبتي . وبصت ل خالد يلا ياخالد ؟ خالد : هز راسه يلا بينا .. حنين : بزعل .. رفعت عينيها واتعلقت ب عيون خالد ووقفو ساكتين . الباب خبط . وخالد وحنين انتبهوا . وكل واحد بص ف اتجاه مختلف .. فتون : قالت ثوانى هشوف مين ؟ وراحت تفتح . وفتحت الباب وبصت بغيظ وزهول ف نفس الوقت .. وقالت بغيظ مكبت . علاء؟ عم جابر؟ خير .. علاء : ضحك وغمز ايوه يافتون علاء . وجايب ابويا المعلم جابر ابو سمره . وعايزين الحاجه ف كلمتين .. وبص جوه وشاف فريده وخالد وحنين . وقال . اله احنا جينا ف وقت غير مناسب ولا حاجه ؟ فتون : قبضت على ايديها بغضب كبير . ومردتش علشان فريده وخالد .. فريده : شافت الضيوف . وبصت ل فاطمه وشافت وشها اتغير وكانت باين عليها انها مخنوقه .. وقال طيب ياست فاطمه . نستأذن احنا . وسلمت عليها .. خالد : سلم ع فاطمه . وبص ل حنين . وقال باى يا انسه حنين .. حنين : هزت راسها بتوتر . باى .. فريده : شافت تعابير وش فتون الل اتغيرت ١٨٠ درجه . وشافت شكل علاء ومستريحتش ليه . و سلمت ع فتون . وقالت ياريت تفتحى فونك علشان اطمن عليكى .. وكمان انا بتتمنى إن اليومين يعدو بسرعه هستناكى ياحبيبتى . فتون : سلمت عليها وابتسمت بتمثيل .وقالت حاضر إن شاء الله. وكمان ياريت حضرتك اول ما توصلى البيت تطمنينى ع حضرتك .. فريده : هزت راسها ماشي ياحبيبتى ونزلت . خالد : سلم ع فتون . وقال بعد اذنك . ونزل وهو زعلان .. فتون : واقفه ع الباب . وعايزه تولع ف علاء . وقالت بغيظ خير ياعلاء جاي ليه ؟ جابر : فتون يابنتى ممكن ندخل ولا الأصول بتقول تسيبى ضيوفك قدام الباب كدا ؟ فتون : صكت ع أسنانها بغيظ مكبت وقالت . لا طبعا ياعم جابر . ده انت تشرف اتفضل . جابر : دخل وكح . وقال يارب ياساتر . سلامو عليكو اذيك ياجاحه ام فتون .وقعد..؟ علاء : دخل وبص ع فتون . وقال جواه عسل . بت صاروخ . وبص ع حنين وقال جواه يخربيت جمالكو تتاكلو انتو الل اتنين . وفاق من مخيلاته القذره . وقال سلامو عليكو. وقعد وعينيه عليهم . فاطمه : نفخت بديق حقيقي . وقالت وعليكو السلام ياحج جابر . نحمد الله .. حنين : شافت علاء وخافت . وراحت وقفت جمب فتون .. فتون : سابت الباب مفتوح ع آخرو . واتحركت بسرعه ونسيت جرح رجلها . ووقفت وربعت ايديها الاتنين . خير ياعم جابر ممكن اعرف سبب الزياره دى ؟ جابر : اله مالك يافتون . شكلك مش طيقانا كدا ليه . احنا يابنتى جايين ف الخير .. فاطمه : لسه ..هتتكلم فتون : قاطعتها . استنى انتى ياماما . وبصت ل جابر وقالت . خيرررر ؟ ومعلش يعنى ف الكلمه انت وابنك يجى من وراكو خير . ؟ علاء : اله . ماتهدى ع نفسك يافتون . وتسمعى الكلام للآخر . وبص ل حنين . مفيش كوباية عصير حلوه كدا من ايديك الحلوه دي ياقمر .. حنين : بلعت ريقها بتوتر . ووقفت ساكته وخايفه .. فتون : بصوت جهورى . علااااء . كلمنى انا هنا . ولم عينيك بدل ما اطلعهالك واعملهالك عصير بايدى انا . ماااشي .. جابر : ههههه حلوه منك اوى يافتون . والله هزارك زى العسل . اقعدى يافتون . اقعدى كدا واستهدى بالله . احنا جايين ف كلمتين . وهناخد الرد ع مهلك .. فتون : حست بالاشمئزاز . وقالت رد ع ايه إن شاء الله ؟ علاء : قام وقف . وقال بمكر وخبث .. اسمعى بقى يابنت الحلال . . انتى عارفه انى انا رايدك من زمان وبالحلال . ولما اتخطبتى لل اسمه حسن ده ؟ قولت خلاص هتعمل ايه ياعلاء ؟. فتون اتخطبت وده نصيب . خلاص ياعلاء مافيش نصيب . . قوم انا سمعت من فتره كبيره . إن لامؤاخذه حسن سابك . وكمان بعتلك دبلته. مع صاحبه . ودى مش رجوله ولامؤاخذه ااه .. ومش انا بس الل عارف كدا . لأ . دى الحاره كلها مكنش ليها سيره غير إن حسن ساب فتون .. وليه ؟. وايه الل حصل ؟ وحوارات كتيره . يعنى من الاخر حسن عملك بوليكه كبيره ف الحاره . . وانتى عارفه بقى نسوان الحاره لما يعرفو حاجه زى دي .. يلا ما علينا . المهم يافتون . انا اول ما عرفت قولت لأ اكيد حسن ده اتجنن ولا حصل ف دماغه حاجه علشان يسيب فتون كدا . . بس بينى وبينك فرحت اوى . وقولت اهو فرصتك اهي ياعلاء . وفتون حجتها انها كانت مخطوبه . لكن دلوقتي لأ .. واظن مالكيش حجه . وانا يابنت الناس . جاى وشارى . وطالب ايدك للجواز . واؤمرى من جنينه . لمليون . بس انتى وافقى .. وافقى وانا هخليكى ست الحاره دى كلها . وافقى وهتركبى احلا عربيه . وهخليكى ست الستات . والشبكه تدخلى محل ابويا . وتنقى وتختارى الدهب بالكيلو . والشقه موجوده . وكل حاجه واقفه ع موافقتك ياست العرايس . قولتى ايه ...؟ جابر : بيسمع ابنه . وابتسم بخبث . لأن علاء قال لابوه أنه هيزغلل عينيها ف الاول . وبعد كتب الكتاب . تعيش بمزاجه .. حنين : واقفه .ولما سمعت كلام علاء عن حسن وفتون .شهقت بصوت مسموع . وعيونها لمعت بدموع ..وبصت ع فتون وكانت واقفه ثابته لكن عيونها فيها حزن كبير. وخافت ع فتون .. فاطمه : حست إن ضغطها علي عليها . ودموعها نزلت ع بنتها . وخافت عليها فتون : واقفه ومربعه ايديها . وبتسمع كلام علاء الل زى السكاكين بيجرح ف قلبها . وكرامتها . وصكت ع أسنانها بغيظ مكبت . وقلبها موجوع اوى . ونفسها ف اللحظه دي تصرخ ف حسن . وتقوله إنت السبب ف إن واحد زى علاء يلمح بكلام ف حقى . وسمعت علاء للآخر . وغمضت عينيها . وفتحت بكل ثبات . وقالت خلصت ؟ علاء : ابتسم ببرود . ايوه ياحب . خلصت . ومستنى ردك ياجميل . وحيات غلاوتك عندى يافتون . لا خليكى ملكه جمال الحاره كلها . وزى ما قولتلك .. كل حاجه واقفه ع موافقتك ياست العرايس . قولتى ايه ؟ فتون : فكت ايديها . وشاورت ع الباب . وقالت . اطلع بره .. جابر : قاعد . وبص بحرج ل فاطمه وعلاء وفتون . علاء : ههههه . اله ماتهدى ع نفسك ياحب . هو انا كل ما اكلمك .. تقلبى وشك الخشب ده . فكيها كدا يافتون . فكيها عشان تعيشي ها ..؟ وغمزلها .. فتون : بتتنفس غيظ . لانها فهمت قصده . وعلت صوتها بغضب . وقالت . اسسسمع ياجدع انت . انت تنسى خاااالص اني ممكن اوافق ع شمام زيك . وانا لو خيرونى ما بين جوازى منك . او انى اموت ؟ انا هختار الموت . لانه اهون واحب ع قلبى بكتير منك . لانى بصراحه كدا وهجبهالك ع بلاطه .. انا بكرهك . بكرهك وبقرف منك .. ولو مخرجتش بره البيت ده دلوقتي حالا .؟ انا هلم عليك أهل الحاره كلها . وهفضحك اكتر ما انت مفضوح . . وبصت ل جابر بلوم. وقالت أنا كنت مفكراك خايف ع سمعت ابنك و سمعتك . وكمان سمعتى ! . بس انا طلعت غلطانه . انت قبل ما تكون راجل كبير وليك اسمك ف الحاره ؟ انت ( اب ). وعندك بنات . وعارف يعنى ايه . واحد صايع ولا ليه اى لازمه . يتعرض لبنتك كل شويه .؟ اكيد انت مش هتبقى مبسوط ؟ وياريت تعقل ابنك . وتربيه من اول وجديد . بدال ما ده يربيه . وشاورت ع الشبشب . واتفضلو بره . وزعقت بصوت عالى جدا . وشاورت ع الباب وقالت اطلعوووو برااااا . الجواز مش بالعافيه . انت تخرج من الباب ده ومشوفش وشك تانى .فااااااااهم..؟ علاء : بغيظ لا ما انا مش هطلع خسران ف الآخر . واسمعى يابت انتى . انا هتجوزك . بالزوق . بالعافيه هتجوزك . يا اما هخليكى تعيشي اسود سنين حياتك . وعليا الحرا....... ما هخليكى تعرفى تمشي في الحاره رافعه راسك تانى . .وشوفى مين الل هيقف قصادى . ساعتها هقلبها دمار ع الكل .. وكمان لسانك الل مبيطولش غير عليا ده انا هقصهولك .. وقبل ما تتشطرى عليا ؟ اتشطري ع الل سابك وهو بره مصر . واكيد سابك علشان شاف ان انتى واحده شمال و مش مظبوطه .! صوت من وراه .. والبوكس نزل ع وش علاء .. بارت ١٧ رواية (أحببت بصيرتهُ) بسم الله نبدأ . اللهم يا صاحبي في شدتي ... ويا مؤنسي في وحدتي ... ويا حافظي في غربتي ... ويا وليي في نعمتي ... يا كاشف كربتي ... ويا سامع دعوتي ... يا راحم عبرتي ... ويا مقيل عثرتي ... أرضى اللهم عن أحبتي فما بعد رضاك اﻻ الجنة ... اللهم يا حي يا قيوم أذق أحبتي في هذا اليوم برد عفوك ... وحلاوة حبك ...وافتح مسامع قلوبهم لذكرك وخشيتك ... واغفر لهم بكرمك ... اللهم إجعل تواصلنا براً ... وكلامنا ذكراً ... ومحبتنا فيك طول العمر .. اللهم ارفع عنا البلاء والوباء يا ارحم الراحمين رزقنى ورزقكم الله مغفرة ورضوان ومنزلة في أعلى الجنان ______________________________________ خالد : نزل مع فريده . وجاى بفتح العربيه . ملقاش المفاتيح معاه . وكمان الفون . فريده : ايه ياخالد بتدور ع ايه ؟ خالد : اوووه . تصدقى يافيرى .انا نسيت المفاتيح والفون .عند فتون فوق . فريده : طيب ياخالد مفيش مشكله . اطلع جيبهم . وانا هستناك هنا .. خالد : بحيره . انتى هتفضلى واقفه هنا لوحدك ؟ ف منطقه زى دى ؟ زينهم : من وراهم . هههه ماتقلقش يبنى . الدار امان .. و الدنيا لسه بخير . .وجاب كرسي وحطه قدام البقاله وقال ل فريده اتفضلى حضرتك . اقعدى ع الكرسي ده . لحد ما يرجع . وانا. واقف ف المحل متقلقوش. دا انا لو مكنتش موجود . كان زمان عيال الحاره بهدله عربية حضرتك . فريده : ابتسمت .كتر خيرك ياحج .. خالد : بأريحيه . انا متشكر جدا ياحج . زينهم : متشكرنيش يا يبنى . انا معملتش حاجه . اتفضلى استريحي .. ودخل وقف ف البقاله عشان مايحرجهاش .. فريده : قعدت . وقالت اطلع انت ياخالد بسرعه . ومتخفش عليا انا قاعده اهو .. خالد : هز راسه ماشي ياحبيبتى . انا مش هتاخر عليكى . . واتحرك ودخل العماره . وطالع ع السلم. وانتبه إن باب شقة فتون مفتوح على الآخر . ووصل للشقه . وكان لسه هيخبط . لكن وقف مكانه قدام الباب لما شاف حنين واقفه وواضح عليها الخوف . .وكمان شاف فاطمه حاطه أيدها ع بوقها وبتعيط . . وشاف فتون واقفه ومربعه ايديها وواضح عليها انها هتنفجر . .وشاف علاء وسمع كلامه ع حسن الل سابها وكمان بيقولها ع الاغراأت . شقه وعربيه والدهب بالكيلو . واستغرب ومش فاهم حاجه . واستنى يشوف رد فعل فتون ع كمية الاغراأت دى ؟. واتفاجئ بردها عليه وأسلوبها . وشخصيتها القويه . وشاف فيها بنت البلد الل بجد . وفضل واقف وسامع الحوار .. لحد تهديده وفهم قصده ايه ؟ من انه هيخلى فتون ماشيه راسها ف الارض .. وشاف دموع فاطمه . ورعب حنين ودموعها نازله . وصدمة فتون . وخالد شاط ووصل لقمة غضبه الشديد لما سمع ..علاء وهو بيقول ..!!! علاء : وقبل ما تتشطرى عليا ؟ اتشطري ع الل سابك وهو بره مصر . واكيد سابك علشان شاف ان انتى واحده شمال و مش مظبوطه .! وصوت من وراه .. والبوكس نزل ع وش علاء.. خالد : مستحملتش يسمع اكتر . ودخل بسرعة البرق .. وضرب علاء بالبوكس . علاء : اتفاجئ بالضربه ووقع ع الأرض . وجابر اتفاجئ بزهول . وبص ل خالد الل واقف وباين عليه يقاتل يامقتول . وبلع ريقه بتوتر . وبص ع ابنه الل واقع ع الأرض و ماسك خدو بيتالم.. وخاف .. فاطمه : قاعده تعيط بتعب . وشافت خالد . ضحكت بدموع ومسحت دموعها . كأنه طوق نجاه ليهم .. حنين : بتعيط . واتفاجئت ب خالد وحست انها استريحت . وإنهم دلوقتي ف آمان .. فتون : بتسمع علاء وبتنهج من كلامه . واتصدمت بغيظ . ولسه هتضربه بالقلم . لكن اتفاجئت . ب خالد ولما ضرب علاء . . وشافت غضبه أيقنت إن خالد سمع كل كلام علاء ومتحملش يسمع اكتر. وإن كدا خالد الغريب عرف حجات عنها .وحست بالانكسار . وجواها انهار تماما . وغمضت عينيها بوجع كبير اووى . ودموعها نزلت ع خدها بكسره وخيبة امل ووجع كبير . ونزلت وشها ف الارض . ومتكلمتش . خالد : بغيظ . نزل وشد علاء من تيشرته . وقومه معاه . وقال قوووم . قوووم ومسكه من التيشرت بغضب . انت شكلك عيل كلب وفاشل . وناقص ربايه . الل يدخل البيت ع حريم . ويستغل وحدتهم ويجرح كرامتهم ويتكلم عليهم بالطريقه دي وف وشهم . يبقى مش راجل . وانا بقى عايز اشوف انت هتعمل ايه مع فتون ؟ اقسم بالله لو فكرت بس مجرد تفكير إنك تاذيها بكلمه واحده بس بعد كده. لاتشوف اسود ايام حياتك . وبص ل جابر وقال . وصدقنى ابوك الل فرحان بخلفته الل تعر دى . هخليه يندب زى النسوان . فاهم يااالا انت وابوك ؟ . علاء : بغيظ . مسك خالد من قميصه . وقال بصوت عالى . انت مين ياجدع انت . وانت قد البوكس ده ؟ وكمان بتهددنى ف منطقتى ؟ انت متعرفش انا مين ؟. وانت اصلا تعرف ايه عن فتون عشان تتكلم كدا ؟ اسمع يااالا انت .انت شكلك غريب ومش م الحاره . انت تطلع من هنا ومشوفش وشك تانى علشان انا ممكن دلوقتي ادفنك مكانك ع عملتك دى .. خالد : صك ع اسنانه . لكن ابتسم . ببرود وبص ع ايدين علاء وقميصه . وسمعه للآخر . وقال ل علاء انت كرمشت القميص . وده الل لايمكن اسامح عليه ابدااا . وهوب بوكس تانى ف وشه ووقع تانى ومناخيرو نزفت . علاء : بيكح . ومسح الدم وشاف الفرق بينه وبين خالد .ومش عارف هو مين ولكن شك أنه يكون عريس لفتون . وقال ببرود انت لو تعرف حقيقة فتون هتشكرنى انى عاوز اتجوزها واستر عليها من الفضحيه ؟ .. فتون : منزله راسها . وغمضت عينيها اكتر . ونفسها تهرب .. ولكن سابت علاء يتكلم . وحست بالضعف .. حنين : شافت فتون وحست بانكسارها ويأسها . واتغاظت من علاء . وجريت وقفت قدام خالد وضهرها ل علاء الل واقع وراها ع الأرض . وقالت بدموع ... متصدقوش . ده واحد كداب وفاشل وكمان مُدمن مخدرات . وع طول بيدايق فتون والله .. ومش عايز يسيبها ف حالها ابدا . وكمان راحلها عند المدرسه قبل كده وعملها مشكله بس فتون وقفته عند حده. وضايقها كتير اوى . وفتون كانت هتضربه قبل كده . وكمان راحت لوالده واشتكتله منه . وهو معملش لابنه حاجه . حتى أسأله . ودلوقتي جاى وطلب ايد فتون للجواز. ولما رفضت قالها كلام يجرح . صدقنى والله العظيم فتون غير وصف الل اسمه علاء ده . ده واحد ظالم ومفتري وربنا مش هيسيبه ف حاله ابدا . ارجوك خليه يمشي من هنا ارجوك .. خالد : بيسمع حنين . وعينيه ع علاء .بغيظ كبير. علاء : متغاظ من حنين . وقام غصب عنه . واتحرك ولسه هيقرب من حنين علشان يمسك كتفها ويشدها . ورفع ايدو . خالد : بغل . مسك ايد علاء قبل ما تنزل ع كتفها . وحنين شهقت وخافت .. خالد : مسك ايد حنين . وشدها وراه ضهره . وقرب من علاء . ومن غير تفكير لانه كان هيمد ايدو ع حنين . وضربه بكام روسيه ف راسه ورا بعض بغل كبير .. حنين : خافت ع خالد . وحطت أيدها ع بوقها وبتعيط . وبسرعه . مسكت ايد خالد . كفايه كده ارجوك هيموت ف ايدك . هتخسر نفسك بسبب واحد زي ده .. ارجوك كفايه ارجووووك . خالد : سمعها . ووقف ضرب ف علاء الل مش قادر يقف . وجابر واقف مرعوب . وعايز ينزل يجيب ناس . لكن عارف أنه لو جاب ناس هيتقلبو ضده لان الكل عارف ابنه الصايع . وجري ع ابنه . وسنده . علشان يطلعو من البيت ده . وبعدين يتصرفو .. وسند ابنه وطالع من الباب . خالد : بصوت عالى ل جابر . لو شوفت ابنك الحيوان ده قرب من البيت هنااا . ساعتها مش هتكون سانده كدا .؟ لاااااء انت هتكون بتدفنه . وعايزك تعرف إن خالد الشرقاوي لما بيقول بينفذ فااااهم ... جابر : نزل بخوف . وبيلعن ابنه ف سره ع المصايب الل بيوقعه فيها .. خالد : بينهج بغيظ . وشاف خوف حنين عليه . لكن لمح فاطمه وكسرتها . وقاعده ع الكنبه وبتعيط بصمت .. وقرب منها وقعد جنبها . وبص تانى ع حنين . ولقاها بتبص ع فتون الل واقفه ومنزله راسها الأرض ودموعها نازله بصمت كبير . حنين : قربت من فتون . ورفعت ايدها. ولسه هتتكلم .. فتون : لفت ضهرها وسابتها . ودخلت اوضتها وقفلت ع نفسها .. خالد : اتنهد بزعل . وبص ل حنين . وهز راسه ليها بيطمنها إن فتون هتكون كويسه . وبص ل فاطمه . وقال ايه يا امى مالك كدا ؟ وليه كل الدموع دي ؟ فاطمه : رفعت راسها بتعب وذل وانكسار . وقالت . والله يبنى كل الل قاله عليها ظلم كبير ليها . فتون بنتى مظلومه . ومحصلش اي حاجه من الل ربنا ينتقم منه ده قال عليها . وكملت بدموع . كتر خيرك يبنى انت جيت ف وقتك . ولا الله اعلم ايه الل كان ممكن يحصل .. . انا عارفه بنتى ماكنتش هتسكت ابدا . وشهقت بعياط . بس ايه الل ممكن يحصل لبنتى اسؤ من كدا .؟ .وقالت بترجي .ارجوك يبنى متصدقوش . وصدق حنين ف كل كلمه قالتها ليك . والله العظيم يبنى فتون بنتى مظلومه . علاء إبن جابر مفترى وظالم زى ابوه . حسبى الله ونعم الوكيل فيهم . يُمهل ولا يُهمل . يُمهل ولا يُهمل. وعيطت بانكسار . حنين : بتخبط ع فتون .وبتعيط .. خالد : اتخنق علشانهم . وقال ل حنين سيبيها لوحدها دلوقتي اكيد هى شويه وهتهدا . حنين : هزت راسها . ووقفت تعيط بزعل علشانها . خالد : قال ل فاطمه . انا عايزك تهدى الاول . وسيبك من كل الكلام ده . ده واضح وباين عليه أنه شمام ع رأي انسه فتون . وبعدين يا امى مش كل واحد يقول كلمه ع حد نصدقه ع طول كدا . وبعدين الانسه فتون متربيه وبنت ناس . وانا سمعت ردها عليه وعجبنى جدا.. . بصراحه انا بعتذر ليكو لانى وقفت وسمعت الحوار بس غصب عني. .الحقيقه انا نسيت فونى والمفاتيح وطلعت اجيبهم . بس اسلوب الكلب ده خلانى اقف وأشوف نهايته ايه ؟ .اهم حاجه انا مش عايزك تضايقى ولا تزعلى نفسك . ده عيل فاشل وبكره هيعرف غلطه . ولو حاول يضايق الانسه فتون انا مش هسيبه صدقينى . ياريت تهدى وتطمنى .. فاطمه : قلبها موجوع ع بنتها . واستسلمت للواقع كالعاده . وبكت ف صمت واتنهدت وقالت . اللهم اكفنا شر ما يكون قبل أن يكون . يارب احفظ بنتى من شره يارب .. ----------------------بقلمى مريم نصار محمد : طلع بسرعه لما سمع صوت عالى . ودخل بقلق .. سلامو عليكو . خير ياحجه فاطمه . مالك ؟ وايه الصوت العالى ده ؟ وكمان علاء الزفت ده كان بيعمل ايه هنا ؟ وايه الل منزله ووشه متبهدل كدا ؟ وبص ل خالد واستغرب وقال جواه مين ده ؟ وجاى هنا بيعمل ايه ؟ ومبقاش فاهم حاجه !؟ فاطمه : اتنهدت بوجع . علاء شكله مش ناوى ع خير ياحج محمد . محمد : احكيلى ياحاجه ايه الل حصل الله يكرمك . وفتون بنتى فين ؟ والكلب ده كان هنا ليه ؟ فاطمه : مسحت دموعها . وحكت للشيخ محمد كل الل حصل . وبعدها عرفته ع خالد ... محمد : بص ل خالد وسلم عليه . وشكرو لانه ساعد فتون وضرب علاء لانه يستاهل واكتر من كدا .. . وقال بضيق حقيقي . لا حول ولاقوة إلا بالله . لاء الموضوع كدا مايتسكتش عليه ابدا . .علاء مش ناوى يجيبها لبر . وياما حظرته يبعد عن فتون .لكن لحد كدا انا مش هسكت . الواد ده لازم يتربى . واتحرك بغضب وخارج .. فاطمه : بخوف . رايح فين ياشيخ محمد . مش عايزين مشاكل الله يهديك استنى .. محمد : وقف ولف ليها . متخافيش ياحجه كل حاجه هتتحل بالأصول . انا هاخد رجالة الحاره . ونروح لجابر .. يا يربى ابنه الصايع ده . يا ياخد عزاله ويسيب الحاره كلها ويغور من هنا ويريحنا .. ونزل وهو مضايق جدا . فاطمه : بتعيط اااه جيب العواقب سليمه يارب . استرها معانا يارب . احنا مالناش حد . غيرك .. خالد : اطمنى يا امى قولتلك . وانتى من شويه قولتيلى انى زى ابنك . ازاى بقى بتقولى مالكيش حد . ؟ فون خالد رن وكانت فريده . بتشوفه اتاخر ليه . وقال ثوانى . ورد عليها . وقالها انه نازل حالا .. وقفل . واخد المفاتيح.. خالد : طمن فاطمه . وقام وقف . وراح وقف قدام حنين . وطلع الكارت بتاعه . وقال امسكى يا انسه حنين . ده الكارت بتاعى . لو حصل اى حاجه اتصلى عليا ف اى وقت . حنين : واقفه بحيره واحراج ومش عارفه تعمل ايه؟ خالد : فهم خوفها . وقال . ياريت تاخدى الكارت . لان بجد الواد ده شكله بلطجى . ولو حسيتى بخطر . اتصلى عليا فورا . امسكى . حنين : مدت أيدها واخدت الكارت . وهزت راسها من غير ما تتكلم .. خالد : بصلها وشاف دموعها واتخنق . وقال بعفويه امسحى دموعك دى ومتعيطيش طول ما انا موجود .. حنين : بلعت ريقها بتوتر وبصت ليه .ومسحت دموعها وسكتت . خالد : لعن نفسه . وقال بلخبطه . احم انا قصدى يعنى أن الموضوع خلص .ا.انا . انا لازم انزل . حنين : هزت راسها . اتفضل ربنا معاك .. خالد : نزل بسرعه وجواه شعور متلخبط . ----------------------بقلمى مريم نصار .. ف اوضة فتون فتون : قاعده ع السرير . وضمه ركبها وناسيه الم الجرح . وحاطه راسها ع ايديها . وسرحانه بخنقه ودموعها نازله بكسره ووجع كبير . وغمضت عينيها وقالت بألم داخلى . ( وساندني اذا صعب المسير وكن عوني على ايام عمري فسبع عجافها باتت ليالٍ فهون يا اله الكون .. هون وفرج هَمَّ قلبٍ تظاهر دوما بأنه لم يبالِ فقد ضاقت رحاب الارض حولي وعندك قد وجدت براح حالي . ) وعيطت بعدها بشهقات ووجع كبير . جدا حنين : واقفه بره بتكلم مامتها نجلاء ف الفون. وبعدها راحت عملت عصير ل فاطمه . وحاولت تهديها . قومي انتى ارتاحى يابطه . ومتقلقيش ع فتون . فاطمه : اتنهدت بزعل حقيقي . نوم ايه يابنتى؟ هو بعد الكلام الل ربنا ينتقم منه ده قاله ولمح إن بنتى مش كويسه .هعرف انام . منه لله . حسبى الله ونعم الوكيل فيه .. حنين يابنتى انا خايفه ع فتون وقلقانه عليها . حنين : متخافيش يابطه . وإن شاء الله ربنا هينصر فتون عليهم . وبعدين انتى قلقانه على مفيش . فتون قويه وبنت بميت راجل . ومتتهزش بسهوله . ومش علاء ده الل يخليها تضعف . اسمعى منى انتى بس وقومي خدى علاجك وافردي ضهرك شويه . وكمان انا هفضل مع فتون . انا اتصلت ع ماما وقولتلها انى هبات انهردا مع فتون . ووافقت . فاطمه : قالت بفرحه .. بجد ياحنين يابنتى . هتفضلى جمبك اختك انهردا .. حنين : ابتسمت . ايوه طبعا وهفضل جمب اختى طول العمر . وباست خدها . قومي قومي روقى كدا . وانا هدخل للبت دي . وافرفشها كدا . وكمان هاخدها وننزل نشترى لب وسودانى . واجبلها ايس كريم كمان . ههههه . فاطمه : اتنهدت باريحيه . ربنا يطمن قلبك ياحنين يارب ويريح بالك . وتفضلو انتى وفتون بنت بطنى احباب وأصحاب واخوات طول العمر يااارب . حنين : الله ع الدعوه الحلوه دي يابطه .اللهم امين يارب . فاطمه : طيب يابنتى انا هقوم اخد دوا الضغط . وأقرأ شويه ف المصحف . وطمنينى ع فتون يرضي عليكى يابنتى . حنين : حاضر ياحبيبتى انتى تؤمرى . فاطمه : قامت بتعب . ودخلت الاوضه . واخدت العلاج . وفتحت المصحف وبتقرآ فيه بدموع ووجع كبير وبتناجى ربنا ف قلبها .. حنين : راحت وقفت قدام اوضة فتون . و سمعت شهقاتها وعياطها . وخبطت ع فتون . وقالت فتون ياحبيبتي افتحي بالله عليكي . بطه ف اوضتها . وانا قاعده لوحدي . وبعدين انا هبات معاكي انهردا . افتحي لأختك ياتونا . فتون : بتعيط بقلب موجوع . وسمعت حنين . انها هتبات معاها . قامت. وفتحت الباب . حنين : دخلت وقفلت الباب . ولفت و شهقت بصوت مهموس لما شافت شكل وعيون فتون . وقالت فتون ياحبيبتى ليه ؟ ليه عامله ف نفسك كل دا ليه ؟ فتون : اترمت في حضنها بيأس . وقالت بصوت واطى ومكبت علشان امها ماتسمعش وبتعيط . . علشان انا تعبت . والله العظيم تعبت من كل حاجه . وخايفه أضعف ؟ خايفه افشل . خايفه انهار .. . ليه ياحنين..؟ ليه الناس لما بتلاقى بنت يتيمه وملهاش حد بيطمعو فيها ؟ . ليه بعد ما ابويا مات الكل ظهر ع حقيقته ؟ . ليه حسن يعمل كدا ؟ ليه يسبنى بالطريقه دي ويشمت الناس فيا ؟ .بسبب حسن مش هقدر اسكت كل الناس .. حسن السبب ف إن الل زى علاء وغيروا يتهمنى ف اخلاقى . انتى متخيله ياحنين ؟ علاء مُدمن مخدرات . يتهمنى انا ويقول عليا مش مظبوطه ؟ انا ؟ .. انا الل بحاول ع قد ما اقدر امشي جمب الحيط .؟ انا الل بعافر ف الدنيا لوحدى وبرضى بقليلى؟ ليه ياحنين الناس مابتسبش الناس ف حالها ؟ ليه ديما بيفكرو إن الل ملهاش حد دى ممكن تبيع نفسها ؟ ليه ؟ لييييه الناس بقت وحشه اوى كدا؟ انا بدءت اضعف بجد . انا خايفه . خايفه انهار واقع . حنين : ضمتها لحضنها بوجع كبير وبتعيط بصمت . وبتسمعها ومغمضه عينيها . وطلعتها من حضنها . ورفعت ايديها ومسحت دموع فتون . . وقالت بوجع . لأ . مش فتون مهران الل تُقع . .ومش فتون مهران الل تنهار . وانتى عارفه كدا كويس . . انتى ديما تقوليلى ربنا خلق العبد وعارف قوة الصبر والتحمل الل عندو . وكمان إيمانه. وبيبتليه ع قد صبرو وإيمانه . ولا نسيتى ؟ . ومسحت دموعها وابتسمت بتمثيل . وبعدين انتى بتاخدى ع كلام المسطول إبن المسطوله ده ؟ ده تلاقيه شارب وعامل دماغ وجاى يفوق علينا . وبعدين ده واخد علقه لوز اللوز واكيد عرف غلطه. والله خالد ده برد قلبى وهو بيضرب ابن جابر الكلب ده . روقى كدا واضحكى .. فتون : رفعت عينيها بزعل حقيقي وقالت . خالد سمع كلام علاء . وممكن يصدقه . وساعتها .....؟ حنين : بس بس يماا . ايه يابت الل انتى بتقوليه ده ؟ طيب بزمتك لو خالد ده ؟ صدق كلام المسطول ع عينه ؟ كان هيدخل ويديله العلقه الجامده دى ؟ وكمان عايزه اطمنك إن خالد مش مصدق اى حاجه من الل اتقالت خالص . فتون : مسحت دموعها . وقالت وانتى عرفتى منين أنه مش مصدق ؟ مش يمكن عمل كدا جدعنه منه ؟ ودلوقتي يروح يقول ل مدام فريده . وممكن يفهمونى غلط وساعتها يستغنو عنى . حنين : مسكتها من كتافها . لأ اطمنى لأن خالد قال أنا كنت واقف وسامع الحوار من الاول . وسمع ردك عليه . وقال كمان مش كل حاجه نسمعها نصدقها . وقال إنك محترمه جدا ومتربيه وبنت ناس . وكمان فضل قاعد وطمن بطه . وابتسمت بحرج وقالت . وكمان ادالى الكارت بتاعه وقال لو حصل اى حاجه . اتصل عليه ع طول .. بجد خالد ده انسان كويس اوى .. فتون : استريحت نوعا ما . واتنهدت بأريحيه . وقالت فعلا انسان كويس . وانا لازم اشكرو ع الل عمله معانا . حنين : ههههه بعدين بعدين . المهم بقى ياموزه انتى . تعالى اغسلى وشك ده . وندخل ل بطه الل زعلانه علشانك دى . ونطمنها ونفرفشها كدا . واعملى حسابك هننزل انا وانتى نشترى لب وسودانى وايس كريم وشوية شبسيات ع بسكوتات كدا . فتون : بتعب . انا مش هقدر انزل ياحنين . علشان رجلى ...... حنين : هشش ولا كلمه . ورجلك هتخف لما تنزلى معايا . واعملى حسابك انا وانتى . هنسهر للصبح . وكمان هعلمك شوية حجات ع فونى . ندخل ع النت والفيس بوك لازم تبقى استاذه ورئيسة قسم كمان .. فتون : ابتسمت بتعب . نت ايه بس؟ . وبعدين انا بعرف شويه ف النت . وغير كدا تليفونى قديم مش هحتاج للنت .وتعالى نشوف ماما علشان ماتنمش وهي زعلانه وتتعب . وبعدها نشوف انتى عايزه ننزل نشترى ايه ؟ حنين : لازم تتعملى . و إن شاء الله . بكره تجيبى فون حديث وهتبقى زى الفل . يلا بينا ع بطه . ----------------------بقلمى مريم نصار خالد : سايق وطول الطريق ساكت ومخنوق. وفريده : كل شويه تسأله مالك يقولها مفيش حاجه . وخالد .. اول مره يحس بإن ف بنات نضيفه وجميله . .وكانت نظرته ديما للبنات انها بتروح لل هيدفع اكتر . .وافتكر موقف فتون وهي بترفض عربيه وشقه ودهب بالكيلو . رغم انها يتيمه وفقيره . . لأ ياخالد فقيره ايه ؟ دى حالتها تحت الصفر . يعنى اى حد مكانها كان وافق ومن غير تفكير كمان . واقتنع تماماً إن ف بنات جواهر فعلا . وافتكر علاء لما كان هيلمس حنين . واتغاظ جدا . واتخنق اكتر لما افتكر دموع حنين . وقال جواه . ايه ياعم خالد جرالك ايه ؟ انت هتعمل زى سليم ولا ايه ؟ ونفخ بديق حقيقي .. ----------------------بقلمى مريم نصار فيلا بدر الدين .. سليم : قاعد ف اوضته . والباب خبط وشريف دخل . وقال مساء الخير ياسليم . سليم : اتنهد بتعب . مساء الخير ياشريف .. شريف : قعد قدامه ع طرف السرير . ها عامل ايه انهردا ؟ سليم : هز راسه تمام .. شريف : مالك كدا يبنى . باين انك مش تمام خالص . حصل حاجه ؟ سليم : اتنهد . وقال ابدا انا كويس جدا متقلقش .. شريف : هز راسه . انا سالت عزيزه ع الانسه الل بتجي دى . وقالت إنها مجتش انهارده . بس الل انا مستغربه . إن خالد ووالدتك راحو ليها يطمنو عليها . واضح انها مهمه لدرجة أنهم يروحو ليها بنفسهم ؟ سليم : بضيق مكبت .. وايه الغريب ف كدا ؟ البنت أنت خبتطها بالعربيه . وفريده قالت إن فونها مقفول . وبعدها مجاتش الجلسه انهردا . . يعنى طبيعى جدا إننا نقلق عليها وفريده تروح تشوف حصل ليها حاجه وتطمن مش اكتر . . لكن موصلتش لدرجة الاهميه الل واضحه ف تلميحك . شريف : بعدم فهم . اله وانا قولت ايه علشان تضايق كدا ؟ .وبعدين انا بس مستغرب مش اكتر . لانها مُدرسه وطبيعي انها تيجى يوم . وتأجز يوم . وغير كدا انت بتقول اننا نقلق عليها ؟ مين بقى الل قلقان ؟ انا عن نفسي مش قلقان خالص هههههه . سليم : غمض عينيه بنفاذ صبر . ايه ياشريف هو غلط لما نقلق ع حد ؟ انا عارف انك بتكره الستات وانا كمان كرهتهم جدا ويمكن اكتر منك كمان . لكن انا قلقان عليها علشانك انت . علشان لو جرالها حاجه . ساعتها انت الل هتتحاسب .. شريف : مط شفايفه . اممم انا مش فاهم الهجوم الل عليا منك ده ؟ وبعدين دى خبطه بسيطه جدا واتجرحت ف رجلها يعنى ومش حاجه كبيره . وتلاقيها مجتش انهارده علشان جرح رجلها وبس .. سليم : فتح عينيه بصدمه . وقال بقلق اييه؟ انجرحت ؟ ولما انت شوفتها اتجرحت مقولتش ليه نجبلها دكتور ؟ شريف : بتعجب ! نعم ياسليم نجيبلها دكتور ؟ وبعدين انا قولتلها انتى كويسه قالت ايوه . ف خلاص بقى . وبعدين انت قلبك بقى رُهيف اوى كدا ليه ؟ .المهم سيبك من كل ده ؟ انا عايز اخد رايك ف مشروع جديد انا ناوى اعمله . وهشرحلك دراسة الجدوى الاقتصادية بتاعته وانت قولى الابعاد وقولى رايك ايه فيه واعتبر اننا ف اجتماع ؟ سليم : من جواه قلق اكتر وادايق من شريف لكن سكت علشان عارف إن ده طبعه بيكرهه الستات . وكمان حس انه اشتاق للشغل . وقال قول ياشريف سمعك. لكن قبل ماتشرح كل ده ؟ انا عايز منك تجهزلى عقد شراكه علشان انا عايز اشارك خالد ف الشركه بتاعته الل هتقع بسببى دى . وارفع الاسهم بتاعتها وخالد يقف ع رجليه ... شريف : اممم تمام زى ما تحب . وفتح الملف وشرح ل سليم دراسة الجدوى . وكل حاجه تخص المشروع .. سليم : سمعه بتركيز . وشاف إن المشروع ده مش هيحقق ارباح كبيره وشرحله ايه ابعاد المشروع . وقعدو مع بعض شويه وشريف اقتنع بوجهة نظر سليم . وقام وقاله انه خارج ل عشاء عمل وخرج . وساب سليم محتار ف افكاره.. بعد فتره .. . سليم سمع صوت عربية خالد . وشعور اتولد جواه . وقام علشان ينزل يطمن واتحرك خطوتين .. لكن وقف مكانه بجمود . وقال لنفسه انت ملهوف كدا ليه؟ وعايز تنزل علشان مين ؟ . انت شكلك اتجننت ياسليم ؟ وبعدين ما انت قولتلها تجيب ليها دكتور وهي رفضت ! . خلاص انت عملت الل عليك . وبعدين شريف عندو حق . اعقل ياسليم انت بتفكر فيها ليه؟ سليم انت اعمى فاااهم ؟ اعمى مابتشوفش يعنى عاجز وملكش اى لازمه لأى حد . ورجع قعد مكانه بإحباط كبير ..والقطه طلعت ع رجله ... خالد وفريده دخلو الفيلا . فريده سالت عزيزه على سليم . وقالت ليها فوق ف اوضته من بدرى . وشريف بيه خرج من حوالى ساعه .. فريده : طيب جهزى العشا . وانا وخالد هنطلع عند سليم .. عزيزه : حاضر يا هانم . فريده : وخالد طلعو فوق عند سليم . فريده : قعدت اذيك ياسليم ياحبيبى عامل ايه دلوقتي ؟ سليم : بجمود . انا كويس . فريده : معلش يا ضنايا اتاخرنا عليك . بصراحه المشوار بعيد . وتعبنا ع ما وصلنا عند فتون .. سليم : سمع اسمها . ونفخ بديق . ومردش .. خالد : قاعد مخنوق وقال بتمثيل اذيك يا سليم ؟ سليم : اتنهد وهز راسه انا تمام . فريده : اسكت ياسليم يبنى الحمد لله اننا روحنا واطمنا ع فتون .. سليم : بقلق متدارى . وقال بطريقه غير مباشره . ليه يعنى حصل ايه دى حتة خبطه.؟ فريده : هزت راسها بيأس . وقالت انت ع طول ردك ناشف كدا . يبنى طيب حتى اسالنا عليها ؟ المفروض تتطمن عليها ؟ سليم : بغضب اطمن ع مين ؟ وهي من بقيت عيلتى علشان اطمن عليها ؟ . وبعدين انتى و خالد اطمنتو عليها اظن كفايه اوى ؟ خالد : فهم تلميحه لكن مردش .. فريده : خلاص خلاص . اهدى كدا وبراحه عليها البنت ياعينى عليها مش حمل ضغط ومشاكل وكمان اسلوبك معاها . ربنا يعينها يارب . سليم : بيسمعها وبلع ريقه بتوتر . ونفسه يسأل مالها ؟ لكن قال وانتى شيفانى ماسك ليها الكرباج . وبعدين دى واحده متستهتره مجتش انهارده ولا حتى اعتذرت عن الجلسه . فريده : اتنهدت بتعب . يبنى غصب عنها صدقنى . احنا لما روحنا لقيناها ماشيه بالعافيه ورجلها مجروحه . وفونها مقفول من امبارح لانها طول الليل كانت تعبانه .. وكانت هتيجى انهردا لكن امها الست فاطمه منعتها علشان خايفه عليها . وفتون قالت إنها هتاخد اجازه يومين كمان غير انهردا . هتكون اتحسنت بإذن الله .. سليم : بيسمع . وجواه شعور متلخبط . وسرح واتخنق جدا لما عرف أنها مش جايه بكره وكمان بعده .وقال جواه . يعنى ٣ تيام ياسليم مش هتشوفها ؟ وضحك بوجع هو انت بتشوف ياسليم ؟ فوق . فوووق انت اعمى .. اعممممى . فريده : سليييم .. سليييم يبنى روحت فين ..؟ سليم : انتبه . احم انا معاكى يافريده خير ؟ فريده : اسمع بقى انا هحكيلك كل حاجه . انت عارف انى مبحبش أخبى عليك اى حاجه . بصراحه انا مبسوطه جدا . وزعلانه اوى ف نفس الوقت ... سليم : بعدم فهم . مبسوطه وزعلانه ؟ دا ايه التناقض ده ؟ مش فاهم حاجه ..؟ فريده : استنى بس انا هقولك . احنا لما سألنا ع مكان فتون . روحنا و................... . .وحكتله كل حاجه من اول كلام عم زينهم . ولما شافت شكل البيت وزعلت ع حالتها . وكمان ع ترحيبهم الجميل . والقاعده الجميله . والشاى بالنعناع . وزوق فتون وادبها هى وحنين . . وكمان وقار فاطمه .. وحكت كل حاجه . وكملت وقالت بس يسيدى وخالد طلع جاب المفاتيح الفون ونزل . وهو ضارب بوز كدا وساكت وكل ما اساله مالك يقولى مفيش انا كويس . .وقامت وقفت انا هروح اغير هدومى واصلى العشا .تكون عزيزه جهزت العشا . وسابتهم وخرجت وقفلت الباب وراها . ورايحه ع اوضتها .. خالد : قاعد . وعاد شريط اليوم قدامه تانى وبيسمع فريده . واتنهد بزعل ع فتون وفاطمه . وشاف صورة حنين قدامه ولمسة أيدها لما مسكت ايده وهي بتترجاه يسيب علاء . وبص لكف ايدو . واتنهد بتعب حقيقي وسكت ... سليم : كان جواه فضول يسمع كل حاجه .لكن مدارى كل حاجه جواه . وظاهريا واضح عليه أنه مش مهتم ابدا .. . وسمع فريده بكل تركيز وبيتخيل الموقف وكأنه موجود معاهم . ولما عرف بكلام زينهم عن حياة فتون . وأنها قاست بجد وتعبت . وحياتها كلها مشاكل وتعب نفسي . واستغرب من ثباتها وقوة شخصيتها وأنها بنت وقادره تسند نفسها بنفسها . وبعدها انتبه . إن خالد موجود لكن ساكت . واتأكد من سكوته إن ف حاجه حصلت معاه ؟ وسأله مالك ساكت ليه؟ خالد : اخد نفس عميق . واتنهد بزعل . وقال مخنوق ياسليم .. بس تعرف كان عندك حق . سليم : بعدم فهم . مخنوق من ايه ؟ وكمان مش فاهم عندى حق ف ايه؟ خالد : قام وقف قدام الشباك . وربع ايديه وقال . عندك حق ف إن مش كل البنات زى بعضها .. سليم : كشر عينيه . وقال تقصد ايه ياخالد ؟ خالد : بصله . وقال . فتون ياسليم .! سليم : بزهول . قام من مكانه . وقال فتون ؟ مال فتون ياخالد وايه علاقة فتون بإنك مخنوق ؟ خالد : اتنهد وقال اول مره اشوف بعينى صعوبة الحياه والفقر .. واول مره اعرف يعنى ايه الدنيا جايه عليك .. .وخصوصاً لما تبقى الل الدنيا جايه عليه ده بنت ؟ وعايشه ف غابه ومفيش غيرها تدافع عن نفسها لأن ملهاش حد . فتون بنت مثاليه . فتون استثنائيه ياسليم .. سليم : قبض ع ايديه بغضب . وقال بصوت جهورى . من زياره واحده عرفت انها مثاليه واستثنائيه مره واحده ؟ خالد اتكلم ع طول انا مش عايز الغاز . خالد : هز راسه . ماشي ياسليم انا هحكيلك كل حاجه . انا لما طلعت تانى اجيب المفاتيح والفون . شوفت ............ ----------------------بقلمى مريم نصار عند فتون .. فتون : وحنين . دخلو لفاطمه ولقوها بتعيط بقلب موجوع . وفتون راحت عندها بسرعه وحضنتها . وطمنتها . إن علاء ولا يقدر يعمل حاجه . وحنين حاولت تلطف الجو المتوتر . ومسابتش فاطمه وفتون غير لما ضحكو . الباب خبط عليهم . حنين : خافت تفتح . لكن فتون قامت وراحت فتحت . وكان الشيخ محمد وزينهم وقبارى وكمان منصور .. ودخلو كلهم وقالو سلامو عليكو .. فتون : سابت الباب مفتوح . وفاطمه طلعت هي وحنين وقعدو وفتون . وقالو وعليكو السلام .. فاطمه : بخوف . ايه ياشيخ محمد . قولى ياخويا عملتو ايه . حصل مشكله ولا ايه؟ محمد : اطمنى ياحجه فاطمه . مفيش مشكله ولا حاجه .. .. انا خرجت من عندك . ونزلت ع بيتى واتصلت بالحج قبارى ومنصور يسبقونى ع محل جابر. وغيرت هدومى . .ونزلت وخدت معايا الحج زينهم . ورحنا كلنا ل جابر المحل . ومكنش موجود . طلعنا ع بيته لقيناه قاعد جمب المحروس ابنه . وبينضف الدم الل مبهدل وشه . وعينيه كانت زرقا كلها . ..بينى وبينك انا والرجاله اتبسطنا اوى لما شوفنا علاء الزفت ده متبهدل كدا . يسلم ايدو بصحيح الاستاذ خالد . . المهم اتكلمنا مع جابر . وهددناه . إنه لو ابنه قرب من ناحية بنتنا فتون تانى ؟. هنخلى أهل الحاره كلها يكسروله المحل . وكمان هنرمى عفش بيته في الشارع ويمشو من هنا . وهنعمل محضر ف ابنه ويتحبس كمان.. لقينا جابر وشه اتخطف وخاف . وقال لأ خلاص من دلوقتي فتون بره حياة علاء ابنى . . وانا بنفسي ياحجه فاطمه اتكلمت مع علاء . وهددته أنه لو قرب منها انا هخليه يمشي ف الحاره كلها مش عارف نفسه . وشباب الحاره ورجالتى ف الورشه هيربوه . وعلاء اتكلم بالعافيه . وقال لأ انا مش عايز فتون خلاص . ووعد منى انى مش هقرب منها تانى . والحج قبارى زعق لجابر . والحج زينهم بهدله وخلاه ميسواش قدام مراته وبناته . والحج منصور اتكلم ومشكور وقال إن فتون بنت بميت راجل .وابنى الخسران . فاطمه : سمعت كلام الشيخ محمد . بفرحه وقلبها استريح وحمدت ربنا وقالت الحمدلله يارب . الحمدلله . ربنا يعمى عينيه عنك يافتون يابنتى يارب .. حنين : واقفه وابتسمت بسعاده . وسقفت بصوت واطى . وكانت مبسوطه جدااا. فتون : واقفه وسمعت وجواها مبسوط ع محرج . جواها شعور بالوحده . جواها حجات كتير اوى حزينه ومخنوقه . ولكن ابتسمت . وشكرتهم ع واقفتهم جمبها .. محمد : شاف دموع فتون الل بتلمع ف عينيها . وقام وقف قدامها وحط ايدو ع حجابها . وابتسم .وقال .. .كمان يافتون يابنتى انا زعقت ونبهت عليهم إن دى اول واخر مره هنقدر جابر وابنه . وبعد كدا مفيش غير الدم لو مستغنى عن ابنه . انا ربنا يعلم غلاوتك عندى . ومش عايز اشوف بنتى الكبيره زعلانه . فتون : صعبت عليها نفسها . وضحكت بدموع ووجع . ربنا يخليك ياعم محمد . وقفتك جمبى دى انا عمرى ما هنساها ابدا . . ربنا يعلم غلاوتك انت كمان عندى انت ونعم الاب والعم . ربنا يكرمك انا متشكره اوى ياعم محمد ومتشكره لعم زينهم وعم قبارى وعم منصور . ربنا يبارك فيك وفيهم يارب ..ومسحت دموعها بسرعه . محمد : حس بوجعها . ونفسه يضمها لحضنه زى ابوها . لكن اتنهد واكتفى أنه مسد ع حجابها . وسكت .. فتون : ابتسمت بتمثيل . بمناسبة الخبر الحلو ده . انا هعمل عصير للكل . موافق ياعم محمد.؟ محمد : ابتسم . ومالو يابنتى . ده حتى ريقى نشف من الكلام مع ابن الرفدى ده ههههه . كلهم ضحكو .. فتون : ضحكت . وبصت لحنين تعالى ياحنين . نعمل العصير . حنين : ماشي . يلا تعالى ..واتحركت مع فتون محمد : اعملى حسابك يافتون . إن شاء الله . سبوع زياد حفيدى والعقيقه يوم الجمعه . وانتى هتبقى موجوده من الصبح مع سحر وام عصام عندهم ف البيت . ولا ايه ياحجه فاطمه..؟ فاطمه : بفرحه . ومالو ياحج محمد فتون بنتك . والف بركه ياخويا . مبروك ماجالك بتربى ف عز ابوه وجدو يارب .. محمد : ضحك الله يكرمك ياحجه فاطمه وعقبال ماتفرحي بفتون إن شاء الله .. فتون : ابتسمت . حاضر ياعم محمد . انا هكون هناك وقت ماتحب . ودخلت هى وحنين . وعملو العصير . والكل شرب وقعدو يتكلمو شويه . والرجاله نزلو . وحنين لبست الاسدال هى وفتون . ونزلو اشترو لب وسودانى وحجات من عند زينهم . وطالعين ع السلم يضحكو ومبسوطين . . وفتون قابلت حسن نازل ع السلم . ولا كأنه موجود عدت من جمبه كأنها مش شيفاه . وده خلى حسن يشيط اكتر . وفتون طلعت هى وحنين . وقعدو مع فاطمه شويه . وحنين اتفقت انها هتسهر وهتعلم فتون ازاى تفتح فيس بوك والواتس اب وتتصفح ع النت.. ----------------------بقلمى مريم نصار فيلا بدر الدين .. خالد : حكى كل حاجه ل سليم . وخالد كان متابع كل تعابير وش سليم . وهو بيتكلم .. وبعد ما قال كل حاجه حصلت .. قال . هو ده الل خنقنى ياسليم . بجد البنت دى شافت من الوجع الوان ... سليم : كان بيسمع خالد بكل تركيز . وقبض ع ايديه . وصك ع اسنانه بغيظ . وكان نفسه يبقى موجود هناك . وكان مش هيتردد لحظه ف انه يق/تل الكلب ده . . واتخنق جدا من أنها حابسه نفسها .وقعد ع الكرسي بيأس وإحباط كبييرر . وقال جواه . كنت هتعمل ايه يعنى ياسليم ؟ كنت هتضربه ازاى وانت اعمى كدا ؟ انت مش عارف حتى تحمى نفسك هتحميها ازاى ؟ انت اعمى ياسليم . واتنهد بوجع كبير ع نفسه وحالته .. وكمان ع فتون ..لكن سأل نفسه سؤال وقال.. . طيب ازاى ؟ ازاى عندها اراده وواقفه ع رجليها وثابته لحد دلوقتي ؟ . طيب ازاى عندها يقين إن بكره احلى بعد الل عاشته ؟ . ازاى مؤمنه وراضيه بالمقسوم . وقالت الحياه ديما عادله وانها ع يقين بده . طيب فين العدل ؟ .. وقال بدهشه .. يعنى فتون لما كانت بتتكلم عن نظرة الشفقه وأنه احساس يهز ثقتك بنفسك ومش عارف ترفع راسك لفوق ؟ . كانت تقصد نفسها مش انا ؟ يعنى فتون بتدواى جروحها قبل منى ؟ وفتح عينيه بدهشه .. وافتكر كلام فتون . وقال يعنى هي تقصد بالمشكله الل مرت بيها وكانت خنقاها . وإن الكل كان بيتكلم عليها . كانت تقصد بإن خطيبها ده سابها بالطريقه دي ؟ يعنى فتون ....؟ وسرح فيها وحس ف اللحظه دي انه عايز يسمع صوتها . النغمه الل اتعود عليها .. ----------------------بقلمى مريم نصار عدا يومين كمان ع ابطالنا .. ونقول نبذه مختصره وبسيطه جدا .. سحر : طبعا محبوسه . وشايله شغل البيت كله . ومرعوبه من علاء . وكمان ع تواصل مع حسن . وقالها أنه هيتقدم ليها من تانى ومش هاييأس . وسحر فرحتها اتحولت ل رعب حقيقي .. علاء : نايم ف البيت بيتعالج .وجابر زعقله وقاله يبعد عن فتون خالص .. وعلاء جواه أقسم انه لازم ينتقم من فتون . حنين : سهرت مع فتون للفجر ضحك وهزار وعلمت فتون ع النت . وتانى يوم روحت البيت وكل تفكيرها ف موقف خالد . وكمان اتكسفت انها لمست ايدو . وكل شويه . تطلع الكارت من شنطتها وتقرى اسم خالد الشرقاوي . ونفسها تتصل عليه تشكرو لكن بترجع ف كلامها . وطول الوقت بتفكر فيه . خالد : بعد ما حكى ل سليم . شاف سليم سرحان وساكت ورفض يتكلم . وهو أتأكد إن فتون مهمه بالنسبه ل سليم . وبعدها سابه ونزل . وروح شقته وقاعد مخنوق . وكل مايغمض عينيه يشوف حنين قدامه . ورفض الفكره وحاول ينام . وتانى يوم راح الشركه وطلع ع الجيم ومرحش ل سليم . ومنتظر مكالمة حنين لأى سبب لكن متصلتش .. فريده : بعد ما صلت العشا . استغربت إن خالد مشي واتصلت عليه . وقالها أنه عندو شغل مهم ومشي . وبعدها فريده اتصلت ع فتون . وفتون ردت عليها طمنتها . وقالت ع ميعادنا بعد يومين . وفريده شافت سليم معتكف وحابس نفسه ورافض حتى أنه يتكلم . وفريده استغربت وحدة سليم وقالت بعفويه . سليم مش طبيعى من بعد حادثة فتون ؟ سليم : بعد ما خالد نزل من عندو . اتنهد بتعب . وقام نام ع السرير . وطول الليل وصوت فتون معاه . وبيتمنى يعرف ملامحها . وعدى يوم وحابس نفسه . وفتون مجتش وكان مخنوق جدا . وقال جواه انا طلبت منها تيجى يومين بس ف الاسبوع . طيب ازاى ؟ . وهي مجتش بس يومين وده التالت وانا مش عارف مالى . ورفض يتكلم مع حد وكل تفكيرو ياترى هتيجى امتى ؟ وياترى عملت ايه؟ وكان مخنوق ومش عارف يحدد السبب . . لكن انهردا ابتسم لما فريده قالتله انها اتصلت ع فتون وجايه ف الطريق بدرى علشان تعوضك الجلستين الل فاتو .. فتون : اتعملت من حنين ع النت . وقضت وقت جميل . وتانى يوم كل أفكارها متلخبطه مابين علاء والل حصل . وكمان محرجه من خالد . لكن جواها فراغ وعايزه اليومين دول يعدو بسرعه علشان تشوف سليم .. وابتسمت لانها هتشوف سليم كمان شويه واتحججت انها هتروح من بدرى . علشان تعوضه .. وبعدها استغربت تصرفها ده . ومش عارفه هي عملت كدا ليه ؟ لكن الل هي متاكده منه انها متحمسه تروح هناك .. ----------------------بقلمى مريم نصار عوده للوقت الحالى . فيلا بدر الدين .. سليم : لما عرف إن فتون ف الطريق مش عارف يحدد ايه جواه . كان متلخبط . وقام ودخل الحمام واخد شاور . ولبس وخرج من الحمام ولبس التيشرت . ودور ع الفرشه وسرح شعرو ودور ع البرفان وحط برفانه المميز . ولبس النضاره . والقطه جريت عليه .وضحك وشالها .. فريده : خبطت ودخلت ع سليم . واتفاجئت بضحكة سليم لأول مره من ٤ تيام . وكمان لابس ومتشيك وشمت البرفان . وبدءت تشك ف تصرفات سليم . وكانت هتساله اشمعنى شوفت ضحكتك انهردا ؟ لكن سكتت وقالت انا لازم اراقب تصرفاته ويااارب يكون الل ف بالى صح . ودخلت . احم سليم ياحبيبى ايه الجمال ده ماشاء الله .. سليم : ابتسم شكرا يافريده . ونزل القطه . وقال انزلى ع تحت ياتونه . وقال احم هوا . هوا التيشرت ده ماشي مع البنطلون ؟ فريده : رفعت حاجبها . وكشرت عينيها وحبت تشوف رد فعله . وقالت بمكر . امم هو جميل جدا عليك لكن ف بقعه ع التيشرت مبوظه شكله عليك .. ياترى من ايه ؟ سليم : بضيق . اييييه بقعه ع التيشرت ؟ طيب بسرعه يافريده . هاتى تيشرت ابيض غيرو . وجه يقلع التيشرت . فريده مسكت ايدو . فريده : شافت رد فعله . ومطت شفايفها . وبسرعه مسكت ايدو . ههههه انا بهزر معاك ياسليم ياحبيبى . انا بس ماصدقت انك اتكلمت . سليم : ماشي يافريده مسيرى اردهالك . قوليلى كنتى طالعه ف حاجه ؟ فريده : عينيها عليه . وقالت ابدا . كنت طالعه اقولك إن فتون جت تحت من شويه .. سليم : بلخبطه .. بتتكلمى جد . احم قصدى . طيب تمام . تمام انا شويه ونازل .. فريده : كتمت الضحكه . طيب ياحبيبى متتاخرش وخرجت وقلبها مبسوط وبيدعى ربنا انه يسعد ابنها . سليم : بلع ريقه بتوتر . وظبط التيشرت . وفتح ازازة البرفان تانى ورش منها . وسابها . وسرح شعرو تانى . وخرج من الاوضه وجواه نفسه يجرى عليها .. فتون : جت من شويه وفريده سلمت واطمنت عليها واتكلمو مع بعض شويه . وفتون قاعده متوتره وعينيها بتدور ف كل مكان عليه . وهي قاعده دلوقتي ف الليفنج . ومستنياه ينزل . فريده : نزلت وراحت وقالت ل فتون إن سليم شويه ونازل . وراحت ع المطبخ . وواقفه وعينيها ع فتون علشان تشوف رد فعل سليم اول ما ينزل ويكلمها وقالت ل عزيزه تطلع القهوه ل فتون ... عزيزه : جابت القهوه . اتفضلى حضرتك. فتون : ابتسمت بحرج . احم متشكره تعبتك معايا.. عزيزه : ابتسمت ولا تعب ولا حاجه . ولو عوزتى اى حاجه نادى بس عليا .. فتون : هزت راسها . شكرا جدا .. عزيزه : العفو حضرتك . واتحركت ع المطبخ . فتون : متوتره ومتعرفش ايه سبب كل التوتر ده . واخدت نفس عميق . واتنهدت . ومسكت فنجال القهوه . وشربت منه وبترجعه مكانه . وبالصدفه بترفع عينيها شافت سليم نازل من ع السلم . وحطت فنجال القهوه وعينيها متعلقه بيه ومش عارفه تغمض . وبتتنفس بصوت مهموس .. وحست انها مشافتش سليم من زمان . سليم : نازل ع السلم ومتوتر. وسمع صوت الفنجال . وعرف انها ف الليفنج . ونزل وقرب منها بكام خطوه . فتون : سليم قرب منها . واتوترت اكتر وقامت وقفت وتايهه . وفجاءه قلبها دق . وحطت ايدها ع قلبها . وغمضت عينيها وبتشم برفانه . سليم : حس توترها . ونفسه يسمع صوتها . لكن قال احم . صباح الخير . فتون : سمعت صوت سليم . وفتحت عينيها وقالت بصوت مبحوح . صه .. صباح الخير . اذي حضرتك يا استاذ سليم ..؟ سليم : اول ما سمع صوتها . حس إن الكون بدء يرجع لطبيعته . .وحاسس أنه كان محروم من النغمه الل بتنعش حواسه . وقال أنا تمام . انتى عامله ايه دلوقتى ؟ ورجلك احسن دلوقتي؟ فتون : اتكسفت جدا ووشها بقى احمر جدا . وقالت الحمد لله . احم شكرا لسؤالك . وانا بعتذر انى مجتش الايام الل فاتت دى . وانهردا إن شاء الله هعوضك والوقت هيكون مضاعف. سليم : نفسه يقولها دى سنين مش أيام يافتون . .وكمان من جواه فرح انها هتقعد وقت كبير . لكن قال حصل خير انتى مجتيش لانك تعبانه . وكمان انا بعتذر لان شريف اتسبب ف انك اتجرحتى المهم انك احسن دلوقتي ؟ فتون : هزت راسها . انا .. انا كويسه .. وبعدها . فتون واقفه ساكته ومستغربه إن قلبها بيدق . وكمان مستغربه نفسها وطريقتها . سليم : واقف ساكت . وبيسمع أنفاسها . وكأن اى همس أو صوت من فتون . نغمه بالنسبه ليه . فتون : بتوتر . تحب نبدء الجلسه؟ سليم : تمام مفيش مشكله . فتون : بدءت تهدى . وحاولت تكون ثابته . وقالت تحب نخرج ف الجنينه ونتكلم ؟ سليم : ياريت . احم قصدى اى حاجه . فتون : خلاص نتمشى شويه ونتكلم . وبعدها نكتب شويه .. سليم : هز راسه . تمام اتفضلى . فتون : هزت راسها . اتفضل حضرتك. واتحركت . وسليم ماشي جمبها بحظر . وكل واحد جواه خجل وتوتر .. كبير طبعا : فريده . وكانت واقفه كل ده . واتفاجئت بزهول ومصدومه من رد فعل فتون . وأنها مش مصدقه إن فتون كانت واقفه تايهه وسرحانه ومتوتره وحاطه أيدها ع قلبها . وكمان عينيها كانت متعلقه بوش سليم . وابتسمت بسعاده . وقالت يارب . يارب تصلح الأحوال . وقالت أنا لازم اتصل ع خالد . سليم : ماشي ف الجنينه وساكت . وفتون ماشيه جنبه وساكته . وشعور غريب جواهم هما الاتنين . لكن فتون اكتر . لان قلبها دق قبل سليم .. فتون : فاقت من أفكارها . وهتبدء الجلسه . وقالت . الجو انهردا جميل .. سليم : فعلا .. فتون : تعرف انك ممكن تستوعب اكتر . واحنا حوالينا المنظر الجميل ده .. سليم : امم بالنسبالك انتى . انما انا اعمى ولا نسيتى ؟ فتون : بتصميم . لأ منستش . ومين قالك انك اعمى ؟ مع انى مبحبش الكلمه دى . لكن انت بتشوف وانا ع يقين بده . انت ماشي جمبى اهو من غير مساعده من حد . .وكمان نزلت من ع السلم لوحدك . وكمان بتشرب القهوه لوحدك . ويوم ما انا اتخبطت ف الجنينه . انت جيت لوحدك . .استاذ سليم . انت لازم تخرج من قوقعة انك اعمى . اقنع نفسك انك بتشوف . انت قبل كده كنت بتشوف وعارف الاشكال و الالوان وعارف يعنى ايه شكل سلم وشجر . شكل اكل وكمان عارف شكلك وفاكرو كويس اوى وعارف كل حاجه . يعنى احسن من غيرك. . ف ناس اتولدت كفيفه ومتعرفش غير اللون الاسود بس . ولازم الناس دى تتعب وتتعلم علشان تعرف يعنى ايه شكل سلم ؟ وبالاسم والوصف بس . وبيتعبو ع مايتعلمو يميزو الالوان . لكن انت عارف كل ده وشفته قبل كده . . استاذ سليم . انت لازم تحب نفسك وتقدرها . علشان نفسك تساعدك وتديك الامل انك توصل لهدفك . قولى يا استاذ سليم ؟ انت عندك هوايات ؟ سليم : بيسمع فتون . وكأن صوتها بيغذيه وبيديه تفائل . وحس فعلا أنه لسه بيشوف . لكن نفسه بجد يشوفها . واتنهد بتعب . وقال ايوه عندى . فتون : ابتسمت . طيب ايه رايك انت تقولى ع هوايتك . وانا كمان اقولك . سليم : ابتسم موافق .. انا عندى اكتر من هوايه . فتون : بدهشه بجد . وانا كمان . طيب قول ايه هما ..؟ سليم : نسي تماما هو فين وكل تركيزه معاها . وقال اول حاجه انا بحبها جدا الشعر . وكنت بحب ديما ا ألف شوية كلمات كدا واكتبها. وكمل بزعل . عندى فوق ف أوضتى مدونات كتير وكتب كنت بقراهم .. فتون : فتحت عينيها بدهشه . بجد . انا بحب الشعر جدا . ههه ايوه انا مُدرسة لغه عربيه . عموما انت لسه فيها وهتالف مدونات وتكتب شعر وبايديك كمان . . طيب تانى هوايه ؟ سليم : ابتسم بوجع . سباق سيارات . هههههه . كنت حريف بصراحه . عارفه خالد . مفيش مره كسبنى ههههه ولا انا كسبته نفس درجة الكفاءه انا وهو . واتنهد بزعل حقيقي .وسكت . فتون : زعلت علشانه . وقالت . مش كل الل بيتمناه الشخص لازم يتحقق . اعتبر نفسك بتحب حاجه مش موجوده . وانت مع الوقت هتتعود عليها . سليم : وقف ولف ليها . وقال . انتى جايبه التفاؤل ده كله منين ؟ فتون : وقفت قصاده . وابتسمت . تفائلو بالخير تجدوه . . وبعدين التفاؤل والامل دول بيساعدوك انك تتخطى أزمات كتير جدا ف حياتك . سليم : كان نفسه يسألها عن حياتها . وازاى صامده كل ده . لكن محبش يحرجها أنه عرف حاجه عنها .. وقال التفاؤل والامل وكمان الصبر مش كفايه . الإنسان طاقه . وبيوصل لدرجه معينه من التحمل وبعدها ينفجر .. فتون : انا معاك ف ده . بس طول ما انت ع يقين بإن ربنا هيكافئك لو صبرت . هتدى نفسك طاقه ايجابيه وتصبر .. .وربنا قال ف كتابه الكريم . "إنما يوفي الصابرون أجرهم بغير حساب".. .. وقال "وبشِّر الصابرين". يعنى الصبر عند ربنا حاجه عظيمه جدا . . وكمان ربنا قال ف الحديث القدسي *فـ وعزتي وجلالي ان رضيت بما قسمته لك ارحتُ قلبك وبدنك وكنت عندي محمودا . استاذ سليم . لازم تصبر ع ابتلاء ربنا ليك . ولازم ترضي بقضاء الله سواء خير أو شر . بص انا هقولك ع حاجه ومن الآخر كدا . ربنا خلق سليم بدر الدين . وكاتب ليه حياته من اول يوم جه فيه ع الدنيا لآخر يوم . يعنى كل حاجه ربنا عايزها هتحصل هتحصل . واحنا لازم نرضي ونتقبل ده علشان منتعبش . ولازم نشكر ربنا ع كل حاجه حصلت . واكيد ربنا ليه حكمه ف كل حاجه تحصل . يعنى انت دلوقتي لازم تقول الحمد لله .. هتقول ايه؟ سليم : بيسمعها وتلقائيآ ابتسم . وبقى عندو كلام فتون ده إدمان بالنسباله . وابتسم وقال . الحمد لله .. فتون : يرحمكم الله . ههههه. سليم : هههههه بس انا معطتستش . فتون : بمكر . ايه ده . بجد ؟ اومال انت بتحمد ربنا ع ايه ؟ سليم : ابتسم بحب لاول مره . لانه فهم انها عايزاه يتكلم بايجابيه .. واتنهد وقال . بحمد ربنا ع كل حاجه حلوه حصلت . وبحمده ع كل حاجه هتحصل . وزى ما انتى قولتى كل حاجه ربنا كاتبها لينا هتحصل هتحصل. يبقى لازم نعيش اليوم بيومه .. ها شاطر انا هههههه. فتون : قلبها دق لضحكته . وقالت شاطر جدا . تعرف التلميذ الشاطر عندى ف الفصل . باجبله حاجه حلوه . الجلسه الجايه . هجبلك انت كمان ههههه .. سليم : ههههه وانا موافق بس كدا انت هتجبلى كل يوم حاجه حلوه لانى متفوق .. فتون : تمام موافقه ودى حاجه تسعدنى .. لكن مش كل يوم . لاننا اتفقنا ع يومين ف الاسبوع .. سليم : بتمثيل الهزار . لأ انا طمعت ف الحاجه الحلوه وعايزها كل يوم . وياريت بقى تيجى كل يوم علشان اخد جلسه . ايه رايك .؟ فتون : بعدم فهم . انت بتتكلم بجد . ولا ايه علشان مش فاهمه ..؟ سليم : مش عارف يقولها ايه وعايزها كل ساعه مش كل يوم . وقال بتفكير . احم بصراحه يا انسه فتون . انا كنت رافض انى اتعلم . وسبت الشركه وكل أشغالى . لكن دلوقتي حابب ارجع للشغل من تانى . وده متوقف عليكى انتى . . وطبعا يومين ف الاسبوع هياخد وقت كبير ف انى اتعلم كل حاجه . لكن لو يوميا بتهايلى هيكون أسرع ليا . ولا انتى عند حضرتك مانع أو الوقت مش مناسب ..؟ فتون : من جواها مبسوطه مريم نصار . وقالت بصراحه كلامك فيه تفاؤل كبير وده مفرحنى اوى .وانا ابدا معنديش مانع . خلاص ناخد جلسه يوميا . لكن مش هقدر اجى بكره وهو الجمعه عموما مش هاجى .. سليم : بزعل حقيقي . ليه ؟ فتون : بصراحه يا استاذ سليم . يوم الجمعه ده بقضيه مع والدتى . ومش هينفع اسيبها كل يوم . هيبقى فيها مشكله لحضرتك ..؟ سليم : بتفهم . لا ابدا مفيش اى مشكله . وبالمناسبه فريده مبسوطه جدا انها اتعرفت ع والدتك .. فتون : ابتسمت . وامى كمان مبسوطه اوى . مدام فريده ست خلوقه وجميله ومتواضعه جدا .. وبصت قدامها وقربو من البسين ووقفت وقالت ياترى راجعت ع كتابة اسمك ؟ سليم : لأ .. فتون : بتعجب ! لأ !؟ طيب ليه ؟ مش احنا اتفقنا انك لما تكتب اى حاجه . تراجع عليها ؟ سليم : ايوه اتفقنا . بس مراجعتش . وبصراحه انا عايز اتعلم اكتب اسمى بالقلم ع ورقه .. فتون : بس ده هياخد وقت . سليم : متقلقيش انتى بس علمينى . لان شغلى متوقف ع امضتى بالقلم . هتساعدينى ؟ فتون : ومن دلوقتى حالا . ايه رايك نقعد هنا ع الترايزه دى . ونبدأ الكتابه .. سليم : هز راسه . تمام اتفضلى .. سليم : راح بحظر قدام التربيزه . ولا اردايا سحب الكرسي ل فتون وقالها اتفضلى .. فتون : من جواها عايشه حاله جميله وإحساس مختلف . وحبت طريقة سليم جدا . وقعدت متشكرا .. سليم : العفو .. وقعد جمبها . وده وترها جدا . وريحة برفانه بقت إدمان بالنسبا ليها . فتون : طلعت دفتر . وقلم . سليم : قاعد ومن جواه عنده احساس جميل . لكن بيقاوم وبيحارب انه ميحققش الاحساس ده علشان عجزه .. فتون : بتوتر . مو...ممكن ايد حضرتك ..؟ سليم : قلع النضاره . وحطها ع التربيزه . ومد ايدو ليها .. فتون : مدت أيدها واتوترت جدا ورفعت عينيها. وشافت لون عينيه . ولمست ايدو . وايدها رجفت . وقلبها هيطلع من مكانه . ومش عارفه جرالها ايه ؟ سليم : مع اول لمسه من أيدها . قلبه لاول مره في حياته يدق بالطريقه دي .وايدها بتترعش بسرعه . وغمض عينيه بحب كبير