رواية روح و ريحان(الفصل الثالث والثلاثون إلى السابع والثلاثون)بقلم ايناس عادل | New Episode – Read Online

بالطبع المحبون لـ”جميلة” كثر .. وكلهم تواجدوا لتهنئتها .. وحين انتهت عادت مع “مازن” ..

في السيارة التفتت له لتقول :
– مازن .. انا كنت عاملة ازاي ..

ابتسم قائلا :
– كنتي قمر .. اجمل دكتورة شفتها ..

ابتسمت وهي تقول :
– انا مقصدش كدة .. انا اقصد كنت بتكلم كويس ..

اتسعت ابتسامته قائلا :
– احلى كلام سمعته ..

اعتدلت وهي تقول :
– مش عاوزة اعرف منك حاجة ..
سكتت لبرهة ثم قالت :
– احنا رايحين فين ..

ضحك قائلا :
– مش قلتي مش عاوزة تعرفي مني حاجة .. خلاص ..

ابتسمت قائلة :
– قول بقى يا مازن بجد ..

– هاخدك معايا الشركة .. تفضلي قاعدة قدامي كدة علشان اعرف اشتغل ..

وجمت قائلة :
– الشركة .. طيب .. ايه .. هتمشي معايا ازاي .. يعني .. الموظفين ..

تغيرت نبرته وهو يقول بغضب :
– جميلة .. قبل كدة قلت لك انا بس اللي باخد قراراتي .. وانا بس اللي اعرف مين مناسب ليا ومين مش مناسب .. وانتي مراتي .. تيجي معايا لاي مكان .. والناس كلها تعرف انك انتي مراتي .. واللي يتكلم عليكي نص كلمة هقطع له لسانه ..

جفلت قائلة :
– خلاص .. انا اسفة .. مقصدش كدة والله .. انا بس مش عاوزاك تتحرج بسببي ..

– جميلة ..
قالها بغضب أكبر ..

اعتدلت بضيق وهي تتجه بوجهها أمامها .. بينما تنهد هو في ضيق أكبر .. وصمتا كلاهما .. بعد قليل قالت :
– متزعلش بقى .. انا اسفة ..

سكت ولم يرد .. فكررت :
– يعني لسة زعلان .. علشان خاطري يا مازن انا مبحبش ازعلك ..

فأوقف سيارته على جانب الطريق وهو يلتفت لها قائلا :
– لو مش عاوزة تزعليني .. تبطلي كلامك العبيط دة .. اتفقنا ..

أومأت وهي تقول :
– اتفقنا .. خلاص مش زعلان ..

ابتسم قائلا :
– وانا اقدر ازعل منك بردو .. بس المرة الجاية مش هصالحك بسهولة ..

ضحكت برقة قائلة :
– لا خلاص آخر مرة ..

رواية روح و ريحان.

بقلم ايناس عادل.