رواية روح و ريحان(الفصل الثالث والثلاثون إلى السابع والثلاثون)بقلم ايناس عادل | New Episode – Read Online

نظرت لهما قائلة :
– لا اتكلم ..

فابتسمتا كلتاهما فابتسم هو الآخر قائلا :
– مسمعش نفس واحدة فيكم ..

بحركة واحدة وضعت كلتاهما يدها على فمها استجابة لأمره .. فضحك وضحكت “ريحانة” فقال لها :
– انتي فعلا مش موافقة .. ولا اخدة الموضوع رد اعتبار ..

نظرت “ريحانة” له قائلة :
– وهتفرق ..

حرك رأسه قائلا :
– هتفرق جدا .. لانك لوفعلا مش موافقة على باسل .. هخرج حالا امشي المأذون واعتذر لاعمامك اللي انتي هتحرجينا معاهم .. لكن لو رد اعتبار .. فالأحسن انك توافقي وتردي اعتبارك بجد بعد كتب الكتاب او بعد الجواز زي ما تحبي ..

امتلأت عيناها بالدموع قائلة :
– رفضني اكتر من مرة يا يوسف .. ويوم ما ييجي يطلبني يجيب المأذون معاه كأنه واثق اني هوافق .. ليه كنت مرمية عليه وقرر يتعطف اخيرا ويتكرم ويتجوزني ..

نظر لها “يوسف” قائلا :
– ريحانة انتي ليه بتفهمي الموضوع على مزاجك .. مش دة القصد ابدا .. كل الفكرة انكم ضيعتوا كتير اوي علشان توصلوا للخطوة دي .. فالطبيعي ان دة اللي يحصل .. مش محتاجين ناخد رايك ونديكي فرصة تفكري وتقيمي .. وبعدين انتي بتحبيه هتنكري بقى .. وهو بيحبك .. مفيش وقت يضيع اكتر من اللي ضاع ..
ثم تنهد قائلا :
– ريحانة انتي المفروض تسمعيه .. فيه كلام كتير اوي انتي متعرفيهوش .. واسباب منعته ممكن لما تسمعيها تعذريه .. لازم تتكلموا .. وبصراحة انا اخاف عليكم من الفتنة لازم تتجوزوا قبل ما اسيبكم مع بعض ..

حملقت فيه قائلة :
– نعم ..

ضحكت “ريم” قائلة :
– الله عليك يا يوسف .. هو دة الكلام ..

فنظر لها قائلا :
– انا قلت ايه ..
فوضعت يدها على فمها ثانية .. فالتفت لريحانة قائلا :
– هاه يا ريحان قلتي ايه ..

رفعت “ريحانة” أحد حاجبيها قائلة :
– مبحبش حد يقولي ريحان غير باسل ..

فعلقت “ريم” قائلة :
– يا عم ياعم .. وبتقولي مش موافقة دة انتي واقعة يا بنتي .. يلا يا يوسف توكل على الله .. قولهم موافقة ..

ضحك “يوسف” وهو ينظر لـ”ريحانة” قائلا :
– يلا يا برنسيسة اقولهم ايه ..

أخفضت بصرها قائلة :
– زي ريم ..

وقف قائلا :
– لولا ان الناس قاعدين برة .. مكنتش خرجت غير لما اسمعها منك .. بس ماشي ..

خرج “يوسف” مبتسما .. بمجرد أن رآه “باسل” تنفس الصعداء ليبتسم هو الآخر .. بعد أن مرت عليه دقائق كاد يم*و*ت فيها ..