رواية روح و ريحان(الفصل الثالث والثلاثون إلى السابع والثلاثون)بقلم ايناس عادل | New Episode – Read Online

ثم ابتسم قائلا :
– وعلشان تعرفي اني شخص ديمقراطي .. مش هعمل الفرح غير لما اخد رأيك .. تحبي يكون بعد 10 ايام ولا اسبوعين .. ومفيش خيار تالت ..

أمالت رأسها يمينا .. فأمال رأسه يسارا وهو يقول :
– انا بردو بقول كدة 10 ايام كويس ..

– باسل !! ..
قالتها بضيق ..

– قلب باسل ..

عقدت ما بين حاجبيها وهي تقول :
– انت عاوز تم*و*تني .. صح ..

ضحك قائلا :
– بعد الشر عنك يا عمري ..

فغرت فيها وهي تنظر له .. غير مستوعبة أن “باسل” انقلب فجأة لشخص هادئ .. رقيق .. مهذب .. حنون .. يفيض بمشاعره أيضا .. خائفة بشدة أن تصحو فجأة لتجد نفسها كانت تحلم .. أفاقها من شرودها وهو يطبق بيديه على فمها يغلقه قائلا :
– اقفلي .. اقفلي .. لحاجة تدخل ..

ثم قال جديا :
– ريحان احنا هنقضيها اندهاشات ولا ايه .. انا بحبك وانتي بتحبيني .. انتي ليه مصرة تعقدي الدنيا .. انا واحد معقد اصلا .. ليه تبقي زيي .. الفرح امتى ؟؟ ..

تنهدت قائلة :
– بتسألني على اساس انك مش محدد كل حاجة ..

ابتسم قائلا :
– المعاد اللي انتي هتحدديه هو اللي هيتم ..

ابتسمت قائلة بشك :
– بجد ..

أومأ قائلا :
– شوفي بنفسك ..

ترددت قائلة :
– بعد فترة كبيرة .. يعني اسبوعين دة قليل اوي ..

– فترة كبيرة اد ايه ..

تنحنحت قائلة :
– ممكن سنة ..

نظر لها قائلا :
– نعم .. سنة .. على اساس اننا هندرس اخلاق بعض ..

فتراجعت قائلة :
– 6 شهور ..

عقد ما بين حاجبيه قائلا :
– لا كتير ..

– 3 شهور ..

ابتسم قائلا :
– كتير بردو ..

– شهرين ومش اقل من كدة ..

اتسعت ابتسامته وهو يقول :
– ولو قلت لك علشان خاطري ..

– شهر .. ووالله والله ..

فوضع يده على فمها قائلا :
– من غير حلفان .. شهر .. شهر .. وربنا يصبرني بقى الشهر دة ..

———————-

سأخبركم سر عن التوكل .. هل تعلمون أن الله أوحى للسيدة مريم أن “وَهُزِّي إِلَيْكِ بِجِذْعِ النَّخْلَةِ تُسَاقِطْ عَلَيْكِ رُطَبًا جَنِيًّا ” .. هل تعلمون كيف كان حالها حينها .. في الآية التي تسبقها ” فَأَجَاءَهَا الْمَخَاضُ إِلَى جِذْعِ النَّخْلَةِ قَالَتْ يَا لَيْتَنِي مِتُّ قَبْلَ هَذَا وَكُنتُ نَسْيًا مَّنسِيًّا .. فَنَادَاهَا مِن تَحْتِهَا أَلَّا تَحْزَنِي قَدْ جَعَلَ رَبُّكِ تَحْتَكِ سَرِيّاً ” ..