رواية عدوي بين ثنايا قلبي(الفصل الرابع عشر إلى السابع عشر) بقلم نهال سليم | New Romance Episode

نزل الرجل بسرعه من السياره ليفتح له الباب الخلفي ليدخل مراد ليجلس واضعا إيلين على قدميه بين أحضانه ، إلتفت الرجل بسرعه ليجلس خلف مقود السياره لينطلق بها مسرعا متحدثا :
– سيادتك هي بتنزف من بدري

تحدث مراد بصوت متحشرج وهو يطالع إيلين :
– اا..اه

الرجل محاولا أن يطمأنه :
– ربنا يجيب العواقب سليمه إن شاءلله

مراد وهو يحتضن رأسها مردفا :
– يارب

………………………………………….. ……………….

كان يجلس خلف المكتب وهو يطالع جوازات السفر الخاصه بهؤلاء الفتيات ، دخل عليه فرج بعد أن طرق الباب ، توجه للمكتب ليجلس عليه فأردف ناجي وهو يضع السيجار من فمه :
– هاه إيه اللي حصل ؟

فرج وهو يومأ برأسه :
– تمام يا باشا الدكتور خلص العمليات والبنات جهزه عشان تسافر

اومأ ناجي برأسه ثم أردف وهو يشير بإصبعه:
– ماشي ، كلم الدكاتره بتوعنا اللي في مصر عشان يجهزوا ، وخليهم يجهزولي الطياره عشان الفجر هكون هناك

أومأ فرج برأسه فتسائل ناجي قائلا :
– إيلين فين ؟

تنهد فرج وتوتر قليلا ثم أردف بعد أن حسم أمره :
– لسه بندور يا باشا

ابعد ناجي السيجار من فمه وأطفأها بعصبيه قائلا وهو ينظر له :
– يعني إيه لسه بتدور ؟ ، إيه الأرض بلعتها ؟ مفيش منكم فايده أصلا أنا نازل بكره بنفسي وهاجيبها بمعرفتي

توتر فرج ثم حاول أن يغير الموضوع ليتحدث قائلا :
– طب والبضاعه ياباشا اللي هناك ده هنعمل فيها إيه ؟

ناجي بقليل من الحده :
– لسه الأوامر ماجتليش من لندن إني أبعتها على هناك ، الأوضاع هناك مش مستقره والجماعه مشددين عليا أخد بالي كويس عشان مانروحش كلنا فطيس

تحدث فرج قائلا بنزق :
– الدكتور البارد ده عاوز نصيبه من الشغل

عقد ناجي بين حاجبيها باستغراب ثم مالبث أن فهم مايقصده الآخر ليتحدث بتعابير متشنجه :
– كلب فلوس ، حوله مبلغ بكره على حسابه وسد بؤه

أومأ فرج برأسه ثم نهض من مكانه ليردف قائلا :
– ماشي أنا هاطلع بقى أجهزلك كل حاجه

ناجي وهو يشير بيده له :
– ماشي وإعمل حسابك هتيجي معايا وإحتمال قعدتنا تطول هناك شويه لحد ما جروبات البنات كلها تيجي مصر

أومأ فرج برأسه وتحرك ليخرج من الغرفه متجها لوجهته

………………………………………….. ……………