رواية عدوي بين ثنايا قلبي(الفصل الرابع عشر إلى السابع عشر) بقلم نهال سليم | New Romance Episode

توترت المرأه قليلا ثم أردفت بابتسامه مجامله :
– طبعا …إتفضلي

إبتسمت لها ريهام مجاملة ثم التفتت لتتحرك لتلف حول مكتب الإستقبال لتتعمد الإصطدام بقوه بجسده ليعض هو على شفته السفلى بغيظ منها

جلست أمام الكمبيوتر وبدأت أصابعها بالتحرك وهي تقوم بعملها ، كان يقف امامها يراقبها بحزن لجفائها معه ، لماذا تعامله بهذه الطريقه ؟، بعد عدة دقائق وقفت في مكانها والتفتت للمرأه لتتحدث بابتسامه :
– ليكي

المرأه بابتسامه صغيره :
– العفو

تحركت ريهام لتنصرف ، كظم هو غيظا منها ومن تعاملها ، قبض على معصمها ليسحبها خلفه حاولت الفكاك من يده وهي تتحدث بعصبيه :
– سيب إيدي يا بني آدم إنت
تحرك ليدخل بها غرفة لا تحتوي سوى على معدات طبيه ، أغلق الباب خلفه ثم إلتفت لها ليطالعها بحده وهو يتخصر بيديه الإثنتين

مسدت على معصمها ثم نظرت له بغضب قائلة وهي تشيح بيدها في وجهه :
– إنت إتجننت إزاي تمسكني وتسحبني وراك بالشكل ده ؟

إقترب منها في لحظة ليصبح وجهه أمام وجهها مباشرة ليردف من بين أسنانه :
– إنتي بتتعاملي كده ليه ؟ ، النهارده الصبح كنتي كويسه

نظرت له لتتحدث بحده قائلة :
– ده المعامله اللي تستاهلها يا عدي بيه قالت الأخيره وهي تشدد عليها

نظر لها بتعجب ليقول بدهشه مدافعا عن نفسه :
– أنا عملت إيه لده كله ؟

ريهام وهي تنظر له متشنجة ثم التفتت لتنصرف من أمامه فأوقفها قائلا بحده :
– مش هتمشي قبل مافهم أنا عملت إيه عشان تكرهيني كده

ريهام وهي تتلوى بين يديه لتبعده عنها وهي تقول :
– إبعد عني

عدي بحده :
– فيه إيه ياريهام ؟

ريهام بعصبيه وهي تتحدث بعنف :
– فيه إنك كداب

تعجب عدي قليلا ثم أرخى قبضة يده ، انتهزتها فرصه لتبعد يده عنها بعنف ، أردف هو متسائلا بغضب قليل :
– كداب في إيه ؟ انا كدبت عليكي في حاجه ؟

أكدت له بصوت عالي قليلا وهي تشيح بيدها بالموافقه :
– اه كدبت ، كنت مفكراك اما جيتلي الشغل وطلبت مني إني أكون سكرتيره ليك في الشغل عشان أساعدك كان كدب ، كان كل همك إني أفضل تحت عينك وبس عشان تفضل مراقبني الاربع وعشرين ساعه

نظر لها بتعجب ثم إحتدت معالمه وهو يضرب بقبضته على الحائط بجوار رأسها بقوه ليتحدث بإنفعال :
– إنتي غبيه ، هو مش كل ده عملته عشانك إنتي ، عشان أحميكي ؟