رواية عدوي بين ثنايا قلبي(الفصل الرابع عشر إلى السابع عشر) بقلم نهال سليم | New Romance Episode
عدي موافقا لعبدالرحمن :
– مراد ، عبدالرحمن معاه حق
صرخت ريهام بغضب :
– إنتو عايزين تضحوا بأختي وخلاص حرام عليكم
عدي محاولا أن يفهمها :
– ياريهام مش نضحي ولا حاجه ، إي…قاطعه مراد بنظرته الحاده قائلا :
– قولت لأ
إستغرب الجميع من رد فعله الحاد ونظراته العدائيه فضيق عدي عينيه قائلا بجديه :
– مراد ، مالك إنت أصلا هتمنعها بصفتك إيه ؟ إنت متعرفهاش أصلا
مراد بحده وهو يصيح بأخيه بغضب جامح :
– متدخلش يا عدي ، إيلين ليا ومش هخلي حد يلمس شعره منها
تفاجأ الجميع من كلامه فرفع عدي حاجبيه بتعجب ليردف قائلا :
– يعني إنت….
قاطعه مراد بصوته الجهوري :
– أيوه بحبها ، ثم أردف وهو يشير بإصبعه للجميع :
– وحكاية إني أبعتها تاني إنتهت
إلتفت لينظر للزجاج ليكمل بعصبيه قليله :
– أنا اللي هاروح للكلب ده
إندهش الجميع من كلامه فردد عدي مندهشا :
– نعم !
عبدالحميد وهو يحك ذقنه بيده فأردف بتساؤل:
– هتقدر ؟!
نظر له مراد عاقدا بين حاجبيه بغضب قليلا ولم يتحدث فأردف عبدالحميد قائلا بهدوء :
– وهاتروح هناك إزاي ؟
ألقى مراد نظره أخيره على إيلين ثم إلتفت لهم ليتحدث قائلا :
– إسمعوني كويس ، أنا هاروح هناك على أساس إني رجل أعمال جاي من اندن وعاوز منه شحنة مخدرات لناس كبار ، طبعا قبل أي حاجه هيتأص عليا ويدور ورايا ، عشان كده يجي دورك إنتي يا أنسه ريهام
نظرت له بدهشه وهي تشير لنفسها :
– أنا ؟
أومأ مراد برأسه وهو يتحدث بصرامه :
– أيوه عاوز منك تعمليلي صفحه عالنت تكتبيها بإسم أيمن رشوان وتحطي صوري طبعا وتحاولي تكتبي عني شوية أعمال كده المهم تخفي صورتي تمام وأي حد يحاول يسأل عني يصدق إني أيمن …رشوان …وبس ، وأعتقد ده مش صعب على واحده زيك
ريهام وهي تومأ بإبتسامه صغيره :
– إعتبره حصل يا بشمهندس
أومأ لها برأسه فقاطعه عدي قائلا :
– طب ماهو ممكن برده يدعبس ويحاول يجيب أرارك من حتة تانيه
نظر مراد لعبدالحميد ليتحدث قائلا :
– عشان كده بطلب من الباشا إنه يعملي بطاقه مزوره عشان أضمن إنه لو عملو إيه محدش يكتشفني
ثم التفت للجميع ليدور بعينيه وهو يتحدث :
– ولما أروح هناك هافضل فتره هناك عشان أخليه يثق فيا بأي شكل ، وكمان مش هسيب حاجه ممكن تدينه إلا مادور عليها وأجيبها
عبدالحميد موافقا :
– ماشي ، ثم التفت لعبدالرحمن قائلا :
– عبدالرحمن خد البشمهندس وإعمله بطاقه في أسرع وقت ، ثم التفت لريهام ليردف :
– أنسه ريهام حضرتك حاولي تعملي اللي انطلب منك بسرعه لو سمحتي
