رواية حب أعمى(الفصل الحادي عشر إلى العشرون) بقلم الكاتبة شاهندة | New Episode – Read Online

أحست بقلبها يفيض حبا لذلك الرجل..شهاب..ذلك الزوج الذى تعشق حبه لها وغيرته عليها..والتى تجعله كشعلة نار لا تهدئها سوى لمستها..لتتقدم منه وهى تلمس ذراعه بعشق ناظرة الى عينيه وهى تقول برقة:
خلاص ياسيدى ..حقك علية..أنا آسفة

أحست بملامحه تلين قليلا..لينظر اليها بنظرة عتاب طويلة..اقتربت أكثر حتى أنه شعر بأنفاسها الساخنة على وجهه تلفحه بنارها وهى ترفع احدى حاجبيها مستطردة:
خلاص بقى ياشيبو..ميبقاش قلبك اسود..وحياتك عندى ماهزعلك تانى وهاخد بالى من كلامى معاه

رفع احدى حاجبيه لتسرع قائلة:
مش هتكلم معاه خالص لو ده يرضيك..أنا مش عايزاك تزعل منى تانى…انت أهم واحد فى الكون ده كله بالنسبة لى ..ورضاك عندى بالدنيا ياشيبو

استسلم لكلماتها ورقتها وعشقها ليأخذها بين ذراعه معتصرا اياها بقوة وهو يقول:
أنا بحبك..بعشقك..بموت فيكى ياضحى..أنا عارف ان غيرتى صعبة وممكن تخنقك بس غصب عنى أنا لو واحد بس بصلك او جاب اسمك على لسانه بحس انى بموت

خرجت من حضنه دون أن تخرج من محيط ذراعيه قائلة بلهفة:
بعد الشر عنك ياحبيبى..متجيبش سيرة الموت ياشهاب

تأمل ملامحها الفاتنة بقلب ينبض عشقا ليرفع يديه و يضم وجهها بينهما قائلا فى حنان:
ياه ياضحى على حبك ورقتك وحنانك..أنا كنت أغبى راجل فى الدنيا لما كنت هضيعك منى..ولغاية دلوقتى مش مصدق انك بين ايدية من تانى وانك بجد سامحتينى ….

وضعت يدها على فمه تمنعه من مواصلة كلماته قائلة فى حنان:
احنا قلنا اللى فات مات..واحنا ولاد انهاردة

لترفع يدها عن فمه ولكن ليس تماما بل فقط كى تمرر أصابعها على شفتيه قائلة بعشق:
مش كفاية بقى كلام

ابتسم فى سعادة وهو يرى رغبتها بعشقه كما هى رغبته تماما ليهبط بشفتيه مقبلا شفتيها وملبيا كل رغباتها ليغوصا فى بحر العشق يغوصون فى أمواجه الثائرة..مرحبين بثورته

*****************

وقف نزار مع ممدوح عند الصائغ ليختار نزار هدية لبدور يصالحها بها..أصابه التردد كثيرا ليقول ممدوح بملل:
ما تختار بقى أى حاجة يانزار..أهو أى خاتم وخلاص هيظبط الدنيا

قال نزار دون ان ينظر إليه وعينيه تتنقلان بين خاتمين يحاول أن يختار بينهما:
استنى بس ياممدوح..انت مش فاهم حاجة..بدور مش أى حاجة بتعجبها..بدور بتحب تختار أرق حاجة فى أى حاجة تخصها يعنى لازم الخاتم يكون رقيق ومميز زيها بالظبط