رواية حب أعمى(الفصل الحادي عشر إلى العشرون) بقلم الكاتبة شاهندة | New Episode – Read Online
وصل اليها صوت رسالة عبر تطبيق الواتس آب..لتفتح هاتفها فى لهفة..ظنا منها أنها رسالة من نزار..فلا أحد من الممكن أن يبعث لها رسالة فى ذلك التوقيت غيره..لتجدها رسالة من رقم غريب..عقدت حاجبيها بحيرة وقامت بفتح تلك الرسالة لتجدها مقطعا من الفيديو..شهقت وهى تضع يدها على فمها تمنع صرخة انطلقت منها..اتسعت عينيها بصدمة وهى ترى محتوى ذلك الفيديو..حبيب الصبا..ذلك الرجل الذى ضحت من أجله بكل شئ ..زوجها نزار يمارس الرزيلة مع فتاة ما..أغمضت عينيها بألم..ترفض رؤية المزيد..لتستمع الى صوت تأوهاتهما والتى مزقت قلبها لتترك هاتفها وكأنه عقرب سام..تضع يديها على أذنيها تسدهما وهى تهتز بشدة ودموعها تتساقط بلوعة..تود الاستيقاظ من ذلك الكابوس الذى تعيش فيه..زوجها.. حبيبها……خااااائن
**************
جلس زين على سريره يمسك صورة زوجته الجميلة فى يده يملس على ملامحها بحنان..قائلا بحزن:
سامحينى ياعلياء..مش بإيدى والله..غصب عنى لقيتنى بتشدلها..يمكن لإنها بتشبهك..نفس الرقة..نفس العيون العسلية ونفس الحزن فى العيون
أغمض عينيه يستحضر صورة بدور فى رأسه..ابتسم برقة وهى تتمثل أمامه ليقول هامسا:
أد ايه رقيقة..تحسيها بريئة أوى..وحزينة أوى..يابخت جوزها بيها
ليفتح عينيه قائلا بمرارة:
ما أنا مقلتلكيش ياعلياء..أصلها متجوزة
ليشيح بعينيه عن صورتها فى خزى قائلا:
حبيبك اتغير اوى ياعلياء..وبقى بيخالف مبادئه وبيبص لواحدة ملك غيره
ليقف قائلا فى تصميم:
بس انا مش لازم أفكر فيها تانى ياعلياء..لازم أنساها
ليمرر يده فى رأسه بعصبية قائلا:
بس أنساها ازاى وصورتها مبتفارقش خيالى..زى ماتكون سحرتنى..تفتكرى حبيتها من النظرة الأولى؟
زفر بقوة قائلا:
أنا جرالى ايه بس؟…شكلى اتجننت
ترك صورة زوجته على الطاولة بجواره..ليتجه الى الحمام ويتوضأ كى يصلى ويستغفر الله ويطلب منه أن يريح قلبه ويلهمه نسيانها..فلابد وأن ينساها ويمحيها من قلبه وعقله وحياته……للأبد
الفصل الخامس عشر
***********
دلفت ضحى خلف شهاب الى حجرتهم قائلة فى توتر:
ياشهاب اسمعنى..سليم بقى جوز نوران..يعنى…..
التفت اليها قائلا بغضب:
يعنى ايه سليم بقى جوز نوران….ها..فهمينى..بقى أخوكى مثلا..أبوكى..طب حتى لو بقى كل دول..أنا بغير عليكى من ابنك مش هغير عليكى من سليم ياضحى
