رواية عدوي بين ثنايا قلبي(السادس والأربعون إلى التاسع والأربعون)بقلم نهال سليم | Romantic Fiction Chapter

قطب بين حاجبيه بإستفهام وهو يمسد بظهر أنامله على وجنتها قائلا بهمس :
– و إنتي دلوقتي خايفه عليا ليه ؟

توترت كثيرا لتتشتت بأنظارها بعيدا عنه و هي تبحث عن حجة مناسبه ، ضيق عينيه وهو يحاول أن يخترق حصونها بينما هي نظرت له بأعين لامعه قائلة :
– من ساعة ما عرفتك وأنا خايفه إنك تبعد عني وتسيبني لوحدي
ثم أردفت وهي تتعلق بعنقه معانقة له بلهفه :
– مراد عشان خاطري أنا عاوزه أنام في حضنك

ضمها له وهو يمسد على ظهرها بحنو وهو يرفعها فوق صدره لتتخلل أنامله خصلاتها برقه لتبعث بها الطمأنينه لتغلق عينيها وهي تنام على صدره بينما هو ظل مستيقظا طوال الليل دون أن يرف له جفن

………………………………………….. …………..

في صباح اليوم التالي بعد ان تناول الجميع الفطور وذهب كلا إلى عمله ، إرتدت ثيابها المكونه من فستان أبيض يصل للكاحل يحيط به من الخصر حزام وردي ، عقصت خصلاتها على هيئة جديله طويله وحملت حقيبتها اليدويه ثم تحركت لتخرج من حجرتها

خرجت في الخفاء لتصعد لإحدى السيارات وهي تتحدث بالهاتف :
– أيوه يا جمال …. أنا رايحه دلوقتي

تحدث جمال بحده قليلا :
– يا إيلين مش قولتلك ماتروحيش غير وأنا معاكي ؟؟

إبتسمت بهدوء قائلة :
– يا جمال ماتقلقش وبعدين إنت لازم تكون مع مراتك دلوقتي عشان الكشف

تنهد وهو ينظر لباب غرفة المعاينه حيث تتواجد زوجته من اجل الفحص ، تحدث بهدوء زائف قائلا :
– طب وبعدين هاتعملي إيه ؟

ربطت حزام الأمان لتتحدث قائلة :
– أبدا هاروح أشوفه وهارجع تاني و المره التانيه هحاول اخلص مع فرج الورق ولما يسافروا مش هاروح وراهم أبدا

أومأ برأسه وهو يتحدث قائلا :
– ماشي يا إيلين بس المره الجايه إوعي تروحي من غير ماكون معاكي سامعه

اومأت بإبتسامه صغيره قائلة :
– حاضر ، نسيت ابلغك … أنا حامل في التاني

إبتسم جمال بسعاده مهنئا :
– ألف مبروك ، خلاص كده هاستنى البت عشان إبني

ضحكت بخفوت وهي تردف :
– الله يبارك فيك ماشي هعينها من دلوقتي ، سلام بقى دلوقتي عشان أمشي
أنهت مكالمتها لتتحرك نحو البوابه الضخمه بالسياره ليمنعها الحرس قائلا :
– اسفين يا مدام بس عندنا أوامر من الباشا إنه ممنوع سيادتك تطلعي

قطبت بين حاجبيها بحده قائلة :
– إنت إتجننت إبعد عن البوابه إنت وهو بدل ما خبطكم بالعربيه