رواية عدوي بين ثنايا قلبي(السادس والأربعون إلى التاسع والأربعون)بقلم نهال سليم | Romantic Fiction Chapter

تحدثت إيلين وهي تبتعد عنها لتنظر لها قائلة :
– مراد إتغير معايا ، معرفش إمبارح أول ما جه بالليل كان مبسوط وبيضحك معايا ولما نزلت اعمل العشا عشانه غاب يدوب خمس دقايق و جالي واحد تاني خالص ، كان …. كان .. قاسي .. قاسي وشديد أنا خايفه يكون عرف حاجه !!

فكرت ريهام قليلا لتهز رأسها بالنفي بتردد قائلة :
– ماعتقدش أصل الحرس مايعرفوش هو مين …. طب وهتعملي إيه ؟؟

تنهدت إيلين وهي تتحدث قائلة بتوتر :
– أديني كلمت جمال وحكيتله على اللي الوسخ عاوز يعمله وقالي هايبقى يجي معايا مش هيسيبني لوحدي

نظرت لها ريهام بشفقه لتتحدث قائلة :
– مش كان الأولى إنه مراد يعرف يا إيلين ده جوزك !!

هتفت إيلين بخوف مسرعة :
– إوعي ، إوعي يا ريهام …عشان هو جوزي أنا عاوزه أحميه من أي حد مش مهم أنا ، هو أهم مني مقدرش أشوف حاجه وحشه تصيبه … أنا ممكن أموت فيها

هتفت ريهام قائلة بحزن :
– بعيد الشر عنك يا حبيبتي ، بس لازم تعرفي إنك مش لوحدك دلوقتي ، إبنك كمان هيبقى في خطر …..
إحتضنت بطنها وهي تتحدث بخفوت بنبرتها المتحشرجه بكاءا وهي تتطلع لبطنها :
– خايفه عليهم يا ريهام

عانقتها شقيقتها وهي تبثها الطمأنينه قائلة :
– متخافيش يا حبيبتي ربنا هايحميكم إن شاءلله ، ثم أردفت بمرح مبتسمه :
– وبعدين إيه كمية العياط دي ؟ واضح إنه الهرمونات عندك عاليه أوي عشان الحمل

ضحكت إيلين وهي تمسح عبراتها لتضحك ريهام هي الأخرى قائلة :
– أيوه كده يا لولو إضحكي وروقي

تحدثت إيلين بمرح قائلة وهي تكفكف عبراتها :
– الظاهر إنه الواد ده مش هيجيبه من بره طالع لأبوه هو اللي علمني أعيط إزاي

………………………………………….. ……

حل المساء وهي تنتظره بالغرفه جالسة على المقعد بالشرفه ، كانت ترتدي منامه حريريه من اللون الكريمي ذات الأكمام الطويله تحدق بشرود في الفراغ عاقدة يديها أمام صدرها وخصلاتها على هيئة جديله

رنين هاتفها النقال قد أخرجها من شرودها لتلتفت له لتلتقطه من على الطاوله الصغيره الموضوعع بالشرفه ، طالعت الإسم لتحتد معالمها ، حاولت ان تأخذ شهيقا عاليا وهي تهدئ من روعها ليحتل البرود تعابيرها وهي تجيب :
– ألو ؟

تحدث ناجي بهدوء قائلا :
– أيوه يا إيلين … إنتي فينك المده دي كلها ؟