رواية غدر الزين(الفصل السادس عشر إلى العشرون) بقلم مروة البطراوي | New Drama Episode
رد اسر وقال
=انت عارف يا كامل اني بحب صاحبي اوى ….يا ما نصحته ميتجوزهاش ….بس هنقول ايه لفت عليه زى الحيه …واستغلت ظروف رجله
=فانا بقول تاخد منها اللي انت عايزة وبعد الصفقه تفضحها وبكده تبعد عن زين حبيبي
هز كامل راسه بالموافقه وقال
=موافق يا اسر …حددلي ميعاد مع زين بسرعه …مشتاق اشوف الحلوة واتمتع بيها.
علي الجانب الاخر اخذ زين خلود الي مكتبه ورفض ان تذهب الي مكتبها اولا لانه بعث باجلاب بوكيه من ورد البنفسج حيث عندما تدخل مكتبها تتفاجئ به…سحبها من يدها وادخلها مكتبه وقال لها
=خلود ما تسيبك من الشغل ووجع القلب ده وتركزى في دراستك….ومعايا.
اتسعت حدقه عيناها واندهشت لكلامه فضحك علي منظرها وقال
=ايه يا بنتي …هو انا قلت حاجه غلط …خلاص انتي حرة اشوف حد تاني يركز معايا.
نهضت خلود من مكانها وذهبت الي حيث يجلس وقالت
=لا وحياتك علي وضعك كده …يا حلاوة يا ولاد ….زين السرجاني عايزني اركزمعاه ….والله مركزة …بس اديني فرصه اظهر مواهبي.
ثم امالت عليه وقالت
=فاكر اول مرة دخلت المكتب هنا ووطيت اديلك بوكيه الورد انت عملت ايه؟
ضحك زين ضحكه رنانه وقال
=فاكرة يا مصيبه .ساعتها كنت عايز اجيب من شعرك واقولك …اتلمي بقا …شعرك مفرود وبلوزة مفتوحه وريحه البنفسج …ما هي كانت هيصه.
اقتربت منه خلود وقالت هامسه
=هيا كانت هيصه بالنسبه لك انت ….اما انا كنت هموتك بايديا دول ….اه منك اااه.
ارتبك زين من قربها وامسكها من خصرها وقال
=مش خايفه حد يدخل علينا المكتب دلوقتي ويقولوا ان المديرة بتاعتهم بتتحرش بزين السرجاني؟
خلود برقه غير متناهيه واضعه يدها علي وجهه
=بتحرش …لو بتحرش بجوزى انا موافقه ….وبعدين مديرة مين والناس نايمين.
ضحك زين علي شرودها وقال
=خلووود ….فين خلود القويه الجامده …في الشركه دلع وحنان …والبيت هبل وبتنجان.
رجعت خلود بظهرها للخلف وقالت
=كفايه دلع بقي لحد كده …اروح بقه انا اشوف شغلي مع هلا وبابا …نتقابل في المرواح …باباي يا زيزو
نظرت اليه لكي يعلق علي اسم دلعه وجدته مبتسما لها ….ذهبت خلود الي مكتبها وجدت رائحه المكتب ذكيه …وهلا ووالدها مبتسمين لها …القت عليهم تحيه الصباح ودخلت لمكتبها …اذا بها تتفاجئ بباقه ظهور البنفسج علي مكتبها …وكارت مكتوب به
