رواية سيد القمر الأسود(الفصل الحادي عشر إلى الخامس عشر)بقلم زينب مصطفي | New Episode – Read Online

ارتدى عطوه جلبابه بغضب وتبرم شديد وخرج وهو يكاد يشتعل غضبا لانه لم يكمل جريمته الشنعاء

في حين لكز دسوقي بعصاه حبيبه الملقاه ارضا بعنف وقال بغضب وهو يراها تبكي بألم تكاد تغيب عن الوعي و الدماء تسيل على عنقها من الجرح الذي تسبب به ضرب رأسها بالارض

= فزي يا بت قومي خليكي تغوري من هنا
انحنت عصمت تساعدها على النهوض وهي تقول بتوتر وخوف وهي تشاهد وجه وجسد حبيبه الممتلئ بالكدمات والجروح
=يادي المصيبه حادثة ايه بس الي هتسبب كل الجروح والكدمات دي استحاله عمر يصدق الكلام ده

وقفت حبيبه بمساعدة عصمت وهي تترنح بضعف ونظرت لعصمت بخوف

إحنا هنراوح بجد والا ناويين تعملوا
فيا ايه

سحبتها عصمت من يدها وبمساعدة دسوقي قيدت معصمي حبيبه
بحبل غليظ وقادتها للخروج من الباب الخلفي وهي تمسك طرف الحبل بيدها و تقول بغضب

=متخافيش هنراوح.. ما انتي عامله زي القطط بسبع ترواح مفيش حاجه بتحوق فيكي

قاطعهم دسوقي وهو يشير للارض الزراعيه التي يكسوها الظلام الحالك

=إدخلوا في الارض دي وإمشوا طوالي لحد ما تعدوا الساقيه بعديها هتلاقوا الطريق ظهر قدامكم

ثم تابع بتوتر
=انا مهمتي لحد كده خلاص خلصت معاكم ..وهاروح اشوف هتصرف إزاي مع الحاج رفعتالي هيهد الدنيا على دماغي

نظرت اليه عصمت بغضب ثم جرت حبيبه بقوه من الحبل الذي يقيد معصميها تسحبها خلفها وتوغلت داخل الاراضي الزراعيه تحاول الوصول للطريق العمومي بأقصى سرعه في حين حاولت حبيبه اكثر من مره مقاومتها والهروب منها الا انها فشلت بسبب قيد معصمها والدوار والضعف الشديد الذي يستولي على رأسها وجسدها

زفرت عصمت بغضب وهي تتصل بشريف

=انت فين دلوقتي..الزفته الي معايا بتحاول تهرب وانا مسيطره عليها بصعوبه

شريف بتوتر
=انا قربت من البلد خلاص ..إوعي تهرب منك لا كل حاجه تبوظ

ثم تابع بتفكير
=مفيش اي حاجه عندك زي علامه والا حاجه اقدر اوصلك بيها ..الارض كبيره وكلها شكل بعضها

نظرت عصمت حولها وقالت بتوتر

=اه في شجره كبيره اوي اظن انها الوحيده هنا وهتشوفها من الطريق كويس هي جنبيها ساقيه انا هستناك تحتها ..

ثم سحبت حبيبه بعنف ورمتها ارضا
وهي ماتزال تسيطر على الحبل الذي تقيدها به

=إهمدي بقا أدينا هنرجعك القصر تاني بس يارب خطة شريف تنجح وعمر يصدقنا

حبيبه بخوف وضعف
=خطة ..خطة إيه