رواية سيد القمر الأسود(الفصل الحادي عشر إلى الخامس عشر)بقلم زينب مصطفي | New Episode – Read Online
تقهقر الطبيب خطوه للخلف وهو يقول بتوتر
=لا انا مقصدش يا افندم انا بس..
عمر بصرامه
=مفيش بس ..الموضوع كده إتقفل
ودلوقتي عاوز اطمن عليها انت شايف انها ممكن تكمل علاجها هنا والا لازم تروح مستشفى
الطبيب بصوت واثق
=لا هي مش محتاجه مستشفى و ممكن تكمل علاجها هنا عادي..لان على الرغم من ضعفها الواضح وجسمها الي باين انه اتعرض لجفاف شديد بسبب نقص الاكل والمايه وجروحها الكتيره والكدمات الا انها كلها جروح سطحيه ومفيش كسور او جروح خطيره يعني كلها حاجات نقدر نتعامل معاها بالعنايه والعلاج الكويس وان شاء الله تخف علطول..
أغمض عمر عينيه بغضب وهو يستمع من الطبيب لوصف حالة حبيبه الصحيه يحاول السيطره على الوحش الرابض بداخله و الذي يريد الانقضاض على كل من أساء اليها وأوثلها الى هذه الحاله المزريه
الا انه همس بغضب
=ورحمة أبويا لأعملهم كلهم عبره بس أخلص من الي انا فيه الاول
ثم استدار للطبيب وقال بغضب مكتوم
=ممكن تسيبني لوحدي معاها شويه
الطبيب باحترام
= ايوه طبعا يا افندم
ثم اشار لمساعدتيه بمغادرة الغرفه..
جلس عمر بهدوء على طرف الفراش يتأمل بغضب وجه حبيبه الممتلئ بالجروح والكدمات
ثم مرر يده على وجهها برقه شديده
وعقله وقلبه في صراع شديد مابين مطالبة عقله بمعاقبتها وطردها من حياته نهائيا ولهفة قلبه عليها ومطالبته بمسامحتها وخلق الاعزار لها حتى لو كانت اعزار وهميه لا ترضيه او ترضي عقله
ليتنهد بتعب وهو يميل عليها يقبل جبينها بحنان وحب شديد وهو يهمس
لها ..
= متخافيش انا معاكي وهجيبلك حقك
ثم تابع بغضب مكبوت
= بس برضه هجيب حقي منك
ثم ابتعد عنها وخرج غاضبآ منها ومن مشاعره التي تحركت نحوها على الرغم من خيانتها القاسيه له
بعد مرور عشرة ايام ..
دخلت مي بانكسار مزيف الى غرفة مكتب عمر وقالت بهمس
= انا عملت كل الي طلبته مني وقلت اني انا الي كنت مع ماما الله يرحمها عند اعمامي وزي ما فهمت من المحامي القضيه إتقفلت على انها قتل بسبب السرقه..
ثم تابعت بخوف
=ممكن اعرف انت هتعمل معايا ايه بعد كده
عمر بهدوء
=ولا حاجه..لو كنت عاوز اعمل كنت عملت من زمان..
ثم تابع بقسوه
=من اول ماكنتي بتسهري طول الليل في الديسكوهات رقص وسكر ومن حضن ده لحضن ده وانتي فاكره انك بتستغفليني انتي والمرحومه والدتك
وبترسمي عليا الحب وعوزاني اتجوزك ولما رفضت اتفقتوا مع شريف على قتلي ولما برضه فشلتوا رجعتي ترسمي دور الحب من تاني وحاربتوا علشان اتجوزك .. وبعد كل ده وصل بيكم الاجرام انكم حاولتوا تقتلوا مراتي علشان تتخلصوا منها مش هو ده الي حصل يامي
