رواية حب قيد المراجعة(الفصل الحادي عشر إلى الأخير)بقلم دودو محمد | Contemporary Romance Tale
-ج ج جوليا انتى جيتى امته
نهض بغضب واقترب منه وقال بتساؤل
جلال :-انت قولتلى جوليا بالنسبالك ايه
ابتلع ريقه بتوتر وقال
فريد :-ص ص صديقه ليا مش اكتر
صفعه بقوه وقال بغضب
جلال :-كداب، علشان كده كنت عايز تكمل حياتك بره علشان القرف اللى كنت بتعمله انت ازاى قادر تستحمل نفسك كده ذنب اللى فوق دى ايه تاخد واحد قذر شبهك وبتكدب عليا وجايبها معاك هنا ويا عالم القرف ده عملته كام مره فى البيت هنا
وضع يده على وجه بألم وقال بصوت مختنق
فريد :-انا مش هنكر ولا اقول إن مكنتش كده بس الكلام ده من قبل ما احب فريده أنا اتغيرت يا بابا علشانها ولا عمرى اقدر اخونها صدقنى يا بابا جوليا دى بقت ماضى
نهضت بغضب وقالت
جوليا :-وانا مش بالسهوله دى هسيبك يا فريد انت عيشت سنين معايا على أمل أننا هنتجوز
صر على أسنانه بغضب وقال
فريد :-كنت بثبتك علشان اخد اللى انا عايزه مش ذنبى أن انتى صدقتينى، فيه كتير حاولة معاهم ورفضوا
هدر به بغضب وقال
جلال :-بس كفايه مش عايز اسمع صوتك يا خسارة تربيتك فيك، أنا مش مستعد اخسر صاحب عمرى بسببك بنته اكيد لو عرفت مستحيل توافق تكمل معاك انت لازم تطلقها
تكلمت بصوت مختنق وهى تهبط من أعلى الدرج وقالت
فريده :-انا اعرف كل حاجه يا انكل، فريد حكالى كل حاجه عن جوليا وانا واثقه ان هى كانت فى الماضي، وان فريد بتاع دلوقتى غير بتاع زمان
وضع يده على قلبه وشعر بأنفاسه تنسحب منه جلس على المقعد بألم شديد
ركضوا إليه وقال بدموع
فريد :-بابا رد عليا بابا ارجوك بصلى
اقتربت منه وظلت تحرك يدها على قلبه وقالت بدموع
حنان :-هات الحبايه بسرعه بتاعة ابوك أجرى يا فريد
ركض إلى الغرفه وأخذ الدواء وعاد سريعا ووضعه بفمه وظلوا يتابعوه لكن كان يزداد الوضع سوءاً
تكلمت بقلق وقالت
فريده :-يا جماعه لازم نخده المستشفى الوضع بيسوء اكتر وكل دقيقه بتعدى خطر على حياته
ركض فريد سريعا وأمسك الهاتف وطلب سيارة الإسعاف حتى تحضر لهم فى اسرع وقت وترك الهاتف وعاد إليه وقال بدموع
-بابا ابوس ايدك رد عليا انا اسف متزعلش منى بابا ارجوك فؤق
وبعد وقت جاءت سيارة الإسعاف وأخذت جلال وصعدت حنان معه واتجهت بهم إلى المشفى
نظر إلى جوليا وقال بغضب
فريد :-ادعى ربنا يقومه بالسلامه علشان لو حصله حاجه مش هرحمك
ثم أمسك يد فريده واتجهوا إلى سيارته وصعدوا بها واتجهوا خلف سيارة الإسعاف .
…………………………………………………………….
جلسوا جميعا خارج غرفة الفحص ينتظروا خروج الطبيب حتى يطمئنهم على وضع جلال وبعد عدة ثوانى خرج من الغرفه و ركضوا إليه جميعا
