رواية طعنات الغدر والحب(الفصل السادس والخمسون إلى الأخير) بقلم الكاتبة إيمي | Complete Novel – Reading App
ارادت منى ان تغير مجرى الحديث ليأخذ منعطفا آخر
فسألتها عن حالها مع سيف حيث ان حالتها لم تبد مطمئنة فى ليلة الزفاف
فتفاجأت منى برد نيرمين الذى اخبرتها فيه بأن سيف لم يقترب منها حتى الآن
لم تصدق منى ذلك حيث مر على زواجهما اربعة ايام
منى:وازاى هو صابر على كده؟؟
نيرمين:من جه صابر فهو صابر مش كده وبس ده بيعاملنى احسن معاملة
منى:حاجة غريبة
نيرمين:متستغربيش يا منى
سيف حنين اوى ومن ساعة ماحاول ليلة الفرح انه يقرب منى ولقانى خايفة
فضل انه ميضغطش عليا لحد ما اعصابى تهدى
منى:بصراحة يا نيرمين انتى معندكيش حق
نفسى افهم انتى مكبرة الموضوع ليه ما انا قدامك اهوه سليمة وزى الفل
بالرغم من انى كنت خايفة من عمر بس بمجرد ما اتقفل علينا باب واحد عرفت قد ايه هو طيوب خالص وحنين
ابتسمت نيرمين وقالت:ربنا يخليكوا لبعض
منى:نيرمين!!
كفاية على سيف لحد كده حرام 4 ايام ومش عارف يقربلك ليه يا بنتى
طب والله كتر خيره انه مابيبصش بره
وبعدين فكرى فى الست اللى طلعتلك من تحت الارض دى
ممكن اوى الشيطان يخليه يفتكر اليوم اللى قضاه معاها وساعتها محدش عارف ايه اللى هيحصل
نيرمين:لا يامنى سيف مش كده
منى:احنا بشر يا نيرمين ومعرضين للخطأ الحقى نفسك وادى لسيف حقه
لانى شايفة انك ظالماه وبعدين جربى مش هتخسرى حاجة
اخذت نيرمين تفكر فى كلام منى ثم تنهدت وهى فى حيرة من امرها
بعد انتهاء اليوم ذهب كل منهم الى جناحه المخصص له
دخل سيف الى الجناح وجلس على الركنة وهو يلتقط انفاسه
بينما سبقته نيرمين الى الغرفة فبدأت تخلع طرحتها وملابسها وهى تفكر فى كلام منى
توجهت نيرمين ناحية الباب لتترقب سيف فوجدته مستلقى على الركنة وقد فتح التلفاز واخذ يشاهده
فردت الباب بلطف وتوجهت الى الدولاب وفتحته وظلت تنظر الى اللانجيريهات المرصوصة فيه
اخذت تحرك الواحد تلو الاخر لتنتقى اشيك وارق لانجيرى
واخيرا التقطت واحد من نوعية البيبى دول كان جريئا بعض الشئ ظلت تنظر اليه
وقلبها مضطرب ثم قررت ان ترتديه
وضعته على السرير ثم ذهبت لتأخذ حماما دافئا
انتهى سيف من مشاهدة التلفاز وقرر ان يدخل الغرفة لينام
ولكنه لم يجد نيرمين نائمة كما توقع وانما وجدها تأخذ حماما
لمح سيف اللانجيرى الذى وضعته على السرير فامسكه وهو ينظر اليه بابتسامة
ثم وضعه مكانه واتجه الى الحمام ووضع اذنه فسمع قطرات الدش تنساب بغزارة
ونيرمين تدندن تحت الدش بهذه الكلمات:غيرت كل حياتى بيك الحب انا عرفته فى عنيك
