رواية متاهة مشاعر(الفصل الحادي والعشرون إلى الرابع والعشرون)بقلم الكاتبة نهى طلبة | New Episode – Read Online

ترددت قليلاً.. ثم تكلمت:

ـ الفترة.. الفترة اللي قضناها مع بعض كانت أيام جميلة.. بس أنت ظروفك اختلفت.. دلوقتِ في فحياتك زوجة.. وبيتهيألي نحاول نبعد واحنا لسه أصدقاء.. و..

قاطعها بغضب وهو يقترب منها بسرعة:

ـ وايه يا دنيا!.. ايه الكلام الغريب ده.. ايه اللي حصلك؟.. في حد دخل حياتك؟..

لم يدرِ أيهما ما حدث ولكن صوت الصفعة على وجنة مازن كان يدوي في أذنيهما.. بينما احمرت عينيه غضباً.. ولكنها لم تدع غضبه يؤثر بها فصرخت بعنف:

ـ لولا أنك مازن ما كنتش هتشوف وشي تاني.. أنت عارف كويس مين دنيا..

حرك يده على وجنته وهو يحاول كبح غضبه.. واقترب منها قليلاً:

ـ عايزاني اعتذر يا دنيا.. يبقى أنتِ كمان لازم تعتذري.. لأن كلامك معناه يضايق.. أنا ما كنتش مرتبط بيكي عشان مجرد رغبة أو شهوة.. مجرد ما بقى عندي زوجة يبقى هبعد..

قاطعته بغضب لم تستطع كبحه:

ـ أنت بعدت فعلاً..

ـ لفترة بسيطة.. وأظن وجودي الليلة في الديفيليه دليل على أنك في بالي وأني ما نسيتش أي حاجة تخصك..

مسحت جبهتها بتعب وهي تتهالك على أحد المقاعد:

ـ أنا ما بقيتش عارفة أي حاجة.. أنا حاولت بس أرفع عنك أي حرج..

اقترب ليجلس أمامها على نصف ركبة ومد أنامله ليرفع ذقنها:

ـ تحبي نعلن جوازنا؟.. أنا عرضت عليكِ الموضوع أكتر من مرة..

ابتسمت بتعب:

ـ وكل مرة كانت بتكون عقاب لنيرة..

ـ لكن المرة دي..

قاطعته:

ـ المرة دي ما ينفعش أني أوافق.. كده يبقى بندمر جوازك قل ما يبتدي..

جلس على الأريكة وجذبها من على مقعدها لتسقط بين ذراعيه وبدأ يحرك كفيه بحركات دائرية على كتفيها وعنقها وهمس لها:

ـ هعملك مساج مخصوص.. هدلعك المرة دي.. وآخر مرة اسمع كلام عن البعد ونفترق والكلام ده.. ووقت ما تحبي نعلن جوازنا أنا موافق..

********

مرت ثلاثة أشهر..

جلس يزيد بجانب علياء على فراشها وهي تحتضن صغيرها وتضمه إلى صدرها لترضعه للمرة الأولى.. ليهمس بغيظ:

ـ بيعمل ايه الواد ده؟..

ضحكت بتعب:

ـ زي ما أنت شايف.. وبعدين دي حمد لله على السلامة بتاعتك!

أحاطها بذراعه وهو ينظر إلى ابنه بغيظ مما دفعها إلى الضحك بقوة وهي تهمس:

ـ بتغير من ابنك يا يزيد!..

قطب حاجبيه وهو يسألها:

ـ مش بترضعي أخته ليه؟..

ابتسمت وهي تغير الموضوع وتسأله:

ـ أنت لسه ما سميتهموش؟..

ضحك وهو يتحرك ليرفع ابنته الصغيرة من سريرها: