رواية ملحمة الحب(الجزء الأخير) بقلم حليمة العدادي

ميرا : أسد اهدى بص إنت كويس بس ..

أسد : بس إيه بتبصولي كدا ليه اتكلموا في إيه أنا مش حاسس برجلي ليه ..

ميرا : بص يا أسد إنت مع العلاج هتخف وترجع زي الأول وأحسن ..

أسد : ميرا اتكلمي أنا هخف من إيه ..

زين : أسد إنت بقى عندك شلل ومع العلاج هترجع تمشي من جديد ..

أسد :

الفصل 27

أسد : إنتوا بتقولوا إيه مشلول إزاي ..

ميرا : أسد اهدى دا وضع مؤقت مع العلاج هترجع تمشي من ثاني ..

أسد بغضب : مشلول إزاي يعني أنا بقيت عاجز مش هقدر أمشي ..

ميرا : أسد مع العلاج هتبقى كويس بص أنا معاك ..

أسد زق ميرا بغضب لدرجة إنها وقعت على الأرض بدأ يكسر أي حاجة جنبه

زين : أسد اهدى دا وضع مؤقت مع العلاج هتخف صدقني ..

أسد : إطلعوا برررررا مش عايز أشوف حد أنا عايز أبقى لوحدي ..

ميرا : أسد أنا ميرا حبيبتك علشان خاطري اهدى خليني ابقى معاك ..

أسد : إطلعي برررررا ..

ميرا خرجت من الأوضة بتجري وهي بتعيط والدموع مغطيه وشها
ملاك : اهدي يابنتي هو دلوقتي مصدوم من اللي عرفه خليه يهدى ..

ميرا : أول مرة أسد يعمل معايا كدا أنا عارفه إنه مش في وعيه بس كان سابني أبقى معاه ..

زين : ميرا هو لسه مش قادر يستوعب اللي حصل معاه اصبري ..

مالك : لازم ناخذه على البيت ويكمل علاجه هناك ..

حميد : هنسأل الدكتور لو حالته تسمح إننا ناخذه على البيت أهو جاي لعندنا ..

زين : دكتور نقدر نأخذ أسد و يكمل علاجه في البيت ..

الدكتور : علشان يقدر يمشي على رجليه من ثاني لازم نفسيته تتحسن ..

مالك : حاضر يادكتور ..

الدكتور : وكمان لازم يلتزم بالعلاج ويعمل جلسات العلاج الطبيعي وهيبقى كويس ..

زين : مالك هات الكرسي علشان نأخذه ..

دخلوا الأوضة عنده كان باصص للفراغ بصمت
ميرا : أسد حبيبي بصلي إنت هتخف وتبقى كويس ..

اسد : ميرا الفيلا بتاعت أبوكي والأملاك أنا رجعتهم ليكي تقدري ترجعي من دلوقتي ..

ميرا : إيه ..

أسد : روحي وورقة طلاقك هتوصلك وعمك أنا طلعته من بيتك مش هتلاقيه هناك ..

ميرا بصدمه : طلاق إيه وزفت إيه اللي بتتكلم عنه دا ياأسد مش علشان شوية تعب أسيبك ..

أسد : ميرا أنا بقيت عاجز خلاص يعني مابقتش أنفع بحاجة روحي وعيشي حياتك ..

ميرا انهارت واتكلمت بصوت عالي : إنت عايز تموتني ياأسد أنا بحبك إزاي يعني مبقتش نافع حرام عليك من الصبح وأنا هموت من الخوف عليك وإنت عايز تطلقني طب لييييييه وبدأت تصرخ بهستيريا ..