رواية أحببت بصيرته(3) بقلم مريم نصار

سليم : حس انها عنيده .وتعبته . واتنهد وسكت ..
فريده : بتحاول تستوعب مين الل قدامها ده؟

فتون : بصت ل فريده حضرتك هنكمل الجلسه فين !؟
سليم : فتح عينيه بغيظ وقبض على أيديه وقال..ف اوضة نومى

بارت ١٣

رواية (أحببت بصيرتهُ)
بسم الله نبدأ .

‏قال ابن تيمية_رحمهُ الله_:
“فمن كان اللهُ يُحِبُّه استعملَهُ فيما يُحِبُّه”.

فانظر فيما تُستعمَلُ فيه، وينقضي فيه وقتك و عمرك، ثم زِن نفسَك وأنت أبصرُ الناس بك ..

فالعاقل من يحكم على نفسه بنفسِه ولا يحكم عليها بصورتهِ عند الناس.
______________________________________

عند حسن ..

سهير : لما سمعت قرار حسن ابنها . شهقت بصوت عالى وخبطت بايدها ع قلبها .. ينهار اسو….

منصور : وقف بنرفزه . انت بتقول ايه ياحسن انت اكيد اتجننت ولا جرا لعقلك حاجه !
حسن : قام وقف ليه بس يابابا. هو كلامى فيه ايه غلط ؟
منصور : فيه إنك بتتعدى الأصول . وكمان هتعملى مشاكل مع الشيخ محمد . انت مفكر انه هيوافق عليك بعد الل انت عملته مع فتون الل بيعتبرها زى بنته .؟ مش كفايه صغرتنى قدام رجالة الحاره . وكمان الحاجه فاطمه وفتون . ولحد دلوقتي منعرفش سبب أفعالك دى . اعقل ياحسن ومتعملش مشاكل ….

حسن : بغيظ . انا مش عايز فتون ياحج هو بالعافيه !!؟

منصور : ضحك بتريقه . وانت فكرك هتعوضها فتون دى !؟ دا بدال متعقل وترجع لعقلك وتنزل تتكلم مع الحاجه فاطمه .وترجع الميا لمجاريها من تانى !! ولو انى عارف رد فتون هيكون ايه !! يخساره ياحسن يبنى الغربه غيرتك . لأ وكمان راجع عايز تخطب سحر !! واشمعنى بقى سحر الل جت ف عقلك دلوقتي ؟

سهير : ده لا يمكن يحصل ابدااا . وصح ياحسن رد ع سؤال ابوك . اشمعنى سحر وف التوقيت ده واشمعنى سحر بالذات !!؟

حسن : بتوتر . ايه يام حسن بس ف ايه ..؟ وبص لابوه وقال .احم ابدا ياحج . انا بس شوفتها امبارح لما كنت بسلم ع خالتى ام عصام . وكمان لما جت هنا امبارح بصراحه بنت مؤدبه ومحترمه . وانا عايزها تكون مراتى فيها حاجه غلط دى ياحج !!؟

منصور : بنفاذ صبر . لا مفيهاش حاجه غلط. لكن محمد عمرو ما هيوافق ف انت ابعد من دلوقتي وبلاش تحط العقده ف المنشار .!!

حسن : بتصميم . انا هتقدم لسحر . وعايزك انت وام حسن تنزلوا معايا ..