رواية أحببتك ولكن (6) بقلم سهام صادق

رواية أحببتك ولكن بقلم سهام صادق الرواية حصرية لصفحة سحر الفيروز و موقع المحتوى **البـــــارتــــ العشــرون والحادي والعشرون ** ..... وقف حسام ورائها وقال بحب وانبهار: ـ نفسي أخدك دلوقتي وأخطفك وتبقي ليا أنا لوحدي... نظرت له هنا بضيق، ولكن كان قلبها يرفرف. حسام: خلاص... بعتذر يا ستي... آسف. رنا: حمد الله على السلامة يا أستاذ حسام، بجد الحفلة كانت هتبقى مش حلوة من غيرك. حسام : متشكر يا آنسة رنا... ثم قال لها إنهم خارج العمل ، ولا داعي من الألقاب، وابتسم لها. رنا: ماشي يااا... حسام: هااا؟ رنا بابتسامة: يا حسام. كانت هنا تتابع هذا الحوار بصمت... بدء قلبها يحثها على الغفران، ولكن عقلها كان يستوقفها ويقول لها: نسيتي عملوا فيكي إيه؟ إنتِ ما صدقتي ترجعي قوية من تاني وأقوى كمان... متضعفيش... حسام: إيه يا هنا؟ مش مبسوطة إنك شوفتيني؟ كادت هنا أن ترد، ولكنها فوجئت بقدوم شاهندة. شاهندة: أخص عليك يا حسام... كده أعرف من هشام وإنت متقوليش. حسام في نفسه: يخربيتك يا هشام، طول عمرك ما بتكملش حاجة. ثم نظر جهة هشام بحدة، الذي كان بجانبها، وقال: معلشي يا شاهندة، الحفلة خاصة بالمتدربين وبس، وأنا عاملها على شرفهم. شاهندة بابتسامة خبيثة: إزيك يا آنسة هنا؟ ثم قالت: ومبروك مقدمًا، أنا سمعت إنكم هتعملوا الخطوبة قريب... نظرت هنا نحو حسام بغضب، ثم ذهبت. حسام وهو يقترب من هشام ويهمس له: ربنا يسامحك يا شيخ. وقبل أن يرد هشام، انصرف حسام ورائها. ..... رنا: في إيه يا هنا؟ ما هو حسام فعلًا اتقدملك. هنا بغضب: وأنا موفقتش... هو خلاص اتكتب على اسمي؟ ناقص يقولوا المدام. رنا بدعابة: ياااارب ياختي تبقي المدام... ثم قالت لها بضحك لكي تخرجها من تلك الحالة: بس هشام ده عسول أوي... متسأليلي حسام هو مرتبط ولا لأ. هنا بحدة: يييييه وأنا مالي بحسام؟ هو إنتِ كمان هتعصبيني؟ رنا: خلاص يا ساتر... ده إنتِ على رأي عمو محمود بقيتي خنيقة... إنتِ مكونتيش كده... إيه اللي حصلك؟ .................................................. بدأت أجواء الحفلة، وبدأوا الشباب والبنات بالرقص والضحك...وقف حسام ينظر إليهم ويبتسم. هشام بدعابة: فكروني بأيامنا... بس طبعًا مكبرناش إحنا، لسه شباب برضوه إيه... 29 سنة... لسه برضوه شباب. حسام بدعابة: بس كرشك طلع يا هشام... وضع هشام يده على بطنه وقال بمزح: اصمله عليك، ما إنت كمان طلعلك كرش. حسام بضحك: نعم نعم، فين ده؟ ده أنا جسمي رياضي بطل غيره. ثم نظروا لبعض لما يفعلانه ويقولانه، وبدأوا يضحكون على نفسهم... في تلك اللحظة لمح حسام هنا تخرج من باب القاعة. هشام وهو يغمز له: فرصتك لوحدها أهو... أومال إنت عامل الحفلة ليه؟ مش عشانها؟ حسام بهمس: بس خد بالك من شاهندة، دي عاملة زي عفريت العلبة... وهتنطلي. هشام: لا متخفش يا كبير... أهي ملهية في الرقص مع الشباب. حسام: مخافش؟ أومال مين اللي قالها على الحفلة؟ هشام: خلاص بقى يا حسام... لا متخفش، المرة دي هاخد بالي. ذهب حسام وراء هنا... ولكن لم يجدها وحدها كما يظن... فقد وجدها مع محمد، يقفان معًا ويتسامران ويضحكان. كانت هنا تعلم أن حسام سيخرج وراءها، لذلك فعلت ذلك... وكان محمد يعلم تمامًا أنها تفعل ذلك لتستفز رئيسه. نظر محمد لهنا بنظرة ذات معنى... التفتت هنا للوراء، ووجدت حسام ينظر لهما بغيرة. حسام وهو يضغط على أسنانه: بتعملوا إيه هنا... وسيبين الحفلة؟ وقبل أن ترد هنا، استأذن محمد ورحل، فهو لا يرغب بأن يكون سببًا في حدوث مشكلة بينهما أو استفزاز حسام. ولكن كانت توجد عيون أخرى تتابعهم... إنها شاهندة. ابتسمت شاهندة بخبث وقالت بشر: أنا عرفت دلوقتي هعمل إيه... ثم ابتعدت. حسام بحدة: مقولتيش... إيه اللي خلاكي تسيبي الحفلة وتطلعي بره؟ وإيه اللي موقفك مع محمد، وعمالة تضحكي ومبتسمة كده؟ هنا باستفزاز: أظن شيء يخصني، وأنا حرة. وقبل أن يرد حسام عليها، رن هاتف هنا. هنا بخضة: أيوه يا دادّة... في حاجة حصلت؟ الدادّة بدموع: باباكي تعبان أوي يا هنا... الحقيني يا بنتي... إحنا في المستشفى. هنا بدموع: حسام، الحقني... بابا تعبان أوي وفي المستشفى. أسرعت هنا وحسام إلى المستشفى. حسام: خير يا دكتور... إيه اللي حصله؟ الدكتور: قولتله كذا مرة... بلاش تتعصب وتضايق نفسك، غلط على القلب. هنا ببكاء: طيب هو دلوقتي كويس؟ الدكتور براحة: الحمد لله، جات سليمة... بس خلوا بالكم منه كويس، وبلاش تخلوا حاجة تضايقه. هنا: حاضر. حسام بحنان ولين: خلاص بقى، بلاش بكي... إحنا اطمينا عليه، والحمد لله بقى كويس... هنا بتوتر: أنا هروح أطمن عليه... ثم قالت بابتسامة: متشكرة أوي يا حسام. مرت الأيام، وتحسنت حالة والد هنا، وكان حسام دائمًا بقربها، حتى إنها بدأت تقترب منه مرة أخرى، ورجع شعور الأمان اتجاه حسام... ولكن ما زالت تضع الحصون أمام قلبها، فهي لا تريد أن تعيش نفس المعاناة وتتصدم بيه ثانية. رنا: وعمو محمود، أخباره إيه دلوقتي؟ هنا بارتياح: الحمد لله... أحسن كتير... كنت قلقانة عليه أوي، بس الدكتور أكدلي إنه بقى كويس. رنا بارتياح: الحمد لله... ثم قالت لها: بس حسام بجد شخص كويس جدًا... فكري يا هنا ورجعي حساباتك، وبلاش عند... لو ضاع منك حسام، صدقيني هتندمي... وبلاش الكره ده اللي من غير أسباب. نظرت لها هنا بتفهم ولم تتحدث، ثم قالت: طيب هاتي بقى الملفات، أروح أنا أسلمهاله المرة دي. رنا بدعابة: يااااا الحمد لله، أخيرًا اترحمت. هنا بابتسامة: لااا، متخديش على كده... بس أنا هروح أشكره، وبالمرة بقى أدهومله. رنا بصوت منخفض: ربنا يهديكي يا هنا... ذهبت هنا إلى حسام. هنا: اتفضل الملفات يا مستر حسام. حسام وبعد أن أخذ منها الملفات: عمي محمود... أخباره إيه النهارده؟ أنا وبابا جايين له النهارده بليل إن شاء الله. هنا بابتسامة (لم يعتد عليها حسام ): الحمد لله بقى كويس، وبجد شكرًا على وقفتك معانا يا حسام. حسام: متقوليش كده... عمي محمود زي والدي. هنا بابتسامة: بجد شكرًا مرة تانية... عن إذن حضرتك. حسام: هنا... ممكن تقبلي إننا نتغدى سوا النهارده؟ هنا: مش هقدر... عشان بابا. حسام: هستأذن منه... ومش هنتأخر متقلقيش... وكمان يا ستي أنا مسافر فرنسا شهر... وهسيبك شهر، بعيد عن رخمتي وفرض نفسي عليكي. هنا بمرح: ماشي موافقة... بس هتعزمني على بيتزا وتجبلي عصير مانجا. حسام بضحك: بيتزا؟... ماشي يا ستي، اللي إنتِ عايزاه. ذهبت هنا لتبلغ رنا أنها ستذهب للغداء مع حسام. رنا بدعابة: يا سيدي يا سيدي... هنا: بس بقى اتلمي شوية... وكمان أنا اتحرجت أرفض. رنا بدعابة: اتحرجتي برضوه؟ ولا بقى قلبك يميل؟ هنا بضحك: ه متحلموش إني هوافق وهتجوز. وأخرجت لسانها ثم قالت: مجرد أصدقاء وبس. لكن تحدثت في نفسها: كدابة يا هنا... إنتِ بتحبيه بس بتعاندي مع نفسك، وهتفضلي كده لحد إمتى؟ رنا: طيب ياختي، بكره تندمي... بت معقدة فعلًا. ذهبوا لأحد المطاعم المتخصصة بالبيتزا، كما طلبت هنا. حسام وهو ينظر لها: بيتزا ولا غيرتي رأيك؟ هنا بطفولة: طبعًا بيتزا... يلا بقى أنا جعانة جدًا يا حسام. حسام بابتسامة: حاضر... لأحسن تاكليني... ثم تذكر يوم ما كانوا في العين السخنة، وكانت تمزح معه بنفس الطريقة. حسام لنفسه: يا رب تفضلي كده... متعرفيش أنا قد إيه بفرح لما بحس بقربك... هنا: هو إنت هتسافر شهر ليه؟ حسام: شوية شغل... ولازم أروح بنفسي أخلصهم. هنا: شهر؟ حسام بابتسامة عذبة: إيه؟ هوحشك؟ هنا بمشاكسة حتى تداري توترها : لا، بس عشان نغيب براحتنا بقى، ومحدش يقولنا هاتوا ملف، راجعوا صفقة، اعملوا كذا... شوفوا الأخطاء... ثم ابتسمت. حسام: مممممممم ماشي يا ستي، هريحكم مني... بس مافيش غياب برضوه. هنا بطفولة: لااا، هنغيب ونفلسع كمان من الشركة بدري. حسام بضحك: بتعامل مع طفلة يا ربي. هنا برقة: إذا كان عاجبك. حسام (وهو يتظاهر بالخوف): عاجبني يا ستي... ويلا كلي بقى، مش عمالة تزني عايزة بيتزا، عايزة بيتزا... هنا بضحكة خفيفة: ماشي هاكل آه... وهاتلي عصير مانجا بقى. حسام بابتسامة: حاضر... انقضى اليوم سريعًا، وكان في غاية الروعة بالنسبة لهم، وبالأخص على حسام... واستبشر من هذا خيرًا، وقرر أن يفتح الطلب اليوم مرة أخرى مع عمه محمود، قبل أن يسافر. ولكن قرر قبل أن يفتحه مع عمه محمود أن يسألها أولًا. أوصلها حسام إلى الفيلا ، وقبل أن تفتح باب السيارة... حسام: هنا... مش عايزة حاجة أجيبهالك من فرنسا؟ هنا بعد تفكير : هاتلي شوكولاتة. حسام بضحك: يا سلام... فرنسا وعايزة شوكولاتة؟ طيب ده طلب سهل أوي، ما أجيبهالك من هنا. هنا بمشاكسة ومرح : مش عارفة... هي مش فرنسا مشهورة بالشوكولاتة برضوه؟ يعني عما أظن. حسام بضحك على طريقتها: عما أظن... طيب يا ستي، مش عايزة حاجة تانية؟ هنا بابتسامة: تروح وترجع بالسلامة. تنهد حسام وقال بعد أن رأي بصيص الأمل : هنا... هو أنا ممكن أفتح طلبي تاني مع عمي محمود؟ هنا (وهي كانت لا تود أن تقول له ذلك، ولكن هيهات، فعنادها ما زال مسيطرًا عليها): خلينا أصدقاء يا حسام، كده أحسن لينا. حسام بحزن ثم ابتسم لها: اللي يريحك... وبرضوه هسيبك لغاية لما تقرري وتحبيني... ثم أضاف: أتمنى تحبيني بدل الكره اللي بقى طاغي عليكي كده، ولا إنتِ بتعاندي؟... نفسي أعرف السبب. صمتت هنا، ثم ذهبت دون أن تقول شيئًا... بقلم سهام صادق رواية أحببتك ولكن ### البـــــارتـــــــ الثـــاني والعشرون فاقت هنا من ذكرياتها المريرة مرة أخرى والتي تذكرت فيه كل حدث بينهما. نعم، هي تظاهرت أمام الجميع بأنها تكرهه جدًا، رغم أنها تعشقه لأبعد الحدود... ولكنها ظنت أن ما تفعله هو ردٌّ لكرامتها وكبريائها لما فعله بها. وبالرغم من أنها كانت لابد أن تواجهه بما رأت لكنها تمنعت عن هذا بسبب خوف أخر داخلها هو أن يكون زواجها من حسام مجرد صفقة، وأنه بعد الزواج سيستمر في نزواته، وأن حبه لها مجرد وقت فقط إلى أن ينال ما أراد. جلست شاردة الذهن ، بينما كانت الذكريات تتزاحم داخل عقلها مجدداً، وكأن قلبها يرفض أن يصدق أن كل ما حلمت به قد ينتهي بهذه الصورة. هنا لنفسها بحسرة: ـ ليه يا حسام عامل فيا كده؟ أنا كنت خلاص هرجع أضعف تاني ليك... كنت هوافق على الجواز لما كنت ترجع من السفر. كنت هقرب منك وأنسى اللي فات... ثم قالت ببكاء: ـ ليه يا حسام؟ ليه عملت فيا كده؟ في تلك الأثناء، رن هاتفها، فمسحت دموعها سريعًا وردت على رنا. رنا بعتاب: ـ ممكن أفهم حضرتك مجتيش النهارده ليه؟ ولا إنتي أخدتي على الكسل؟ وكادت أن تكمل عتابها، فقاطعتها هنا قائلة: ـ كنت تعبانة شوية يا رنا... ثم قالت لها: أنا محتاجاكي بكرة أوي معايا. بكرة حسام جاي هو ووالده يتقدم رسمي. رنا: ـ مبرووووك يا حبيبتي، بس لآخر مرة بسألك... في حاجة غيرت رأيك؟ إيه السبب؟ صدقيني، أنا بتمنى إنكم بجد تتجوزوا؛ لأن حسام فعلًا بيحبك. ثم قالت بقلق: ـ بس خايفة تكوني إنتي لأ... وتندمي. هنا: ـ صدقيني مفيش حاجة، بس لما حسام بعد عني وسافر شهر، خلاني أفكر مرة تانية... وأنا مقتنعة بيه. رنا بفرح: ـ ربنا يسعدك... ومن بكرة يا جميل هجيلك. ثم قالت لها: وكمان أنا شكلي هحصلك... هشام طلب إيدي. "طبعًا عارفين مين هشام." هنا بفرحة: ـ مبرووووك يا رنون يا حبيبتي. رنا بدعابة: ـ شكلنا مش هنفترق عن بعض... ولازقين لبعض. هنا: ـ بجد أنا مبسوطة أوي. ثم قالت: بس أوعي تتأخري عليا. رنا: ـ إن شاء الله... أنا هقفل بقى عشان هشام على الـwaiting. هنا بدعابة: ـ الله يسهلك يا عم. رنا بضحك: ـ هو إحنا نيجي حاجة جنبك؟ إنتي وحسام! وأخيرًا وافقتي ورضيتي. هنا بحزن: ـ طيب ياختي روحي شوفي هشام بقى. أنهت الفتاتان المكالمة، ثم قامت هنا لتصلي وتدعو ربها أن يختار لها الخير، ويجعلها تنسى ما حدث لها... ولكن هيهات، كيف تنسى ذلك؟ ... باليوم التالي، تقف هنا أمام المرآة، بينما تساعدها رنا والدادة في الاستعداد، والفرحة واضحة على وجهيهما، على عكس قلبها هي والذي كان يخفي الكثير من الألم. رنا: ـ بجد قمر يا هنا... ربنا يسعدك يا حبيبتي. الدادة ببكاء: ـ أخيرًا هشوفك عروسة يا حبيبتي... نظرت لهما هنا ببكاء، ولكن رنا قالت لها: ـ حرام عليكي يا شيخة، هتبوظي كل اللي عاملاه! وجاء محمود في تلك اللحظة، واحتضنها، وقال: ـ أنا فرحان أوي يا هنا إنك وافقتي على حسام، بالرغم إني مستعجب من موافقتك السريعة دي والغريبة... بس بجد حسام هو الوحيد اللي أقدر أستأمنك معاه. هنا بحزن لنفسها: ـ تستأمنّي معاه؟ آه لو تعرف اللي استأمنته على بنتك عمل فيها إيه... محمود بابتسامة: ـ إنتي نمتي يا بت ولا إيه في حضني؟ يلا، مستنيينك تحت. نزلت هنا مع والدها، وعندما رآها حسام أبعد نظره عنها سريعًا، وكأنه يخشى أن تفضحه عيناه أمام الجميع. عبدالله: ـ قمر يا حبيبتي، ما شاء الله. ثم وجه حديثه لمحمود: ـ تعالى نسيبهم شوية يا محمود يتكلموا ويتفقوا مع بعض. نظرت هنا إلى والدها بخوف، وقد أحس والدها بذلك، فابتسم لها مطمئنًا وقال: ـ إحنا هنقعد هنا يا حبيبتي، بس هنسيبكم تتكلموا شوية. ثم قبلها من جبينها وتركها وذهب. حسام، وهو لا ينظر إليها، قال بحدة: ـ بس طلعتي بتخافي على باباكي. ثم ضحك بسخرية: ـ ومتقلقيش، هي سنة جواز وننفصل أصلًا... إنتي خلاص بالنسبة ليا انتهيتي. ثم قال بحدة: ـ وتقريبًا اللي كنت عايز آخده أخدته. كان يقول حسام ذلك وقلبه يعتصر ألمًا، لكنه كلما تذكر ما رآه، زاد وجعه منها، وتحول حبه الكبير إلى غضب يريد أن يذيقها منه. **فلاش باك...** كان حسام يجلس مع صديقه هشام، يحكي له بألم عما حدث بعدما طلب من هنا للمرة الثانية أن يتقدم لخطبتها، لكنها قالت له: ـ خلينا أخوات أحسن يا حسام. هشام بأسف على حال صديقه: ـ مش عارف أقولك إيه... بس كويس إنك مسافر، وحاول تشغل بالك شوية عنها، وريح أعصابك... وسيب بقى القدر يجمعكم لو ليكوا نصيب في بعض. حسام: ـ عندك حق... لو لينا نصيب إننا نكون لبعض، القدر أكيد هيجمعنا، زي ما خلاني أشوفها صدفة وأحبها، وأرجع أحب من تاني... وكويس إني هسافر عشان أبعد شوية عنها، وأبطل أفرض نفسي عليها... وأنا خلاص قررت أسيب كل شيء للأيام. سافر حسام، وكان هذا ما ينوي فعله؛ أن يترك كل شيء للأيام والقدر. حتى إنه لم يحاول الاتصال بها، لكي لا يستمر في تعليق نفسه بخيوط أمل وهمية، ولكن مع ذلك كان هناك خيط رفيع يجعله يشعر بأنها ستصبح زوجته... ولكن... لم يعد يحلم كما كان، فهذا الحب قد أنهكه كثيرًا وأتعبه. وعندما عاد... شاهندة ببكاء: ـ ألحقني يا حسام، بجد أنا محتاجالك... أرجوك تعالى. شعر حسام بالقلق من صوتها، فمهما كان يكرهها، فهي الآن بحاجة إليه: ـ طيب إنتي فين يا شاهندة؟ أخبرته شاهندة عن مكانها، وذهب لها حسام سريعًا. رآها تجلس على إحدى الطاولات، وكانت طاولتها ـداخل المطعم الذي تنتظره فيه ـ وجهتها نحو الطريق. وقبل أن يسأل شاهندة عن سبب بكائها، رأى هنا تخرج من سيارة أجرة. وقف محدقاً بها حتى وجدها تدخل إلى البناية التي تكون في الجهة الأخرى. ترك حسام شاهندة وغادر المطعم بخطوات عجولة، ركضت شاهندة ورائه وأخذت تناديه، ولكنه لم يعِرها أي ردة فعل. ظل حسام يقف أسفل البناية ينتظرها، ولكن فضوله جعله يسأل حارس البناية عنها. حسام: ـ هي الآنسة اللي لسه داخلة من نص ساعة دي، جت قبل كده؟ البواب: ـ إييييييييه، كتيييير يا بيه. حسام: ـ طيب متعرفش بتطلع لمين؟ البواب: ـ استغفر الله العظيم، بس إحنا عندنا ولاية يا بيه، ومينفعش أتكلم عن بنات الناس. همّ حسام أن يمسك به ويتخانق معه، لكن شاهندة أسرعت قائلة: ـ بس يا حسام... بالراحة. البواب وهو يكح: ـ بتطلع لأستاذ محمد. حسام، وقد صُعق من هذا الاسم: ـ محمد؟ شاهندة بابتسامة وهي تحاول أن تخفيها: ـ خلاص بقى يا حسام، يلا... بدل ما ينزلوا ويشوفونا. حسام، وهو ما زال تحت تأثير الصدمة: ـ ليه يا هنا؟ يبقى هو ده السبب؟ عشان عايزة حد غيري؟ طيب مقولتليش ليه؟ إنتي فعلًا متستهليش حبي ليكي. ثم نظر إلى شاهندة باحتقار وذهب. حسام لنفسه: ـ ماشي يا هنا... --- ### البــــــــــــــارتـــــــ الثــــالثــــ والعشــــرون أفاق حسام من شروده، ثم نظر إليها، فوجدها تبكي في صمت، تحاول إخفاء ألمها. حسام بلا مبالاة: ـ إن شاء الله هنتجوز بعد شهرين، بعد ما تخلصي امتحاناتك... وهنسافر سويسرا. هنا بصدمة: ـ هنسافر؟ حسام بنفس نبرة اللامبالاة: ـ أيوه، عندي شغل هناك، ومش هوقف حياتي هنا. ثم قال لها باستهزاء: ـ هي سنة، استحمليها بقى. هنا بحزن: ـ أنا مش هسافر يا حسام. حسام بحدة: ـ أنا مش باخد رأيك، ده قرار... ولا إنتي عايزة تموتي أبوكي لو عرف؟ هنا باحتقار: ـ ياااااا، بتجيب اللوم عليا؟ وإنت اللي عامل فيا كده! مش مكسوف من نفسك ولا خجلان؟ تقتل القتيل وتمشي في جنازته! حسام بحدة واستخفاف: ـ خلاص، خلصتي اللي عايزة تقولي؟ روحي قولي لعمي محمود اللي حصل بينا. روحي موتيه بحسرته. هنا بعصبية: ـ أنا بكرهك يا حسام، بكرهك! ومش طايقاك! وبدأت بالبكاء، ثم مسحت دموعها عندما رأت والدها وعمها عبدالله قادمين. محمود بابتسامة: ـ ها يا ولاد؟ اتفقتوا على كل حاجة؟ وقبل أن ترد هنا، رد حسام: ـ أيوه يا عمي. هنعمل الخطوبة وكتب الكتاب بعد أسبوع، والفرح بعد شهرين، بعد ما تخلص هنا الامتحانات... وهنسافر سويسرا سنة. محمود وعبدالله بصدمة: ـ هتسافروا؟ ليه يا حسام؟ حسام لكي يهدئهما: ـ هي سنة بس، وهنرجع تاني... متقلقوش. صمتا هما الاثنان، وقالا: ـ ماشي يا ولاد... ربنا يصبرنا بقى على قراركم. كانت تنظر لهم هنا بصمت، بينما تحدثها نفسها بألم: ـ يااا هنا... بقيتي مجرد بيعة وحسام بيشتريكي، حتى مبقاش ليكي حق الاختيار زي أي بنت. ثم أضافت في نفسها بحزن: ـ بنت...؟! ذهب حسام وعبدالله بعدما اتفقوا على كل شيء. وصل حسام إلى بيته، وبينما كانا يتجه إلى الأعلى، استوقفه صوت والده. نظرت إليهما والدة حسام "السيدة ألفت" لكن نظرة زوجها لها جعلتها تكمل صعودها دون تدخل بينهما. عبدالله: ـ حسام، إنت فيك إيه؟ حاسس إنك مش مبسوط، ولا هنا برضوه كده؟ وكمان قررت فجأة تسافر. حسام، وهو يعطي ظهره لوالده حتى لا يشك أكثر: ـ أبدًا يا بابا، أنا وهنا مبسوطين جدًا، فوق ما تتخيل. ومتشتغلش بالك يا حبيبي، وكمان هي سنة بس... هنهي كل شغلي هناك وأرجع إن شاء الله. ثم استكمل صعوده إلى غرفته، وبدأ يسرح مرة أخرى في ذلك اليوم.. بعد أن ترك حسام شاهندة، ذهب إلى مكان خالٍ وأخذ يصرخ: ـ ليه يا هنا؟ ليه عملتي كده؟ خونتيني ليه؟ هو أحسن مني في إيه؟ للدرجة دي كنت مغفل ومش واخد بالي من علاقتكم ببعض؟ ثم ضرب بيديه على مقدمة السيارة، وقد عجز عن إخراج الألم من صدره. ـ للدرجة دي كنت مخدوع فيكوا؟ إنتوا الاتنين... وعاملين قدامي ملايكة! ثم قال بوجع: ـ بس هوجعه فيكي يا هنا... .... في صباح يوم جديد، ذهب حسام إلى الشركة، وعندما وصل وجد هنا ومحمد في المكتب، وكانا بمفردهما. نظر لهما باحتقار، ثم ذهب. محمد باستغراب: ـ هو ماله حسام؟ شكل السفارية حصل فيها حاجة ولا إيه؟ مش مبسوط ليه؟ هنا بنفس الاستغراب وتحدثت في نفسها: ـ دي أول مرة حسام يشوفني بعد رجوعه من السفر ، وميقولش ليا حاجة ولا يسلم عليا. وابتلعت ريقها وقالت بصوت مسموع: ـ مش عارفة... بعد ما أفهم الشرح من حضرتك هروحله أشوف ماله، تكون رنا جت وتكمل بدالي. محمد: ـ طيب يلا نكمل. ثم قال لها: ـ صحيح يا هنا، أنا مش عارف أشكرك إزاي، بجد لو كان ليا أخت مكنتش عاملت معايا كده. مي بقت تحبك أوي، وإنتي الوحيدة اللي بتعرفي تهديها. ثم أردف بأسف: ـ لما النوبة بتجيلها... هنا: ـ متقولش كده... أنا بعتبرها أختي الصغيرة. يلا بقى كمّل شرح، عشان أفهم، ولا هتستكتر فيا خبرتك؟ محمد بابتسامة: ـ لأ طبعًا. ثم أكمل شرحه. ..... نذهب إلى مكتب حسام... كان حسام يقلب الملفات التي أمامه بغضب واضح... حسام بعصبية: ـ يعني إيه الملفات لسه مخلصوش مراجعتها؟ إحنا إيه بنلعب؟ أنا عايز كل ملفات احسابات السنة. مش أغيب شهر وأرجع ألاقي الإهمال ده كله! رزان بخوف منه، فهذه أول مرة يكون بهذا الشكل... هو جاد في العمل، ولكن ليس بهذا الشكل المخيف: ـ هكلم أستاذ محمد، هو المسؤول. حسام بعصبية: ـ اتفضلي. ذهبت رزان لتبلغ محمد بذلك، ولكن هنا طلبت منه أن تذهب مكانه وتسلمه مراجعة الحسابات. محمد بابتسامة: ـ ماشي يا ستي، ما إنتي خلاص بقيتي فاهمة الشغل. وقبل أن تذهب، جاءت رنا. هنا: ـ حمد لله على السلامة يا أستاذة... كل ده تأخير؟ رنا بتعب: ـ ما أنا قولتلك، هروح الجامعة عشان أشوف إمتى التدريب هيخلص، عشان الامتحانات قربت. هنا بتساؤل: ـ ها؟ وقالولك إيه؟ رنا بحزن: ـ الأسبوع ده آخيرنا، عشان نلتفت لتخرجنا بقى. ثم قالت: ياااا، خلاص هنرجع لبهدلة الجامعة تاني. أصاب الحزن هنا أيضاً على قرب أنتهاء التدريب لكن ابتسمت وقالت: ـ مستر حسام قال إنه هيختار مننا كام واحد يتعينوا، يمكن نكون منهم. رنا بتمني: ـ يااااااارب. اتجهت هنا إلى غرفة مكتب حسام وهي تحمل الملفات، وقد اتخذت أمر الملفات حجة. هنا بابتسامة: ـ حمد لله على السلامة. حسام، ولا يوجد على وجهه أي تعبير، وينظر في حاسوبه الشخصي: ـ الله يسلمك، خير يا آنسة هنا؟ هنا لنفسها: ـ آنسة هنا؟ هي دي المقابلة؟ ثم قالت بجدية: ـ الحسابات اللي حضرتك طلبتها. حسام بحدة: ـ أظن أنا طلبت ده من أستاذ محمد. هنا بإحراج: ـ أصل أنا يا فندم طلبت منه أسلمهم لحضرتك. حسام بعصبية: ـ لو حضرته مش قادر ييجي، يتفضل يقعد في بيتهم. هنا بصدمة، وكادت أن تبكي من طريقته في الكلام. حسام بحدة: ـ اتفضلي ابعتهولي. غادرت هنا وهي مصدومة من طريقته معها ، حتى ان رزان، التي سمعت صوته العالي ، كانت مصدومة هي الأخرى. ... رنا: ـ مالك يا هنا؟ فيه إيه؟ هنا، وهي تحاول أن تخفي ما بها: ـ مفيش، عادي... بس حاسة بصداع. رنا بابتسامة: ـ ماشي يا حبيبتي. ثم نظرت هنا إلى محمد وقالت: ـ مستر حسام عايز حضرتك. ذهب إليه محمد، وبعد ربع ساعة عاد، وكان وجهه لا يبشر بالخير ثم جلس على مكتبه في صمت دون أن يتحدث. علمت هنا أنها السبب فيما حدث، فلولا ذهابها ما كان حدث هذا. قالت لنفسها: ـ إن شاء الله هحاول أصلح اللي حصل. مرّ هذا الأسبوع الأخير في التدريب بصعوبة على حسام، وعلى هنا أيضًا... وفي آخر يوم تدريب، اجتمع حسام بالطلبة، وشكرهم على اجتهادهم، وتمنى لهم التوفيق، وقال لهم: ـ أنا لسا على وعدي، بس خلصوا امتحاناتكم، وهتعرفوا بعدين مين اللي اخترته. ثم نظر إلى هنا ومحمد باحتقار. وبعد أن ذهب الجميع، نادى حسام على هنا. حاول أن يكون طبيعيًا معها، وقال: ـ حفلة افتتاح الفندق الجديد، اللي بين شركتنا وشركة باباكي، آخر الأسبوع... يا ريت تيجي. هنا بابتسامة: ـ آه، بابا قالي عليها، وإن شاء الله جاية. نظر لها حسام، ثم قال: ـ خلاص، خلصت اللي كنت عايز أقوله. تقدري تتفضلي. نظرت إليه هنا بدهشة ثم أسرعت بطرد ما يدور في رأسها فربما تكون معاملته الفظة بسبب ضغط العمل عليه. وجاء يوم حفل الفندق..... --- البـــــــــــــــــارتـــــــــ الـــــرابـــــــع والعشـــــــرون كانت هنا تنتظر الحفلة بفارغ الصبر، ولكنها لو كانت تعلم ما سيحدث لها، لكانت رفضت الذهاب... كانت هنا مثل الملاك في فستانها وحجابها، وكانت فرحة جدًا، فاليوم سترى حسام، فهي قد اشتاقت إليه حقًا خلال هذا الأسبوع. كانت تنتظر تلك اللحظة بفارغ الصبر، فقط لتراه... ذهبت هنا مع والدها إلى ذلك الافتتاح، وكان معهم رنا. هنا ورنا بانبهار: ـ بجد جميل أوي التصميم! محمود بابتسامة: ـ طب تعالوا يلا نسلم على عمكم عبدالله. ذهبت الفتاتان معه، ثم تركوهما، فقد بدأوا في الحديث عن أعمالهم. رنا وهي شاردة: ـ بس جميل أوي أوي الفندق. هنا وهي تنظر إلى ما تنظر إليه رنا: ـ جميل موووت. ثم وكزتها بذراعها. رنا: ـ حرام عليكي... دايمًا بتحرميني من اللحظات الحلوة، آهئئئئئئئ! هنا وهي تضحك عليها: ـ ما إنتي اللي مركزة مع سي هشام. رنا: ـ ركزي طيب إنتي مع حسام كمان... مش وحشك المناكفة معاه؟ ثم قالت وهي تضحك عليها: ـ مش بطيقك، ابعدي عني! وكانت رنا تقلد طريقة هنا. هنا بعصبية: ـ رخمة والله... ركزي ياختي مع... وقبل أن تكمل حديثها، جاء إليهما هشام. هشام بابتسامة: ـ واقفين لوحدكم ليه؟ رنا وهنا: ـ نعمل إيه بقى؟ جايين حفلة، كلكم عمالين تتكلموا في البيزنس. هشام بضحك وهو ينظر إلى رنا: ـ تصدقوا صعبتوا عليا... وجيت أقف معاكم بدل الخنقة اللي عمالهالي حسام. ضحك الفتاتان بشدة على طريقة هشام، فهو شخص مرح للغاية. وكان حسام ينظر إليهم في تلك اللحظة، لكنه أبعد نظره عنهم سريعًا حتى لا تراه هنا ينظر إليها. شعرت هنا بأنها عَزول بين نظرات هشام ورنا لبعضهما، فاستأذنت لكي تذهب إلى والدها. هشام بصوت هامس: ـ بتفهم هنا الصراحة. رنا: ـ بتقول حاجة يا أستاذ هشام؟ هشام: ـ أستاذ إيه؟ على فكرة أنا مبحبش الألقاب، وكمان شايفاني كبير؟ ده هما فرق تسع سنين بس.... رنا بضحك على طريقته: ـ ماشي يا... هشام. وكاد هشام أن يكمل حديثه، ولكن أتى إليه أحد أصدقائه. هشام لنفسه: ـ يييييييه، مش وقتك خالص. واضطر أن يستأذن منها. .......................................................... هنا: ـ إيه؟ هو لحق؟ تفشطيه ولا إيه؟ رنا: ـ بلاش خفة... صاحبه جه وخده. هنا وهي تضحك على طريقتها: ـ معلش، بكرة تتعوض يا جميل. ثم نظرت هنا إلى حسام، ولكنها وجدته منشغلاً تمامًا مع الموجودين، ولا يعيرها أي اهتمام، حتى إنه لم يأتِ ليسلم عليها. هنا لنفسها: ـ اتغيرت أوي يا حسام بعد السفر... يعني لما جيت أحاول أبين مشاعري، إنت بتبعد عني. رنا: ـ مالك يا هنا؟ سرحانة في إيه؟ هنا بفتور ونظرت إلى الجهة الأخرى: ـ شايفة اللوحة اللي هناك دي؟ بجد تحفة. رنا: ـ تصدقي فعلًا. ثم قالت لها: ـ هو محمد مش جاي ولا إيه؟ هنا: ـ أنا اتصلت بيه أعزمه، بس اعتذر، عشان أخته مينفعش يسيبها الأيام دي بسبب الأزمة اللي بتجيلها. رنا بحزن: ـ ربنا يشفيها. وفي تلك اللحظة أتى محمود لهما: ـ ها يا ولاد؟ الفندق عجبكم؟ هنا ورنا: ـ جدًا... وعايزين إقامة لينا بقى يومين. محمود يضحك عليهن: ـ مش عارف هتكبروا إمتى، ده إنتوا خلاص كلها شهرين وتتخرجوا. هنا: ـ بس بجد يا بابا تصميم الفندق رووووعة. ثم قالت بدعابة: يا بشمهندس يا جميل إنت. محمود بابتسامة: ـ ماشي يا بكاشة... أنا هروح بقى. هتروحوا معايا ولا هتفضلوا شوية؟ هنا بخضة: ـ ليه؟ في حاجة وجعاك؟ تعالى يلا نروح المستشفى. محمود بضحك: ـ لا يا حبيبتي، مفيش حاجة... بس زهقت. اسهري إنتي ورنا شوية لو عايزين، وعمك عبدالله وحسام موجودين. هنا: ـ لأ، أنا هروح معاك. ثم نظرت إلى رنا، فعلمت أنها تريد البقاء، فقالت: ـ طيب خلاص يا بابا، هنفضل شوية. محمود وهو يقبل جبينها: ـ ماشي يا حبيبتي، وهبعتلك السواق بعد ما يوصلني يرجعلك عشان يوصلك إنتي ورنا. وذهب محمود. رنا: ـ الحمد لله إنك خدتي بالك، وأنا ببصلك وفهمتي. هنا بضحك: ـ عدي الخدمات بس. ظلتا الفتاتان تنظران إلى الموجودين، وكل هذا وحسام كان يختطف النظر نحو هنا من وقت لآخر، وعندما يجدها ستنظر إليه، يبعد نظراته عنها تمامًا. .......................................................... جاء هشام لهما ثانية، فاستأذنت هنا منهما لتطمئن على والدها. وكاد هشام أن يتحدث، ولكن رن هاتفه، فاستأذن من رنا وذهب ليرد على هاتفه. جاءت هنا وقالت: ـ راح فين هشام؟ رنا بغيظ: ـ موبايله رن وراح يرد عليه. وكادت هنا أن تمزح معها، ولكنها صمتت عندما رن هاتف رنا. رنا: ـ أيوه يا ماما... طيب جاية حالًا. هنا بقلق: ـ في إيه يا بنتي؟ رنا، وهي تأخذ حقيبتها لتذهب: ـ بابا تعب شوية... أنا ماشية بقى. هنا: ـ استني، جاية معاكي. هتصل بالسواق أشوفه جه ولا لسه. رنا وهي ترحل: ـ مفيش داعي يا هنا... استنيه إنتي، وأنا هاخد تاكسي وهبقى أطمنك. ثم رحلت. قررت هنا أيضًا الرحيل، ولكن استوقفها منظر تلك الفتاة التي ذهبت إلى حسام وكانت تصافحه بحرارة. هنا بغيظ: ـ الله الله، عال أوي يا سي حسام! طب مش هسيب الحفلة بقى. وظلت تنظر إليهما من بعيد. هنا لنفسها: ـ يعني أخلص من شاهندة، تجيلي إنتي؟ وبينما كانت تتابعهما ، انتبهت على صوت النادل: ـ اتفضلي يا آنسة، العصير. كانت هنا سترفض، ولكن عندما رأت مشروبها المفضل، المانجا، أخذت الكوب وبدأت تشرب منه. لم تمر سوى دقائق حتى أحست هنا بدوار خفيف، وفجأة شعرت أن الدوار يزداد، وأنها ستسقط على الأرض. اتجهت إلى حسام وأمسكت يده. نظر إليها حسام بابتسامة، وترك من كان معهم. حسام: ـ مالك يا هنا؟ فيكي حاجة؟ هنا بتعب: ـ مش عارفة يا حسام... حاسة إني دايخة وهقع... ممكن تروحني؟ أخذها حسام، ثم صعدا إلى أعلى. هنا بتعب شديد: ـ هو إحنا رايحين فين؟ ده مش باب الخروج. حسام: ـ هطلعك أوضة من أوض الفندق، وهطلب الدكتور يشوفك. هنا: ـ لأ، أنا كويسة يا حسام... روحني بس. حسام: ـ ممكن تسكتي خالص؟ إنتي مش شايفة منظرك؟ كادت هنا أن تسقط، فحملها حسام ودخل بها إلى الغرفة، ووضعها على الفراش، ثم ذهب وأغلق الباب. هنا بتعب، ولا تستطيع الحركة: ـ أنا عايزة أروح يا حسام... حاولت أن تقوم من على الفراش ولكن كان تأثير المخدر عليها شديدًا، فسقطت مرة أخرى. نظر لها حسام بنظرة خالية من المشاعر، ثم اقترب منها وجلس بجانبها على الفراش. حسام: ـ متخافيش يا حبيبتي. هنا: ـ حسام، روحني... مش عايزة دكتور. ثم أمسكت يده بوهن.... أخذ حسام ينظر إليها بنظرة متفرسة ، وكاد أن يتراجع عن استكمال خطته، ولكن غضبه سيطر عليه. بدأ عقله يردد: ـ هتسيبها لمحمد؟ هي فضلته عنك... مقدرتش حبك وخوفك عليها... وظل الصراع داخله يزداد، لكنه لم يدرك أنه بذلك يظلمها ويظلم نفسه أكثر. حسام بصوت عالٍ: ـ بس خلاص! كفاية! ثم بدأ يقترب منها. كانت هنا تشعر بكل ما يدور حولها، ولكنها لا تستطيع الحركة أو فعل شيء، فهي نصف مغيبة. أخذ حسام يقترب منها، وأحست بأنفاسه قريبة منها. هنا بصوت متعب للغاية: ـ إنت هتعمل إيه يا حسام؟ ابعد عني... أرجوك. ظلت تقاوم، ولكن لا فائدة، فهي ضعيفة للغاية بسبب المخدر، ولا تستطيع الدفاع عن نفسها. هنا، وهي تحاول إبعاده بضعف ودموعها تنهمر: ـ سيبني يا حسام... كان حسام مغيبًا تمامًا، غارقًا في غضبه وأفكاره، لا يشعر بحجم ما يفعله بمحبوبته، ولا بالذنب الذي يقترفه بحق الله وبحقها. ولكن هيهات... فقد أصبح الانتقام مسيطرًا عليه، ولو كان يعلم أنه ينتقم من نفسه قبلها، لتراجع عن ذلك. فقد السيطرة على نفسه، وانتهى الأمر بصورة تركت في قلب هنا جرحًا لن يكون من السهل أن يلتئم. صرخت هنا بشدة، ثم فقدت وعيها تمامًا. أفاق حسام إلى حقيقة ما فعله، وظل ينظر إليها بحسرة، ثم رأى آثار الد،،،ماء على الفراش. حسام بألم شديد: ـ سامحيني يا هنا... إنتي السبب... إنتي اللي اضطرتيني أعمل فيكي كده. ظل حسام ينظر إليها وهي نائمة، ويحاول أن يكون مستعدًا لتلك اللحظة التي ستفيق فيها..... بدأت هنا تتحرك على الفراش بضعف، ثم نظرت حولها، فوجدته يقف أمام المرآة ويهندم من ثيابه رواية أحببتك ولكن.... بقلم سهام صادق لمتابعه بقية الحلقات، تابع صفحة سحر الفيروز.

رواية أحببتك ولكن (6) بقلم سهام صادق

الرواية حصرية لموقع المحتوى

اترك تعليقاً إلغاء الرد

مقالات ذات صلة

رواية نفوس قاسية(الفصول الأخيرة) بقلم منى أحمد حافظ

رواية مزيج العشق(الفصل الأول إلى الحادي عشر)بقلم نورهان محسن | New Episode – Read Online

رواية ظنها د.مـ,ـية بين أصابعه (الفصل الواحد والتسعون إلى الرابع والتسعون) بقلم سهام صادق | New Episode – Read Online

حكاية عطر و ياسين (الجزء الأول)بقلم ملك إبراهيم | Social Fiction Series

رواية زواج من أجل ذنب(الجزء الأخير) بقلم نيفين عبدالسلام | Complete Novel – Reading App

رواية لأنها استثناء(الفصل الأول إلى الثامن)بقلم سنيوريتا ياسمينا احمد | New Episode – Read Online

اترك تعليقاً إلغاء الرد