رواية ملحمة الحب (الجزء الأول)بقلم حليمة عدادي

نيار : أنا لقيت صهيب هنا ودوه للدكتور بسرعه ..

شالوا صهيب وهي راحت لمكان الزعيم علشان تستنى وصوله
وصلت عربيه سودا نزل منها الزعيم
نيار : اهلا بيك يازعيم ..

الزعيم : نيار في إيه أنا شايف الجو متوتر ..

نيار : تعالى يا زعيم ارتاح ونتكلم ..

الزعيم بعصبية : مافيش زفت راحه قصي الغبي ضيع الشحنه والنهاردة هيكون عقابه على إيدي اتكلمي إيه اللي حصل ..

نيار : أسر إتهجم عليا يازعيم وصهيب ضربه بالرصاص لكن بعدما أسر فاق وبقى كويس لقوة ميت ..

الزعيم : ميت إزاي ممكن يكون الزفت صهيب هو اللي قتله ..

نيار : يازعيم وقتها لاقينا صهيب واقع على الأرض وفاقد الوعي بعيد عن المكان ..

الزعيم : لا يا نيار إنتي مابقيتيش واخذ بالك زي الأول يلا نروح عند الدكتور وهو هيقولنا سبب موت أسر ..

********************************************

فاقت ميرا مفزوعه من الكابوس اللي شافته
ميرا : لاااااا أسد ..

زين : اهدي ياميرا إنتي كنتي بتحلمي ..

ميرا بدموع : أسد مات أنا شوفته أسد مات هو كويس ..

زين : اهدي هو كويس الحمدلله عدى مرحلة الخطر ..

ميرا : الحمدلله يارب ..

زين : إنتي خايفه عليه بالشكل دا ليه كان ممكن تستغلي وضعه وتهربي لكن انتي معملتيش كدا ..

ميرا : علشان هو هنا بسببي القناص كان قاصدني أنا مش هو ..

زين : مش إنتي السبب هما كانوا عايزين يأذوكي علشان ينتقموا من أسد ..

ميرا بدموع : أنا ماليش مكان أروحله حتى لو كنت عايزه أهرب أنا ماليش حد غيركم ..

زين : علشان كدا أسد كان مانعك إنك تخرجي لأن أعداءه شافوكي في بيته وهما عايزين يأذوه فيكي ..

ميرا : هو يفوق وأنا مش همشي خالص لحد ماتزهقوا مني هقعد على قلبكم ..

الدكتور جه ناحيتهم وقفوا
زين : نقدر نشوفوا يادكتور ..

الدكتور : الحمدلله هو فاق بس مش لازم يتكلم كتير هو لسه تعبان ..

ميرا : حاضر يا دكتور إحنا متشكرين ..

دخلوا عنده كان مغمض عينيه والتعب باين على وشه والأسلاك في صدره
زين : حمدالله على السلامه يابطل خضيتنا عليك ..

أسد : الله يسلمك ماتخافش أنا بخير ..

ميرا : حمدالله على السلامه أنا آسفه ..

أسد : آسفه على إيه ..

ميرا : علشان أنا السبب في إنك اتصبت لو مكنتش خرجت مكنش كل دا حصل ..

أسد : هو دا اللي كنت عايز أفهمهولك طول الوقت ودلوقتي إنتي حرة روحي مكان ما إنتي عايزة تقدري تمشي ..

زين : اهدى يا أسد الكلام مش كويس ليك إنت لسه تعبان ..