رواية عذبني حبك(الفصل الثامن إلى السابع عشر) بقلم إيمووو كمال | New Episode – Read Online

– عمو ممكن اتصور معاك

ينخفض ايهاب حاملها بين يديه محتضنها في حنو مرددا،،،

– ممكن انا اللي اتصور معاكي ياعسل، انتي اسمك ايه،؟

– اسمي جني

ايهاب مبتسما لها بحنان، ثم يقول،،،

الله اسمك حلو اوي ياجني، يالا اضحكي عشان طنط نور تصورنا

تتقدم والدة ووالد جني اليهم، ويقدمون الاعتزار لتصرف ابنتهم، ثم يلتقطون بعض الصور التذكاريه لهم، وينصرفون في هدوء، وقتها شعر بسعاده بالغه، وإيمتنان فعلا لنور فهي سبب في هذه السعاده، فشعر بكميه حب المعجبين له يفوق الخيال، ودعي ربه ان يدمها عليه نعمه محبه الناس، ثم خطر علي باله سؤال

– نور ممكن اسأل سؤال؟

نور تنظر له مؤكده،،،

– بالطبع بس انا عارفه انت عايز تسال ايه

إيهاب بتعجب؛ عارفه ازاي؟

نور : بلاش تسأل نور السؤال ده، لاني ببساطه حفظاك، انت بالنسبه ليا كتاب مفتوح بقرأه بكل سهوله

ايهاب بتحدي : طب قولي عايز اسال ايه

نور ببتسامه ونظرة ثقه تقول،،

– عايز تسأل انا ليه مغرتش من البنات اللي اتصوروا وضحكوا معاك، صح ولا انا غلط؟

ايهاب اتسعت حدقتاه، ثم قال لهابعدم تصديق متعجباً،،،.

مش ممكن يانور، انتي للدرجه دي بتقرأي افكاري وفهماني وعارفه عايز اقول ايه من غير ما حتي انطق بيه

نور بنظرة كلها حب وحنيه،،،

– واكتر بكتير، فوق ما عقلك يتصور، انا عشت سنين ادرسك وافهمك لحد ما حفظتك، حفظت كل تفصيله في حياتك

ايهاب ينظر لها بأعجاب شديد، ثم يردد،،،

– انتي مش معقول، انتي بجد نعمه ربنا ليا، ربنا يخليكي ليا يارب

نور بحب،،،،

– ويباركلي فيك ياعمري، يالا بقي نحاسب عشان نروح، احنا لازم نستعد عندنا سفر بعد يومين لازم نجهز كويس

إيهاب؛ يالا يانوري

وينتهوا من حساب مشترواتهم، ثم يستقلوا سيارتهم ويتجهون الي الفيلا، واثناء سيرهم تصمت نور وتدندن مع الاغنيه المذاعه في كاست السيارة فيلاحظ ايهاب جمال وسحر صوتها فيردد،،

-نور انتي صوتك جميل اوي، اول مرة اخد بالي، ليه مفكرتيش تغني قبل كده

نور تنظر له وتبتسم ثم تقول،،

– دي شهادة اعتز بيها جدا ، بابا لاحظ اني بغني حلو بس كان رافض اني ادخل المجال، كان خايف عليا، وانا احترمت رغبته، وركزت ازاي اشتغل واجتهد عشان اوصلك، انت كنت ومازالت هدفي الوحيد

إيهاب بابتسامه؛ ووصلتي يانور وشكلك هتكسبي الرهان، وهخسر لاول مره

نور بضحكه من كل قلبها،،