رواية فتاه على أبواب الجحيم(الفصل السادس عشر إلى الأخير) بقلم سندريلا أنوش | Complete Novel – Reading App

ساره وهي تعدل خصلاتها:اهو اللي حصل بقي..زمانهم معاه..لحد ما يفتكرونا نكون خرجنا برا مصر!
مجدي:انت اي يا شيخه شيطان.
ساره:متنساش نفسك يا مجدي انا اللي انقذتك من الإفلاس..ورفعتك لفوق تاني متنساش مين ساره الجويلي فاهم.

مجدي بتوتر:عارف يا حبيبتي.
نظر مجدي امامه وجد ثلاث سيارات تعترض طريقه..
ونزل عدي واشهر بسلاحه باتجاههم..
نظر في المرآة وجد اسطول سيارات تعترض طريقه من الخلف..

مجدي بحزم:اربطي الحزام يا حبيبتي عشان هنخبطهم خبطه بسيطه.
نزل امجد ودرغام وانور..ونظروا الي سيارة مجدي..
فقال امجد:هدوءه دا مش كويس.
درغام:ازاي؟

نظر امجد وجد مجدي يدير محرك سيارته ويفرمل في الارض بالإطارات فقال امجد بسخريه:كدا.

انطلق مجدي باندفاع قوي باتجاه عدي الذي بدء في ضرب النار ولكن لم يفلح فاقتحم مجدي بسيارته ذلك الصف وخرج منه مسرعاً..بعد ان حطم سيارة عدي..

عدي بصراخ:عربيييتيييي يابن الكلب جايبها بالمرتب اللي حيلتي.
ضرب امجد رأسه بيده ثم صعد الي سيارته وتحرك الي عدي..
امجد:اركب متنوحش زي النسوان كدا.

صعد عدي وهو يسب ويلعن..وانطلق امجد خلفهم ومعه الباقي..
دخل مجدي في زحام مروري فوجد انهم سيلحقوا به فنزل وامسك يد ساره وسار بين السيارات وهما ينحنيان كي لا يلاحظهم احد..

وصل الديب ومن معه ونزولوا..واتجهوا الي سيارة مجدي وجدوها فارغه..
انور:اتاخرنا.
نظر امجد الي درغام نظره خبيثه فقال درغام:اللي يلاقيهم الأول له شرف الضربه الاولى.
امجد:مابمدش ايدي علي ستات!

درغام:اتفقنا يبقي مجدي..ثم صافحوا بعضهم وفجأه صعدوا علي اسقف السيارات وظلوا يركضوا ويقفزون من سقف الي اخر تحت صيحات اصحاب السيارات..

عدي الي انور:واحنا هنسبهم يصطادوهم لوحدهم.
ضحك انور ثم صافح عدي وقال:اللي يلاقيهم الاول له شرف اول ضربة نار.

ضحك عدي ثم ركضوا من بين السيارات ويبحثون عنهم..

في قصر الديب..
وصلت نيروز الي القصر بينما نام زين علي قدميها..
فنزلت من السياره ووجدت سهر في استقبالها..ومعها الداده حكمت..

حكمت بحنان وهي تاخذ زين منها:عنك يا حبيبتي..هنيمه مع الولاد عندنا.
هزت نيروز رأسها بتعب وقالت:انا اسفه عارفه اني بتقل عليكم.

شهقت سهر وقالت:عيب كدا يا بنتي انت زي آيات بالظبط..ثم قالت بحزن:الاقيكي فين يا آيات بس!