الحلقة الأولى ____________ أصدر المنبه صوته المزعج ليعلن وصول عقارب الساعه للسابعة والده جميلة: جميلة ..اصحى يابنتى الساعه ٧ جميلة بتثاقل: حاضر يا ماما اعتدلت جميلة في الفراش ثم نهضت لتستعد لليوم الدراسي الأول ..فقامت وأغتسلت ثم ارتدت ملابسها الانيقة ووقفت امام مرأه غرفتها لتمشط شعرها وتضع القليل من حمره الوجه .. ثم توجهت لتناول وجبه الافطار .... ومن الناحية الاخرى كان يستعد ادم للذهاب لعملة بعد القليل من الوقت خرجت جميلة من البيت ثم وقفت لتنتظر صديقاتها ملك وهبه كعادتهم ..لتجد ادم خارج من بيته نظرت له جميله و.. جميلة: صباح الخيريا أدم أدم بعدم اهتمام : صباح النور ..ازيك جميلة: الحمدلله أنت اخبارك ايه ؟ أدم: كويس الحمدلله ..عن ازنك عندى شغل ولازم امشي ..سلام جميله: اوك ..سلام حدثت جميلة نفسها" مغرور ياساتر ايه ده" ..وصلوا صديقات جميله ملك: صباح الخير ياقمر ..ايه مالك على الصبح كده قافله حواجبك ليه هبه بمزح: تلاقيها مشافتش حبيب القلب النهارده وهو نازل جميلة: لأ يا خفيفه شفته ..خليكى في حالك بقي وياله بينا بقي علشان منتأخرش ولا هنفضل واقفين في الشارع كده ؟ ملك: خلاص خلاص ياله بينا ونكمل كلامنا في الطريق استقل أدم سيارته بعد ان قام بتجهيزها ثم نظر لجميلة بعد ان غادرت مع اصدقائها.. ادم "انا ليه كلمتها كده ..كنت قليل الزوق معاها اوى ..... انصرف ادم متوجها لعمله ..وبعد نصف ساعه وصلت جميلة للجامعة ملك: هبه بصي كده مين هناك هبه: يسري ومحمد ملك: تعالو نسلم عليهم جميلة: لا روحوا انتو وانا هستناكو هنا وياريت بسرعه علشان نروح نجيب الجدول بقي توجهوا ملك وهبه ناحيه محمد ويسري و.... يسرى بإبتسامة: هبه وملك وانا بقول الجامعة نورت ليه .. محمد: ملك ازييك ملك: تمام انت عامل ايه "محمد معجب بشخصيه هبه لأنها تشبه كثيرا " يسري : مين الى معاكو هناك دى هبه: دى جميلة صاحبتنا تعالو نعرفكو عليها محمد ويسري : ياله بينا هبه: جميلة اعرفك يسري صديقنا ومحمد صاحب يسري وصديقنا هنا برضه اومأت جميله بإبتسامة: اهلا وسهلا ..مش ياله بينا بقي نشوف المحاضرات ولا ايه ..... الحلقة الثانية ____________ بعد انتهاء اليوم الدراسي جميلة: انا تعبت وعاوزه امشي مش ياله بينا بقي ملك وهبه: أوك يسري : ايه انتو هتروحوا بسرعه كده ملك: ايه رأيك ياجميلة نخرج شوية جميلة: لالا مش عاوزه اخرج انا همشي انا وانتو اخرجوا لو عاوزين ملك: لا طبعا خلاص ومن امتى بنخرج من غير واحده فيا اصلا ..خلاص ياجماعه نعوضها بعدين محمد: الى يريحكو خدو بالكو من نفسكو البنات: اووك ..سلام بدأ يسري يحدث نفسة وهو ينظر ل هبه"امتى هقدر اقولك إنى بحبك ياهبه "..محمد بيقطع تفكيره محمد: يسري .. انت يازفت اييه بكلم نفسي يسري : ده انت بنى ادم رخم يا اخى ايه عاوز اايه محمد : كنت بقولك ايه رأيك نكلم ادهم بقالنا كتير ماشوفناهوش يسري : ادم وانت عارفه هيقولك شغلى ومكتبي عاوز تكلمه كلمه محمد: استنى نتصل بيه بعد دقائق رن هاتف أدم.. أدم: محمد..فينك ياض محمد : موجود ياحبيبي وبعدين مانت لو كنت عاوز تسأل كنت اتصلت أدم: والله يامحمد كنت مشغول الفتره دى شويه ..انتو فين كده والواد يسري معاك محمد : اه وبيسلم عليك أدم: خلاص عدوا عليا في المكتب لو فاضيين محمد : طيب هنشوف كده ونجيلك ..سلام ياكبير ادم: سلام عدى الوقت وبعد ساعة وصلوا محمد ويسري مكتب أدم و.. يسري للسكرتيره: أستاذ أدم موجود السكرتيره: في معاد سابق يسري : قوليلو "الماڤيا "بره "الماڤيا كان اسم شله حسام في الجامعه" السكرتيره : انت هتهزر يا استاذ محمد : ممكن تسمعى الى قالك عليه ..قوليلو وهو هيفهم السكرتيره بقلق: ثانيه واحده دخلت السكرتيره مكتب أدم وبقلق يبدو على ملامحها :استاذ أدم في اتنين بره وبيقولو انهم ماڤيا ادم: هههههههههه دخليهم بسرعة وبعد ثوانى دخلوا مكتب أدم ..قام أدم متوجهآ نحوه أدم: ياولاد اللذين وحشتونى يسري ومحمد : واحشنا يابن اللذين تعانقوا ورحب ادم بهم أدم: تشربوا ايه ؟! محمد: لالا مش مهم دلوقتى احنا قولنا نعدى عليك كده نظبط خروجه ياض بقالنا كتير مقعدناش مع بعض أدم: مافيش مشكله . ثم نظر ل يسري ..يسري انت ياض يسري بشرود: نعم ..هو انا هلاقيها منك ولا من الزفت التانى ده محمد : من ساعة ما قابل هبه وهو كده أدم: هبه! ..حب جديد ولا ايه ؟ يسري : مش عارف بس حاسس انى مشدود ليها ولشخصيتها أدم ومحمد : تيرارارارا يسري : يااااادى الرخامة محمد : ياعم سيبك منه هنخرج أمتى أدم: نتقابل النهارده على ٩ كده كويس ولا ايه محمد ويسري : تمام ٩ هتلاقينا عندك محمد : المهم تكون الخروجه دى فيها أكل أدم: ههههههههه لسه زى ما أنت ماتغيرتش يابن اللذين ..متقلقش هعزمك من أمتى بتخرج من غير ماتاكل .... 3 و4 أدم وجميلة الحلقة الثالثه ___________ عدى الوقت دون ان يحدث شيئ يستحق الذكر الى ان جاء الموعد الذي اتفق فيه ادم مع اصدقائة..اتصل ب محمد .... أدم: ايه يابنى انت فين محمد : اخلص وانزل ياعم احنا تحت البيت أدم: طيب نازل سلام اخذ ادم مفاتيح العربيه وقام بوضع البرفيوم المفضل لديه وانصرف بعد دقيقة ادم ممازحا يسري : ايه يا عم الرومانسي يسري : اااه شكلكو هتقضوا اليوم كله عليا انا بقي ولا ايه ..ياله ياعم انت وهو نمشي بدل ماارجع فى كلامى ادخل ادم يده في جيبه لكنه لم يجد هاتفه ادم: يوووه الموبايل فوق ..هجيبه وانزل على طول معلش محمد : بسرعه وانجز ياعم ادم يسري : اللى يجي عليا مبيكسبش هههههههه أدم: هههههههههه مش هتأخر بعد عشر دقائق محمد : كل ده بيجيب الموبايل الواد ده اتأخر كده ليه يسري : نادى عليه ياعم خلينا نخلص احمد وحسام: أدم ..يا ادم ..اددددم خرج ادم البلكونه ليتفاجئ بجميله تقف امامه ..نظر لها ادم لثوانى وكأنها كانت اول مره يشوفها ..ادم يحدث نفسه"معقوله دى جميلة.. لكن يقطع شروده صوت محمد ويسري ادم: ناازل نازل.. خلاص ابتسمت جميله وهى تقول : مساء الخير يا ادم ادم: مساء النور ايه محتاجه حاجه من تحت ادم كان بيصلح الموقف الى حصل لما اتكلم مع جميله بطريقه مش ظريفه جميله: لا ابدا ..انت نازل ولا ايه ادم: ااه خارج مع صحابي شويه ..انا لازم انزل عن ازنك جميلة: اوك ..سلام اغمضت جميله عينيها مستنشقه رائحه البرفيوم المفضل لدى أدم وهى تقول بداخلها "الله البرفيوم بتاعك يجنن يا ادم ..نفسي تحس بإهتمامى بيك وتبطل طريقتك في المعامله دى " بعد دقائق محمد : كل ده علشان تجيب الموبايل ادم كان ساكت ومتجه نحو سيارته وكأنه لم يسمع ماقاله محمد يسري : ايه يابنى انت مالك انت كويس ادم بشرود: ااه انا كويس ركبوا السياره وقبل ان ينصرف ادم نظر الى جميله لكنها مكانتش موجوده في غرفة جميله وعلى سريرها رن هاتفها .. جميله: ايوه ياكوكى ملك: ايه ياقمر عامله ايه جميله: الحمدلله ياحبيبتى ملك: الغزاله شكلها رايقة على الأخر ايه في جديد ولاايه جميلة: لأ مافيش وياله بقي علشان نذاكر شويه ملك: اييه هو احنا هنبتدى مذاكره من الأول كده جميلة: ايووووه وانتى كمان هتذاكرى ملك: هههههههه ماشي حاضر ..بقولك ايه جميلة: قولى ياموزتى عاوزه ايه؟ ملك: تعالى نروح النادى يوم الجمعه نغير جو شوية جميلة: اوك معنديش مانع كلمى هبه وقوليلها ملك: اوك ياحبيبتى سلام جميله: سلام ....... الحلقة الرابعة ____________ قضي ادم اليوم مع اصدقائه وهم في طريقهم للرجوع محمد : الجمعه يا رجاله في النادى بقي اليوم كله يسري : معاك فل اوى ادم ساكت مش بيتكلم بدأت جميلة تتسلل لتفكيره بدون سبب محمد : لا لا ادم مش معانا خالص ادم: بتقول حاجه يامحمد محمد: مالك يابنى في ايه ؟ كنت بقول الجمعه الى جايه نروح النادى مع بعض ادم: طيب مافيش مشكلة بعد نصف ساعه وصلهم ادم بعربيته ثم توجه لمنزله ليجد والدته في انتظاره ادم: السلام عليكم يا امى والده ادم: وعليكم السلام ياحبيبي ادم وهو يطبع قبله على يد والدته: فكرتك نمتى والده ادم: لأ ياحبيبي هقوم احضرلك العشا حالا ادم: لايا امى انا كلت مع صحابي الحمدلله والده ادم: الف هنا ياحبيبي ..هتدخل تنام ادم: ااه يا امى ..عاوزه حاجه والده ادم: متحرمش منك ياحبيبي ..روح يابنى ربنا ينولك الى في بالك دخل ادم غرفته ..وعلى غير عادته ان حد يشغل تفكيره كانت جميله طول الوقت قدامه في نفس الوقت كانت جميله في غرفتها بتفكر في ادم كالعاده الى ان غلبها النوم ،،تشرق شمس صباح يوم جديد على ابطالنا ليذهب كل منهم الى عمله او دراسته ظلت هكذا تتوالى الأيام الى يوم الخميس ..اتصل ادم بأصحابه بيفكرهم بالمعاد يوم الجمعه واتفقوا هيتقابلو بعد صلاه الجمعه .. نزل ادم في المعاد الى اتفقوا عليه ليتفاجئ ان جميله نازله من بيتها و.... نظر ادم لجميله بإستغراب وهو يقول لنفسه'هو مش النهارده الجمعه ..غريبه ايه منزلها دى ' جميلة"ادم نازل الجمعه كده رايح على فين مش معقول المكتب ده النهارده اجازه" لكن يقطع تفكيرها ادم: ازيك يامحمد ..اخبارك يا يسري جميلة بإستغراب: محمد ويسري !! التفت محمد وهو يقول: جميلة ..هى مش دى جميلة برضه يا يسري نظر يسري لجميلة: اايوه هى غريبه ..يمكن ساكنه هنا عقد ادم حاجبيه قائلا : ايه ده هو انتو تعرفوها ؟! يسري : ايوه صاحبه ملك وهبه معانا في الجامعه ادم: والله يسري : طيب تعالى نروح نسلم عليها ولاايه توجهوا يسري ومحمد ناحيه جميلة ..ادم كان منتظرهم عند العربيه يراقب الموقف محمد : جميلة ..ازيك جميلة: ازيك يامحمد ..ايه الى جابكو هنا يسري : احنا صحاب ادم..لو تعرفيه انتى ساكنه هنا ولا ايه؟ جميلة: ايوه ده بيتنا يقطع حديثهم هبه: صباح الخير ياجميلة جميله: صباح النور اتأخرتو ليه ؟ ملك: محمد ويسري ؟! يسري : ازيك ياهبه ..ازيك ياملك محمد : ادم مش ساكت لازم نمشي والا هيفرج الدنيا علينا بكلاكساته دى وشكله كده اتخنق من الانتظار انتو رايحين فين صحيح؟ ملك: خارجين مع بعض شويه كده يسري : تحبوا نوصلكو اى مكان جميلة: لالا شكرا اتفضلو انتو محمد: طيب ..سلام كل واحد فيهم كان عينه على حبيبته بما فيهم ادم الى بدأت يارا تشده ناحيتها ومش فاهم ليه كان مدايق ان محمد ويسري يعرفوها وبيتكلموا معاها عادي كده ادم: انتو قولتو تعرفوهم من الجامعه؟ محمد : ااه انت ازاى ساكن مع القمر في شارع واحد ولاتعرفهوش ادم بضيق : قصدك ايه على جميله ! وبعدين فاضي انا للهبل ده بقي محمد : ايوه في غيرها ..مش معاكسة بس البنت جميلة و.. يقطع كلامه ادم: قصر يا محمد انت بتتكبم عن بنت اعتبرها زى اختك وخلينا نشوف هنروح فين محمد : انت شكلك معجب ولا ايه .. وصلوا عند النادى وكانت المفاجأة ....... ادم وجميلة 5و6 الحلقة الخامسة _____________ وصل ادم وأصدقائه امام النادى صف سيارته وترجلوا منها ليجد المفاجأة ادم: محمد..يسري بصوا هناك كده محمد ويسري : ههههههههه دول بيراقبونا بقي جميلة متفاجأه: ملك.. هبه محمد ويسري وادم هنا هبه: يااخبر هنعمل ايه دلوقتى يقولو اننا جايين وراهم جميلة كانت مركزه مع ادم.. توجهوا محمد ويسري ناحيه ملك وهبه يسري بإبتسامة ممازحهم : ايه الى جابكو هنا ؟! انتو ماشيين ورانا بقي ولا ايه ملك: هنراقبكو يعنى ولا ايه محمد : يمكن معجبين ولا حاجه ملك وهبه : ههههههههه انتو بتحلموا جميلة كانت مدايقه من تجاهل أدم ليها كانت بتتمنى يجمعهم حوار واحد على الاقل يسري : طيب ايه انتو مش داخلين النادى هبه: ايوه داخلين محمد بمزح: حلو اوى نهارنا ابيض ملك: نعم!! ايه يابنى الكلام البيئه ده يا ساتر محمد: هههههه ..طيب ياله ندخل يالمضه هبه: لالا تقدروا تتفضلوا انتو ..لان صاحبكو باين عليه مش حابب يكون معاكو حد يسري : هههههههه لالا هو ادم شكله كده ..تعالو بس جميلة كانت مبسوطه انها ممكن تقرب شويه من ادم او حتى فرصه تجمعهم ويتكلمو مع بعض ..توجهوا الجميع ناحيه أدم و.. محمد : أدم نعرفك ..ملك وهبه وجميله الى طلعت جارتك ازاى متعرفوش بعض ادم: اهلا وسهلا ..هندخل ولا هنفضل واقفين في الشارع كده ..المنظر كده مش حلو يعني ملك تهمس ل هبه: ايه الواد ده انا مش فاهمه جميلة بتحبه على ايه الله يكون في عونها ههههههه جميلة: بتقولو ايه ها هبه: لا ولا حاجه دخلو النادى وبعد شويه يسري : هبه عاوزك في كلمتين ثوانى عن ازنكو يا جماعة اخدها وقعدو في مكان تانى لوحدهم يتكلمو محمد اشار لملك ..ملك تعمل عبيطه محمد : ملك تعالى نجيب حاجه نشربها حد هيشرب حاجه ادم كان مدايق من الموقف لانهم كانو جايين صحاب مع بعض وفجأه الموضوع يتقلب Couple جميله كانت من جواها مبسوطه وبتتمنى ادم يتكلم معاها كويس طيب اتكلم انا اقول اى حاجه بدل ما احنا قاعدين كده ..لكن ييقاطع تفكيرها صوت ادم ادم: ايه ساكته ليه ؟ جميلة بفرحه كادت ان تظهر عليها لكنها حاولت اخفائها : لا ابدا مافيش حاجه بس قولت ممكن تكون مش حابب تتكلم ولا حاجه .. ادم: لا عادى يعنى جميلة تحدث نفسها" يخربيت غرورك الى هيوديك في داهيه ده " جميله: مالك مدايق من الى حصل او اننا قاطعنا عليكو خروجتكو ادم: لا عادى مش مدايق خالص بس تقريبا ان الموضوع كان مترتب وانا معرفش جميلة بغيظ: لا طبعا مرتبناش خالص اننا نكون معاكم ولو مش حابب نتكلم منتكلمش أحسن أدم: براحتك ..هو كل شويه مالك ومدايق اتكسفت جميلة جدا من طريقته في الكلام معاها جميلة: عن ازنك يا ادم ادم بالامبالاه : اتفضلي .. جميلة ندمت جدا انها اتكلمت مع ادم بدأت تنزل دموعها" هو ليه بيكلمنى بالطريقة دى هو فاكر نفسه ايه ده "..انتبهت جميلة لشخص ما يمسك بيدها ويقولها ..ايه ياجميل مالك هو مزعلك ولا ايه ده معندوش دم انه يزعل قمر زى ده متزعليش انا موجود جميلة : انت حيوان ..ايه الى بتقوله ده انتبه ادم لصوت جميله نظر خلفه ليجدها جميلة وبسرعه توجه ناحيتها امسك بيد الشخص الى عاكسها ضربه بقوه حتى اطاحه ارضا اقترب منها ادم بخوف يقوم : جميلة انتى كويسة وقعت جميلة ارضا فاقده الوعي .. أدم: جميلة ..جميييييلة........ الحلقة السادسة ______________ وقعت جميله فاقده الوعى أدم بخوف: جميله ...جمييييلة.. فوقى حمل ادم جميلة وبسرعه اخدها بعربيته لأقرب مستشفي ..وصلو المستشفي ودخل الطبيب للكشف عليها اتصل ادم ب يسري و... يسري : ايه يابنى انت ..عاوز ايه ادم: احنا في المستشفي يازفت فين الحيوان التانى هو كمان يسري بفزع: خير في ايه ..انت كويس وجميلة كويسه تقاطعه هبه : جميلة مالها هى كويسه فهمنى فى ايه يسري : استنى ياهبه لما افهم ادم: احنا في مستشفى ..... تعالو على هناك يسري اتصل ب محمد وملك واتقابلو على باب النادى وبسرعه وصلوا للمستشفي يسري : لو سمحت في واحده دخلت من نص ساعه كده اسمها جميله الممرضة: ايوه الدور الرابع غرفه ٣٠١ وصلوا لغرفه جميلة ليجدو ادم واقف على الباب والدكتور مع جميلة يسري: ايه الى حصل ادم: جميلة اغمى عليها لما حصلت خناقة في النادى هبه وملك: طيب الدكتور خرج من عندها ادم: لأ لسه بعد دقائق خرج الدكتور توجه اليه ادم مسرعا ادم مسرعا : خير يادكتور هى كويسه الدكتور: هى كويسه كان مجرد اغماء بسيط ادم: يعنى نقدر نشوفها الدكتور: ايوه مافيش مشكله ادم: شكرا يادكتور الدكتور: العفو عن ازنكو دخل ادم ومعاه محمد ويسري وهبه وملك هبه بلهفه : جميلة مالك ياقلبي ملك: شكلها بتدلع علينا مش كده يا جميلة يسري و محمد : حمدلله على سلامتك ياجميلة ادم اشار ل محمد ويسري ..خرجوا معاه من الغرفة ادم: ممكن تاخدوا ملك وهبه وتسيبونى مع جميلة شويه ..اصلي زعلتها قبل الى حصل ده وعاوز اصلح الموقف محمد : ليه حصل ايه ؟ ادم: المهم اعملو الى قلتلكو عليه وبعدين هحكيلكو يسري : طيب تمام تمام دخل محمد : ملك ..هبه معلش ثوانى عن ازنك ياجميلة جميلة اومأت براسها بالموافقه ملك: مش هنتأخر عليكى يا جميلة.. دخل ادم الغرفة ثم اقترب من سرير جميلة التى كانت تشبه الملائكة...اقترب من سريرها وجلس على ركبتيه وامسك بيدها ....... ادم وجميلة 7و8 الحلقة السابعة _____________ ادم: جميلة انا عارف انى زعلتك ..وعارف انك مش طايقة تتكلمى معايا واكيد بتقولى انى مغرور أو متكبر . .لكن انا مش دى طبيعتى يمكن ماتعرفنيش اوى فتحت يارا عينيها ثم سحبت يدها من يد ادم جميلة: انت ليه بتعاملنى كده يا ادم ادم: اولا حمدلله على سلامتك صدقينى ياجميلة مش دى طبيعتى خالص ممكن يكون لأنى عمرى ماكان عندى صحاب بنات ولا حتى اخوات ..فيمكن ده السبب في جفاف معاملتى وانى مبعرفش اقول حاجه ولا اتكلم مع بنات ومن يوم وفاه ابويا الله يرحمه وانا مش عارف اشوف غير امى وشغلى ..حتى صحابي يسري ومحمد وانتى عرفاهم ومش بقدر اشوفهم كتير جميلة: طيب وانا ذنبي ايه ؟ مفكرتش ان اسلوبك ده بيجرحنى ادم دون ان يشعر طبع قبله علي يد جميلة : انا اسف ..عارف انى غلطت جميله دموعها نازله ومش بتتكلم .. ادم: ممكن بلاش تعيطى ..انا اسف بجد مقصدتش ادايقك جميلة: ماشي خلاص مش زعلانه ادم: عارفة..اول مره اكون قريب منك اوى كده انتى فعلا جميلة جميلة بكسوف: ميرسي ادم : وعنيكى كمان حلوه اووى جميلة بكسوف: الله بقي خلاص يا ادم ادم بقصد اراد ان يمازحها : الله وكمان وشك بيحمر من الكسوف ضحكة جميله.... ادم: ضحكتك تجنن ..اوعدك مزعلكيش تانى ابدا ..انا عاوز اقولك على حاجه جميلة: اتفضل ادم: انا ..انا بحبك.. مش من فتره طويله بس مكنتش عارف ده ولا عارف اقولها ولا كنت متاكد منها جميله بدهشة: بتقول ايه يا ادم ادم: بقول انى بحبك سكتت جميلة ومعرفتش ترد ادم: هو انا قولت حاجه دايقتك ؟ جميلة: لأ طبعا انا .. ادم: انتى ايه اتكلمى سكتتى ليه؟ جميلة: انا كمان بحبك بس من زمان اوى ادم بمزح: من امتى بقي من ساعتين تلاته كده جميلة: لا من نص ساعه كده ههههههه ادم: ههههههههه لأبجد ياجميلة من امتى قولي جميلة: من اول يوم عرفتك فيه من لما بدات اعرف يعني ايه حب ادم: يااااه يعنى من ساعه ماسكنت في الشارع يعنياكتر من 6 سنين ياجميله ؟ جميلة: ايوه ياادم ادم: تعرفي انا كمان كنت معجب من وقتها بس مكنتش متأكد او تقدرى تقولى كده مكنتش بدى لنفسي فرصه افكر ده حقيقي ولا لا جميلة: ودلوقتى اتأكدت؟ ادم: النهارده خفت عليكى اوى وكأن حته منى بتروح بعيد عنى جميلة كانت بتسمعة ومن جواها بركان من السعاده ادم: فهرفت انى بحبك ..ومش ناوى ابعد عنك ابدا جميلة: طيب انا عاوزه امشي من هنا انا خلاص بقيت كويسة ادم: طيب هروح للدكتور وانتى اجهزى تمام جميلة: اوك ممكن تبعتلى ملك وهبه ادم: عنيا حاضر خرج ادم من الغرفه وطلب من ملك وهبه يدخلوا لجميلة يسري : ادم.. انت كويس! حسام: غريبه الفرحه الى على وشك دى على غير عادتك ادم: يعنى مبسووط شويه وحاسس انى فرحان اووى يسري : انت فايق يابنى انت حسام: ماتفهمنا ايه الحكاية !! ادم: قولت لجميلة انى بحبها محمد : بتحبها ! ده من زمان بقي اومال كنت بتقول مش عارفها ليه يسري : وبتتريق عليا هههه غريبه انك ماقولتلناش يعنى قبل كده ادم: المهم انى قولتلها وانها طلعت هى كمان بتحبنى في غرفة جميلة.... مبك: جميلة ياجوجوو ..ايه الفرحة الى فى عيونك دى جميلة: هههههههههههه هبه: الله .الله ايه هى الصناره غمزت ولا ايه ؟! جميله بكسوف: بس يابت بقي هبه وملك: ياعينى ياعينى يابخته ياعم جميلة: اوعو تفكروا انى مش واخده بالى ولا حاجه ملك وهبه: من ايه بقي جميلة: يسري ومحمد و.. يقطع كلام جميلة ..طرق باب الغرفة ملك: ادخل ادم: جاهزه يا جميلة جميلة: ثوانى وهكون عندك ادم: اوك مستنيكى متتأخريش ..... الحلقة الثامنة ____________ خرجت جميلة من الغرفة لتجد ادم في انتظارها ادم يهمس لجميلة : حمدلله على سلامت القمر بتاعى جميلة بكسوف: الله يسلمك هبه وملك: ياسيدى ياسيدى ..اوعدنا يارب ادم: طيب بعد ازنكو بقي هاخد جميلة منكو علشان واضح كده انكم هتتعبوها اكتر امسك ادم بيد جميلة واليد الاخرى يضعها علي ظهرها وهمس في اذنيها: حياتى كلها كانت هتضيع منى لو كان حصلك حاجه جميلة: يااااه ياادم لو كنت اعرف انك هتتغير كده كنت تعبت من زمان اوى ادم: هههههههه بعد الشر عنك ياروحى انا مكنتش عارف ازاى اقولك ده ولا امتى بس واضح ان ربنا اراد اننا نعرف ده ودلوقتى خرجودوا من المستشفي اوصل ادم كل منهم لبيته ثم اوصل جميلة ادم: جميلة خلى بالك من نفسك جميلة: حاضر متقلقش انا بقيت كويسه الحمدلله ادم: اكتبيلي رقمك علشان اعرف اطمن عليكى جميله : حاضر اهو .......... ادم بإبتسامة: لا اله الا الله جميلة: محمد رسول الله سلام.. دخلت جميلة البيت يبدو عليها الارهاق ام جميلة: جميلة مالك ياحبيبتى واتاخرتى ليه جميلة: الحمدلله يا ماما انا كويسة..بس عاوزه ارتاح شوية ام جميلة: طيب مش هتتغدى جميلة: لاياحبيبتى اكلت بره مع ملك وهبه دخلت جميلة غرفتها لتبدل مملابسها ثم استرخت على سريرها تحدث نفسها"معقولة ممكن اكون بحلم .. اخيرا ادم قالى انه بيحبنى كان لسه من ثوانى دمه تقيل وبيرخم عليا .. معقول انا كنت ظلماه وكنت فكراه مغرور بس هو الى كانت افعاله معايا بتقول كده "استسلمت جميله للنوم في صباح اليوم التالى.. رن هاتف جميلة جميلة: الو هبه: صباح الخير على عيونك يا جميل ايه عامله ايه دلوقتى ؟ جميلة: الحمدلله كويسة هبه: طبعا مش هتنزلى الجامعه النهارده جميلة: لا طبعا نازله انا بقيت كويسة الحمدلله هبه: ارتاحى النهارده يابنتى انتى كنتى تعبانه امبارح جميلة: لالا هنزل واقفلي بقي علشان اقوم اجهز ..سلام هبه: ماشي ياحبيبتى سلام غادرت جميلة سريرها متوجهه نحو الحمام لتغتسل وتبدل ملابسها التى كانت عباره عن'بنطال جينز وبادى وردى وشوز وردى ثم جففت شعرها وصففته وارتدت ملابسها ثم نزلت لتنتظر هبه وملك.. جميلة: ادم صباح الخير ادم: صباح النور انتى عامله ايه وايه الى نزلك من البيت؟ جميلة: عندى النهارده محاضرات مهمه ادم: كنتى تعبانه امبارح وتنزلى النهارده جميلة: لالا منا الحمدلله بقيت كويسه ادم: خلاص يبقي هوصلك في طريقي جميلة: لالامتتعبش نفسك وبعدين ملك وهبه معايا ادم: مفيش مشكله هوصلكو برضه جميلة: لا احنا .... يقاطعها صوت ادم ادم: جميلة قولت هوصلكو اركبي نستنى في العربيه جميله : حاضر بعد دقائق وصلوا ملك وهبه واوصلهم أدم بسيارته للجامعه وتأكد انهم دخلوا الجامعه ثم انطلق لعمله مسرعا .. محمد: صباح الخير ..جميله حمدلله على سلامتك ايه الى نزلك النهارده ملك: اصرت انها تنزل النهارده هبه: هو يسري فين مش نازل ولا ايه ؟ يسري : لاطبعا جاى مقدرش اسيب القمر لوحده هنا وبعدين مكنتش اعرف انى مهم كده هبه بكسوف: صباح الخير يا يسري يسري : صباح الفل .. حمدلله على سلامتك ياجميلة انا فاكرك انك مش هتنزلى النهارده جميلة: والله ياجماعه انا بقيت كويسه الحمدلله ..ولسه ادم كمان موصلنا لحد هنا يسري : الواد ده ندل جدا على فكره ومكنش بيوافق يوصلنا جميلة: ههههههههه المهم ياله بينا ندخل المحاضره بقي بعد ساعتين وبعد انتهاء اول محاضره جميلة: ملك ..ادم بيتصل هبه وملك : طيب ماتردى عليه جميلة بتردد : الو ادم: وحشتينى عامله ايه جميلة: وانت كمان ..الحمدلله ادم: خلصتى ولا لسه ؟ جميلة: ايوه انا خلصت اهم محاضراتى ادم: طيب لو معندكيش حاجه انا قريب منك هوصلك جميلة: خلاص اوك ..سلام ادم هيعدى علينا علشان يوصلنا محمد ويسري : يسلاااااام فينك ياست جميلة من زمان ده احنا شبعنا بهدله مواصلات جميلة: ههههههههه..طيب احمدو ربنا انكو تعرفونى بقي كالعاده وصلهم ادم للبيت ادم: واخيرا خلصنا منهم هههههههه ..تحبي نروح مكان نتكلم شويه جميلة: ماشي مافيش مشكله وصلو جميلة وادم لكافيه على النيل في الزمالك و.... دخلو ادم وجميلة كافيه على النيل انسجمت جميلة مع منظر النيل وفضل ادم يكلمها مش بترد ادم: جميلة ..جميلة انتى سمعانى جميلة: نعم ادم: نعم ايه انتى مش معايا خالص ..ايه الى واخدك منى بقي؟! بحب اى مكان يكون فيه بحر وهوا ..تعرف انى بحب اتكلم معاه اوى انا وهو صحااب بنتكلم مع بعض وبنفهم بعض كمان ادم: للدرجادى بتحبيه ؟ جميلة: جدا يا ادم ..لما بكون محتاجه اتكلم معاه بروحله وبيسمعنى وبرتاح اوى بعدها وكمان بحس انه بيرد عليا ادم: انتى كمان جميلة اوى من جواكى جميلة بكسوف : دى معاكسة بقي ادم بإبتسامه: بصراحه اه معرفتش جميله ترد ادم: جميلة تتجوزينى ؟.... أدم وجميلة 9و10 الحلقة التاسعة _____________ أدم: تتجوزينى ياجميلة جميلة بدهشة: قولت ايه يا أدم ادم: زى ماسمعتى ..تتجوزينى انا للاسف مكنتش حاسس بيكى كل ده ولاكنت عارف انى بحبك كده انا عاوز اعيش معاكى قولتى اية؟! جميلة والدموع تملأ عينيها: معقوله انت ادم الى بيقولى الكلام ده دلوقتى ادم: ايوه ادم الى اكتشف انه بيموت فيكى ومايقدرش يستغنى عنك ولا يعيش من غيرك.. جميلة: متأكد يا أدم من الى بتقوله اراد ادم ان يمازحها : موافقة ولا ارمى نفسي في النيل جميلة: ههههههه لالا موافقة يا ادم بعلو صوته: بحبببببك بحببببك جميلة بكسوف: ادم الناس بتتفرج علينا ادم: عاوز كل الدنيا تعرف انى بحبك وبموت فيكى جميلة: بحبك يا ادم ادم: النهارده هتكلم مع امى وهقولها تروح لوالدتك جميلة: بسرعه كده ! ادم: طبعا مافيش وقت وعاوزك جمبي في اسرع وقت جميلة: طيب مش ياله بينا بقي علشان منتأخرش اكتر من كده ادم: ياله ياحبيبتى وبعد ربع ساعه وصل ادم جميلة لأقرب مكان من بيتها ثم صف سيارته وصعد لبيته ليجد والدته في انتظاره كالعاده تعد له الغداء اقترب ادم من والدته : السلام عليكم ..وحشتينى ياست الكل ثم وضع قبله على يدها وهو يجلس بالقرب منها ام ادم: وانت كمان ياحبيبي تعالى هنا قولى مالك وايه مفرحك كده على غير عادتك ادم: عاوز اتكلم معاكى فى موضوع كده ام ادم: خير ياحبيبي ادم: مش نفسك تفرحى بيا بقي ام ادم بفرحة: يوم المنى ياحبيبي يااريت والله ادم: وهو جه اليوم يا امى ام ادم: وياترى بقي مين الى خلت قلب ابنى يدق ادم: جميلة يا امى جارتنا ..مانتى عرفاها ام ادم: عز المعرفة والشهاده لله الكل بيحكى عن اخلاقها وادبها وتربيتها واحترام اهلها ادم: حلو اوى عاوزك بقي ياست الكل تروحى لوالدتها وتكلميها تاخد معاد من والدها ام ادم: عنيا اطلعلها بكره ادم: احم ماتروحي النهارده يا امى ام ادم: هههههههه يابنى متستعجلش كده خليها بكره ادم سكت .. ام ادم: خلاص حاضر هروحلها ادم وهو يطبع قبله على يد والدته : ربنا مايحرمنى منك ابدا ياحبيبتى ويخليكى ليا دخل ادم غرفته مسرعا وامسك هاتفه و.. جميلة: الو ادم: جميلة اخيرا هنكون مع بعض جميلة: انت كلمت مامتك صح ؟ ادم: طبعا وهتطلع لواتك النهارده تاخدلنا معاد كمان جميلة بفرحة: بالسرعه دى يا ادم ادم: عاوزها تشوفك اجمل بنوته في الدنيا جميلة: وانا مش كده بقي ولا ايه ادم: انتى في عيونى اجمل بنوته في الكون .اسيبك بقي تجهزى نفسك جميلة: اوك سلام الحلقة العاشرة _____________ بعد مرور ساعه ونصف ام ادم: عن ازنكو بقي ومتتأخروش علينا في الرد..سلام عليكم ام جميبة: نورتى ياحبيبتى..حاضر مع السلامه عادت ام ادم لبيتها لتجد ادم منتظرها بفارغ الصبر و.. ادم: حمدلله على السلامه يا امى ها طمنينى عملتى ايه ؟ ضحكت ام ادم وهى تقول : يابنى سيبنى اخد نفسي طيب ادم: ماشي ياحبيبتى اقعدى ارتاحى بس طمنينى ام ادم: العروسه بسم الله ماشاء الله قمر والله وعرفت تختار يا ادم ..اتفقت مع والدتها وقالت انها هتاخد معاد من والدها لما يرجع وهيردوا علينا ادم وهو يطبع قبله على رأس والدته: ربنا يخليكى ليا ياست الكل في منزل جميلة.... ام جميلة: ايه رأيك ياجميلة في موضوع ادم؟! جميلة بكسوف: الى تشوفو يا ماما ام جميلة بضحكة : بتحبيه يا جميلة.. طب منا عارفه اوعى تكونى فكرانى مش واخده بالى دنا ام يابت واعرف ال ف عينك من غير مايحكى لسانك حرف جميله كانت ساكته مش عارفه ترد ام جميلة: طيب خلاص شكلك كده ملكيش مزاج من الموضوع ده ..نصرف نظر عنه بقي ارد عليهم واقولهم كل شيئ نصيب اسرعت جميلة بلهفه: لا ياماما .. قصدى يعنى ام جميلة: هههههههه عرفتى بقي ..عموما ياروحى هكلم بابا وربنا يسهل ..هقوم اجهز الغدا بقي بعد ثوانى رن هاتف جميلة .. جميلة: ايوه يا ادم ادم: حبيبتى بقولك ايه جميلة: نعم ادم: اطلعى البلكونه حالا.. جميلة: لايا ادم ممكن حد ياخد باله مننا ادم: اسمعى الكلام بقولك خرجت جميلة لتجده امامها والهاتف بيدها : نعم ادم: وحشتينى وعاوز اشوفك.. عارفه ان اجمل حاجه فى الدنيا ان يكون حبيبك قصادك طول الوقت.. بس ازاى انا مكنتش واخد بالى طول الوقت ده انى بحبك كل الحب ده جميلة ساكتة ومش عارفه ترد.. ادم بيقلد جميلة: بقولك وحشتينى جميلة بكسوف : ممكن تدخل بقي علشان الناس ادم: مش هسيبك غير لما اسمعها منك جميلة بإبتسامة: خلاص بقي يا ادم بعدين ادم: مافيش بعدين دلوقتى وحالا جميلة: مصر يعنى ادم: ايووووه جميلة بكسوف: وحشتنى ادم: ايه ده قولتى ايه مش سامع اصلي وقعت على ودانى وانا صغير على فكره ..معلش قوليها تانى جميلة : بتستعبط يعنى ادم: بصراحه ايوه عاوز اسمعها تانى خساره فيا جميلة: وحشتنى يا ادم ادم: بحبك ..بحببك جميلة: ممكن ندخل بقي علشان ممكن حد يسمعنا ادم: ماتسيبي الى يسمع يسمع تحبي اعلى صوتى واقولك بحبببببك جميلة بخوف: يالهوووووى يا ادم خلاص والنبي ادم: طيب قوليها تانى وهسيبك تدخلى جميلة: لالا انت طماع ادم: طيب اهو بحب....... جميلة: خلاص خلاص بحبك يامجنون ادم: والله مجنون بيكى ياجميلة ياله بقي ادخلى جوه يابت انتى مش عاوز حد يشوفك غيري جميلة: والله انت مجنون مش انت الى قولتلى اخرج ادم: ايوه انا ومن هنا ورايح ماتطلعيش البلكونه دى غير لما اكون انا موجود ..ولا اقولك ماتطلعيش خالص يابت انتى وانتى حلوه كده جميلة: هههههههه طيب ياله ممكن ندخل بقي علشان بابا هيرجع من الشغل ومش هيحصل كويس لو شافنا ادم: ماشي ياروحى ..سلام عدى اليوم على ابطالنا وفي يوم جديد كالعاده جميلة في الجامعه وادم في شغله وبعد المحاضرات وصلها للبيت لتجد والدتها يبدو عليها الحزن جميلة بقلق: ماما مالك حصل ايه؟ ادم وجميلة 11 و12و13 والاخير الحلقة الحادية عشر _________________ دخلت جميلة البيت لتجد والدتها يبدو عليها الحزن .. جميلة : سلام عليكم ..مالك يا ماما في ايه ؟ ام جميلة: تعالى ياحبيبتى اقعدى جمبي جميلة: في ايه ماما قلقتينى؟ ام جميلة: بصي انا هحكيلك بس.. جميلة: في ايه يا ماما ام جميلة: بابا رافض ادم وبيقول ان ابن واحد صاحبه كلمه ومتقدملك وبيقول انه شايف انه مناسب ليكى و.. تقاطعها جميلة بصوت عالى ودموع عنيها جميلة: ازاى يعنى هو انا ايه ماليش اى رأى هو انا سلعه بتبيعوا وتشتروا فيها ام جميلة: اهدى بس يابنتى ..استهدى بالله دخلت جميله مسرعه على غرفتها دون اى كلام والدموع تملأ عينيها امسكت هاتفها و.. ادم : الو جميلة مش قادره تتكلم وبتعيط .. ادم بقلق : الو جميلة ..جميلة ردى في ايه مالك ادم كان سامع صوت بكاء جميلة جميلة: ادم بابا عاوز يجوزنى ابن واحد صاحبه ادم بعصبيه: انتى بتقولى ايه ..مستحيل تكونى لغيري ايه الى انتى بتقوليه ده ادم سمع صوت انفاس جميلة تبتعد ادم: جميلة ..جميييييلة ..ليسمع صوت والدتها التى دخلت الغرفه لتجد جميلة مغمى عليها : جميييلة فوقى يابنتى جميله ماالك ..جميلة يابنتتتتى ادم مكنش عارف يعمل ايه وبسرعه جرى على والدته ادم: امى جميلة يا امى ام ادم بفزع: مالك يابنى في ايه وجميلة مالها ؟! ادم بخوف: جميلة كانت بتكلمنى واغمى عليها ام ادم: ياحبيبتى يابنتى ..حصل ايه بس ادم: بسرعه يا امى روحى علشان تكونى معاهم على ما اجهز العربيه وناخدها على المستشفي ام ادم: حاضر حاضر يابنى استر بارب بعد ثوانى نزل ادم ووالدته واخد جميلة على المستشفي وصلوا ودخل بيها المستشفي ادم : عاوز دكتووور بسررعه وبسرعه احضروا سرير لجميله ودخلت الغرفة ودخل الدكتور ادم ووالدته وام جميله واقفين على الغرفة ام جميلة: يارب والنبي بنتى ماليش غيرها احميهالى ياارب ادم: متقلقيش ان شاءالله هتكون كويسة بعد دقائق خرج الدكتور ادم: دكتور جميلة فيها ايه؟! الدكتور: هى كويسه كان اغماء عادى مين ادم؟ ادم: انا يا دكتور.. خير الدكتور: انت اخوها !..طول الوقت بتردد اسمك ام جميلة: عاوزه اشوف بنتى يادكتور الدكتور: تقدروا تشوفوها بي ياريت بلاش اى حاجه تدايقها دلوقتي دخلوا الغرفة على جميلة .. ام جميلة: جميلة بنتى حبيبتى حمدلله على سلامتك ادم بخوف: سلامتك ياجميلة جميلة بدات تعيط ادم: جميلة ممكن تهدى وكل حاجه هتكون كويسة علشان خاطرى ثم توجه ناحيه ام جميلة: هو عمى فين دلوقتى؟ ام جميلة: سافر الصبح وهيرجع بكره ادم: ان شاءالله كل حاجه هتكون كويسة ..متقلقيش بس جميله تقوملنا بالسلامة ام ادم: متقلقيش يابنتى ..الواد ادم ده بيحبك اوى ضحكت جميلة في خجل ادم: ايووه كده خرجت جميلة من المستشفي وروحت بيتها وعدى اليوم دخلت غرفتها علشان ترتاح رن هاتفها جميلة: الو ادم: حمدلله على سلامتك جميلة: الله يسلمك يا ادم..ادم تفتكر لسه في امل ادم: ممكن متفكريش في اى حاجه وترتاحى وانا هعرف اتصرف سيبيلي انا الموضوع ده ومتخافيش وياله بقي روحى ارتاحى جميلة: حاضر ياحبيبي..سلام في صباح اليوم التالى وصل والد جميلة والد جميلة:اومال فين جميلة والده جميلة: في اوضتها نايمه تعبانه امبارح تعبت واخدناها على المستشفي لولا ادم وامه .. والد جميلة بقلق: ليه مالها حصل ايه ودون ان ينتظر الرد توجه نحو غرفتها ليجدها نائمه فطبع قبله على رأسها ثم فتحت عينيها و.. والد جميلة: بنتى حبيبتى ..الف حمدلله على سلامتك جميلة والدموع في عنيها: الله يسلمك يا بابا والد جميلة: انا اسف ياحبيبتى حقك عليا انا عاوز ممصلحتك والله وكنت عاوزك تشوفيه ..يمكن كنتى توافقي عليه ..لكن طالما انتى عاوزه ادم انا موافق وهقابله بس تقوميلي بالسلامه جميلة: ياحبيبي يا بابا ربنا يخليك ليا والد جميلة: ممكن بقي حبيبه بابا تقوم تتغدى معايا جميلة: حاضر يا بابا والد جميلة : هستناكى متتأخريش ثم خرج واغلق الباب امسكت جميلة هاتفها و.. جميلة بفرحة: ادم بابا وافق يقابلك خلاص بكره ادم : بجد ..الحمدلله بحبك بحبببببك جميلة: هههههههه وانا كمان انا هقفل دلوقتى علشانبابا عاوزنى اتغدى معاه سلام .... الحلقة الثانية عشر ________________ تشرق شمس صباح يوم جديد على ابطالنا ..خرجت جميلة كعادتها لجامعتها وكالعاده يستوقفها ادم كان نازل شغله ادم: اجمل صباح على اجمل بنوته في الدنيا جميلة بكسوف: صباح الخير ياحبيبي ادم: بقي في عروسه في الدنيا تنزل في يوم زى ده جميلة: هههههههه ليه هو الفرح النهارده ادم: يااااااه ربنا يسمع منك ده حلم حياتى جميلة: مش تستنى يمكن انا موافقش ادم: يابنتى انا الى مكنتش موافق لكن صعبتى عليا جميلة: والله اااه ..طيب اروح اقول لبابا بقي انى مش موافقة ادم: ههههههه بحبك يامجنونه ومقدرش اعيش من غيرك وصلوا ملك وهبه .. البنات: صباح الخير ادم وجميلة: صباح النور جميلة: كل ده تأخير وانا واقفه مستنيه كده هبه: الطريق ما انتى عارفه ملك: شكلكو كده عندكو خبر حلو على الصبح نظر ادم لجميله وهو يقول : ااه النهارده هقابل والد جميلة وهخطفها منه جميلة: هههههههه هنحكى في الشارع كده ياله وفي الطريق نكمل ملك وهبه: فرحتيييينا مبرروك بقي عقبال الفرح جميلة: عقبالكو انتو كمان مع محمد وحسام ملك بتمتمه: ياارب ادم: الله ..هو في حاجه معرفهاش ولا ايه بقي جميلة: هقولك بعدين ياله بينا اوصلهم ادم بعربيته للجامعه كالعاده ثم انصرف .. وبعد انتهاء اليوم الدراسي اتصل ادم بجميلة .. ادم: حبيبتى خلصتى ولا لسه جميلة: اه ياحبيبي ادم: تمام هعدى عليكو كمان نص ساعه بالظبط اوصلكو جميلة: لالا انا عاوزه لسه اروح مع ملك وهبه علشان هجيب حاجات وكده ادم: مافيش مشكله هوصلكو بعربيتى جميلة: خليك انت في شغلك واحنا مع بعض متقلقش ادم: طيب خلاص اول ماتخلصوا كلمينى اعدى عليكو تمام جميلة: حاضر حبيبي..سلام ادم: جميلة ..استنى جميلة: نعم ادم: بحبك اوى جميلة بإبتسامة مكسوفه : وانا كماان ..يلام بقي الله ادم: ماشي يالمضه ..سلام وصلت جميلة والبنات المول وبعد ساعه ونصف اشترت حاجات كتير ثم اتصلت بأدم.... جميلة: ايوه يا ادم ادم: عيون ادم ..وحشتينى جميلة بضحكه خفيفة: وانت كمان .. انا خلصت خلاص اروح ولا هتعدى عليا ادم: خليكى مكانك اقل من ربع ساعه واكون عندك ..وقولى ل ملك وهبه انى عاملهم مفاجأه جميلة: ايه هى ؟ ادم: لما اوصل هتعرفي ..سلام جميلة: ادم بيقول انه عامل مفاجأه هبه وملك: ياعيينى على الحب جميلة: مش ليا انا دى ليكو ههههههه بعد دقائق اتصل ادم ادم: انا وصلت ياله متتأخروش بعد ثوانى خرجت جميلة ومعاها ملك وهبه ليجدو محمد ويسري مع ادم يسري ل هبه: حشتينى محمد ل ملك: الشوق الشوق . ضحك الجميع من محمد محمد : اقصد وحشتينى يعنى ادم ل جميلة: شكل كده في ناس هتقلدنا ومش هنفرح لوحدينا جميلة بإبتسامة: هى ايه الحكايه بالظبط يسري : بصراحه ياجماعه انا بحب هبه وهروح اتقدملها هبه بدهشة: بتقول ايه يا يسري يسري : الى سمعتيه ااه بحبك وهتقدملك ايه مش موافقة هبه بكسوف: موافقة طبعا ملك وجميلة: يااروح قلبي مبرررروك محمد: استنو استنو مش يمكن تباركو لحد تانى .. انا كمان بحب ملك وبفكر اتقدملها على شرط يكون في اكل حلو اليوم ده الكل: ههههههههههههههه محمد: الواحد جعان بصراحه ..المهم ايه رأيك ياملك؟ ملك: موافقة ياطفس جميلة: ياااه يا ادم كده فرحتنا كبرت بدل الواحده بقت تلاته ادم: ياله بقي اوصلكم علشان منتأخرش.... الحلقة الثالثة عشر والاخيره _______________________ كانو متفقين التلاته انهم يخطبوا في يوم واحد ويتجوزوا مع بعض .. وصلهم ادم بعربيته كالعاده و.. ادم: انا مش مصدق نفسي جميلة: ولا انا يا ادم ..معقوله خلاص حلمى هيتحقق ادم: هنحققه ومع بعض ان شاء الله ..عاوزك النهارده اجمل عروسه في الدنيا قمر ١٤ زى مابيقولو جميلة بإبتسامه: حاضر انا هطلع اجهز نفسي متتأخرش ..سلام ادم: اتأخر ايه ده انا مستنى الليل بفارغ الصبر ..سلام دخلت جميلة البيت كانت فرحانه جدا ..دخلت غرفتها ثم دخلت لتغتسل وتجهز نفسها ..ثم خرجت لترتدى فستان قصير باللون الاحمر وقامت بوضع القليل من الميكاب وقامت بتمشيط شعرها لتدخل عليها والدتها الغرفه .. ام جميلة: زى القمر الله اكبر ياحبيبتى ..ربنا يفرح قلبك ياحبيبتى يارب ..خلاص ياجميلة هتبعدى عن حضن امك جميلة وهي تحتضن والدتها: ومين قال انى هبعد بس انا هبقي عندك كل يوم مقدرش ابعد عنك ياحبيبة قلبي ام جميلة وهى تطبع قبله على رأس ابنتها: ربنا يباركلى فيكى ويحميكى ليا يارب حان موعد وصول ادم ووالدته .. استقبلتهم والد ووالده جميلة ورحبو بوجودهم والد جميلة وادم كانو بيتكلموا وبيتفقوا والده ادم : اومال فين عروستنا ام جميلة: هتيجي حالا خرجت جميلة وقدمت لهم الشربات وهى في ابهى زينتها ..انتهى والد جميلة من الحديث مع ادم و.. والد جميلة: انا مش هلاقي احسن منك لبنتي جميلة بس خد بالك دى كل ما املك يعنى تحطها في عينك ادم: اطمن في عنيا والله ياعمى متقلقش..نقرا الفاتحه بقي انتهى المعاد المحدد وقد حان موعد الفرح ..ووسط البهجه والسعاده في عيون كل الموجودين ودع كل منهم الاهل والاصدقاء واخذ كل منهم عروسته وبسرعه على بيته وصلوا ادم وجميلة للبيت ..حملها ادم ودخلوا الشقه ادم: نورتى مملكتك ياحبيبتى جميلة: مش مصدقة يا ادم حسه انى بحلم اخيرا انا معاك اقترب ادم من جميلة وطبع قبله على جبينها انتى من النهارده حبيبتى ومراتى وام ولادى ..اسرعت جميلة لغرفتها بكسوف لتبدل ملابسها ادم: هههههههههه اصل هتروحى منى فين ..ثم توجه للحمام ليأخذشاور ليبدل ملابسة ثم خرج وطرق باب الغرفة ودخل ليجد جميلة ترتدى إسدال صلاه : كنت جاي اقولك ياله بينا نصلي ركعتين بدأوا الصلاه وكان هو الامام لجميلة بدأ ادم بالدعاء "اللهم ارزقنى خيرها وخير ماجلبت.وجنبنى شرها وشر ماجلبت " بدات جميله تعيط ..انتهى ادم من الصلاه ادم: بتعيطى ليه مالك حبيبتى جميلة: عارف يا ادم كنت طول عمرى بتمنى انك تصلي بيا امام لما اكون مراتك ادم وهو يقبل رأسها: والحمدلله الحلم اتحقق افرحى بقي قام ادم بحملها ودخل الغرفة وسكتت شهريار عن الكلام المباح ....... تمت.... بقلم غادة نبيل.
