رواية زواج لم يكن في الحسبان(ج الأخير) بقلم أمل أحمد | Completed Love Fiction
إيمان : كل بنت وليها تفكيرها ومعتقداتها مش كل البنات زي رانيا هو ف زيها بس في بنات كويسة انساها يا حبيبي رانيا مكانتش مناسبة ليك من الأول بالرغم من الخلافات اللي كانت بتحصل بينكم وكان ف إشارات تثبت انكم مختلفين بس حبك ليها كان مش مخليك شايف دة كنت متحملها بقرفها بسبب حبك ليها لغاية لم جت هي وصدمتك أنها تخلت عنك فوقت بعد فوات الأوان بس ربنا بيحب الخير لعبده يا يامن متخليش واحدة زي دي تعكر حياتك ، العلاقات يا حبيبي مش أساس نجاحها الحب في حاجات اهم الثقة والتقدير والصدق ، الحب مهم بين الطرفين بس ف حاجات أهم شوف حياتك وفوق لنفسك وكون عيلة خاصة بيك
يامن : تفتكري هلاقي بنت بتفكر زي ما أنا عايز ؟
إيمان: أكيد موجودة بس ميعاد اللقاء لسه مجاش
ف القاهرة
يدلف يونس إلي الغرفة يجد رغد جالسة على الفراش
أردف : لسه صاحية ؟
رغد : مش عارفة أنام
يونس : رغد أنا كنت عايز أقولك على حاجة
رغد : حاجة ايه ؟
يونس : المدة قربت تخلص
رغد : مدة ايه ؟
يونس : باقي شهرين على علاقتنا
رغد بحزن داخلي : أنت بتحسبهم لدرجة دي أنا عالة عليك عايز تخلص مني ونهضت من على الفراش بصعوبة
يونس : على فين ؟
رغد بضيق : رايحة أوضتي
يونس بندم : أنا آسف يا رغد أنا مش عارف انا قولت كده أزاي والله ما قصدي أجرحك أنا كنت ……..
رغد وهي تتجاهل حديثه تترك الغرفة وتخرج منها
بعد أن تركت الغرفة
يونس بغضب : غبي ايه اللي انا قولته ده ؟ وليه أقوله أساساً
ف غرفة رغد وهي تجلس على الأرض و تبكي أردفت وسط شهقاتها : هو بيعمل معايا كده ليه ، بس الشهور اللي فاتت أفعالة كانت مختلفة كنت فاكرة أنه ممكن ينسي ويبقى في فرصة تانية
مسحت دموعها وأردفت : أنا لازم أنفذ اللي ماما قالت عليه وسرحت بذاكرتها
نادية : عايزاه يحبك أغريه
رغد : أعمل ايه ؟
نادية : زي ما سمعتي
رغد : ازاي ؟
نادية : بالرقة والدلع، غيري طريقة كلامك معاه ، ابهريه بأنوثتك،غيري طريقة لبسك خدي حريتك بلاش القيود المعقدة دي والتعامل برسمية معاه
أجذبي انتباهه أنتي وشطارتك بقا وخدي راحتك دة جوزك وحلالك مسموح لك بأي شئ بس ف نفس الوقت متفرضيش نفسك عليه حاولي تكسري الحدود اللي بينك وبينه بس بطريقة غير مباشرة لغاية لم هو اللي يكون عايز قربك منه فهمااااني
