رواية حب أعمى(الفصل الأول إلى العاشر)بقلم الكاتبة شاهندة | New Episode – Read Online
قالت بدور بابتسامة:
نوران..أنا بفكر نتصل بيها تجيلنا يوم الخميس واهو نصالحها بالمرة
ابتسمت ضحى موافقة..لينظران الى الصغير بحنان وهو يصدر صوتا فرحا لأنه انهى تركيب لعبته الصغيرة..التفتت بدور الى ضحى قائلة:
ضحى.. افتكر انك هديتى دلوقتى..وتقدرى بالراحة تقوليلى سيبتى بيتك وبعدتى عن شهاب ليه؟
ظهر الألم على وجه ضحى مجددا وهى تقول:
هحكيلك يابدور..هحكيلك كل حاجة
**************
دلف سليم الى حجرة المكتب حيث يجلس زين ومعه ذلك الرجل..لينتفض الرجل واقفا فور رؤيته ليمسكه زين قائلا بحدة:
قلتلك أقعد احسنلك
جلس الرجل مجددا فى احباط ليقترب سليم من مصدر الصوت قائلا بهدوء:
ممكن أعرف انت مين؟وكنت عايز تقـ,ــ,ـتلنى ليه؟
قال الرجل بسخرية:
انت هتستعبط ؟..ماانت عارف كل حاجة
قال سليم بصرامة:
احترم نفسك ياراجل انت..أنا ساكتلك من الصبح
أثارت نبرات سليم الصارمة الرجفة فى قلب ذلك الرجل ولكنه قاوم تلك الرجفة ليقول بحدة ممزوجة بالألم:
هتعمل فية ايه أكتر من اللى عملته؟؟
قال سليم فى هدوء:
بص..كل اللى واصلنى منك انك بتقول انى السبب فى تدمير حياتك..ودى اكيد حاجة مش سهلة..فمحتاج أفهم عشان اعرف انا متهم بإيه بالظبط وأعرف ارد عليك..ولو ليك حق عندى..قسما بالله هرجعهولك
لم يدرى لما شعر الرجل بصدق كلمات سليم وارتاح اليها ليقول بهدوء:
أنا عادل فواز المهندس المسئول عن المبانى الجديدة فى القرية السياحية بتاعتك..لما جالى الاستاذ حسام وطلب منى العب فى معايير البنا وأغش فى الأساس رفضت بشدة..وطردته وقلتله انى مستحيل اخالف ضميرى وانو لو كرر طلبه هبلغ البوليس..تانى يوم لقيت البوليس بيقبض علية وبيقول انى متهم فى قضية غش وتزوير ..اتجننت..وفضلت اصرخ واقول انى برئ..وانكم لفقتولى التهمة بس محدش سمعنى..والدتى تعبت ودخلت المستشفى وبيتى وولادى وسمعتى.. كل ده اتدمر فى ثانية..لغاية ما قدرت اخرج بكفالة على ذمة القضية..وجيتلك علطول عشان انتقم منك
صمت الرجل ليأخذ نفسا عميقا يهدئ به انفعاله ..بينما قال زين موجها حديثه لسليم:
حسام خدعنا ياسليم
أومأ سليم براسه موافقا ليقول بهدوء موجها حديثه لعادل:
استاذ عادل ..كل اللى اعرفه عن موضوعك عرفته من حسام لما جه وقالى انك غشيت وزورت فى أوراق البنا..وانه هيرفع عليك قضية ومحتاج امضتى..ولانى كنت بثق فيه مضيت علطول..لكن اوعدك ان كل حاجة هتتصلح..اكتر حاجة ممكن توجعنى الظلم..وانا ميرضنيش تنام ولو ليلة واحدة مظلوم بسببى
