رواية روح و ريحان(الفصل الثامن والثلاثون إلى الحادي والأربعون) بقلم ايناس عادل | New Episode – Read Online

الفصل الثامن والثلاثون

– السلام عليكم .. ايوة يا يوسف ..

فرك “يوسف” عينيه وهو يعدل من وضع هاتفه على أذنه قائلا :
– هما كل اللي اسمهم باسل مزعجين كدة .. انا ماصدقت الواد نام علشان انام لي شوية .. عاوز ايه ..

ضحك “باسل” قائلا :
– يعني انت تنام وانا اعمل ايه بقى ..

جلس “يوسف” قائلا :
– تعمل ايه في ايه يابني انت ..

نظر “باسل” لشرفة “ريحانة” وهو يسير في الحديقة قائلا :
– زي ما اتصرفت وحليت مشكلة روح .. تتصرف في جدك ..

ضحك “يوسف” بشدة وهو يقول :
– والله انت تستاهل اللي يجرالك .. فضلت تعقد الموضوع لنفسك ويوم ما عقدك اتفكت جه اللي يحطلك عقد تانية ..

عقد “باسل” ما بين حاجبيه وهو يبتسم قائلا :
– يوسف انا مش ناقصك .. يعني انا ما صدقت ان روح تبطل غيرة .. الاقي جدك هو اللي بيغير على ريحانة ..

حاول “يوسف” إيقاف ضحكاته المسترسلة وهو يقول :
– يعني انا اشتغلت دكتور نفساني علشان اعالج العيلة دي .. وبعدين مشكلة بنتك كان مقدور عليها .. لكن قولي اعمل ايه في جدك .. متنساش انه طول عمره متعلق بريحانة .. عاوز تيجي انت فجأة تاخدها منه ..

رد “باسل” بضيق :
– اخدها منه ايه بس يا يوسف .. دي هتعيش معاه في نفس البيت .. فرقت بقى انها هتكون في شقة تانية .. وبعدين بطل رغي واتصرف .. هو بيسمع كلامك .. لكن انا بقيت غريمه ولا بيعبرني ..

ضحك “يوسف” قائلا :
– حاضر .. سيبني انام بقى .. وبالليل ان شاء الله وانت عندهم انا هتصرف .. خلاص ..

ابتسم “باسل” قائلا :
– ماشي اما نشوف ..

———————

– صباح الخير يا حبيبي ..

– صباح الخير يا مليكة قلبي ..

– احم احم .. انا بأوحرج ..

ضحك “طارق” قائلا :
– بتأوحرجي من ايه بس .. انا زي جوزك والله ..

تعلقت “ريم” في رقبته قائلة :
– ايه دة بقى .. يعني انا زي مراتك بس ..

أحاط خصرها بيديه قائلا :
– انتي كل حاجة في حياتي ..

لمعت عيناها وهي تقول :
– حياتك .. اممم .. بس مش دة الاسم اللي احنا اتفقنا عليه يا هندسة .. بتستغل اني دخلت غيبوبة .. وتسمي بنتك على مزاجك ..

ضحك وهو ينظر لعينيها قائلا :
– على اساس اننا اتفقنا على اسم اصلا .. وبعدين حياة دة طلع من قلب الحدث ..

ابتسمت قائلة :
– قلب الحدث .. اه ..
ثم خفتت ابتسامتها وهي تقول :
– انت فعلا اتأثرت اوي كدة بغيابي .. يعني زعلت علشاني اوي كدة .. مع ان مفاتش على جوازنا كتير ..