رواية مقيدة بأصفاد مخملية(الفصل الحادي عشر إلى الأخير)بقلم سارة نيل | Complete Novel – Reading App
وأخذت تسرد له كل شيء متعلق برحيق تحت حزن عِز وتأثره ولم يشعروا بالتي تقف خلف باب المنزل وقد استمتعت لحديثهم ونبت على فمها إبتسامة خبيثة..
ردد عِز بحماية:-
– أوعى تخافي من حاجة يا قطوف، محدش يقدر يمسك بأذى حتى من غير ما شريف الهواري يعمل المسرحية دي .. وخليك معايا أول بأول…
عقدت حاجبيها نظرت له بأعين ضيقة ثم قالت بشك:-
– الكلام ده ليا يا عِز ولا أيه، أنت ناسي أنا معلمة عليك كام علامة..
تحسس عِز جبينه وانفجر ضاحكًا وهم يسردون أحداث الطفولة…
******بقلم/ سارة نيل******
بالطابق الأخير من بناية راقية مكونة من عشرون طابقًا كان جبريل الذي يقف راسخًا كالافلاذ يقف أمام رجل شديد ملامح الوجه وقد اشتعل رأسه شيبًا ورغم هذا مازالت أعينه محتفظة بنظرة ثاقبة حادة كالصقر..
هتف الرجل بصوتٍ أجشّ:-
– معلومتنا سرية جدًا وحقيقتنا هي إننا مش موجودين يا جبريل … إحنا ملناش وجود..
حتى شريف الهواري نفسه مش لازم يعرف إن أنت من منظمة Falcon وإنك موجود لحمايته..
حرك جبريل رأسه وقال بخشونة:-
– متقلقش يا باشا دي مش أول مرة .. إحنا ملناش وجود..
استدار وسار حتى وقف أمام جبريل وضرب فوق كتفه وردد بثقة:-
– لو كنت قلقان منك يا جبريل مكونتش وصلت للمكانة إللي أنت وصلتها عندي دي..
قولي الخاين من بيت شريف اتعرف..
أخرج جبريل من جيبة شريحة تسجيل صغيرة وسلمها بيد الأخر وهو يقول:-
– الخاين شخص مقرب جدًا من شريف الهواري وبيثق فيه … حد من عيلته..
بس للأسف للشخص ده دخل أوضة المكتب وهو ملثم وجسمه كله سواد..
ترعرعت إبتسامة ماكرة فوق شفتي هذا العجوز وقال:-
– سهلة أوي … يعني علشان لابس أسود ومغطي وشه مش هنعرف نوصله .. خلال أربعة وعشرين ساعة هيوصل لموبايل شريف الهواري وموبايلك تقرير بحقيقة الخاين..
أنت ركز في الأمور التانية..
تمام يا جبريل..
ردد جبريل بإحترام:-
– تمام يا يونس باشا .. عن إذنك يا باشا..
*****بقلم/ سارة نيل******
بعد قليل وصل جبريل لمنزلهم لكنه تصنم وهو يرى هذا البغيض أمامه بصحبة قطوف ورحيق وأصوات ضحكاتهم متداخلة..
شعر بالنيران تندلع بقلبه في حين انكتم صوت الضحكات فور أن شعروا بوجوده..
بادله عِز نظرات ساخطة كارهة واستقام وهو يقول لقطوف:-
– الجو بقى خانقة مرة واحدة كدا يا قطوف، أنا هقوم بقاا وإحنا على اتصال لو احتاجتي أي حاجة قوليلي وأنا هبعتلك الأكل كل يوم..
