قصة من حبيبي بقلم إيمان وائل | Interactive Drama Story
جاسر: قاعده لوحدك ليه
لينا : مستنيه فارس
جاسر: اه
ليجلس بجوارها علي احد الكراسي
جاسر: عايز اتكلم معاكي شويه
لينا بسخريه : ايه الاحترام ده
جاسر: اسمعي يا لينا انا عايز يعني
لينا: عايز ايه
جاسر: انتي بتحبيني صح وانا عارف
لينا بدهشه : نعم
جاسر: متمثليش دور الخضره الشريفه
لينا بغضب: انته اهبل صح انا عمري ما حبيتك وانا مش بمثل انا اشرف منك انته واحد حقير مفكرين ذي البنات الي ماشي معاهم
جاسر بغضب: كلكوا صنف واحد
لينا بغضب: فوق لنفسك صوابعك مش ذي بعضها انته الي حيوان وتفكيرك متخلف
يرفع جاسر يده ليضرب لينا لكن فارس يمسك بيده لينظر له بعيون حاده كالصقر
فارس بغضب: بتمد ايدك علي اختي
ليلكمه في بطنه ويستمر في ضربه حتي كان سيموت في يده
لينا ببكاء: فارس خلاص هيموت
فارس بغضب وعصبيه : سيبني اموته واخلص منه
ليمسكه من لياقه قميصه : بقا انته يا حقير عايز تضرب اختي واللهي لوريك
كانت ميري في الجوار لتشاهد تجمع الطلاب وتذهب لترا فارس يضرب جاسر لتقترب من فارس
ميري : فارس سيبه هتموته
فارس بغضب: هموته
ميري بعصبيه: انته اتجننت سيبه يا فارس
لينا ببكاء: عشان خاطري سيبه
يهدأ فارس بعد ان رزع جاسر علقه موت
ويذهبا للسياره اما جاسر ينقل للمستشفي
ميري بغضب: ايه الي عملته ده
فارس:٠٠٠٠
ميري: مبتردش ليه
فارس بحده: كنتي فين
لينا : فارس اهدأ
فارس: لينا متدخليش سؤالي واضح كنتي فين مش قولتلك انا جي اخدك انتي ولينا
ميري: كنت بجيب المحاضرة الي نقصاني وكنت هروح لوحدي
فارس بحده : اه ما انتي دماغك حجر اسمعي بقا انا هاجي اقابل امك الليله ونحدد معاد الفرح عشان اشوف بعد كده كلامي مش هيستمع اذاي
ميري: طيب مش هنعمل خطوبه الاول
فارس بصوت عالي: نعم يا ختي بت انتي انا قولتلك بحبك من سنتين وانتي الي كل اما اقولك اجي لمامتك تقولي لا بعد تالته لا بعد رابعه ايه ارحمي بقا الي قدي اتجوزوا وخلفوا
ميري: كنت مناعك انا اظن منا قولتلك لو مش عجبك روح اتجوز غيري
فارس: ما هو حظي الهباب محبتش غيرك يا لمضه
ميري بغضب: هباب طيب مش موافقه
فارس بخبث: لا مش هتعرفي ترفضي لو رفضي هخطفك واتجوزك انا مستنيكي من سنتين
ميري بتحدي: هنشوف
وعند ادم كان يراجع الورق ليرن هاتفه برقم غريب
ادم : الو
لينا ؛ الرائد ادم
ادم باستغراب: لينا خير
لينا بلطف : انا عايزه اشكرك
