رواية أحزان رهف بقلم سحر فرج | Interactive Drama Story
الحلقه 5
من روايه..احزان رهف
بقلم ✍✍ سحر فرج
بعد أن غادر فارس اتصل عمر بوالدته لكى يبلغها بما حدث لرهف وقامت الام بالرد عليه .
الام. السلام عليكم ايوا يا حبيبى انت اتأخرت ليه ده انا لسه كنت هاتصل بيك . انت واختك رهف هى كمان اتأخرت وده مش عوايدها.
عمر …. انا بخير يا امى ما تخافيش حتى رهف معايا اهى اطمنى.
الام … انت ورهف مع بعض ليه خير يا عمر طمنى.فى ايه انطق ما توجعش قلبى يا ابنى.
عمر …. اهدى يا أمى احنا بخير والله هو بس…!!!
الام …. هو بس ايه اختك حصلها حاجه انطق يا عمر.
عمر…… والله يا امى هى بخير حتى خدى كلميها اهى .
رهف … ايوا يا ست الكل انا بخير وكويسه يا ماما ما تخافيش عليا اطمنى.
الام …. اومال انتم فين قولى يا رهف ما تقلقنيش عليكم يا بنتى.
رهف …. حكت لأمها على اللى حصل من ساعه ما نزلت الصبح على كليتها لحد ما اتصلت بيها.
الام…. طيب انتم فى مستشفى ايه انا هاجيب رغد واجيلكم بسرعه.
رهف.. قالت لامها على اسم المستشفى وخلال نصف ساعه كانوا وصلوا للمستشفى هى ورغد وجريت الام على رهف علشان تطمن عليها وفضلت تعيط على بنتها وعلى الحاله اللى هى شافتها عليها
عمر ….. اهدى يا ماما هى كويسه والدكتور طمنى وكلها كام يوم وترجع البيت انشاء الله.
قامت الام بمسح دموعها من على وجهها
وحمدت ربنا على كل ما حدث لابنتها وشكرته انها بخير وتوجهت رغد وحضنت اختها وضمتها إليها وبكت هى الأخرى من خوفها على رهف.
عمر….. اطمنوا يا جماعه خير انشاء الله وهى كويسه.
وفى المساء جلس الجميع بجوار رهف يتحدثون ويتذكرون ما حدث لها .
وبعد قليل دق باب الحجرة وفتح له عمر وقال له مين حضرتك
حسام انا المهندس حسام صفوان.
عمر… يعنى مين حضرتك
رهف… اهلا وسهلا يا بشمهندس حسام اتفضل.
اقترب حسام من رهف وألقى التحيه على كل من فى الغرفه وتوجه نحو رهف.
رهف ده المهندس حسام يا ماما اللى خبطنى بالعربيه
عمر …. هو انت مش تخلى بالك وانت سايق انت ايه ماكنتش شايف.
الام اهدى يا ابنى اختك بتقول هى اللى غلطانه وعدت من غير ما تاخد بالها
حسام … سبيه يا حاجه هو عنده حق حتى لو اللى معدى مش واخد باله المفروض انا كمان اخد بالى.
عمر …. انا اسف بس فعلا لازم تاخد بالك من طريقك حتى لو هو اللى غلطان.
الام…. اتفضل يا ابنى اقعد.
قالها شكرا يا حاجه.
الحلقه 6
روايه … احزان رهف
بقلم ✍✍ سحر فرج
راح عمر الكافيتريا علشان يجيب حاجه لمامته واخواته والضيف اللى موجود وبعد شويه رجع ومعاه بعض العصاير والباتيه السخن وقام بتقديمه ليهم وقام بتقديم العصير والباتيه لحسام
حسام….. شكرا يا عمر تعبت نفسك ليه
عمر … ولا تعب ولا حاجه.
الام….. اتفضل يا ابنى ما تتكسفش وشكرا على تعبك معانا
حسام….. وهو بيبص لرهف اللى لاحظت أنه عمال يبص لها من ساعه لما دخل ولما خد باله انها شفته احمر وشها الابيض وتغيرت ملامحها
لاحظت أمها تغير ملامحها ولاحظت هى كمان نظرات حسام ليها.
وبعد فترة قام حسام وقالهم استاذن انا يا جماعه والف سلامه على الانسه رهف ولو عوزتوا اى حاجه اتمنى انكم تتصلوا بيا وادى رقمه لعمر وخد رقم عمر
وخرج معاه عمر ووصلوا لحد باب المستشفى لحد ما ركب عربيته.
الام ….. بسم الله ما شاء الله على المهندس حسام ده شكله ادب واخلاق وتربيه وشكله كمان ابن ناس محترمه ولاحظت يا رهف أنه عمال يبص عليكى جامد.
رغد …. اه يا ماما عندك حق طول ايه وعيون ايه وشعر ايه ولا غمازاته يا لهوووووى.
رهف …. وشها احمر من كلامهم وقالت اتلمى يا رغد عيب مالوش لازمه الكلام ده.
وقاطعهم صوت جرس تليفون رهف وعرفت أن المتصل سلمى زميلتها وقامت بالرد عليها.
سلمى …… ايه يا ست رهف مش قولتى انك جايه النهارده الكليه.
رهف… ازيك يا سلمى وازى ريهام. والله يا بنتى لبست وكنت جايه ويادوبك وصلت اودام الكليه وحصلى حادثه.
سلمى حادثه ايه يا رهف احكيلى
رهف حكت لسلمى كل ما حصل.
سلمى …..انشاء الله يا حبيبتى هاكون عندك الصبح انا وريهام وقفلت معاها.
ورجع عمر ليهم عند رهف وفضلوا قاعدين شويه مع بعض وبعد فترة اخد أخته رغد وروحوا على البيت وفضلت مامته مع رهف.
وفى منتصف الليل دخل الدكتور فارس الحجرة علشان يكشف على رهف وألقى التحيه على مامتها وقالها منورة يا حاجه
الام…. تعيش يا ابنى ربنا يخليك.
فارس….. عامله ايه يا دكتورة رهف دلوقتى
رهف…. الحمد لله يا دكتور احسن شويه من الصبح وحسيت أن الالم بدأ يخف شويه بعد العلاج.
قالها الحمد لله وقام بالكشف عليها وطمن مامتها عليها وقتلهم لو عوزتم اى حاجه انا موجود وخد بعضه وخرج وقفل باب الاوضه وراه.
وقامت الام بالدخول للوضوء وأخذت ركن من اركان الحجرة لكى تصلى .وبعد انتهاء الصلاه توجهت نحو رهف ولاحظت انها نامت من كتر التعب واللى حصل معاها طول النهار وغطتها كويس .وتوجهت للسرير المقابل لرهف وفتحت المصحف الشريف وقرأت به بعض السور القرآنية حتى غلبها النوم وأغلقت المصحف ووضعت راسها على المخده ونامت.
وفى الصباح الباكر صحيوا على صوت خبت على الباب وتوجهت الام نحو الباب وفتحت الباب لقت راجل ومعاه بوكيه ورد جميل اوى وحدته الام وقفلت الباب وشكرته.
رهف ايه ده يا نانا مين جاب بوكيه الورد ده.
الام مش عارفه يا رهف استنى كده اصل فى كارت جوله
فتحت الام الكارت وقرأت الاسم اللى موجود وعرفت أنه المهندس حسام
واديته لرهف وقرأت رهف الكلام الموجود وهو.
صباح الخير .
يارب تكونى أفضل دلوقتى وربنا يقومك بالسلامه
ووضعت الام بوكيه الورد وبعد فترة جه الدكتور فارس واطمن عليها وطمن مامتها وخرج
وجت ريهام وسلمى واطمنوا على رهف وفضلوا يضحكوا ويهزروا لحد ما باب الاوضه خبت وفتحت له سلمى وطلع حسام
حسام…. صباح الخير
الام صباح الخير يا ابنى اتفضل
ووقفت سلمى جمب ريهام وغمزت لها
وتوجه حسام نحو رهف وسلم عليها وخد باله من وشها والاحمرار اللى ظهر عليه
وسلم على ريهام وسلمى
حسام….. اخبارك ايه يا انسه رهف النهارده
رهف… الحمد لله احسن دلوقتى
حسام …. الحمد الله يارب تقومى بالسلامه
الام…. تعبت نفسك ليه يا ابنى وجيت
حسام…. ولا تعب ولا حاجه يا حاجه تعبكوا راحه وقالها وهو بيبص على رهف
ولاحظت ريهام وسلمى النظرات اللى بينهم.وفضلوا يبتسموا لبعض
وبعد دقائق استأذن حسام وخرجت الام معاه لحد باب الاسانسير.
لكن ريهام وسلمى فضلوا يضحكوا ويقلدوا حسام ورهف وهما بيتكلموا وفضلوا يضحكوا.
وسلمى… قالت لرهف ايوا بقى شكله حصل يا ست هانم
رهف….. بكسوف هو ايه اللى حصل يا بايخه انتى اتلمى
ريهام …. ده حصل وحصل .وحصل
وفضلوا التلت بنات يضحكوا
وبعد يومين رجعت رهف لبيتها بعد ما اطمن الدكتور فارس انها بقت كويسه وسمح لها بالخروج.
