مشكلتي مرات اخويا | Interactive Drama Story

مشكله عضوه  

يا جماعه انا عايزه اخذ رايكم في حاجه بس بجد عايزاكم تقولوا لي بما يرضي الله انا غلطانه ولا لا عشان بجد امي منكده عليا جدا انا بشتغل في محل حلويات ايام الدراسه

وبقيت اخد كورسات وبقيت متمكنه كويس جدا فعمل التورت والحلويات المهم بقى مرات اخويا كانت بتتعلم مني طبعا انا اتخرجت وبقيت واخده بالي من شغلي وسبت شغل الحلويات ده كله اه صحيح انا في مره دخلت مسابقه وكسبت في المسابقه دي وادوني ادوات الحلويات الحاجات دي معديه الالافات تمام كده  

المهم بقى مرات اخويا اتعلمت مني شويه وبقت تعمل تورت للجيران كمان وبعدين بقت تيجي لها شغل واوردرات طبعا للافراح طبعا هي مش متمكنه فكان التملي تتحايل عليا ان انا اعمل لها تورت للفرح لان طبعا

مكسبها عالي والله انا كنت ساعات اتاخر على شغلي بسبب ان انا كنت بساعدها وكنت برجع والله تعبانه واضغط على نفسي المهم انا كنت عندها وهي راحت عملت الكريمه بتاعه التورته والكريمه طلعت بتمط ومش حلوه مش مظبوطه يعني طبعا لو كانت هتعمل بيها التورته ما كانتش هتكون كويسه خالص وعلشان طبعا ما حدش يعيب عليها وده شغلها ما رضيتش تعمل بيها بصيت لقيتها حطيتها جوه كيس قلت لها انت هتعملي

بالكريمه دي ايه قالت لي هرميها طبعا قلت لها بصي بدل ما ترميها هاتيها انا هاخدها وفعلا خدتها وجبت دقيق سبونش وعملت تورته لاخويا هو بيحبها ووديتها له ثاني يوم المهم لقيت ابن اخويا بيقول لي ماما بتقول لك هاتي 100 جنيه رنيت عليها قلت لها انت عايزه ال 100 جنيه ليه اتصد..مـ،ـت لما لقيتها بتقول لي دي ثمن الكريمه اللي انت خدتيها انا اديت الفلوس للواد ابنها بس بقى طلعت اخذت الحلل بتاعتي وكل الحاجات اللي هي خدتها من عندي اللي انا كنت كاسباها قبل كده في المسابقه كنت سايباها عندها تشتغل بيها قعدت عندها يجي سنه المهم راحت اشتكت لامي ولاخواتي الاولاد على تصرفي ده امي عماله تقول لي خلاص عشان خاطر اديهم لها وخلاص تشتغل بيهم وانا مش راضيه لا وكمان انا خدتهم عند جارتنا وشلتهم عندها علشان امي طبعا لو شافتهم ممكن تديهم لها فمش عارفه انا حابه اسالكم هل انا غلطانه في اللي عملته ولا كان عندي حق يا ريت تفيدوني